2016年1月19日 星期二

冰島格陵蘭自由行之旅2015-10-14第十八天(雨天及後轉晴)

我今日好開心我今日好開心我今日好開心~~~~~~呢兩日都係被指派去做一樣比較輕鬆既工作~(但我都有用心做架;])....令我膊頭無咁痛呢~~~~~~(我又以為今日係星期三)



2015-10-14
Day 18(冰島,雷克雅未克 Iceland,Reykjavik->芬蘭,赫爾辛基 Finland,Helsinki->丹麥,哥本哈根 Denmark,Copenhagen)

4點半就出門口喇~~~天都未光~~~好眼訓呀~~~辛苦哂阿Sam揸車~~~~




眼矇矇咁望出車窗外....呀....點解個天咁怪既?有雲既物體但識郁....諗諗下......攞個相機曝下光先.....下!!!!!!!真係極光~~~~~~~~~~~~~(見到d綠色嘛?)....好野~~~終於俾我係首都望埋極光~~~~我的第八晚極光夢!!!!!!!!!!!!!!!!之後睇睇下綠色越黎越深!!!可惜當時好震....影唔到好相~~~~~~~~~~不過係咁震既情況下都影咁少少綠色!!!算係幾好~




去附近油站入滿油~~抹埋車身~~就還車喇~~~我地今次行左成11140KM!!!!!好利害~~




到左冰島機場~~~華~~上次黎check in一個人都無架喎~~不過我地上次無咁早機~~~~




好彩我無傻更更咁就咁走埋去排隊~原來條隊就咁Drop Off架咋~~要自己係自助機度check in左同埋揀埋位先~




一d都唔難用輕鬆咁print到boarding pass喇~~~我好叻呀~~




係市區搵唔到佢既酒版仔~黎到機場終於搵到喇~~~冰島出既伏特加~~Reyka~~買左幾支番黎自己試下又送俾人試下~ISK399=24.9hkd....不過我仲未飲~




另外仲買左呢支Katla試下~




入左禁區之後發現咁早都咁多人既~巧熱鬧話~




入面有Blue Lagoon既專門店上次黎就已經知...唔知既係.....原來佢朝早6點幾就已經開左!!一早知既話就等大比佢地唔使噚日特登揸45分鐘車去買啦~(因為我地今次無浸哥個溫泉...而且佢地兩個話佢地d產品好好用!)




仲有一樣重要事就係退稅喇~~禁左飛仔埋到去先知.....原來如果想將d退稅既錢退落信用卡度既話係唔需要攞飛的...只需填好d退稅單入面d資料....然後將全部單放入佢某個特定既箱...咁就番到屋企印印腳等收錢架喇~而且佢退得算快~番到去我出左信用卡單時已經退左~算方便~





淨番少少現金就買埋野食上機食啦~最後一餐冰島早餐喇....好唔捨得呀!!!!!!!!!!!!!!!!!!!!支冰島礦泉水我係澳門都有見過...哥時仲要係買滿唔知幾錢超市送的..神奇!!(圖中最前哥罐小花生超好食~)




唔記得開始時介紹Iceland Air係有得用USB差電的~~太好了~~~點解我可以整到條USB咁醜既....(記得USB是自備的)




我地係搭Iceland Air既AY6816班機(與Finn Air聯營)...07:30由冰島雷克雅未克直飛芬蘭赫爾辛基....一要起飛冰島美人就哭哭了!!!唔怪得有首歌叫"分手總約在雨天"....




你唔好咁啦....我會好唔捨得你架!!!!!!我應承你...我一定會就番黎架!!你等我呀!!!!






實在係太傷感....睇d咩都係灰色....




睇住架飛機慢慢遠離冰島...我個心好痛....................




查實都幾戇居喎...你睇下...左上角白色雪地其實就係格陵蘭(Greenland).....冰島係佢隔離.....我地要係冰島...飛番芬蘭...再飛去丹麥....又再係丹麥....飛去格陵蘭........咁梗係有原因架啦....你當我地傻既咩?!




時差加上飛行時間....我地13:50抵達芬蘭赫爾辛基(Finland, Helsinki)






當降落既一刻......我接受左現實.....唯有儘快收拾心情....投入第二段感情(瘋)




臨落機...機上既電視講緊冰島廚師採摘食材....望望下..佢採摘緊d咩呀?????????大條粗壯版通菜?!?!?!?笑到我不能~~~




由於我地呢程機係另外再買既...所以又要再之出去搞check in手續~自助check in~一次過出埋條寄行李既貼紙!!!好開心呀~~有得試下自己貼喇~~(因為人家自小的志願是做空姐)





仲有得玩埋self drop off添~~~真正自助!!方便又快!!bit一下行李barcode....係個螢幕篤幾下.....舊行李自己火速由輸送帶送走~~~~~~過癮~~~~~~




又入到禁區~食下野先~雖然我平時食咩都ok...但係去旅行去耐左....又會口痕.....所以呢盒價值200hkd既壽司我地都照殺!!(好貴).....想咬下飯.........但係極難食




夠鐘上機!我地係17:45再乘搭Finn Air既AY0667班機由赫爾辛基直飛丹麥的哥本哈根(Danmark,Copenhagen)~






北歐風紙杯同餐紙!!配上第一次係機上飲到既藍莓汁...好味~





18:25就抵達哥本哈根....初時仲好低能咁以為搭35分鐘就到...點知又忘了有時差~




濃濃北歐風機場~




出左去之後就搵我地間酒店既Shuttle Bus係邊喇~~本身呢間近機場既酒店有Shuttle Bus係幾唔錯既..車程大約5分鐘...但係有限時...本身有限時都係正常既...但係佢得早晚各3小時...........................拜拜.........好彩搭到呢次同埋聽日哥轉je......不過兩位司機都極無禮貌...恐怖!!




呢間叫Quality Airport Hotel Dan...四人房每晚DKK1,121=1,336.3hkd.....每人每晚334.1hkd......唔記得講....兌丹麥克朗匯率係1.1921...即DKK1=1.1921hkd.....四個人住...我覺得有d迫呢.....加上....我覺得呢間房既衛生麻麻....





由於近機場...附近都無咩野行或食.....於是決定係酒店搞掂~




巧味話~




無理由離開左冰島就唔再飲可樂架嘛...DKK25=29.8hkd.....華....好難飲呀!!!!!!!!!!!!!!!!似飲緊無味既有汽水咁.................




我地點左3個Cold Dishes.....Haunch of Venison....DKK90=107.3hkd.....咦~攞出黎..都幾袖珍喎~....不過擺盤幾靚~~~好味!!汁醬都配合得很好呢!!




Cured Beef....DKK95=113.2hkd......細!靚!好味!




Shrimps.....DKK85=101.3hkd....細!靚!味還好!..不過蝦幾鮮味既....係邊度搵到咁細隻蝦既?不過成日見北歐d蝦又真係咁細喎~




Pork.....DKK95=113.2hkd......細!靚!好味!......可以話極好味!!!個汁有少少酸!!幾開胃....豬既質地好正~~~加埋有100分~~以酒店主菜黎講係幾抵...但都係細!




Brill....DKK125=149hkd.....加粉漿炸再有粒蛋黃係面.....點蛋漿食好味丫~但都係細!靚!好味!




Ribeye.....DKK125=149hkd....我地將佢upgrade左做main course size....DKK250=298hkd......upgrade左都係得咁細....................但無可否認地好食....都係細!靚!好味!




佢真係碟碟都擺得好靚!經過一輪既細!靚!好味!之後....大家都知我...........我好飽!!!!我哥晚不停咁同自己講!!!




呢日淨係買左呢3支酒版~由聽日早機呀~快d訓啦~下一篇將進入旅程倒數階段~而且會進入全新國度格陵蘭(Greenland)!!你地緊唔緊張呀???我好緊張呀~~~~







今日見到100毛有個標題...
"女粉絲狂追偶像六年...終於抱得男神歸"
下!!仲唔係暗示緊我同Ozil bb?!?!?!?!?!!??
救命...諗起都好心跳!!!!!!!!!!!!!!!!!!!!!!!!
但係.......我d德文淨係識謝謝..早晨午安晚安咋喎...
唔通.........我地要用身體語言溝通?!
(請不要想歪)
但我好似無一個男神鐘意超過6年...好難搞




2016/01/19的開心事:
我上上個星期六上英國網站買左對鞋...
點知上星期六已經到左澳門並可以收件(恐怖地快)!!
由於同速遞約時間既問題....
搞到今日先收到~~
不過都好開心~~~~~估唔到咁快收到~



報時:距離南美洲4國新奇探險之旅2016仲有---24日~
報時:距離日本大阪之旅2016仲有---115日~
報時:距離"七公子"帥帥出使東京之旅2016仲有---255日~
其實我好想講下我台灣之旅食左d咩好味野..
好可惜我計過....去南美之前...
我好努力咁樣一至四出blog...
都係岩岩好出哂冰島格陵蘭咋...
我諗台灣blog要去完南美番黎之後先出到lu~
仲有3個禮拜多少少...
我完全無概念要點樣執野...
我認..我好驚

33 則留言:

  1. 伏特加?好勁架喎~~~
    我覺得您們最後一餐冰島早餐最有特色。
    跟著,又一個新旅程。

    回覆刪除
    回覆
    1. 哈哈~~咩都試下嘛~
      點解呀~~因為有香蕉食呀~~~~
      係呀~~~今日出一個新地方呀~

      刪除
  2. 妳唔執啦、去到先買咪搞掂~~~~解決了.....哈哈哈
    一早知妳係花心蘿蔔......哈哈哈

    回覆刪除
    回覆
    1. 唔得~係帶d野去唔要先岩~
      我唔係!絕對真心~

      刪除
  3. 傻豬豬黎架~ozbb同你都識英文麻~同埋

    回覆刪除
    回覆
    1. 應該係ozbb擔心~淨係識咁少中文~唔通要用身體語言同你溝通???~~~~耶~~佢好衰嘅~~

      刪除
    2. 擺墮威~你同ozbb幾耐了?

      刪除
    3. 但係我英文麻麻佢又英文麻麻嘛~~~~~~~不過大家都識講i love you既~~~

      刪除
    4. 係喎...點解佢唔去學中文就我呀...
      如果有個人由講德文為左我學廣東話成件事真係不得之了!!

      刪除
    5. 今年7月1日有兩年喇~

      刪除
    6. 不過大家都識講i love you既......醜<~知唔知咩字?

      刪除
  4. 現在好多飛機都有USB 叉電頭, 帶條線上去, 就有得用了.

    枝冰島水, 我這裡都有得賣.

    其實, GREENLAND 對丹麥來說, 到現時仍然是個負財政包袱, 一切關於當地的民生醫療和交通, 都是由丹麥政府出支, 你由丹麥搭去當地航機, 都可能係無錢賺, 甚至蝕錢的. 不過, 就算其他國家想有航機去 GREENLAND, 丹麥政府都唔想, 因為這樣會令到當地加速跟丹麥本土的分離. 現在除了美國加拿大外, 很多國家都希望想係當地插旗, 芬蘭, 挪威, 英國, 俄羅斯.

    回覆刪除
    回覆
    1. 係呀~但係仲有好多都係無~~不過我不嬲都會帶條上機的~
      澳門都有哥下先勁~
      都係架~最搞笑係格陵蘭又想獨立...丹麥又嫌棄佢地....我真係極度懷疑成個團都係無錢賺的...因為真係勁抵~

      刪除
  5. 咁就寫完冰島之旅,你都好快手呀,我個日本賞楓之旅都未寫到一半^_^想問吓你個南美之旅,會去玻利維亞睇天空之鏡?

    回覆刪除
    回覆
    1. 哈哈~~因為我唔想未寫完冰島格陵蘭就去南美等大家等我成個月嘛~所以就快快手囉~
      會呀~

      刪除
  6. 等緊睇原因, 點解要咁轉折呢?
    食物個賣相好吸引, 夜麻麻睇又好肚餓喇 >.<
    都係唔好夜麻麻睇小t個blog

    回覆刪除
    回覆
    1. 因為哥個時間冰島已無機飛過去..得番丹麥先有機....同埋其實減埋機票同酒店錢都係丹麥團抵好多~
      最幣樣樣好少~我唔夠飽~

      刪除
  7. 冰島十幾日算寫得好快,1-4都出BLOG果然好快手
    11140KM....嘩,真係去左好多地方

    回覆刪除
    回覆
    1. 哈哈~~因為我唔想未寫完冰島格陵蘭就去南美等大家等我成個月嘛~所以就快快手囉~我超勤力~~~去完南美可能又懶~
      係呀~成16日喎~

      刪除
  8. 格陵蘭係咪賓史迪拿"發夢王大歷險"嗰度?
    碟碟咁細,你1個都唔夠食啦
    諗極唔明奧燒都會被冊封男神?仲要令你成為癡女咁耐.星期日有大戰,諗吓去邊樹睇啦,唔係佢入波對住電視做心心手勢你接唔到架啦

    回覆刪除
    回覆
    1. 茅錯~你真係好叻仔~但城市可能唔同~方東昇有某個城市同我地一樣~
      實在太飽喇今日~
      因為佢真係好好...咩好...唔知....我心裏面一直覺得佢好好..然後男神化佢~
      佢唔係咬奶咀加做個M字咩?

      刪除
    2. 唔係仲有做心心咩?我不嬲鬧佢抄巴利架

      刪除
  9. 真係明明响隔離,但要用成日幾時間先到,暈!!
    咁其實你每篇出長d,咁你仲可以偷吓懶!
    唔使驚,淡定d,慢慢執^^

    回覆刪除
  10. 真係明明响隔離,但要用成日幾時間先到,暈!!
    咁其實你每篇出長d,咁你仲可以偷吓懶!
    唔使驚,淡定d,慢慢執^^

    回覆刪除
    回覆
    1. 其實依家都算好長喇出得~~~~以前我俾自己每篇20張相架咋~
      依家40幾張一篇~~

      刪除
  11. 今日係星期三啦!Happy weekend !!!

    回覆刪除
  12. 你唔中意男神ALAN PO 啦咩,哈哈。
    2016咁快有3個旅行PLAN, 勁。

    回覆刪除
    回覆
    1. 都鐘意既個心底入面...可惜佢鐘意內地粉絲多d
      哈哈~~~plan有d動力番工~

      刪除
  13. 成個北歐你飛均晒喎~~~~~@@
    你去南美成個月無得睇你blog,可能又會有點失落感XXD

    回覆刪除