2016年1月13日 星期三

冰島格陵蘭自由行之旅2015-10-12第十六天(雨天)

點解今日先係星期三既.....我又以為聽日係星期五喎.............望住自己一日比一日發脹既驅體.....本人感到不知如何是好~(雖然我胖胖的其實幾可愛~唔係我講架...係毛寶同Chlo子講架)



2015-10-12
Day 16(冰島,博格內斯 Iceland,Borgarnes->雷克雅未克 Reykjavik)

朝早起身~打算再周圍睇下~博格內斯(Borgarnes)有張繒圖地圖~有介紹有咩景點可以行~d畫幾得意~見到不妨攞黎睇下~~~





首先第一個景點係之前睇定要睇既草屋(Hlioartunshusin)....佢地d名呢...真係唔識讀~~~~~~~~~~~~~~~~




好可愛呢~~(我成日都講好可愛..係咪好似某女星咁成日典解既典解既~~一樣呀?)




可惜~呢日落雨~~又大風~~~好凍~~~無咩心機影~





其實呢個鎮真係唔係好大~我懷疑呢個係唯一一個教堂~~呢個教堂幾簡單~不過我幾鐘意~






我地幾癲呀~~~~我地又去番噚晚哥間The Settlement Centre食中午飯~~~~~~試左佢地杯Mocha~~ISK650=40.6hkd....巧~巧~喝~~~~~~~~~~~~~~~d cream都唔知點解咁好味既!!!!!!!lam lam脷~~~~~~我同大比一人一杯~~~~(不過有人偷飲左我半杯~)





呀~~無左LAVA鹽牛油既~~~(SMJOR牛油都唔滿足!!)




我地今日癲到叫左3份龍蝦沙律同埋一份青口~但可惜既係一致認為今日呢餐同噚日哥餐有差別...而且係噚晚好食d!!唔知係咪唔同大廚既關係呢????????但呢間餐廳我下次會再黎~





食飽飽就直接係博格內斯(Borgarnes)直接番首都雷克雅未克(Reykjavik)~番去我地行經隧道番去~隧道費係ISK1,000=62.5hkd.......因為如果唔經隧道既話要兜好大個圈先番到去~~~~咁梗係俾錢好過啦~~




係博格內斯(Borgarnes)番首都經隧道只需一個小時多d~好快~




路途中只係見過一次隧道~呢條係第二條~我諗佢地真係好少開山劈石~而且呢條隧道算係幾長~





到左首都我地首先去攞左民宿先~叫Rey Apartments....地址:Grettisgata 2A, Reykjavik, 101 Iceland......個入口我地搵左好一陣子~




Booking.com預訂~我地住兩晚....€318=2,766.6hkd...每人每晚係345.8hkd....都幾抵~間房幾大~佢係集團式經營~一層有好幾間房.......不過決點係...我地住3樓...但佢係無升降機的..................................好彩上樓時幫我地check in哥個北歐帥哥二話不說抽起我同毛寶個gip(係兩個gip一齊抽起)....並說:I can help you~~~~跟住直衝上樓~~~~會幫人抽行李的人最帥哥~幫我抽的人更係超級大帥哥!!!!!!!!!!!






民宿望出去既景~~~除左無升降梯外其他都唔錯~地點也佳~




然後就去哈爾格林姆教堂(Hallgrimskirkja)會合阿Sam上次黎冰島認識既朋友~~~想知我地點識~請按我......




華~~你架車巧大話~~




由於未夠時間食飯~佢就帶我地去cafe飲野傾下計先~







我又叫Swiss Mocha~~~但係...我pat cream呢?????呢杯唔好飲!!!傷心!!!




周圍閒逛下又撞到家貓~~~~~~頭哥幾日黎呢~落雨落到貓都唔出~~依家一唔落雨就即刻跑出黎~





行過少少~又見到一隻係度磨緊爪~~




<3溫馨<3




跟住就黎到呢晚既晚餐地點~Prir Frakkar....地址:Baldursgata 14, 101 Reykjavik, Iceland




餐廳細細~枱同枱都幾近~





又黎合照~




好少可食到一般的麵包和牛油~呢個就係哥個一般~




Hakart....ISK1,550=96.9hkd.....即係冰島既臭鯊魚!!!我終於都試到喇~~~~~聽講係將鯊魚肉埋入泥土中發酵再攞出黎食!!冰島傳統食品~~~睇旅遊書講話似阿摩尼亞味...超期待~~~~一放入口....咦.....ok喎~~~~呢陣味我覺得幾好味喎~~我唔知似唔似阿摩尼亞味~因為我唔知阿摩尼亞到底係咩味~反而係好強烈既發酵臭芝士味~~係幾臭下哥種~好彩我鐘意食笑芝士~~我同毛寶都覺得好好味~~其他人就麻麻~




Fronsk Lauksupa.....ISK1,390=86.9hkd....法式洋蔥湯~都幾咸下~




Rjomaloguo Ljuf Fiskisupa....ISK2,050=128.1hkd...呢個魚湯~好漏~




呢個係煎藍鯨吞拿魚扒...ISK5,890=368.1hkd.....呢個魚佢煎到好似食緊好多油脂既牛扒咁~~好好味~~...左手邊綠色既係wasabi薯蓉~幾得意~~配埋魚扒一齊食好好味~




因為冰島朋友知我地鐘意食海鮮....於是佢叫左幾個唔同類型既海鮮叫佢以唔同手法去煮~但碟碟出到黎個結果都係一樣....全部都係一個味....就係腥腥地然後重胡椒粉味~~唔好吃~~~~呢間係冰島朋友個朋友介紹佢去的~佢自己都係第一次黎~佢都覺得唔好味~(唔記得提番大家~呢位冰島朋友其實係德國人黎既~因為佢好鐘意冰島所以係度定居埋~).....呢幾味我都唔知佢地咩打咩~所以搵唔到佢地幾錢~







算啦~唔緊要啦~最緊要開心食餐飯je~呢餐飯係我地請冰島朋友吃的~




然後坐佢架車車我地去食雪糕~~見到d色都唔多想食~~~




又終於揀到隻花生味食下~其實幾好味~冰島朋友請我地食雪糕~多謝~




食雪糕時講講下問呢位冰島朋友你係冰島搞定居難唔難~佢話:我無搞過任何野喎~因為歐盟護照可以隨便黎住同埋工作~.....................咦!我都有葡國護照喎~~~~~~~原來我都可以做冰島人喇~~~~~~~~~~~~~~~~~~~~~~我退休都可以去住番一年半戴玩下喎~~(好瀟灑~)...巧啦拜拜~謝謝招待~




又係教堂附近~搵到一隻喵~~~~大比話呢隻係呢個旅程最鐘意既一隻貓~~~佢俾我地捉住影相成隻phere哂~~~~~唔巧驚啦我地巧巧人架~







2016/01/13的開心事:
今日又係行來行去狀...
夠開心無?(唔怪得身體日漸澎脹)



報時:距離南美洲4國新奇探險之旅2016仲有---30日~
報時:距離"七公子"帥帥出使東京之旅2016仲有---261日~
可能去完南美番黎好辛苦....咁可能我就會瘦架喇~
(唔好話我知南美有好多好野食)

22 則留言:

  1. 望住自己一日比一日發脹既驅體,我真係好明白.......今日寶係咁迫我講,佢揸住支搶指住我講,我都無講。。。

    回覆刪除
  2. 脹咗咪脹咗囉,有d肉地咪仲可愛,脹得健健康康咪得囉,哈哈,你都無可能為咗咁,就放棄呢個世界嘅美食嘅!!
    好嘢,遲d又有孖八睇,我最愛的喵星人!
    好難得呀,在他鄉揾返朋友仔!

    回覆刪除
    回覆
    1. 我真係好~可~愛~~~~~我是這樣不停的催眠自己的~.....梗唔會啦~我對食物係一份尊重~
      估唔到孖八都有棒場客~
      哈哈~阿Sam特登約佢的~

      刪除
  3. 呢日d景點同條隧道都好熟悉 ^^
    冰島絕對適合退休生活, 妳可以考慮下呀

    回覆刪除
    回覆
    1. 哈哈~~~我諗逆時針遊冰島既人都可能會見過~~(順時針會唔會都係咁行呢?我兩次都係逆時針)
      我都好想呀~~~不過驚無錢~~~~

      刪除
  4. 肥左又靚左~~~得左....哈哈哈
    肥肥白白妳的身、聰到真係笑死人......哈哈哈.....唔好嬲喎

    回覆刪除
  5. 我都覺得我自己好可愛 (自我催眠中)

    回覆刪除
  6. 阿摩尼亞乜味道? 哈哈哈, 小T呀, 你疴督薯薯聞下, 就係果種味道了.

    睇下貓仔幾驚, 就知道你地嚇得佢有幾驚了, 哈哈哈.... 不過, 佢又幾CUTE咖喎.

    西人見到鮮色雪糕, 才會有胃口, 同我地唐人唔同.

    你一向都好可愛, 唔怕肥啦, KAWAII.....

    不過, 如果你退休後搬去冰島, 小心變成冰條小T呀, 那裡比我這裡更凍, 我這裡今晚-18C, 已經算暖冬了, 冰島就更凍了. 我退休呢, 我會.... 冬天搬去南方, 夏天回來這裡, 那就完美了.

    回覆刪除
    回覆
    1. 咁呀...咁又唔係好似d臭鯊魚味喎~
      哈哈~咁佢好得意嘛~所以咪好肉緊攬住佢囉~
      華...我要d普通色得喇~
      wakakakak~我都咁同自己講~
      可能唔係嚴冬去呢~~~不過我都唔知呀~都係講下先~開心下je~

      刪除
  7. 還有, 用 WASABI來整 薯仔沙律是超好味道的, 有機會, 我整份你試下.

    回覆刪除
    回覆
    1. 證明你應該成日整黎食~~~~好呀~~

      刪除
  8. 今次的 blog 似是飲食團,看到一半就開始肚餓啦!
    這麼後生便想退休,一齊捱下先啦!哈哈哈

    回覆刪除
    回覆
    1. 我都唔知點解咁多野食~~~~~真係食得好開心~~~
      諗定先有動力嘛~

      刪除
  9. 貯定啲energy好呀,去南美一定可以消耗返^^
    草屋幾得意,似藍精靈果D屋仔...
    你就好啦,第時可以住晒成個歐洲,度度都去住一頭半個月都得呢

    回覆刪除
    回覆
    1. 係囉係囉~~~一定會瘦既~
      我覺得好似魔戒哥d~~~
      係可以既~我都想~但我無錢~~~~~~~~~~~~~~~~~~

      刪除
  10. 點解睇到雪糕啲色唔想食呀?? 我覺得幾得意吖~~~

    回覆刪除