2016年1月12日 星期二

冰島格陵蘭自由行之旅2015-10-11第十五天Part 2(陰天及後轉晴)

今日過得唔錯~~有點行黎行去狀~~~個口生左好大粒飛滋~~痛痛~~~~~~



2015-10-11
Day 15---Part 2(冰島,阿庫雷里 Iceland,Akureyri->博格內斯 Borgarnes)

食飽飽就周圍行下~行出黎又見到雪山~其實呢個鎮好舒服~~~悠悠閒的~~~




好似周圍都有野影咁~~我好鐘意佢地用石頭畫野~好靚~





行行下.....咦~~~~終於發現今次旅程係冰島見既第一隻貓喇~~喵~~~~~~哥兩姊妹不停抽人水呀~~~~而且隻貓都好友善~~~不停討摸~~~~~~四蹄踏雪呢~~~~好可愛呀!!!d毛毛超多~~~




華~~~使唔使lam到咁呀~~~~lam到好似玩緊體操咁~~~~





巧靚話~條尾超粗~佢個身體語言話俾人知佢好似好唔爽~但佢又不停討摸~~~~




毛寶原來唔止幫我影相影得好呀~~~連幫佢都影得咁有氣勢!!超神氣~






其實我地呢日黎到小鎮我地無安排特別野做架~係周圍悠悠閒咁行下囉~真係真係好舒服~又好天喎~






之後又撞到另外一隻貓~~呢度d貓不停咁走黎走去~仲要全部都係家貓喎~~~~好可愛~又一隻討摸貓~喵~好得意既三色貓~





點解毛寶你可以影得佢咁臭臉架~~定還是係係天生臭臉~




行去海邊~今日既日落色很美~




巧浪漫話~




見到小山上面好似有呢度地標既物體~我行埋去睇過牌..但..你知我記性幾好架啦~我一粒字都唔記得喇~





企係小山上影既景~~






好喇~個天漸漸黑喇~我地....都要去食飯喇~~~~路過呢間餐廳~好似幾好咁喎~~~入去咯~~叫做The Settlement Centre...地址:Brakarbraut 13-15, 310 Borgarnes, Iceland...全年無休~佢係一個集餐廳~紀念品店同埋Historical Exhibitions既地方~~見唔見到佢地係門口搶收視?






個餐牌好維京人feel~




牛油上加上LAVA鹽超好味~~包極好味~




Vegetable Soup of the Day(for starter)....ISK990=61.9hkd.....極!難!飲!!!!!!我唔知佢用d咩一齊煲...有陣騷味~~~飲到我反哂眼~




Fish of the Day...ISK3,900=243.8hkd...好好味!!!頭先飲完第一個湯我幾驚佢d野難食呀!!!魚唔怕腥~~而且個汁好好味~~感恩~




Mussels from the Breidafjordur Bay in Creamy White Wine Sauce(500gr)...ISK4,500=281.3hkd....極極極好味!!!!首先青口超級嫩嫩!!汁好味不怕漏!!!!!推介!!





Langoustine Fried in Garlic Butter Served with Fresh Salad....ISK4,400=275hkd......一出黎~挺有氣勢~~~~有3隻龍蝦~而且煎得好好味呢~~~~~~~~~~沙律新鮮~~~




Skyr from the Farm Erpsstadir with Cream and Icelandic Wild Berry Sauce....ISK1,200=75hkd.....好味~唔怕漏~~呢日兩個湯3個主菜1個甜品....已經飽到上心口~真係切忌一人一個主菜~~~~~我唔知大家點睇...但我覺得係北歐黎講算好幾好味又抵食!




樓下係gift shop~難得食完飯仲未收~睇下先~




好可愛話~有d後悔無買佢番黎添~好北歐風~




有d精靈襪真係!好!可!愛!!!!!!!!!!!!!!!!!!!!!超挺身的!!!!!但我無買~因為我覺得d冷好吉肉呀~~~~~但真係好可愛~





食飽飽行番民宿~睇下呢日買左d咩先~~~~~~都係朱古力~係手信用的~




咁坐左一陣~又到9點~9點幾做咩好呀?就出去等下極光啦~~~我地出到去頭先小山地標哥個位........華!!唔使等呀~~~~已經出來了!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




華!!!我都無睇到呢日既極光指數係幾多添!!!!!!!好恐怖呀~~~好靚呀~~~~~~~~最衰係幅相下面影到d人影.......係我地影緊哥時有幾個冰島小子明顯地飲醉左既行埋黎話要請大家飲酒....講一大堆唔知咩然後走左...........0靚仔!!!快d行開!!唔好阻住姐影相!!!!!




wow~我真係覺得我地4個好好運!!!





大家影的都會有點不同~因相機不同角度不同較既野唔同~





還有大比的~~~我地好喜歡Borgarnes~我地叫佢做快樂小鎮~~除了因為這裏的悠閒feel外~還有這晚的極光~~



這是我第七晚的極光夢~






2016/01/12的開心事:
今日d時間過得好快呀~~~~
快到我以為今日係星期三...............................



報時:距離南美洲4國新奇探險之旅2016仲有---31日~
報時:距離"七公子"帥帥出使東京之旅2016仲有---262日~

27 則留言:

  1. 大比相機D色真係好靚~~~
    GIFTSHOP果隻公仔好QQ呀~~~
    好想食果個甜品呀~~~~ <3

    回覆刪除
    回覆
    1. 係呀可~新機真係唔同d~何況佢哥部係機皇~
      係囉~我都覺得佢好可愛~
      哥個都唔錯呀又唔怕太甜~~~

      刪除
  2. 個小鎮好舒服~~~~~
    去北歐食海鮮應該好正!
    我覺得您們去到邊,極光跟到邊喎~~~~~~

    回覆刪除
    回覆
    1. 係呀好悠閒~我鐘意~
      都唔錯架~~~~~~
      真既~~~~希望以後都係啦咁~~~

      刪除
  3. 喺小鎮悠悠閒咁,呢日應該相當寫意.

    回覆刪除
  4. 我想, 這個是南瓜湯, 佢可能落左羊奶油下去煮, 又或是魚油

    回覆刪除
  5. 嘩, 極光好靚呀! 第七晚極光..妳寫到呢度, 睇極光o既次數已經平左我3個極光行程再加埋紐約番香港無啦啦o係飛機見到極光o個次o既總紀錄, 妳話妳地幾幸運呢 :)
    大比部機堅掂, 早知跟佢買!

    回覆刪除
    回覆
    1. 下?!?!?!?!你講真架????????我諗我地今次真係好好彩!!!好多謝上天~~~~~~~~~~你咁講我真係自覺好運~不過你哥次係機上睇其實真係好型!!
      我本身都想買...但我窮....無出手...................依家仲好啦唔使買喇~~~姐姐影埋~~~

      刪除
  6. 妳食咁多炸野唔生飛滋都幾難啦~~~~~
    D貓都幾串下喎~~~~~
    妳樣樣野話可愛、買左返黎又放埋一邊、又整做垃圾~~~~好彩妳冇買.....乘乘叻叻

    回覆刪除
    回覆
    1. 哈哈~~~你夠食得多肯德基咯~
      佢地串得黎又想人摸喎~內心矛盾~
      但係呢隻真係好靚喎~

      刪除
  7. 貓貓好耐無人摸,好想被摸,你估hk果d咩一摸就擰轉面^^
    除左個湯餐飯都好正吖,食飽飯又有北極光睇,好似是必然既事
    你地真係好好彩好幸運

    回覆刪除
    回覆
    1. wakakaka~睇黎你有食過d貓大人既臭臉喎~~~~
      餐飯正呀~~~~食得超開心~~~~極光係餘興節目~~~
      又唔可以話必然既...不過感恩俾我地遇上~

      刪除
  8. 喵星人真係好得人鍾意,你睇吓佢兩隻嘢個臭臉,招招積積咁,所以我都係鍾意孖八多d^^ 唔該得閒時又出吓孖八特集呀:)
    d 相係咪黃昏時候影架,好靚呀,成個畫面都好舒服!!
    又睇都極光喇,好正,再加上滿天星星,真係好想立刻飛去睇!!!

    回覆刪除
    回覆
    1. 哈哈~~~~真係臭臉呀~~~但係又想人地摸佢~~~~~~孖八夠靚仔又搞鬼~~~好呀~~寫完遊記又安排下孖八登場先~
      係呀黃昏呀~~~我都覺得哥度好靚好舒服~成個人都好輕鬆~
      冰島睇極光真係一個唔錯既選擇~

      刪除
  9. Hello!小丅!剛剛留言比妳d文字又冇哂!d極光真係靚到暈!我都好想去冰島呀!!!

    回覆刪除
    回覆
    1. 冰島睇極光真係好正~下次你同你老婆一齊去睇啦~

      刪除
  10. 生飛滋真係好辛苦,妳飲多啲果汁and Vitamin E !

    回覆刪除
  11. 啲貓貓好過癮,可能見到你地好好奇.....
    小山丘上的風景不錯呢
    夜晚仲見到咁強極光和星空,似乎小鎮的光害不太嚴重
    幾個醉酒人搞到張相好似有點鬼魅feel~~~~~XXXD

    回覆刪除
    回覆
    1. 哈哈~~d家貓都咁八八卦卦~~
      我覺得好寧靜好舒服~~
      都算係唔多光害呀加上哥日無咩雲~~~~~~~
      最衰佢地...我好鐘意我影哥條極光架嘛

      刪除
  12. 紀念品店隻公仔好型呀~~~同埋佢啲主菜好似好正, 我都好想試下~~~
    又有極光睇, 真係好正~~~

    回覆刪除