2016年1月11日 星期一

冰島格陵蘭自由行之旅2015-10-11第十五天Part 1(陰天及後轉晴)

星期四晚出去食飯...知道左公司人事上極大變動...大到.....唔想再講........................星期五放左工去左食傳說中既琛情咖哩..又幾好味喎~~~之後又會合麥公子同貞公子又去Garment Park...恐怖!!再去食埋仙Q!!.....星期六中午食左馬來美食...下午回毛寶家講南美d野...夜晚試左甘酒屋...好貴.....早知食京尚個放題仲好......再去埋威尼斯人買野...........星期日好乖呀~午餐下午茶晚餐全部都自煮搞掂~而且好味又平~~(但唔小心上網買左對鞋...呢個月要紮炮先掂...............)....其實我唔係成日買野架.....唔知點解聖誕加新年先咁癲的!!



2015-10-11
Day 15---Part 1(冰島,阿庫雷里 Iceland,Akureyri->博格內斯 Borgarnes)

睡飽飽出發~這天天陰有微雨呢~不過好彩唔怕落雪~




由於只留一晚我地無去超市入貨~今日出去食早餐~去左油站食~Deep Fried Bacon-Wrapped Hot Dog with Cheese...ISK800=50hkd...華~~~乜咁貴架~~食米唔知米貴~~~還是傳統的冰島熱狗好食d!!!(講明其中一條係我架咋~)




Nordlendingur.....ISK1,550=96.9.....以為加左薯條入漢堡會好淋pat pat唔好味...點知相反~竟然同漢堡d汁好夾~~~意外地好好味~~(那~講明~呢個我食左一半咋~)





好~!出發~!離開阿庫雷里(Akureyri)~行左無耐~華~咁迷幻既~




華~附近咁多雪山既~~好靚呀~~~







見到有個地方可以轉入去停低~~咁就停低影張相啦~(其實應該係人地餐廳個停車吉地~不過間餐廳無開~)




好似突然由秋天變左冬天咁~





你拍的就是有味道~




我弄的就是夠作嘔~......毛寶說:你整緊唔係一朶花黎架下?好核突呀...你唔係覺得靚呀下?....................姐就是喜歡~




再出發~~華....大霧到...





係中間一油站停一停休息下~順便換下司機~因為呢程由阿庫雷里(Akureyri)開往博格內斯(Borgarnes)要4個鐘~(由於由Akureyri番首都要多個幾鐘~咁樣會太長途車~所以中間放一個地方過夜休息~).......其實N1個油站雪糕都幾好食~而且超大個~我同毛寶分享一個食都差d食唔哂....




換司機後繼續出發~沿路景色都唔錯~變番正常秋天景~~有人呀~幾型呀~破左上次車手係冰島既最快車速~上次130km/h....今次...150km/h~~~~~~快到.....仲好似玩過關咁.....嫌人慢........過一架後連過兩車後連過三車....你好野....(有人話冰島d路好啜地喎)...但係冰島揸咁快其實睇起黎你都唔會覺得好快.....不過真係要留意..臨入城市或鎮有可能會有測速.....請收慢......





好喇~入小鎮博格內斯(Borgarnes)喇~~呢個地方第一次黎咋~~~好似唔錯咁喎~~~又見到雪山既~





去到就攞左民宿放低野先~~經Booking.com訂左呢間叫Egils Apartments既民宿...地址:Egilsgata 6 & 8, Borgarnes, Iceland......房租每晚€118=1026.6hkd...每人每晚256.7hkd.....好抵....不過呢間係房廚廳都係同一空間~4個人住會有d迫~不過一晚就ok既~而且哥晚訓得超好~







民宿前面對住又係一座雪山~咁易又見到雪山~




民宿附近有好多石仔做既小精靈~







話時話~我地中午趕路淨係食左個雪糕都無食其他野~依家去啡一啡先~~~~呢間係上網搵既~因為某d原因我地而揀呢間飲下咖啡~佢叫Blomasetrid~地址:Skulagata 13, Borgarnes, Iceland...我上網睇佢原來仲有Guesthouse架~




入面有d園藝呀精品哥d野賣既~又有咖啡飲~




係好家庭式既一間cafe~感覺好溫馨~






隨意揀張梳化坐坐~叫下咖啡飲下先~




我又叫Swiss Mocha飲飲~~~ISK590=36.9hkd....好好好好好好好好好好好味!!!!!!!!!!




Waffles with Cream...ISK730=45.6hkd.....估唔到一攞出黎覺得佢樣樣衰衰咁又幾好味喎!!Waffle好香~配埋我好鐘意食既cream~~~加埋佢有少少果醬~感覺唔怕漏~




間cafe仲有隻活躍小狗Gosi駐場~好可愛~好好客~





係間cafe個後園望出去....勁靚!!!!!!!!!有個大鳥籠仲有個雪山!!!!不過原來我地想睇哥樣野唔係佢呢度~不過已經無左~算啦~睇到呢個景都覺得好靚喇~




係呢度渡過左一個悠閒的咖啡時光~好舒服~







2016/01/11的開心事:
今日有人請食糖水~~~~
雖然我生理狀況外....食唔到~
都好多謝呢~



報時:距離南美洲4國新奇探險之旅2016仲有---32日~
報時:距離"七公子"帥帥出使東京之旅2016仲有---263日~
仲有一個月度咋!!!!!!!!!!!!!!震驚!!!!
冰島旅行既餘溫都未完!!!!!!!!!!!!!!!!!

22 則留言:

  1. 我公司都地震~~~抄左好多人呀~~~~~
    漢堡包貴左少少~~~但夠特別
    妳幾有藝術細胞喎~~~~~靚

    回覆刪除
    回覆
    1. 下!!咁大獲!!!
      哈哈~~無計啦~~~無我煮哥d咁平咁好架喇~~
      咦~~我做左d咩呀~~~哥個雪地花~~~~

      刪除
    2. 哥個雪地花~~~~唔係妳整呀.....

      刪除
  2. Cafe 後園張相,真係影得勁靚呀!!!!
    間民宿張床好細呀😯
    每個少女都有舖買嘢瘾,尤其係衫褲鞋襪,我以前都係咁,直到........個衣櫃爆晒,最終唔係掉就係回收箱......,所以我也學識了,放低就是擁有:)
    嘩,你仲有一個月就出發喇,好鄧你興奮!!

    回覆刪除
    回覆
    1. 真係好靚....其實我都有影...但就係唔夠毛寶影得咁靚!
      其實訓落ok既~尤其我咁瘦~~~~~~~~~~~~~~~~~~~~~~~~~~~~
      其實係我前幾年太慳...試過一季都無買過一件衫....著黎著去都係哥件~
      依家買多幾件~之後著都ok~全部普通款~
      我依家都開始有少少興奮感!

      刪除
  3. 小t, 妳又引我, 勁想食杯雪糕 >.<
    我地2013年o個次都係住Egils, 不過係妳隔鄰o個間獨立屋, o個陣妳住呢座剛完成裝修, 屋主帶左我地上去參觀
    天色好o既時候, 我都係飛130-150 ^.*

    回覆刪除
    回覆
    1. 佢地d雪糕都幾ok喎~~
      咁岩線~~~我地真係有緣喇~~~~~~我對上一次去又係2013~~~~~我地有緣~
      wakakakaka~咁即係佢都好正常啦~

      刪除
  4. 50蚊隻狗,一舊水個漢堡乜咁費架? 仲要油站添!
    冰島嘅N1, 豬仔超市應該每個遊客都幫襯得最多呱

    回覆刪除
    回覆
    1. 係呢間油站餐廳貴d...平時我食N1哥D明明就廿蚊有交易~不過咩都試下啦~
      無錯~~~~咸濕豬超市簡直係一到埗必去~~~

      刪除
  5. 狗狗個樣唔多友善咁噃
    開間咁嘅規模cafe又幾唔錯

    回覆刪除
    回覆
    1. hehe~唔係呀~佢仲跑埋黎high我地隻腳~~~又fing尾~
      都唔錯呀~~成個鎮都係悠悠閒咁~~

      刪除
  6. 見到雪啦﹗公司人事上極大變動,對你有無影響?

    回覆刪除
    回覆
    1. 係呀~~係冰島見到雪~~~~
      唉...難講....暫時睇唔到唔代表之後無事

      刪除
  7. 我都未試過漢堡包夾薯條食,下次又試下先^^
    150會唔會有飛的感覺?坐亡命van試過近110已經好離心XXD
    島籠個view真係幾正喎,唔出去影張model照?
    好耐好耐好耐無聽過人講「紮炮」喱個詞語,覺得好古典呀wakakakaka....

    回覆刪除
    回覆
    1. 小狗識望鏡頭,好上鏡

      刪除
    2. 唔知自己係麥記咁夾黎食好無味呢~
      其實無...因為冰島有勁風...仲埋多公路~~所以揸咁快都好似無咩野~~
      咦....毛寶無叫我埋位喎~~~~
      野~~~~~笑人年紀大既~~~~~~~~~~~~

      刪除
  8. 您唔講明祇是其中一條冰島熱狗係您的,我真的相信您會吃兩件。
    D風景好靚~~~
    那間民宿都好ok!咖啡店都好正!

    回覆刪除
    回覆
    1. hehe~呢條食兩條唔掂~~~~太多了~~~~
      係呀好舒服~~~
      都幾乾淨~~唔錯~~~
      咖啡店杯啡好好飲~~

      刪除
  9. 新年後, 我也血拼了很多東西, 4件意大利製羊毛衫, 3件風褸, 1件羽絨褸, 2件PUMA SWEATER, 全部名牌, 除了羽絨褸$70外, 全部都係$26加元或以下. 哈哈哈, 這些價錢, 我一點罪疚感都沒有.

    開車太快, 小心路面單一某處結了冰, 突然路面變滑. 我有次在美國開車, 就是這樣, 單單那裡200碼有積雪, 就有3-4部車滑下路旁.

    回覆刪除
  10. 隻狗個樣好醒目
    今日有雲/霧更加似仙景
    booking d房真係唔錯,見你book左幾晚都好對路,可能係你地識得揀^^

    回覆刪除
  11. 啲石頭公仔好得意呀, 如果我屋企有位, 我好想放個石頭公仔係屋企呀!!!

    回覆刪除