2016年1月5日 星期二

冰島格陵蘭自由行之旅2015-10-10第十四天Part 1(晴天)

我好無用....今日生病了在家休息........噚晚已經感到異常的攰....今朝起身個頭劇痛.......依家正在好好休息中



2015-10-10
Day 14---Part 1(冰島,米湖 Iceland,Myvatn->上帝瀑布 Godafoss->阿庫雷里 Akureyri)

華~我呢日早起身到咁~其實又唔算真係太早起身既~因為冰島呢個月份日出比較遲~我諗呢個時候有7點幾架喇~




煮左3日早餐....每日都會對住個咁靚既景煮早餐...今日最後一日....我竟然有d唔捨得.......................




米湖俾我既感覺好好~呢區好舒服~~悠悠閒~~因為我地今次放多左時間係呢區~所以慢慢玩~唔使趕~我覺得咁樣好好~每一日個早餐都好過人~梗係啦因為係我煮架嘛~




拜拜喇Stong~~~我唔會忘記你帶俾我極光指數9既晚上!下次冬天再黎都希望會住番你啦~




跟住就開車直駛上帝瀑布(Godafoss)....唔知邊個時期某統治者因為信基督教唔可以再有其他信仰....所以將佢地一直信仰既神像拋入呢個瀑布中......所以叫做上帝瀑布~




呢個瀑布親民d~一落車就可以見到~




唔係丫~我呢張都影得你好有希望架~





今次想行近d睇~但發現都幾難行~好考平衡力~我有功夫底子~難我唔到既~




行到佢側面~~華~~~水量都好大~~~~上次大比同埋阿Sam多蚊得滯無行到過黎睇~佢地今次睇完呢個瀑布~話最鐘意係上帝瀑布~~~~其實冰島d瀑布都各有美態~好難揀最好~(依家好似有太多美人俾我揀咁~)





望住人地哥時永遠覺得自己企哥個位唔夠人地靚!所以我望到佢地行到咁前時不期然諗:你地就好啦!.........不過真係太難行喇~連我呢個有功夫底既人都搞唔掂~




之後從高處行睇埋人地喉嚨"ding"先捨得走!!





呵呵~~~之後就驅車到達阿庫雷里(Akureyri).....呢個係一入省城哥個位~華~又幾靚喎~~~冰島第二大城市~~~~





首先在最多野買既商店街先逛逛~上次黎星期日...全部野無開.....今次醒呀~唔係星期日黎.....但好可惜星期六都係會休息呢~






只有極少數既鋪頭有開門~~~又捉蟲~~呢間係其一~但無野岩我買~




咦~~上次幅壁畫唔同左~~~




好彩都有d比較大既紀念品店有開~~~~佢門口用石頭做既小精靈好可愛~




我係度都買左少少手信~其中一樣係冰島郵票~~我買左100 Different~~~不過我未開~~仲未睇到入面係點~~




我對呢d硬幣都幾有興趣~但可惜有d貴~我放下~就是擁有~




呢間仲有d藝術品狀既紀念品買~d雞雞幾得意~不過好貴~




仲有d幾搞笑既紀念品......d稻草條枝可以"了"牙?!?!?!仲要賣成6..70蚊.......我真係想知有無人買?按按自己的背包心諗:好彩有帶牙籤黎冰島.......




路過阿庫雷里教堂(Akureyrakirkja)~佢係同首都既哈爾格林姆教堂(Hallgrimskirkja)係同一個設計師的~~~




就係痴住條樓梯左邊間酒店餐廳見佢餐牌唔錯~去試下食下啦~呢間叫Mulaberg






點左餐後送黎麵包...不過個醬酸酸的(不是變壞)...我不太喜歡~阿Sam就話幾好味~




我地叫左4個餐~其中兩個餐都係有包soup of the day~好似係蕃湯~一般啦~




Fish of the Day(包頭先個餐湯)....ISK1,990=124.8hkd....間酒店裝修咁新~我仲以為d野食好貴~~~又ok喎~炸魚~ok~




Course of the Day(包頭先個餐湯)....ISK1,990=124.8hkd....都幾大份~~~而且都幾好味~~~~




叫左兩份Moules Frites(跟薯條和沙律)....每份ISK2,390=149.4hkd.....華~~幾大煲咁喎~~~




真係好大煲!!!極抵!!!唔錯喎~~~薯條仲要好好味~~~~可惜青口肉質唔夠嫩~但汁極好吃~







2016/01/05的開心事:
我今日病左睇完醫生食完菜米就去左訓...
一起身媽媽就買左我最愛的奶油蛋卷等我起身!!
好開心<3
另外毛寶同埋表姐知我病左...
放工都前後腳上黎探我...
感動~



報時:距離南美洲4國新奇探險之旅2016仲有---43日~
報時:距離"七公子"帥帥出使東京之旅2016仲有---269日~

23 則留言:

  1. 肯定係去完台灣 休息唔夠了
    希望你快d好返啦 =)
    100 different郵票好有紀念價值呢~

    Baby我沉晚買左機票啦 3月去韓國呢 Yeah Yeah

    回覆刪除
    回覆
    1. 我都覺得係....同埋可能係近排太潮濕...
      我都唔想新一年就病厭厭~
      我仲未開黎睇~~

      下~~好開心~~~~~~
      你3月幾多號去呀~~~~~~

      刪除
  2. 妳肯定錢多身子弱啦~~~快D做下運動知唔....休息多D、take care

    回覆刪除
    回覆
    1. 下~~我已經千金散盡~~點解仲會咁弱~~~

      刪除
  3. 小t休息多d
    好掛住冰島北部, 阿庫雷里同上帝瀑布我都好鍾意

    回覆刪除
    回覆
    1. 我會架喇~
      我都鐘意上帝瀑布~不過akureyri我就唔算唔鐘意又唔算鐘意~不過就幾悠閒既~

      刪除
  4. 哎呀﹗你病都打BLOG,食藥快啲好呀,要多休息,咁你明天要否攞病假?

    回覆刪除
    回覆
    1. 其實個blog一早打定~係打番上下d字咋~
      今日都係休息中~多謝你慰問

      刪除
  5. 呢d天氣真係好易病,我感冒未清咳左成個星期。你要好好休息呀

    回覆刪除
    回覆
    1. 我發現依家d咳真係好難好~你都多d抖下飲多d水啦~祝你快快好!

      刪除
  6. ❥2Ѽ16齊齊窩心錫錫又快樂抱抱時刻享受人生
    っˆヮˆ)っ♥*¨•❣╠ ╣aΡpy過每一天嚟♡•。ღ❤
    帶著開心萬事得的心情延續到新一年•歡樂精彩
    福福福福福福福福福   福∧∧
    福   福   福   福・ω・)
    福   福   福   福⊂ノ*・。福到
    福福福福福福福福福   福 
    福   福   福   福 
    福   福   福   福  福
    福福福福福福福福福 福 福 福
               福福福
     福福福福福福福    福
     福     福   福
     福     福  福
     福福福福福福福  福福福福福福
     福福福福福福福    福
    *°•♩¤。♪.♬。•:。⊹♫*。.♩¤。♪.♬。•。⊹♫

    回覆刪除
  7. 嘩...病喇...看醫生快啲好呀

    回覆刪除
  8. 小t 今天在家休息了有好㸃嗎? 希望你頭不再痛 身體健康
    好多謝你地影低那個放在門口用石頭做的公仔呀 好可愛 見到之後開心了一陣^^

    回覆刪除
    回覆
    1. 都好左d啦但仲係有少少痛...有d頭暈..多謝你~
      哥隻公子真係好可愛^^

      刪除
  9. 我這邊現在8點才天光, 冰島那邊就更遲才天光, 可能每天得番幾小時日光時間.

    個瀑布係係一茁電影裡的, 叫Prometheus, 是那套同ALIEN有關的電影.

    其實那餐廳好平, 在北歐這個價錢, 係好抵囉.

    回覆刪除
    回覆
    1. 依家冬天都應該係喇~
      唔係呢個呀!!普羅米修斯哥套戲既瀑布係Dettifoss呀~唔係呢條~
      我都覺得好平...基本上澳門都唔得

      刪除
  10. 可以行到瀑布ding去睇,會唔會畀啲霧水整濕晒?
    對住咁靚view煮早餐特別醒神.....
    要快D養好身體,準備遠征南美呀^^

    回覆刪除
    回覆
    1. 可能秋天水量已經無咁大卦~又唔怕喎今次~
      我都覺得好靚...睇住佢日出!
      知道~我會架喇~

      刪除