2015年3月30日 星期一

東京媽媽慶生之旅2015-03-05第一天Part 2(炎熱晴天)

今個星期一係唔同d既~多野做但都好快樂~因為人地就黎去旅行嘛~~~~~好興奮呀~~~前幾日過左黎香港睇Jason Mraz既演唱會真係好正~~我第一次去亞洲博覽館睇show咋~~~哥日坐機鐵入去超多的人~~多人到迫到企位都無位企~~(如果我咁岩線去完旅行坐機鐵去碼頭一定超sad~~位都無得企)...個場都幾大喎~~~好彩係開場時趕到入去睇~~我好開心佢有唱Quiet呀~YES!哥隻碟我最鐘意呢首~~睇完仲約埋咁岩線去睇演唱會既Diana一齊去食宵夜~~好開心~哥晚...成4點半先撻落屋企張床...攰屎~~~~~周末都是輕輕鬆鬆地過~正~~



2015-03-05

Day 1---Part 2(澳門 Macau->日本,東京 Japan,Tokyo)
行左一陣Tokyu Hands團友就喊肚餓喇...好啦~去食飯啦~今晚我地去食特色餐呀~~~之前已經想食好耐...但去咁多次日本都未食過(我都唔知點解~~)....今晚我地去食雞!泡!魚!....揀左有好多間分店既玄品....咁岩池袋都有分店嘛~梗係揀佢啦~地址:東京都豊島區池袋2-41-1.....想知仲有咩分店~自己上佢個網址看看~仲可以順便睇定餐牌~




好難頂呀~~一入去就有暖氣~~其實唔係好凍咋~~我好唔鐘意空氣唔流通的~~~不過好彩佢既座位又係假榻榻米~(即可以伸隻腳落去坐哥d)....如果唔係就會坐得好辛苦~(我塊面係呢個時候變到好紅.....)




一坐低...佢知我地唔識講日文.....除左有中文餐牌之外...仲安排左個識講普通話既留學生幫我地落單....證明依家好多中國人去吃呢~....媽媽叫左個好特別既酒飲....想知係咩...去片!




就係河豚鰭燒酒 896円(稅込)=58.2hkd.....如果睇左短片就唔使我多講~~~佢將d河豚鰭浸係酒入面...之後點火...(唔知係咪佢知我影短片..佢燒左超多次!)




燒完之後(杯酒本身都係熱的)飲.....好香燒過既魚干味呢~~~魚干味融入埋d熱既酒入面....我唔飲得咁多酒(塊面嘛~)...但都忍唔住飲左幾口~




我就超乖叫左桃味果汁 324円(稅込)=21.1hkd...加入左骨膠原(其實係好似比jelly硬少少既物體..不過幾過癮)....依家d円平左d物價即刻好睇哂~~~~




佢呢度其實有套餐亦有單點的..但如果初次黎食咁梗係食套餐啦~多d野試嘛~原來佢d餐有分天然野生河豚同埋養殖河豚(但內容一樣).....但天然野生的要預約才有...咁岩哥日有人預約左無要......咁我地梗係要試試啦!!!!!!!!!er...你唔好咁啦...食之前攞出黎俾人影相...我有點內疚...........




中文我真係唔識打.....淨係知叫Tenraku Set....我地叫左一個天然既Tenraku Set 14,040円(稅込)=912.6hkd....一個普通的Tenraku Set 6,588円(稅込)=428.2hkd....食既野係一樣..但我地想試下個肉質係咪真係咁唔同....貴成倍有多喎!!!!係囉...我平時好姑寒...點解我會捨得叫既?一定係因為你!!!





首先黎個前菜先...係河豚皮刺身來的!!質感煙韌又有點爽~配上超清新的酸酸柚子汁....哀C~真的超開胃!





我唔一個個餐分開講~因為有d會放埋一齊出好難分兩個set....以種類黎分啦~~刺身部份.....普通的Tenraku Set我地揀左薄切....不過無咩特別...魚既味道也不特出...只係肉質有點爽~就好似之前係大阪買過一次既刺身外賣一樣~




天然Tenraku Set刺身方面我地要左厚切....上黎哥時覺得佢怪怪的....咁重口味咁既??又蔥又青檸又菜兜住....一放入口...同樣重口味....佢個汁好似d泡菜汁咁架辣辣地...連埋d配料一齊食.....咬咬下驚覺....d魚味好鮮甜呀!!!!!!!!!!!!天然的真的與別不同!!!!!!!!!!!!!!堅好食!

其實.....食完刺身都有少少飽....(係咪唔似我呀~~)...因為我覺得一個人一set而佢個刺身都算幾多下.......



炸河豚:普通的Tenraku Set為上圖....天然的Tenraku Set為下圖......咦~天然既顏色炸出黎淺d架喎~係油既問題定係魚既問題??天然的食落結實一點~不過炸我就覺得完全蓋過魚的鮮甜~





顏色真的有差!!




燒河豚魚:普通的Tenraku Set為上圖....天然的Tenraku Set為下圖......點解普通既會有汁既?唔通佢覺得要靠d汁先有味?





燒起的時候超香!!(哈哈..我地第一次燒有d失手...右上哥舊有d燶~~好彩係普通的河豚~)




燒的河豚真的好好吃!!!!又香~~~呢個回合又係天然河豚優勝~~~燒哥塊皮好好吃!!




然後到我最期待的河豚火鍋~~~~~這盤是天然的Tenraku Set~~普通的我忘了拍~~~~~




哈哈~~睇下~~佢幫我地整好哂等熟左先動手吃~佢擺得好靚~




正呀~~~紙火鍋~~天然的河豚...真係食得出!!!真係真係好好味!!!叫我以後如何再叫普通的河豚餐食呀..................





佢食河豚火鍋有個專屬既汁去點的~~睇旅遊書講呀....佢呢個汁係秘製的!!係用柚子+德島產既酢橘混合...再加上辣椒同蘿蔔蓉整成!!確係好味!!!又開胃又能提鮮!!!!




仲有d無落入個鍋度叫我地食哥時先落~應該係河豚既皮~由下至上分別只需灼10秒..30秒..和1分鐘




最上哥隻有點爽爽黏黏的~配特製汁吃一流~




重重重點來了!!!!食完個火鍋再整的!!!




去片~~真係超精彩~~就係雜炊喇!!!!佢落蛋汁哥下我睇左超多次.......落得好靚(傻)...睇完我好想食...




你諗下好無食?打完邊燼...再用d精華....黎煮雜炊喎.....仲要佢煮雜炊時有落佢地專係為雜炊而設既秘製醬油!!!超鮮甜!!!好好味!!!!!!不過太飽...食左兩小碗咋~~~




甜品係雲呢拿雪糕...但內裏有果仁粒的~好吃~

呢餐飯叫左兩杯飲品兩個set....總共21,950円(稅込)=1,426.8hkd.......以食左個天然河豚既set黎講又唔算係貴既...不過我個人認為一個人一個set太飽!如其兩個人每人叫個平餐試....不如俾多少少叫一個貴既兩份share~咁會開心d~又唔會過飽!好似我地咁叫法要3個人才不至太飽太漏(嗝)....一食飽出黎.....一陣北風吹過....頂~~好凍呀~~姐姐仲無帶外套出黎食飯添~~~~



行過藥妝店幫毛寶搵野.....驚見有整個架的綠茶零食!!即掃!!(少女都愛).....但我今次係藥妝店.....無買護膚品和化妝品...因為以前買太多...未必樣樣岩用...加上....台灣買sofina更抵....咁咪....慳番~




野~~~夾公仔夾公仔~~~我鐘意池袋既原因仲有超多的夾公仔機鋪~~有今期好興既蛋黃哥~~




但我既目標係呢度!!!!!細細粒的船梨精!!!!!!!!!!!!100円1次...500円6次...我都未望到銀包係邊...我媽已經一野入左500円入去...............................





天呀~我是天才嗎??????????500円夾左兩隻船梨精呀!!!即係16.3hkd一隻~~~好叻呀我~~~~但其實我既目標係藍色旁邊的毛蟲船梨精(誤)




華華華~綠茶愛好者揮手區~(hello)

下中粉紅色的是期間限定的梅味薯條~特地買俾大比...佢係梅味愛好者~



船梨精你真係好可愛~~~又肥d肉又泡d動作又誇張~同我一樣~




在Tokyu Hands買的戰利品....一睇就知Elsa唔係買俾我自己架啦~我同我媽買俾我地個fd個女架~最開心我買左暖杯俾自己~~~~Tiger最新的夢重力暖杯~~左邊的170g..右邊的130g咋!!!黑色的送俾人...2,480円(稅拔)=161.2hkd......藍色的比較高和幼身2,280円(稅拔)=148.2hkd.....佢地d暖杯真係抵到無朋友~~~~~~~~~~~~~~~~~~~~~~~




唯一同藥妝店有關連的..就係呢盒出發前見到日本近排好hit的化妝棉...忘了幾錢~我特登買黎同我用開既麗的化妝棉比拚一番~~~~~~~~~~~~







周末時去睇左五個小孩的校長...

以為自己好醒開場前攞定紙巾唔使驚戲玉有摵紙巾聲...
睇到三份一左右....豆大既眼淚已經流左落黎....
睇到後尾一張紙巾仲要唔夠抹......(即係又要攞紙巾)
已經忍住無喊咁多....我好想抽搐地喊..
但係戲院太多人..真係唔好意思
睇完之後....我發覺坐我後幾行有個麻甩佬..
都喊到眼腫鼻腫.....
五個小孩的呂校長...我敬佩你!
原來世上真係會有一個咁無施既老師
($4500人工算係無施啦...分分鐘整道具同小朋友上堂要倒貼添)
只係想小朋友有書讀!!
我祝福呂校長你身體健康~俾你教過既小朋友真係有福氣~



2015/03/30的開心事:

今日chlo仔送左佢係冰島和芬蘭既手信俾我~~
就係好靚既聖誕老人郵票喇~~~多謝~~~



報時:距離公子新加坡喪吃自由行之旅2015仲有---3日~

報時:距離關西哈利波特之旅2015仲有---82日~
報時:距離冰島格陵蘭自由行之旅2015仲有---181日~
wow~~~~番多3日工咋~~~~
加油呀~~~~~
好緊張呀~~要和公子去食好多野喇~~~
不過有位公子因為有d事要退團呀...
可惜......................
唔緊要啦~~~下次再一齊玩過啦~

34 則留言:

  1. 食雞泡魚?好激喎!
    河豚鰭燒酒、河豚皮刺身、燒河豚魚好特別。
    500円夾左兩隻船梨精,好叻囉!

    回覆刪除
    回覆
    1. 哈哈~我都係第一次食成餐雞泡魚~~
      係呀~好好味的~
      多謝~

      刪除
  2. 拿,俾著我都會揀貴果隻,咁遠嚟到一定要食野生嘅,計起上嚟都唔算好貴,最緊要又好味又夠飽。
    嘩,原來仲有三日又去玩,好開心呀,咁係咪呢三日可以寫完個遊記先。

    回覆刪除
    回覆
    1. 係呀~不過衰在叫多左個餐~食唔哂個粥~~~哈哈~~
      er...其實...係寫唔哂的~~~哈哈~~

      刪除
  3. 兩份食一個貴既仲好,唔夠飽又可以出去再食第樣吖麻。
    綠茶小枝,正喎!

    回覆刪除
    回覆
    1. 係呀~我下次識做架喇~
      我送哂俾人無留俾自己~

      刪除
  4. 我都想見識日本既夾公仔機 ^^
    好開心呀又去旅行 玩得開心d ah
    Keep住有遊記睇 yeah Yeah

    回覆刪除
    回覆
    1. 如果你有唐老鴨記得要克制~~~~
      哈哈~仲有兩日先到~~~我都好想快d過埋呢兩個工作日~

      刪除
  5. 對個燒酒好有興趣,好特別。隻船梨精真係好cute!呵呵~

    回覆刪除
  6. 好食呀河豚,好想食。
    五個小孩的校長怕睇呀,不想流眼涙

    回覆刪除
    回覆
    1. 野生的真係好吃~
      我直情想盡情地喊~

      刪除
  7. 咦, 小t咁識食都推介河豚, 我之前唔敢食呀, 睇o黎試得過bor!
    呢齣我都想睇呀, 但我好易喊架, 我諗都係等佢出碟我先匿o係屋企睇, 咁喊都拆天都唔洗驚騷擾到人喇^^

    回覆刪除
    回覆
    1. 都ok呀~幾好味~尤其係個厚切魚生同埋個粥~
      咁你真係唔好輕易入場喇..真係喊屎人架

      刪除
  8. ✬´*♦瞓覺豬時候呢★*☾´*º晚晚甜夢安睡☁・゚✫

    回覆刪除
    回覆
    1. 呢幾晚都好好訓~都祝你有好夢~

      刪除
  9. 距離公子新加坡喪吃自由行之旅2015仲有---3日....咋
    去旅行嘛...當然好好好興奮呀

    回覆刪除
  10. 看來你面上的, 是跟氣溫和濕度有關....

    回覆刪除
    回覆
    1. 都係架~因之前哥排好乾...然後無啦啦又變番好濕

      刪除
  11. 你既化粧棉同麗的比較左未?

    回覆刪除
  12. 我都有買綠茶百力滋﹗你比拚完兩款化妝綿要報告呀﹗

    回覆刪除
    回覆
    1. 都唔錯好食~~~早知買多幾盒~
      哈哈~~未呀~~我懶呀~仲未開~

      刪除
  13. 哩間玄品幾好,野生河豚好似係近年先有提供,全國又多分店,正!
    個雑炊簡直係無得頂,完全係精華所在~~

    回覆刪除
    回覆
    1. 下~~~真架~~~~咁我真係食得好岩時候~~~野生既真係好正~~~~
      係呀係呀~~~~~個粥真係無敵~~

      刪除
  14. 個河豚餐又確係好精彩,不過我覺得條魚好可憐,我會唔駛佢show條魚我睇囉!

    回覆刪除
    回覆
    1. 都係架~~睇到有d不安~~搞到好對佢唔住

      刪除
  15. 非常同意你咁講,二人食一個天然就最抵,又好味啲!!!:P
    蛋黃哥都好過癮XXD

    回覆刪除
    回覆
    1. 係呀~唔夠飽再去搵食囉~
      係呀~~佢個樣好懶~~

      刪除
  16. 食之前拎出嚟影相,佢哋點解要咁做?係都問吓你同唔同意先呀!
    少去旅行唔知,退團咁啲機票錢點算?

    回覆刪除
    回覆
    1. 可能...佢問左...然後...我唔識聽呢......
      如果轉人名要加錢....聽講加到同張機票差唔多錢(我地間airline咋)
      同埋因為係廉航無得退錢

      刪除
  17. 妳買好多野,綠茶零食,我都好鍾意..

    回覆刪除
    回覆
    1. 我都好愛綠茶味~~真係好好味~~~

      刪除