2015年3月31日 星期二

東京媽媽慶生之旅2015-03-06第二天Part 1(天陰寒冷)

今朝終於驚見人潮有少少咁多減少左喇~~~可喜可賀呀~~~~再過多兩日~~~又解放喇~~~~~~~~今日超多煩野~~~希望往後兩日都順順利利收工~~~~~~



2015-03-06
Day 2---Part 1(日本,東京 Japan,Tokyo)
呢日超早超早出門口~~~我諗...大約......7點鐘就出左門口~~~~呢日行程緊密呀~~天氣同噚日180度轉變~~~天陰...而且超大風......吹到人刺骨哥種....連我都覺凍!!






我要係度歌頌呢個手機app!!!係殷師奶推介我先知!!!實在太好用~~~一定要收藏!!!呢個app叫"東京地鐵"!!但係只適用於Metro....JR係唔岩用的~不過無所謂~我覺得其實有好多景點都係Metro去到超近而JR遠好多的~~~只要你入出發地同目的地...佢就會好似如圖顯示....話俾你聽搭咩線...咩方向...係邊度轉車...有埋搭幾多分鐘.....最好最好既地方係.....無上網既時候都用到!!!真正方便~~岩哂我呢d去日本又唔鐘意租wifi蛋既人~仲要係中文操作!簡單!

以下我所講既路線都會係用我地住既地區池袋做開頭~如果住其他地區既就自己再研究下啦~



好喇~睇上面幅圖都知喇~~點解我要咁早出門口~~~就係因為我要去築地食早餐呀!!!(要記得留意去築地佢會唔會休息呀...星期日就一定休架喇..要自己查下佢有無咩日本節日放假呀唔係去到無開就掃興呀)....我驚星期六會超多人所以揀星期五去...因為怕晏去多人呀~~~~媽媽想黎東京既原因就係---佢從來未去過築地..想係佢搬之前去一次!!...0我~佢既生日願望咁簡單而我又有能力做到我無理由唔去幫佢達成架~~~如果想去食壽司哥d哥個係場內市場黎架~比較近既係要搭Metro係池袋有樂町線(新木場方向)到月島....再係月島轉都營大江戶線(另一公司..但在月島駅內可相通轉線)..大門方向到"築地市場"駅A1出口...一出轉左邊行就會見到個入口架喇~~~再行入少少.....就會見到呢個橫丁啦~~




我個樣係日本真係超衰...無張好~~~要遮遮醜先~~我媽都跟我一起0都咀~~你都無祥嫂暗瘡~~使咩怕醜~~(講明呀隻眼唔係我架~眼鏡都唔係我黎架~)




依家先8點都未有....有幾間壽司店已經排哂大隊!!!!唔使我講你地知得多過我啦~




正當大家最愛去壽司大呀...大和壽司之類(我其實唔係唔想去...係無本事去排.....).....最近有朋友仔去都算ok...因為排左一個鐘咋.....以前我聽人講壽司大哥d兩三個小時是基本呢.........我仍然去番當年第一次去築地食既鮨文!!重點一:佢唔使點排隊(唔係唔使排呀)...重點二:唔使點排唔代表佢唔好食呀~




因為佢地鋪頭細細...而我之前咁岩線坐滿~咁我就要等下一轉先可以入喇~~係等緊既時候.....有個姨姨主動出黎俾杯茶我地飲....天呀!!係咁凍既天氣之下俾杯熱茶我等同雪中送炭~日本人就係有咁樣既一份細心~雖然係小眉小眼...但我都幾buy呢份細心的~




出面影入去時...驚覺依家店內唔俾影相!!!!我仲記得以前係度影過同壽司的自拍照~~應該係太多人掛住影而阻住佢做生意~




企係出面哥時已經有人幫你落左單先...我同媽媽每人各要左一份呢個餐...3,850円=250.3hkd.....好抵!!!呢個已經係我望到既最貴哥個餐!!!d円平左望咩都抵d!!如果十算既話就要成差唔多$400hkd.......有10件手握壽司...有件玉子燒...3件卷物...同埋一個麵豉湯..........(我記得佢好似有話要一人點一份餐的)




er...好啦...我認我有忍唔住偷影.....佢唔會成板壽司出俾你....一件一件咁出.....按濃淡口味順住出俾你.....放係你前面塊葉度~~有一舊大拖羅壽司...正到呀...出唔到聲~~~~佢哥舊自家製玉子簡直殺死人無命賠!!!!激好味!!!!!!!~~真係真係每一舊壽司都好好味!!!!圖中的為鰻魚和海膽~~~偷影真係好難影~~~海膽真係好好好好好味~~~~鰻魚都係~~~~佢個麵豉湯入面好好多細細粒細細粒既蜆...細粒到我都未見過....個麵豉湯好鮮甜~~~d蜆肉超鞋但超有蜆肉味~~~




然後佢出左一件用小碟放既壽司...個形狀....咁怪既???入口有少少辣辣地...但又甜甜地..口感奇特....我靈機一觸....攞住隻碟...然後係電話寫上兩隻漢字同問號問師傅.....得到師傅的答案係點頭!......原來呢個...就係傳說中既白子!白子即係......魚類既.....精巢~~~~其實食落唔核突既~而且有好豐富既營養....係港澳食白子好貴架~依家一個250hkd既壽司餐有得試到~我已經好開心~~(我想講而且紫菜超脆)

食完呢個早餐...我....堅飽~



之後就行番去場外市場行下啦~~~~




上次食唔到...我話過!!我今次一定要試到築地哥d好出名既玉子燒!!!揀左好出名既松露....地址:東京都中央區築地4-13-13.....網址...1924年開業至今~~佢d蛋漿有加鰹節上湯同埋砂糖....由於加左鰹節上湯從而用少d砂糖~所以唔會過甜~~




佢有好多隻口味架~~~但係我就揀左山菜燒 310円=20.2hkd...我哥塊係迷你版黎架~因為我怕太大舊食唔哂~~我都唔係即刻食...我係放左入袋玩左成日之後係酒店再攞番出黎食...雖然買既時候都係雪櫃攞出黎並唔係熱食..但係....頂~~好好味呀~~~蛋味好正!!而且加入山菜爽爽的!!!口味一流~~~搞到我下次想試埋佢其他口味~~(有親子燒..櫻花蝦..鰻魚碎..紀州梅..鴨肉等....)




繼續閒逛~




呢間係百年關東煮老鋪佃權~但係我真係...無辦法再買黎食喇~~偷偷試左一粒試食就走左去~~




好靚呀好想食~~~




老闆~滿唔滿意呀~~~~~(見你個笑容應該好滿意喇~笑成咁~)

沿住條大街一直行..就會去到Metro既"築地"駅~(記得唔係講緊去程既都營既"築地市場"駅)...去喇~下一站......估下係咩~~~待續~





2015/03/31的開心事:
咦~我今日又見到你喎~
開心~



報時:距離公子新加坡喪吃自由行之旅2015仲有---2日~
報時:距離關西哈利波特之旅2015仲有---81日~
報時:距離冰島格陵蘭自由行之旅2015仲有---180日~
仲有兩日~頂住~
好耐無去過公子旅行~~

27 則留言:

  1. 個app幾正喎
    老闆看來非常滿意^^

    回覆刪除
    回覆
    1. 係呀~~超級好用你下次去都用下~
      係呀老闆好開心~

      刪除
  2. 日圓平了咁多,真係買、食都豪爽啲﹗

    回覆刪除
  3. 好姊妹♦º✬瞓覺呢⊹*¨☁晚晚甜夢安睡★☾°¨✫

    回覆刪除
  4. 哈哈・゚仲有---2日...新加坡喪吃自由行之旅

    回覆刪除
  5. 和媽媽...一起0都咀...拍照片...感覺很快樂幸福...唔使怕醜的

    回覆刪除
    回覆
    1. 哈哈~真的嗎~~~我地真係搞笑的~

      刪除
  6. 築地我09年去過呀,但冇食白子。
    睇見都想食呀

    回覆刪除
    回覆
    1. 其實我都係舊年先知有白子呢樣野~

      刪除
  7. 交通方面, 手機app真係幫得手呀 :)

    回覆刪除
    回覆
    1. 係呀!!所以我就噚晚問你哥個極光app係咩囉~~想睇下係咪真係咁準~~
      等你報告~

      刪除
  8. 築地市場真喺TV拍過好多次特輯,
    上面嗰啲舖頭熟口熟面,
    由其喺壽司店拍過好多次!
    玉子燒好正,我好like
    伯母超開心~~

    回覆刪除
    回覆
    1. 係呀~~真係好正~~~
      影得太多所以大家都熟哂~
      我好鐘意食玉子燒架~~好味~~~
      佢開心就好喇~

      刪除
  9. 築地真係一個進貢五臟廟既好地方呀。

    回覆刪除
    回覆
    1. 係呀~佢d壽司真係好好好味呀~

      刪除
  10. 白子咁嘅樣你夠膽食,佩服!!
    伯有笑得燦爛之極,幾似你

    回覆刪除
  11. 0都咀相好好笑!
    「日本人就係有咁樣既一份細心~」,其實香港都有這些店舖,不過衹限長者和小朋友,哈哈哈...... 我們無分!
    明天出發囉,玩得開心些。

    回覆刪除
    回覆
    1. 哈哈~~要遮醜~
      寒風送暖呀~人人有份呀~
      唔係聽日呀係後日呀~~~~~~

      刪除
  12. 還未回來?好掛住妳⋯⋯個慶生之旅。

    回覆刪除
  13. 唔影得想架?
    同埋想問....你偷食係人地請你試定你真係偷食呢?

    回覆刪除