2015年3月19日 星期四

香港迪士尼奇幻之旅2014-11-03 Part 1

我好驚呀我好驚呀我好驚呀~~~~~我頭先開唔到電腦呀~~~~你知唔知開唔到電腦對一個宅女黎講係幾咁大既創傷呀?!?!??!幸好~最後開到喇~~~依家好幸福咁坐係度寫blog~搞到我唔想再熄電腦呀~~~今日講左好多野...個喉嚨有d唔舒服呀~~等我今晚飲番杯蜜糖水先~幾辛苦都好~聽日就係friday啦~~~真係好開心架~



今次我地終於擺脫左唔係12月8日去迪迪尼喇~~~原因好即興~~因為11月3日係澳門補假...唔係度度都補既情況之下....加上我第二日又攞左假喎~~咁近近地就去下迪士尼玩下啦~~~~~~哥次去呢~岩岩好係迪士尼加價之前去架~~船飛+門劵係729hkd...我覺得幾抵喎~~~~佢仲要送左張24小時任搭既港鐵飛俾我地添~~~抵上加抵~~(因為來回程港鐵都要50幾hkd啦~)....超早船~好似8點....坐埋車....大約10點就去到迪士尼啦~就係呢架車帶我地進入奇妙既世界~~~~






我真係覺得個車站好有去霍格華茲既feel~~






今次一齊去既人有~帥氣三兄弟~哥日樂園開朝早10點~想知每日開園閉園時間....請到香港迪士尼樂園官方網站查詢....出發前上網查.......我最愛玩的space mountain關閉維修......我真係勁失望...次次黎都玩兩次架嘛!!!!!!!!!!!哭哭!!!!!




呢日天陰陰呀~無啦啦番風~有人以為自己好大隻~又唔帶衫~最後梗係我最大隻啦~好啦我借俾你啦~~~自拍神棍真係好好用~~~3兄弟可以不求人影相~






我地今次既飛係佢地3個呀~~~~~~大龍最靚仔~(即泡泡龍~)




雖然呢日係星期一~但係都幾多人下~~~我每次黎都會同呢度影相的~~我記得有一次米老屎個樣d花既色係好似啡色咁既面色~~好好笑~~~




一入場梗係要攞番張時間表同地圖睇睇啦~~~哥期有夜間巡游呢~




一入園我最鐘意就係同d得意帽影相~~~但係唔俾錢買~~呢頂同我好襯呀~~~~條"鞭"好似係我個頭度生出黎咁~~(雖然唔同色~~)




兩位牛仔公子~




11月頭就已經擺左聖誕樹係度呢~




帥氣的聖誕節版"就是你"~




本第諗住直行先架喇....但係望望下點解咁多人排隊既??呀~~~~~~係我最愛既鋼牙大鼻等緊我呀~~~~好可愛呀~~~一定要排隊親親佢地啦~~~




個個同佢地影相都好似變番小朋友咁~佢地兩個太趣怪了~




好喇~行入美國小鎮大街~有一邊外牆維修緊~都好有誠意整左個假外牆~









2015/03/19的開心事:
今晚我媽整左蕃茄薯仔洋蔥紅蘿蔔通心粉呀~
好好味~~~~
仲有拍黃瓜~~正!



報時:距離公子新加坡喪吃自由行之旅2015仲有---15日~
報時:距離關西哈利波特之旅2015仲有---93日
報時:距離冰島格陵蘭自由行之旅2015仲有---192日~

42 則留言:

  1. 香港迪士尼差不多十年前帶我仔女去過,依家好似多佐好多野玩.

    回覆刪除
    回覆
    1. 係呀~我兩三年無去已經覺得多左好多野玩~~

      刪除
  2. 你咁鍾意迪士尼,咁你有無去奧蘭多果個呀,超大超正,一定玩到你瘋瘋癲癲,而且orlando仲有好多其他的主題公園,起好玩架
    每次影就是你嘅相,毛寶都超chok,型晒^^

    回覆刪除
    回覆
    1. 又真係無喎~我淨係去過西岸哥個咋~~~~有機會會去下!
      我呢~~我唔chok架~~

      刪除
  3. 嗚嗚.......space mountain關閉,最好玩都係哩個~
    係咪潮濕呀,所以電腦唔聽話?

    回覆刪除
    回覆
    1. 都係架~~而且又靚喎入面d星星燈~~
      我都有咁諗過~~

      刪除
  4. ♦✬°¨瞓覺豬呢✫☾¨º°¨★晚安☁°...Zz...甜夢安睡

    回覆刪除
  5. 下次來香港玩...約會我呀

    回覆刪除
    回覆
    1. 好呀~~~如果有機會有時間約你玩下先~

      刪除
  6. 回覆
    1. 距離公子新加坡喪吃自由行之旅2015仲有---15日........咋......哈哈

      刪除
  7. 上年11月3日, 我係香港, 忘記了做左D乜...... 回看相片, 那天.... 我無所事, 四圍去, 去了鴨寮街買電子野和單車坐位,

    回覆刪除
    回覆
    1. 咁岩線既又會~~~咁都同你係同一天空~

      刪除
  8. 迪士尼咁耐去過一次之後都冇去過啦

    回覆刪除
    回覆
    1. 我又ok喎~~~再去我都係咁開心~

      刪除
  9. 真係好驚電腦神咗,你都話有計去整,我完全束手無策棟喺度……
    迪士尼我都想再去,以前買年票都係去得嗰一兩次,我真係好衰……

    回覆刪除
    回覆
    1. 我都無架~不停重開機咋~又俾我搏到喎~~~
      咁浪費呀..買年票先去兩次

      刪除
  10. 迪士尼奇幻之旅,要追看啦!

    回覆刪除
  11. 729hkd連船飛地鐵飛真係激抵@@
    好彩電腦冇壞update到個blog

    回覆刪除
    回覆
    1. 係呀~~係哥次咋~~之後迪士尼就加價喇~
      我開唔到電腦個人真係好傍徨

      刪除
  12. welcome to hong kong ^0^ 我諗我都有2年幾冇去迪迪尼喇, 睇下妳介紹先 ^.*

    回覆刪除
    回覆
    1. 我真係好鐘意迪士尼樂園架~如果有平我會再去~

      刪除
  13. 我好耐無去迪士尼喇, 自從話有好多自由行去個度之後, 我好唔鐘意同人爭.....所以避走左迪士尼同海洋公園呀~

    (我最近睇返你啲舊BLOG, 差啲唔認得你個樣呀~~~ HAHHA 我覺得你而家同以前真係好大改變呀~~而家造型好潮好型呀!)

    回覆刪除
    回覆
    1. 好可惜喎~你地咁近都唔去~~~我去專登坐船過黎先有得玩架~~~
      喂~~~好喇喎~~~~~~~~~~~~~~~~~~你知嘛...你搞到我星期六日都有睇番自己d舊blog...真係老土到震~~)

      刪除
    2. 我係見熱門文章到彈返啲舊BLOG出黎, 以前都唔係老土呀, 係少女味重左少少啫~~~

      刪除
  14. 我到現在都未去過迪迪尼添!
    歡迎三位帥公子到 港......

    回覆刪除
  15. 哈....原來妳身材咁高架!
    仲話自己矮~~

    回覆刪除
    回覆
    1. 唔係呀~我唔高架~~~只不過同行既人比我矮少少你咪以為我高囉~

      刪除
  16. 我月頭都去呢呀, 好少人, 勁正, 但果晚無咗夜光巡遊, 嗚嗚~

    試過係公司開唔到部電腦, 我喪Crazy地用腳踢佢, 再出言恐嚇"你再唔郁我就拆散你", 部電腦嚇到即時郁返, 我果刻覺得自己有精神病, wakakaka XD

    回覆刪除
    回覆
    1. 下~~~係呀~~~迪士尼真係好開心的~~~
      其實.....我成日都係咁架~~~~~~不過就溫柔d~~淨係對佢出口術~~

      刪除
  17. haha.......妳不算宅女了
    妳到香港遊
    飛也想去澳門拍攝 ^_^

    回覆刪除
    回覆
    1. 我工作天是宅女呢~~
      我地係大家生長既地方互影~~~

      刪除
    2. 不知會否在街上遇到 ^_^

      刪除
  18. 去過兩次門口,都系擦身而過,一次送我內地表妹去迪迪尼門口,我仲同兩個姪女去,
    另一次去果邊派件,派完件,就走人.真的想搵日真系入去.唔系到門口

    回覆刪除
    回覆
    1. 咁要去下啦~~真係幾好玩架~~~~
      米老屎令人好開心~

      刪除
  19. 真係好鍾意迪迪尼架車呀 有米奇嘅耳仔 好得意^^
    兩位帥氣的公子 戴了牛仔帽更加帥氣!!!

    回覆刪除
    回覆
    1. 係呀~好靚呀~你就好啦~你可以去美國哥個迪迪尼~~~~~
      野~~又讚人既~

      刪除