2015年3月26日 星期四

東京媽媽慶生之旅2015-03-05第一天Part 1(炎熱晴天)

我想講呢~~今日個feel真係堅似星期五~~唔知點解~~~~近排真係開始覺得有句說話係岩架:人無恥則無敵.........唔知d人點解要咁架喎...大家好好相處咪好囉.....又係要將明明係自己唔岩既野講到人地唔岩咁.......同呢d人做朋友或者同事都係十分之難頂!!(真係唔好講話做情侶)



2015-03-05
Day 1---Part 1(澳門 Macau->日本,東京 Japan,Tokyo)
hey~hey~今年第一個遊記要出發了~~~~~成員有:我和媽媽~~~~好彩出發去機場同番屋企都有舅父車我地~~實在係太感謝舅父喇~~~哥日我地7點鐘就上舅父車出機場~~早到連澳航既check in counter都未開~等左一陣check好in我地就跑入禁區喇~~~~~~~(今次我好慘呀出發哥日塊面又發紅..所以全部相都係咁遮遮掩掩~仲要有粒暗瘡係人中....全部相都豬咀先掂!)




入到禁區先8點左右~我地就去左禁區入面個Lounge度食早餐~~~~華...我以為早機會好多人去食野...點知..........一個人都係....何其清靜~~~~~~~~~~~~~




裝修左係靚d~但我覺得食物既種類少左~




係Lounge食早餐望一望先知....原來登機證後面係金秀賢做既代言呀~~~好衰架~~~隔空陪人地搭飛機既~~~~~~~真係好有心思呀~~~~(花痴mode)




到咁上下就係閘口等上機啦....驚見....咦!!原來呢班機係澳航同埋ANA聯營架喎!!!!驚喜~




我地係搭澳門航空09:30既NX862班機由澳門直飛去日本東京!哥日幾驚佢大霧或落雨呀~好彩都無咩落雨~




然後上到機...我地兩個要左通道位坐....坐窗口既係一個日本既伯伯...正當我靜左發呆時....

日本伯伯:Are you live in Japan?
我:(驚)Er.....no......
日本伯伯:0我~you live in macau!
我:哈哈~yes
日本伯伯:You go to Tokyo?
我:Yes....
日本伯伯:Sometimes go to Japan?
我:(尷尬)Yes!
本來都無咩野既....叫做同隔離位講下野.....但係隔左兩分鐘日本伯伯再次望住我...
日本伯伯:Are you live in Japan?
我:............Er.......no............
然後我地將頭先既對話......完全一樣咁再講一次...
令我諗起.....
逃學威龍既周星星..同埋教化學既曾sir(wakakakaka)



今次隻機d座位都算闊~而且仲幾新淨~~好喇~又來填入境表~




填完就剛好就派餐喇~~~下~~~好驚喜呀~~~~以前澳航淨係得d超難食既飯或者芝士火腿包呢d簡餐架咋喎~~依家d餐咁靚既???唔通係因為同ANA聯營的關係????雖然唔可以同其他航空公司比....但同以往比..真係好左好多!!!有冷麵喎!!仲要飯上曬芝麻呢個動作我已經覺得好日式!!!!牛肉同魚我揀左魚!!估唔到的幾好食!!係三文魚~唔怕腥!




雲外看~生生趣~....唱到癲左~(襯日本伯伯去廁所時影的~)

好~講下個匯率先~我今次無換錢呀~因為我上次仲用淨20,000多hkd....由於之前換哥d円個匯率無咁抵...所以今次哥d大數我都係刷卡消費最抵!!而我去哥時個匯率係6.4x....即100円=6.4x hkd.....咁我今次個遊記就用6.5黎計俾大家睇啦~



本身預計到達時間係15:00既...神奇地.....14:30前就到左東京喇~~~~記得日本快一小時喎~~~~好驚喜~早左到~~~我地係Terminal 2落機架~~由於我地都算坐到好前(好似係第8行)....所以我地都好早落到機...然後............我迫我媽好似上次我同毛寶競步咁行去入境(因為想快過同機既人).....因為驚好多人排入境嘛~咪要用好多時間.............點知個停機坪泊到超遠~~行極都未到...我媽問:點解可以咁大架?仲有幾遠?...我:大概行多一個山頭(講笑mode).....媽:點解我覺得仲遠過行左個松山既??........救命~~呢段路真係好好笑!!我地行下行下....漸漸咁變成全機第一!......行到去入境哥度....................一個人都無...哈哈哈哈哈哈哈哈~~~笑屎我~直到我地入左境.......都仲係未有同機既人行到黎~~~我諗我地真係行得好快!!!!!!!!!!!!!!!!!




入左境去攞行李......我媽想去洗手間我等行李......以為要好耐...點知我行緊去條輸送帶我媽件行李已經出緊黎...我哥件都緊隨其後...........快到........我攞哂行李....我媽都未去完廁所~~~~~~我地攞完行李過稅關哥一刻望番轉頭.....我地條輸送帶係一個同機既人都無.............................哥刻我覺得...姐贏了~




出左禁區除非你坐機場巴士啦~如果唔係你見到鉄道字樣就搭扶手電睇落去就岩喇~無論你搭Narita Express...Skyliner定係Cityliner...買飛同月台都係哥度的~今次我無再揀搭Narita Express喇....雖然佢有外國人優惠(但只做到3月13日,已完結)...1,500円(單程)=97.5hkd...抵係幾抵既...但超多人排隊買飛...而且車速很慢呢(要成90分鐘先去到新宿)...既然都係要係轉車...咁就試下快得多既Keisei Skyliner啦~~最開心係唔使排隊買飛~詳情請看Skyliner官方網站





咁本身由成田機場既T2去到日暮里站車費就係2,470円=160.6hkd...咁我地既目的地係池袋...咁買飛時同佢講埋佢就會計埋車飛錢一次過出哂...去埋池袋既總價格每人2,640円=171.6hkd.....wow~貴過Narita Express成80蚊hkd架~不過我都係揀搭佢~因為佢班次多d!(時刻表)同埋去到日暮里站只需36分鐘...去到日暮里站同JR連接...就直接可以轉山手線去池袋喇~日暮里搭JR去池袋就12分鐘...加埋50分鐘都唔使!!俾多d錢真係快d!

其實呢出發前睇Skyliner都有優惠既..上網可用護照先買定...咁就2,200円=143hkd(至日暮里)..但係佢買哥時又要揀定咩時間....咁我又唔知我幾點到同埋多唔多人過關....咁預唔到時間就算lu~現場先買~如有興趣就上佢官網睇下啦~



座位超級的闊!!坐得好舒服~老闆表示滿意~




出發前上網睇天氣話今日多雲架喎~~~好開心呀見到咁好天~~~~




真係好快~~~搭左一陣就已經見到市區景!!




咦咦咦~~~見到可愛的晴空塔喎~~~~~咁即係應該差唔多到日暮里(Nippori)了~~~(會經過日暮里才到上野)




yeah~~到達日暮里車站~~我覺得呢張相d陽光好充滿希望feel~在日暮里站內轉山手線就可以了~我第一次黎呢個車站咋~




wow~到左池袋~天氣好好呢~~~~揀池袋既原因不外乎係夜晚過左9點都仲好熱鬧好多野行~呢個時候我覺得天氣預報騙我的...又話3-10度....我熱到出哂汗~~~~~




今次都係唔熟唔住~又係揀舊年住過的池袋京王布萊索酒店(Keio Presso Inn Ikebukuro)...地址:東京都豊島區南池袋2-29-11....酒店網址....就係隔離有間Family Mart~喜歡~




不過東京市區旺區d房你又唔係俾十萬八千七就唔好諗有幾大喇.......但我覺得都ok既~老闆都表示滿意!




原因係有條走廊位放行李同執野~都還好~




廁所~都算乾淨架呢間酒店~而且住過兩次都訓到死豬咁(可能太攰)




哈哈~放低野係酒店一衝出黎就搵野咬下先~~~就係Tokyu Hands斜對面~就係呢間食章魚燒的~相信好多人都食過~地址:東京都豊島區東池袋1-21-1....網址






特點就係:係一大大大粒的章魚燒~~我地叫左明太子口味的....490円=31.9hkd....好好味~~兩個人分一粒剛好~熱辣辣食好好味~ 而且個粉漿溝得好好味~~媽媽也說好好吃~






之後食飽梗係去行下Tokyu Hands啦~地址:東京都豊島區東池袋1-28-10....營業時間:10:00-21:00...網址




野~~~我真係好鐘意行Tokyu Hands架~~因為真係覺得好多野睇~~~~咩都有~~~~~好多新野得意野~




點知媽媽覺得悶悶地..唯一吸引佢既就係....Made in Japan既陶瓷刀~







2015/03/26的開心事:
睇見你好番好多我就開心喇~~~
仲有今日舊牛奶蛋糕到左我手喇~
一陣間食完飯~姐姐就會慢慢將你....hehe~



報時:距離公子新加坡喪吃自由行之旅2015仲有---7日~
報時:距離關西哈利波特之旅2015仲有---86日
報時:距離冰島格陵蘭自由行之旅2015仲有---185日~
仲有一個禮拜咋~~~~~~~
番多一個禮拜工咋~~~
yeah~~~~
最正係今次公子旅行完全係公眾假期~~~
一日假都無攞過~~~

49 則留言:

  1. 「又係要將明明係自己唔岩既野講到人地唔岩咁」,我都見過不少,還要向全世界裝作自己是受盡委屈添,生氣就輸了!祇會傷害自己的健康!
    兩姊妹,出發囉!期待故事,好期待!

    回覆刪除
  2. Baby baby ... 好似天助你也呀!!!!!! 第一個入境 行李又第一個出黎 睇到呢度覺得好好笑呢 hehe 我見到d線轉黎轉去 就覺得好複雜 haha 你真係好熟好熟ah^^

    回覆刪除
    回覆
    1. 哈哈~~我地係咪好癲呀~~競步去入境~~行得超快~
      都唔係呀~~因為舊年去過先知je~

      刪除
  3. Lounge入面食早餐使唔使俾錢架,澳門机埸禁區內仲有無其他食肆架
    問完兩次之後個日本阿伯仲有無同你傾計,定係不停重覆問題呀
    所以話呢,時間就係金錢,呢句話無錯

    回覆刪除
    回覆
    1. 其實要架...有某d特定卡種就唔使囉~有架~依家開多左好多呀~
      無喇~~因為佢訓得好冧呀~
      無錯!!!如果想要時間呢班車真係唔錯~

      刪除
  4. 其實呢個世界乜人都有,一樣米養百樣人呀
    嘩~~~間房巧細呀,我09年住新宿果間大過妳住果間呀

    回覆刪除
    回覆
    1. 無錯...所以唔計較得咁多
      新宿d房係大d架..同埋貴d添囉

      刪除
  5. ♥*好友❤♡•*¨✬*☾º瞓覺豬時候呢°¨✫晚安☁★

    回覆刪除
  6. 笑嘻嘻...眨下眼又就到星期五了...時間過得超快呢

    回覆刪除
    回覆
    1. 我依家希望快d到星期四~~~因為星期五要放假了~

      刪除
  7. 距離公子新加坡喪吃自由行之旅2015仲有---7日....咋
    可和媽媽一起去旅旅...真係幸福又開心

    回覆刪除
    回覆
    1. 係呀我好緊張呀我要食好多野~
      係呀能夠同佢去旅行都係一種福份~

      刪除
  8. 真係僑啦,我都是3月5日出發去日本,是去北海道,第一日去到重有時間去濕平,正呀﹗

    回覆刪除
    回覆
    1. 係呀第一日重有時間真係好好的~你就好啦~去北海道~一定好開心~~~~~

      刪除
  9. 我每一次上到機坐低, 就會攞張飛機平面圖來看看, 睇清楚途生門係邊度, 隔多少個位才行到.

    攞行李唔洗咁快咁熟路, 但走去途生門就一定要快了, 呵呵呵....

    現在美國航空公司國內機分開不同座位的價格, ISLE, MIDDLE, WINDOWS, 前和後, 都唔同價錢, 最攪野係途生門旁的座位, 原來係貴D咖.

    回覆刪除
    回覆
    1. 其實我都係架~一上機就會睇逃生口係邊~
      攞行李都為左慳時間~
      其實依家大部份國內線或者廉航都會咁架..要俾錢買位..通常我都係買近逃生口既位..
      我地呢邊最貴既位除左最闊哥個逃生位..仲有越前越貴..反而窗口位同通道位就無咁分的

      刪除
  10. 伯母影相好活潑呢!又有冇買陶瓷刀?

    回覆刪除
  11. 呀JP伯伯好攪笑~~
    真係唔好信D網站溫度,話就話3-10,我估日日都有10-12度,咁個3度去左邊呢?
    可能太大,某D地方真係有3度,不過市區就唔同囉~
    瞄到Tokyu Hands有皮革用品呀!

    回覆刪除
    回覆
    1. 係呀~~我真係俾佢笑屎~
      原來係夜晚就會咁凍~~凍屎我~~
      哥日早上確係幾熱...無太陽即凍~~~~
      係呀!!!你下次去可以睇下~

      刪除
  12. 伯伯係咪純粹想搵個人打下牙骹啫hahahaha...
    你去東京都係好熟路喎,仲熟過返屋企XXD

    回覆刪除
    回覆
    1. 都...應該係既...........哈哈~~~~~
      梗唔係~~我淨係識我行開哥d架咋~~~

      刪除
  13. 期待期待你的東京之旅BLOG

    啲無恥人真係好黑人憎, 係公司個啲點避都避唔到!!
    如果係朋友佢係咁, 我會同佢絕交

    回覆刪除
    回覆
    1. 我努力日架喇~~~~~
      係呀....直接話佢又唔係....唔話佢又自己受罪

      刪除
  14. 因為你塊面出事所以冇乜你啲相變為伯有擔正!!......咁唔好話我黑心,你又唔好嬲,我希望新加玻之旅你塊面都......
    "人無恥無敵",香港嘅"人"係有深刻體會,真係冇計......

    回覆刪除
    回覆
    1. 我同你講...唔係話你黑心..係你根本黑心!!!你知唔知咁樣咒人地身體有事好衰架?我塊面出野就係小事就可以咒????我每一次出塊面都好熱好痛架!!我同你講呀....你有報應架

      刪除
    2. 對不起,我不過說說而已......咁祝福番你,套戥番,無事了,恭喜恭喜.
      報應報咗啦,受緊啦.

      刪除
  15. 今日唔洗“好似“星期五啦~~
    今日係真正嘅星期五^^
    期待新加坡之旅!今日好開心可以見到你^^
    放10000萬個心,面豬會好快無事,勿擔心

    回覆刪除
    回覆
    1. 係呀乖呀貞~
      見到你我都會好開心架~~~~

      刪除
  16. 今日唔洗“好似“星期五啦~~
    今日係真正嘅星期五^^
    期待新加坡之旅!今日好開心可以見到你^^
    放10000萬個心,面豬會好快無事,勿擔心

    回覆刪除
  17. 齌睇相就知媽媽老細超滿意今次嘅行程安排啦!

    回覆刪除
  18. hahaha... 對付教化學既曾sir嘅最好方法係, 反問佢好多問題, 等佢無機會無限Loop XD

    回覆刪除
    回覆
    1. wakakkak~笑屎我喇~~~但我又諗唔到咩同佢講~~~

      刪除
  19. Tokyu Hands 真係好好行 啲野實用得嚟 有啲又好攪鬼喎 我都好鍾意行㗎~~~
    第一日就咁精彩 期待期待^^

    回覆刪除
    回覆
    1. 係呀~~仲有好多搞鬼野架~~~俾我實有排睇~
      多謝~

      刪除
  20. o係澳門直飛方便好多喎, 唔洗趕過o黎香港 ^^
    好喜歡妳個搞笑花痴mode ^.*
    auntie好利害呀, 可以跟到妳o既摩打腳!

    回覆刪除
    回覆
    1. 係呀~同埋如果番黎仲要係香港番澳門真係會浪費好多時間~
      哈哈~~我傻的~~~
      我都覺~~~~

      刪除
  21. 日本伯伯好攪笑,同媽媽倆個人去旅行一定好開心
    點解你咁多旅遊報時,真係羨慕C人呀~~
    我剛剛喺九州返嚟,原來都Ok喎,不過依家無時間寫blog,你唔介意可以fb add我:CCws Chan

    回覆刪除
    回覆
    1. 都ok啦~要就番佢既步伐啦~
      我依家都好緊張呀~~~~好想快d去旅行~~~
      下~係呀~你就好啦~~~好呀我add你fb啦~但你張相係點架???我搵左但唔知邊個係你呀~~~一係你ADD我啦~~tiffany lei

      刪除
  22. 你幫你媽媽拍的這張照片,,你媽媽表情好活潑.

    回覆刪除
  23. 希望佢下個月都有DISCOUNT 啦

    回覆刪除