2015年3月16日 星期一

我的生日會2014@天政

今日星期一...對今日既印象就係:不停工作....哈哈~~星期五真係多野做到嘔~~~但反高潮地超準時收工~~~(及後先發現原來星期五係black friday)....周末就係毛寶家開始plan去冰島既野~開始感到興奮又緊張~~~但6月既日本之旅就岩岩噚晚先book酒店~~~仲有一晚未訂~~傷腦筋呢~仲有仲有USJ既門票未買~~~~~



仲係講緊我既生日飯~哥期我真係食唔停口~~~~今次輪到媽媽請我喇~~~係我生日正日~~~~去食新濠鋒酒店11樓既天政~~~電話:2886 8868......打去訂時記得話係要訂天婦羅位呀~因為哥張枱係先會見到師傅係你面前炸天婦羅架~~~雖然之前已經食過一次....但係都係覺得好開心呢~(呢間就係我話食話天政之後唔會隨便再放其他餐廳天婦羅入口哥間~~~我講澳門區咋~)





U型的大天婦羅枱~很有氣勢~




我今次點左呢個餐~秋日天婦羅套餐~~原來有分時節架..搞到我好想去試哂4季呢~(但可惜太貴..都係生日先可以食一次~)




媽媽同毛寶都係點左呢個餐~




好靚~好靚~




望住佢d餐具都已經係一種享受~有三種調味....左邊哥種種係普通的蘿蔔蓉加豉油...中間係鹽...右邊係酸酸地好似醋咁既~每樣都可能要點既野唔同...咁佢會俾每一樣野你既時就同你講要點d咩~





師傅出黎喇~~~試油溫喇~~~




師傅會將d材傅俾一俾我地睇先既(天婦羅部份)~~呢個係我既秋日天婦羅套餐$1,380......好多野食呀~




有個小前菜~




套餐內的廚師精選~




刺身三款(廚師精選)....雖然佢係專做天婦羅餐廳...但係刺身都好新鮮好肥美呢~~~~~而且很美~(笑)




跟住師傅就會逐樣逐樣係你面前炸架喇~一炸好就上枱~超新鮮~~~~




蝦天婦羅~~唔大隻...但粉漿薄薄的剛好包住蝦...真係好好食~~~炸竹蝦有兩隻~~~~




另外時令海鮮有4款..其中一款係魚~好味~




呢個就係師傅頭先左手揸哥兜野~~~係d魚仔...加左d葉既物體撈埋....華~好好味~~




呢個係紫菜入面包住海膽黎炸!!!係....堅!!!好!!!食!!!真係真係好好味~~~~





仲有紫菜包住帶子既天婦羅!!!好正!!




炸時令雜菜3款~~~有露筍同埋菇~(個菇好多汁~~)....同埋仲有兩粒栗子~(幅相唔知去左邊~)





仲有松茸天婦配松茸泡飯及日式鹹菜..食完天婦羅有d滯滯地~食呢個就岩架~清清地~~~d鹹菜好好味~





佢個泡飯既湯入面仲要超多料~~~




甜品我揀左葛絲涼粉~~~將d涼粉點入d黑糖度食~好味~未食過~好有新意~




呢個係我個餐既小影片~




hehe~媽媽仲叫埋毛寶一齊食~




好喇~講下毛寶同埋媽媽個餐先..佢地兩個都係點左壽司及天婦羅套餐 $880.....媽媽就揀呢個套餐+配以特式日本清酒 $1,180(有一款梅酒同三款清酒....都幾多下...我地仲痴左媽媽少少飲~其實都幾抵~因為齋一個餐都$880咯...飲多咁多隻酒先多$300~)......以下係其中兩款~





師傅呢度就係兩份佢地既餐係度喇~





廚師精選...其實同我哥個一樣~不過我多一樣野食~




刺身兩款




佢地個餐都係有炸竹蝦兩隻(同我上面個餐幅圖隻蝦一樣)...時令海鮮兩款...有一款同我一樣都係哥個魚....同埋仲有呢個魷魚~




炸時令雜菜四款.......最欣賞好似把遮咁既哥個菇~







手握壽司4件配麵豉湯~




佢地個餐就無得揀甜品既.....就係是日甜品囉~而哥日既甜品就係..好似係芒果慕絲~我哥個涼粉好味d~




跟住食完甜品仲要有4小點....個蜜瓜超甜~好好味~呢間天政係我係澳門食天婦羅的不二之選~(所以一年最多只可食一次~)....其實下午d套餐幾百蚊都有交易架~上佢地個酒店網址睇下個餐牌啦~中午其實一樣咁好味架~




多謝你呀~媽媽~30年前咁辛苦生我出黎....30年後既今日仲要請我食飯~辛苦哂~~~~~~錫錫~

哈哈~~大家睇左我幾日生日飯都飽飽喇~~~唔使驚~~~舊年既最後一餐喇~~~





2015/03/16的開心事:

不停咁諗住去大阪d野!!!
得個諗字都好開心!!!可能只有旅行先可以俾動力我~~



報時:距離公子新加坡喪吃自由行之旅2015仲有---18日~

報時:距離關西哈利波特之旅2015仲有---96日
報時:距離冰島格陵蘭自由行之旅2015仲有---195日~
0我~~~~日本又進入雙位數喇~~~
但未訂過酒店~~~~~~
新加坡就仲有兩個幾禮拜就出發~~~
野~~~~~~~~~

29 則留言:

  1. 我咩都未訂都已經不停諗緊啦 hahaa
    好肚餓呀睇到我 好想食好想食呀 ^^

    回覆刪除
    回覆
    1. 哈哈~岩架~~咁樣番工先有動力嘛~
      我都好想食多次~~~不過太貴了~~~

      刪除
  2. 睇落巧巧食,不過貴咗少少,但一年一次咁就無所謂啦。

    回覆刪除
  3. 精緻日本菜呀,哎呀﹗生日媽媽請你食飯,實在實在太幸福啦,生日快樂﹗

    回覆刪除
    回覆
    1. 係呀我好幸福呀~~~媽媽真好~
      好好味呀呢間~

      刪除
  4. 你媽媽真好,仲請埋毛寶,但你都好孝順呀,媽媽生日同佢一齊旅行,真係母慈女孝^^
    去旅行緊開心,個個都係末出發完興奮,係呢,咁響你去新加坡前有無旅記睇先!!!!!!!

    回覆刪除
    回覆
    1. 母慈女孝~~真係我地既寫照~(係咪好想嘔~)
      er...我努力緊啦~~仲整緊相~~~哈哈~~~應該出到的~

      刪除
  5.  .∧_∧
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    ┈Zzz┈甜夢安睡┈Zzz┈
    ✬*☾º°¨✫晚安安✫☁° ★º°¨♦

    回覆刪除
  6. 媽媽請你食這餐最飽飽喇

    回覆刪除
  7. 好貴啊>口<怕唔怕食唔飽丫?

    回覆刪除
  8. 照計你一個食哂三個餐都唔夠飽嗰喎……不過有時食嘢唔求飽係享受。

    回覆刪除
    回覆
    1. 唔係呀真係堅飽呀
      又享受又飽呀

      刪除
  9. 貴野唔駛成日食,間中享受下,當獎勵就夠啦。

    回覆刪除
  10. 諗起日本之旅我都勁興奮XDDD
    你有冇啲咩食同行既好介紹呀^^
    我諗我都會勁買cdg,undercover,ue,soph.....
    你知唔知邊到最齊貨:P

    回覆刪除
    回覆
    1. 哈哈~我諗起之後哥幾個旅行我都好開心~~~
      野~~~講笑咩~~~你仲清楚過我啦~~~
      我都係鐘意食蟹道樂咋東京~其他亂撞都會好食~
      我今次講真同呢d牌子絕哂緣呀..一來同媽媽一齊
      二來無毛寶係身邊...咩都唔識...最醒就係幫毛寶買左undercover咋~
      cdg上次去過銀座哥間成棟都係哥個呢...就超唔齊碼又唔齊款
      但已經成層都係佢喇喎...我以後都唔去哥間~

      刪除
  11. 點解唔係你請反而要媽媽請嘅?

    回覆刪除
    回覆
    1. 因為佢生日我請~我生日咪佢請囉~

      刪除
  12. 紫菜入面包住海膽黎炸真係幾想試下喎@@
    咁新加坡啲嘢係咪plan好晒

    回覆刪除
    回覆
    1. 真係好好味!!!!
      哈哈~~其他係求其plan咋~因為想輕輕鬆鬆的~

      刪除
  13. 秋日天婦羅套餐係好正喎!
    所以您是旅遊達人!

    回覆刪除
    回覆
    1. 係呀係呀!!!好好味~~~
      我不是呀~我只是喜歡旅行的人~不是達人~

      刪除
  14. 去旅行, 最開心是之前諗果一刻

    回覆刪除
  15. 嘩, 勁羨慕呀!!!!又去冰島呀...今次仲去埋格陵蘭O添.....一定勁正

    回覆刪除