2015年3月12日 星期四

我的生日會2014@金龍酒店

今日天陰陰....番工哥時仲有d落雨添.....不過落雨就好似少左少少人黎咁~都係好事黎既~~~好開心的~~~~今日係星期四~~即係番埋聽日工咋~~~又放兩天休息~~~諗諗下真係好慶幸去完日本既呢個禮拜係番晏既~每日訓多一粒鐘~先可以有咁多能量咋~



好喇~今日要講公子去年為我搞既慶生趴~~~~揀左係金龍酒店食中菜呀!!!!點解要食中菜?佢地話因為今年係60大壽喎~~要傳統d~食番中菜喎~~~~~點解係60大壽??因為我同杯兩個年年都一齊慶祝~~咁我地同年架嘛~兩個30歲咪60大壽囉~~~~wakakakkakaka~




呢個就係我地今日既菜單喇~~~頂~~~真係好似擺大壽咁~




枱上面一黎已經放左兩碟好似出去叫餸咁大碟既黑木耳前菜....好好味~(佢大碟既程度我開頭係以為呢碟係我地餐牌其中一碟...........)




先黎金龍4小碟!!!前菜黎既....1.京城拍青瓜(好味~)....2.腰果蝦乾銀魚(超級香口~因為係一炒起即刻送出黎!!好好味!!!)....3.蔥油海蜇手撕雞(正)....4.馳名鮑汁鳳爪(個汁好好味~~食到個口漿住哂~~)










乳豬五福拼盤....我好想投降.....其實我食完個前菜我已經開始有d飽~~~~~~~~不過佢d燒味樣樣都好好味~(有個公子又叫左個飯食囉...好恐怖呀)




大花蝦芝士焗伊麵......你無法想像的大個....望下後面d豉油碟做比例....就知呢碟野有幾大......................好多隻大蝦!!!d蝦好新鮮~~~整得好好味~~




鮮奶椰子燉竹絲雞....好香椰子味~~~不過飲得多有d漏~~




甜豆百合玉帶鴛鴦蚌......巧多料呀~




水蟹沙白金菇蒸蛋.....好靚呀砌得~~~超多海鮮~~~




養生草烏雞丸西洋菜....真係唔好睇少呢個...佢個烏雞丸可是做得超!好!食!!!!!!!!!!!!!!!!佢d烏雞唔知係有落d藥材既呢?!?!好香好好味!!!!!!!




仲有個蠟味飯....大煲到...............




鴛鴦壽包.......超級好味......一邊係傳統的餡...一邊係奶皇流沙餡....超正!!!!




仲有滋潤糖水同鮮果拼盤~~~

超級大碟超級多野食仲要好好味....我記得只需....$18xx....抵到.....但係咁樣係平時係唔會出現架...係因為識人咋~~~(公子真係有非屎~)....我諗12個人黎先食得哂~~不過唔使驚我地全部打哂包番屋企再享用~~~~



呢日最主要既環節出場喇~~~~~~就係要切生日糕糕~~~~~好靚呀~~~我當初只係話:我想要好大個30字樣既蠟燭....估唔到佢地去訂個咁有氣勢既蛋糕俾我(地)架~~~~好鐘意呀~~~好似人地開記招d冰雕咁有氣勢~~~






呢位小姐同我同一年同一個月生日的~真有緣喇~




兩個壽星女好靚女呀~~~~~~~~~~




好多謝你地呀~~~~~~~~~~~~~












又一輪自拍~~~~~




就是你~~~~加埋30字樣有氣勢蛋糕~~~~~~有無覺得有d怪?!因為我地用自拍前鏡頭影架~~所以相反左~公子們好帥!






hehe~許願要成真呢~




我好似想綁架佢咁~~~~~




哈哈~~由於我地諗唔到要買咩~~~所以我地就話:我要禮金~~~多謝公子們~~~~~




杯仲有送左一本書俾我~~~但係....離30歲得番幾日咋~~~(查實我到依家仲未睇哂~~~哈哈~~)....我地仲話呢本書要一個個公子咁傳落去~~~~我同杯會傳俾其他即將30歲既公子~下一位係:毛寶!




當時麥公子岩岩去完德國旅行呀~~~有手信俾我地呀~~好多謝你~~~~




仲要呀!!!!!麥公子幫我係德國搵到德國隊既"3"星波衫~~~~好開心~~~~~(因為澳門已經搵唔到...只有4星).....好開心佢幫我搵到~~~~~~唔該哂~~~~~3星..仲要做特價!!!!印埋字先4xx hkd...好抵!!!!我梗係印我Ozil bb個名啦~~~~~~好靚呀~~




我好開心呀30歲生日~有大家同我慶祝~~希望每一年都有大家陪住我呢~(心心眼<3)~我好鐘意呢張相~~~~







2015/03/12的開心事:
今日早左少少收工呀~~yeah~~~
因為之前兩日都要成七點先收工~
今日算係進步了~~~



報時:距離公子新加坡喪吃自由行之旅2015仲有---22日~
報時:距離關西哈利波特之旅2015仲有---100日
報時:距離冰島格陵蘭自由行之旅2015仲有---199日~
1字頭喇冰島~~~
我依家有個同事都係冰島玩緊呢~~
見到d冬天既雪景真係好靚呀~~~~

45 則留言:

  1. 生日飯局一個接一個......好開心
    最想食水蟹沙白金菇蒸蛋!!
    東京幾時出,巧想睇~!

    回覆刪除
    回覆
    1. 係呀~~哥個月真係~~好飽飽~
      哥個好味呀超多料~~
      我仲未整好相~~懶~~

      刪除
  2. 有個公子又叫左個飯食?😂😂😂😂😂😂😂XDXDXDXDXDXDXD
    係米即係我丫?😄😄😄😄😄( ´▽` )ノ( ´▽` )ノ( ´▽` )ノ( ´▽` )ノ( ´▽` )ノ

    回覆刪除
  3. 有個公子又叫左個飯食?😂😂😂😂😂😂😂XDXDXDXDXDXDXD
    係米即係我丫?😄😄😄😄😄( ´▽` )ノ( ´▽` )ノ( ´▽` )ノ( ´▽` )ノ( ´▽` )ノ

    回覆刪除
    回覆
    1. 除左你之外仲會唔會有人咁瘋瘋的~~

      刪除
  4. 原來金龍中餐廳D食物唔錯喎, 下次有機會去試下先

    回覆刪除
    回覆
    1. 之後食過幾次的人說:無我地呢餐咁正lu~

      刪除
  5. yeah, 早放工返屋企大覺睏了.... 小t, 睏多d可以養顏瘦身呀, 我最近幾年成日都睏得4-5個鐘, 人老了, 想睏耐d都唔得呀.

    如果你有留意壽包的數目, 這圍野應該係12個人食的, 不過, 佢地超好有水準, $18xx超值呀, 這個時侯這個價錢, 一定係朋友face價.

    回覆刪除
    回覆
    1. 我都有架...我會訓下午覺~

      哈哈~~~係喎~~真係無留意~~咁真係好抵喇~~唔怪得我地食唔哂啦~~~

      刪除
  6. 妳都會話飽~~~出奇
    又係同我同月喎~~~hehehe
    又平又幾抵食

    回覆刪除
    回覆
    1. 真係飽~原來圍野係12人用的~
      係呀~同月~

      刪除
  7. ♦✬好姊妹°¨✫☾¨話咁快又一天º°¨★晚安☁°
       ╭───────╮
       │瞓覺豬呢.Zz│
       ╰───────╯
    ╭───────╮
    │甜夢安睡.Zz│
    ╰───────╯

    回覆刪除
  8. 這幾天都係天陰陰....落毛毛雨...又涼凍呢...番工加衫加外套呢

    回覆刪除
  9. 呢個既菜單喇...我就喜歡呢...正..正...正

    回覆刪除
  10. 兩位壽星........好靚女,青春美麗,喺咪十八咋,
    點睇都唔似三十~~
    真喺好大圍酒席,千八真抵食!

    回覆刪除
    回覆
    1. 野~~~好衰架~~~~
      氹人開心既~~~
      係呀真係好抵食~~

      刪除
  11. 兩位壽星........好靚女,青春美麗,喺咪十八咋,
    點睇都唔似三十~~
    真喺好大圍酒席,千八真抵食!

    回覆刪除
  12. 60大壽真係太正啦!!! 你哋七公子真係好可愛呀!!!
    件德國隊衫好靚呀 你會唔會model比我哋睇呀~~~

    回覆刪除
    回覆
    1. wakakaka~係佢地先諗到呢d咁搞笑既野~~~~
      hehehe~我都想著~~~但唔知幾時著好~~

      刪除
  13. 現代女性三十而立,依家先正式開始大個女咋,要好好地享受以後嘅生活,其實呢次都可以叫番30大壽宴,兩位靚女睇落都係得15+15啫。唔講真係唔知澳門仲有咁抵食嘅地方,仲要喺酒店噃,下次我去澳門都要幫襯下至得。

    回覆刪除
    回覆
    1. 哈哈~~其實我都幾鐘意畢左業後既生活~都唔錯~~~
      華~~好衰既~~~氹人既~~~~
      之後食過幾次的人說:無我地呢餐咁正lu~

      刪除
  14. 六十大壽?哈哈哈 ...... 到120歲大壽時看返今日個 blog,您會覺得甚麼樣?
    黑木耳、腰果蝦乾銀魚、蔥油海蜇手撕雞、大花蝦芝士焗伊麵、鮮奶椰子燉竹絲雞、甜豆百合玉帶鴛鴦蚌、水蟹沙白金菇蒸蛋、養生草烏雞丸西洋菜、蠟味飯都好正!
    您個生日禮物超正啦!

    回覆刪除
    回覆
    1. 唔知呢~應該覺得自己好搞笑~
      好好味呀~樣樣都正~
      係呀~

      刪除
  15. 其實話你去廿五都俾多左架啦,仲好俏呀。

    回覆刪除
  16. 碟碟我都鍾意食呀!生日蛋糕有壽包嘅!生日快樂&日日快樂!

    回覆刪除
  17. 碟碟餸都樣靚身材正喎,抵,最緊要係食得開心
    各位公子仍然花樣年華,個個都係青春少艾^^

    回覆刪除
    回覆
    1. 係!估唔到哥餐咁正~~~~~
      好衰架~讚我地7個既~~

      刪除
  18. 我都好鐘意食中餐架, 你呢餐樣樣我都好鐘意食呀~~
    食呢個做大壽好過癮~~個生日蛋糕又好正喎~

    你地個個都好正~~ 祝你地個個日日都咁開心

    回覆刪除
    回覆
    1. 無錯~中餐真係食極都唔厭的~~~~~~
      係呀!!我好鐘意~好靚~~~~~
      多謝你呀~

      刪除
  19. 乳豬同雙蚌都係我嘅至愛,個蛋糕好有意思呀!好正!祝妳哋青春永駐!

    回覆刪除
  20. Hi,小丅,,我終於攪掂部電腦啦!買咗部新電腦晤夠兩曰就死機!激死!今天早上先送番部新電腦回來!終於可以回覆留言比妳啦!金龍酒店中餐唔錯喎!價錢$18xx超超低呀!香港酒店半圍$18xx都晤得!妳們都好得意喎!攪60大壽!兩個壽星女一d唔似三十歲!㳟喜!我祝妳們七公子友誼永固呀!曰本大板之旅blog幾時有得睇?bye!!!!

    回覆刪除
    回覆
    1. 新電腦用左兩日就死真係慘
      華咁都等左好耐先有新電腦喎
      大阪都未去...不過東京都未出得

      刪除
  21. 咁第時會唔會搞百歲壽宴^^

    回覆刪除