2014-12-23
Day 2---Part 1(台灣,台北 Taiwan,Taipei)
呢日一起身即刻貢出街~要去搵早餐食呀~~~顏家蚵仔麵線.....呢間係Chlo子推介俾我架~~~佢話係全台北最好食既麵線!!!地址:台北市大同區延平北路四段253之1號....營業時間:07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~搭左NT$145=37.4hkd......好~台北來的Chlo子~我信你~
wow~門口在炸我很喜愛的臭臭~
Chlo子說這家麵線無遊客識...只有台灣人會黎~~所以當我地坐低傻下傻下商量緊要食咩既時候...店裏面既人都好奇怪點解我地會識黎...我:因為有個台灣的朋友推介我們一定要來吃的~
哈哈~餐牌得4樣~這是有信心的表現!!好吃的話不用多花巧的~
我地叫左兩個大的蚵仔麵線分享....大的NT$55=14.2hkd....都幾抵喎~~~一吃...大喜~真係好好食呢~佢個湯無阿宗的咁濃...但也好好吃!!!重點唔係d蚵仔...而係佢d大腸!!!有鹵過的!!!好好味!!真係好好味!!!連一向"我跪係度求佢陪我食豬大腸佢都唔so我話有屎味"既毛寶都將所有腸掃光光!!!雖然蚵仔也很脹卜卜...但絕對俾大腸比下去!!!!!!!!原來Chlo子說係可以叫淨大腸麵線的~~~我下次會淨叫大腸麵線!!!!好正!!加埋佢枱上面哥d辣先係一絕~食得辣既記得加~
臭豆腐....NT$40=10.3hkd....晨早我地就咁重口味~~~天呀~~~~好好味呀~~~~~個臭豆腐同佢下面既汁配合得天衣無縫呀~~~~我狂甩d汁黎食!!!!!枱上面有另一隻橙橙地色既辣加埋一齊食仲正~~~~~~~~~~~~~~~~而且佢d酸菜都整得好解滯~(及後Chlo子更正哥d係川泡先岩->四川泡菜)
我地叫左兩個大既蚵仔麵線和一個臭豆腐才NT$150...但係搭的士都搭左NT$145喇~抵唔抵自己衡量啦~我覺得值得~好多謝Chlo子的地道台灣介紹~~~~~~~真的"狠".."巧".."痴"
跟住我地搭的士去我地中午飯既地方...係忠孝復興站附近的(食飽5分鐘都無又去食中午飯XD...咩呀~我地頭先食麵線有留力架~)....落的士見佢未開門咁就去後面既微風廣場行下先囉~~
點知行到夠哂佢開門時間去行番過去....下??點解仲未開既...再行開係附近睇下野再番黎...下??開11:30架喎...11:45度閘都仲係無拉開過既???超嬲..真係超嬲......我嬲係因為...我明明上網睇哂佢呢間鋪會開中午...但係佢無開之餘...我仲要係澳門打左過台北訂枱...我打俾佢哥時仲強調呢間係咪即係中午會開哥間(因為佢有另一間總店中午係唔開的)...係咪有單點食品叫....中午有無得叫海膽干貝漢堡之類之類既問題......然後你去到台灣最後佢無開...你會點?????你好野...我記住你...串鳥2店!!
咁點喎....中午食飯餐日本餐無左.....咪要去搵其他野食囉....(明明岩岩先食完早餐又肚餓)......算啦~去左下一站我地要去既目的地松山文創園區先啦~地址:台北市信義區光復南路133號...松山文創園區網址......佢有幾個入口的...至於點樣去最方便自己咁就上佢個網址介紹看看啦~
佢有好多個倉庫組成~而且不定期有唔同既展覽~~~但係依定要醫左肚先~~~但係我地睇指示牌...下?!?!?得輕食既cafe咋???我地接受唔到~~~~
好彩....行過少少~~~就見到有好大棟既誠品生活~~~而且望上去佢d窗度係望到有野食既~~個人都定d~~~呢度仲有間誠品既酒店呢!!誇張~
我地跑左落B1層睇睇先~係美食廣場咁既~~~本身一d都唔吸引...但係點知見到呢間"野餐吧Pinknic"....
d裝修好靚呀~~~公子們~~衝入去喇~~~~(我認我自己膚淺~~)
好彩早入霸到個靚位~~~可以影靚相~~邊個少女輕托香腮得咁可愛~~~~heheheheheheh~~~~~
呢間cafe實在太忙了..咁大地方得3..4個侍應...連埋煮野食都係佢地~有個自助區實在太好~自己黎唔使煩到佢地~欣賞~冷熱水餐具調味有齊~
好靚呀~~~~
餐牌只有簡單的3版~~~不過都幾多野食~~~而且中午時段係套餐多~
佢d套餐多數可加NT$100=25.8hkd黎叫一杯不含酒精飲品(或者有d餐包埋)...咁我用單點價來介紹~我叫左四季水果茶(熱,壺裝) NT$200=51.6hkd....單點價又真係幾貴喎!!!!但係以套餐換購價黎講我又覺得可以接受.....事實上呢個水果茶係令我超驚喜!!!一開始飲入口我無為意......超!級!的!燙!.......而且飲得出係真係"煲"出黎哥種水果茶既香.濃.甜......並唔係一般"泡"來的!!好欣賞!!!難怪飲品出得有d慢!
麥公子同毛寶叫的鳳梨蘋果汁(前)...蘋果奇異果汁(後)....各NT$170=43.9hkd.....超級的大杯..套餐換購價也是NT$100=25.8hkd每杯~
隨套餐附的每日手工湯品......這天是蕃茄湯~~飲得出唔係罐頭的~~~好好飲~~而且個麵包也超超超好吃~(我地每人都飲到一個湯~好幸福~)
奶油培根鯷魚義大利麵佐半熟蛋(套餐...附手工湯品+搭配任何不含酒精飲品加NT$100) NT$360=92.9hkd....半熟蛋情況不夠半熟....已接近全熟....而且我食唔到鯷魚呢~~是我的問題嗎~~~~不過味道都還不錯~
歐式肉盤佐甜筒蛋沙拉(套餐...附鮮蔬沙拉+手工湯品+搭配任何不含酒精飲品加NT$100) NT$380=98hkd......有甜筒蛋沙拉拍照很美~~~而且出乎我意料培根很好吃~不怕肥~薯條都好正~~~~沙律落黑醋好清新~
草地跑嫩煎牛排佐香蒜薯條(套餐...附鮮蔬沙拉+當季水果+手工湯品+搭配任何不含酒精飲品加NT$100) NT$620=160hkd....呢個唔算便宜啦~但係牛扒煎得生熟度剛好呢~果真的嫩牛扒!!!吸引~
辛勤農夫三明治(套餐...附薯條+時蔬+任何不含酒精飲品) NT$380=98hkd......er...係呀....我地"又"3個人叫4個餐~~~其實黎到呢度我都真係有d飽~~~但係呢...我又一個人食左半個包喎~~~~~原因係越咬越發覺好食~~好難搞~~~
wakakaka~~~最後三明治個套餐麥公子話佢可以包辦送既哥杯飲品喎~我地叫左粉紅岩鹽焦糖拿鐵(熱) NT$180=46.4hkd....咁包埋野飲個三明治餐先98都ok既~~重點是...麥公子飲左一啖後大力推介..但我同毛寶都曬手拎頭話唔飲...我仲話:我淨係飲凍咖啡喎.....點知麥公子再三推介下飲一啖....咦.....真係幾正喎~我估唔到係熱咖啡落d鹽落去飲個層次會咁得意....明明咁分明但又好融合...就係咁...我同毛寶右手交左手...左手交右手好多次之下先還番俾麥公子~
呢間野餐吧Pinknic真的不錯呢~有機會要來松山文創區要來試試呢~
食飽飽要出黎散下步~~點知行過見到某牆壁有我和毛寶都很愛的馬來貘壁畫~~~~~~~~~一邊係彩色~一邊很黑白~好靚呀~~~~~
梗係要同馬來貘來一個來貘調的合照!!!!但....說實在.....其實這個牆壁.....是文創區某個很臭的公廁門外的一幅壁畫(誤)
野~~~~
人地自己噚晚自我放蹤一晚唔寫blog~~~~~~
真係開心喇原來你咁想睇我個blog blog~
我呀.....噚晚又好乖咁11點轉去J2睇都敏俊喇~
仲同W小姐一路睇一路whatsapp...
一個係度:好心跳~...一個係度:我暈喇~
兩個少女睇到火辣辣~~~
睇完我關電視不停講:都敏俊都係好正呀~~
我媽:你依家先發癲呢d叫後知後覺
(我以前仲笑人睇星星鐘意都敏俊係好傻既事~)
我有諗過....其實佢又唔係真係算係好靚仔既...
但係佢既行徑係真係.......無少女唔心甜....
就睇佢咁多年都無買電話....就為左千頌伊一句就買左..
明明唔鐘意同人一齊食飯....就因為千頌伊話唔鐘意無人一齊食飯又同枱食左..
之後仲要係出面食完飯...千頌伊話要食烏冬..
都特登買多碗番黎仲要扮未食野同佢一齊食....
當個個指住千頌伊黎鬧時得佢一個企出黎撐佢...
有邊個唔冧呀~~~~
或者唔係想自己身邊哥個同都敏俊一樣帥氣...
亦唔係話樣樣都要就哂自己為自己改變...
而係想要都敏俊哥種為自己挺身而出~
或者我當初開始喜歡你...
就係因為你為了我有挺身而出過:]
2015/01/08的開心事:
野~~~人地除左布志綸..Ozil同埋都敏俊之外(我表明係都敏俊唔係金秀賢呀)..
哈哈~~~有一個創作歌手我近排都好鐘意呀~~
我今日係佢instagram上面留言..
佢竟然有覆我~~~~wakakakakaka~~~
(不過毛寶說:華..哥個呀唔係呀...咁我寧願你鐘意布志綸)
好~遲下寫完台灣要歌頌下新男神先~
報時:距離公子新加坡喪吃自由行之旅2015仲有---84日~
我都好冧都敏俊^_^個幾份午餐你寫到好吸引,攪到我流晒口水^_^個碗大麵線,重細過個碟臭豆腐?
回覆刪除係呀係呀~~佢真係人高又帥~
刪除我都覺得呢間幾好食~~~
你咁講完我先留意到~~~~~~又真係幾細喎~
邊個少女輕托香腮得咁可愛。。。好想拳頭你:P
回覆刪除搞錯丫。。。。點解丫。。。我寧願你中意ozil囉!
你唔抵得我~
刪除點解呀佢真係好有才華架~我當初鐘意OZIL哥時你都話你寧願我鐘意布志綸架~
er...um...即係好快又有另一個男神囉~~^3^
刪除點會呀...4個夠喇~我好滿足喇~
刪除哩間Pinknic環境好靚,D食物都好正,3人叫4個餐.....好擦得呀~~~
回覆刪除去無旅遊書以外既地方仲開心
係呀~~~~好靚而且野食又正~我地係咁架啦~公子呀嘛~
刪除無錯~
我鍾意呢句:唔好以為你有個職級高過你既老婆就好巴閉!!
回覆刪除培根點解?
加埋個未開名歌手你有4件男神咯噃,東南西北中發白,湊多3件吖笨
都min尊先嘅魅力係要睇過星星先會明
佢真係以為自己好巴閉架個八公~
刪除培根係煙肉呀~英文BACON
HEHE~~~~我今年好似幾多心...我之前3年淨係鐘意布志綸一個實在太傻~世界很大~
咦...咁即係...你睇過??咁你覺得佢點呀~
咁丟臉好去收皮啦.
刪除今日真係學到好多嘢!!
你個理由真係一流,但通常xx先會用.
睇過,戲麻麻近乎渣,但男女主角令人眼前一亮,我呀,而家髮形係齊蔭頭......
佢就係唔知呀..係d新人面前咪扮野囉~
刪除台灣有好多譯名我都唔識架~都係問人咋~唔識咪問囉~唔會有人笑架~
咩呀咩呀xx係咩呀~
係呀千頌伊真係做得好好呀!!!一流!
原來真係有人唔x知醜,佢自己好意思同人講?
刪除.......通常,我指多數,唔係話你,係啲人渣,扮天真扮傻,呃蝦條嘅狗公先講.
男女主角都好,做得好當然千頌伊勝幾籌,企喺度已經夠殺做得到就係都教授.所以你都係唔夠千頌伊鬥架啦.
呢間蚵仔麵線好似唔錯,下次過台灣一定去下。
回覆刪除嘩~~~~妳似木邨托腮喎~~~哈哈哈
正呀~我下次都會再去~
刪除我靚仔過佢~
睇到你D 台灣相真係好想去呀!
回覆刪除金秀賢真係唔靚仔! 但都敏俊真係超級級引呀!!!!!!!!
睇到人心都跳埋~~ wakakakakaka
我都好想再去食野~~不過未有平機票~
刪除係呀係呀!!!!!佢真係...好帥...令人好心跳...覺得自己好少女~
都敏俊真系好正.....
回覆刪除係呀!!!!令人好心跳~
刪除大腸麵線呀..... 正喎!
回覆刪除我好鐘意食~
刪除台灣真喺好耐無去過,
回覆刪除改變真喺好大,台灣小食真心好食,
豬餿油事件破壞咗食嘅氣氛,
西式嘢我見都好OK
準時開門喺承諾,
咁搞揾鬼幫襯,
我最近才睇星星,見妳心思
終於明白點解成人氣No,1劌
野食真係好食呀~~~出現之後去食就唔怕啦~
刪除依家先最安全~~~~~
係呀我真係好嬲呀哥日..仲要我係澳門打過去訂左位!!!
哎呀..都敏俊真係令女仔好心跳~
會毫無保留咁話係你做架====>同意,一人做事一人當!!!
回覆刪除Pinknic果間野環境格調同D野食都幾唔錯喎!!
都教授我諗一定要外星超人先有本事做得到,至少可以一手剎停架車XXD
同埋佢個friend呷醋鬧佢話叫咗佢三十幾年買電話佢都唔聽,人地叫一句就即買,我覺得喱段戲幾好笑kakakakaka
係呀佢睇住黎呀
刪除係呀我幾鐘意食~~~~
但係佢真係好帥....可能就係因為平常男仔做唔到先會覺得佢好正~~令人好心跳~~~
哥度我都笑左好耐呀~~~~好開心你都有睇~有話題~
你呢篇野全部都好似"狠".."巧".."痴"喎!
回覆刪除並實重點係都敏俊能做到其他地球人做唔到嘅野先咁吸引人!
我地實在食好多野~~~~哈哈~~
刪除無錯!!!我就係想講..因為唔會有正常男仔就做...所以d女仔先會咁心跳!!!!
HAHAHA我都有睇都敏俊呀~~
回覆刪除之前已經上網睇左一次架喇~~見J2播又睇啦~~
不過我覺得配千頌伊個個配音配得麻麻地, 聽返原本韓文個個好好多呀~~
佢真係好帥~我有個fd又係咁~~~上網睇完~依家j2又再睇~~~
刪除我難無開碟無上網睇~配音以我未聽過原聲ok接受到...
死啦~~今晚又要夜訓喇~~
小T,唔好嬲啦!出嚟做野梗會遇到這些衰人,做好本份就得。敏感好些味?好多台灣美食,正呀!
回覆刪除唔嬲喇~睬佢都傻~激親自己架會~hehe~多謝你支持~
刪除好d喇~~
我都好鐘意台灣食品~
⊹☁*¨話咁快又星期四☀*¨☼早晨+黃昏好
回覆刪除小t...好番好多咋...精神番D就要打理好身體啊
*¨❤•。*❣ღ。。゚❀*。 ʚïɞ♥*ƸӜƷ•。✿¸.♦•*¨❉•.。♡º°¨
好想又到今個星期四呀~~~快d快d~~
刪除這個社會一定有些人是不可理喻的,不過自己「嬲」,會對自己健康不好的,看他的收場吧!
回覆刪除蚵仔麵線好足料好低!
臭豆腐?咁重口味?哈哈哈
歐式肉盤佐甜筒蛋沙拉和草地跑嫩煎牛排佐香蒜薯條都好似好正喎......
我無嬲lu~怕激親自己~
刪除好味呀~~~
早餐食臭豆腐都係第一次~
係呀真正~
嘩哈哈..... 果碗蚵仔好正咁喎, 跟旁邊那大嬏見到你的驚訝, 可以講係一絕呀.
回覆刪除你公司果D麻煩人, 度度都有, 無法的, 我都遇過, 不過, 我最唔抵, 曾經係教會裡遇上不少這些人, 我無人工仲要俾奉獻佢地, 這些人以為佢地老公係牧師或長老, 最後佢地D老公無哂人幫佢地, 幾百人教會的需要, 要佢地D老公嘔哂出來, 當然就一定係無運行, 只是很多人好似我咁, 以後都唔會好似以前咁戇居了.
魔法美少女呀, 你係用魔法變走左麥公子呀?
韓劇呢, 會睇壞人咖, 以前港產片教人打男友, 現在香港變成什麼樣, 可能都令很多人心酸咖.
哈哈~~可能我地真係太騎呢~
刪除唉~唔好再講哥d衰人...我地唔好激親自己會中佢地計~~~
哈哈~~~我幾鐘意哥兩張相~
就係因為正常男仔唔會做到...所以先會令女仔咁心跳呀呢套劇~