2015年1月8日 星期四

台北聖誕節自由行之旅2014-12-23第二天Part 1(陰天及後轉晴)

我今日好嬲....我塊面又敏感...不過呢樣唔係我嬲既地方!!!!!我某個隔離部門既好同事......叻到自己同個客講下個禮拜三個申請ok(事實上係星期四先有...同埋佢咁樣加快要係上司審核)...咁我以為佢唔知嘛...咁咪同佢講番囉...點知打過去佢仲要串串貢咁話呢d實批喎!!!!我問佢:你依家係哥個職級既人咩?你可以咁樣直接咁樣同個客講.....佢答我:因為我以前係哥個部門做所以我知實批(大佬呀接客哥個唔係你呀.....我無能力應承實個客架...係個客眼中你同佢講得..我同佢講要等批衰哥個人一定係我架)...原來佢認為佢既職權可以等如佢上上上司一樣......噢........同你做同事真係要喊3聲.....其實我唔係第一次俾佢跣......而且大家都知我平時同同事做野都係客客氣氣為先.......好少動氣到咁.....我淨係想講一句.....你痴夠線未?...痴完線你唔好再害我地好無?????放心...如果俾人投訴我會毫無保留咁話係你做架......仲有...山水有相逢...我勸你做人唔好咁串...唔好以為你有個職級高過你既老婆就好巴閉(查實講出黎都唔係好馨香).....鬧完~舒服哂~



2014-12-23
Day 2---Part 1(台灣,台北 Taiwan,Taipei)
呢日一起身即刻貢出街~要去搵早餐食呀~~~顏家蚵仔麵線.....呢間係Chlo子推介俾我架~~~佢話係全台北最好食既麵線!!!地址:台北市大同區延平北路四段253之1號....營業時間:07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~搭左NT$145=37.4hkd......好~台北來的Chlo子~我信你~




wow~門口在炸我很喜愛的臭臭~




Chlo子說這家麵線無遊客識...只有台灣人會黎~~所以當我地坐低傻下傻下商量緊要食咩既時候...店裏面既人都好奇怪點解我地會識黎...我:因為有個台灣的朋友推介我們一定要來吃的~




哈哈~餐牌得4樣~這是有信心的表現!!好吃的話不用多花巧的~




我地叫左兩個大的蚵仔麵線分享....大的NT$55=14.2hkd....都幾抵喎~~~一吃...大喜~真係好好食呢~佢個湯無阿宗的咁濃...但也好好吃!!!重點唔係d蚵仔...而係佢d大腸!!!有鹵過的!!!好好味!!真係好好味!!!連一向"我跪係度求佢陪我食豬大腸佢都唔so我話有屎味"既毛寶都將所有腸掃光光!!!雖然蚵仔也很脹卜卜...但絕對俾大腸比下去!!!!!!!!原來Chlo子說係可以叫淨大腸麵線的~~~我下次會淨叫大腸麵線!!!!好正!!加埋佢枱上面哥d辣先係一絕~食得辣既記得加~






臭豆腐....NT$40=10.3hkd....晨早我地就咁重口味~~~天呀~~~~好好味呀~~~~~個臭豆腐同佢下面既汁配合得天衣無縫呀~~~~我狂甩d汁黎食!!!!!枱上面有另一隻橙橙地色既辣加埋一齊食仲正~~~~~~~~~~~~~~~~而且佢d酸菜都整得好解滯~(及後Chlo子更正哥d係川泡先岩->四川泡菜)




我地叫左兩個大既蚵仔麵線和一個臭豆腐才NT$150...但係搭的士都搭左NT$145喇~抵唔抵自己衡量啦~我覺得值得~好多謝Chlo子的地道台灣介紹~~~~~~~真的"狠".."巧".."痴"





跟住我地搭的士去我地中午飯既地方...係忠孝復興站附近的(食飽5分鐘都無又去食中午飯XD...咩呀~我地頭先食麵線有留力架~)....落的士見佢未開門咁就去後面既微風廣場行下先囉~~

點知行到夠哂佢開門時間去行番過去....下??點解仲未開既...再行開係附近睇下野再番黎...下??開11:30架喎...11:45度閘都仲係無拉開過既???超嬲..真係超嬲......我嬲係因為...我明明上網睇哂佢呢間鋪會開中午...但係佢無開之餘...我仲要係澳門打左過台北訂枱...我打俾佢哥時仲強調呢間係咪即係中午會開哥間(因為佢有另一間總店中午係唔開的)...係咪有單點食品叫....中午有無得叫海膽干貝漢堡之類之類既問題......然後你去到台灣最後佢無開...你會點?????你好野...我記住你...串鳥2店!!



咁點喎....中午食飯餐日本餐無左.....咪要去搵其他野食囉....(明明岩岩先食完早餐又肚餓)......算啦~去左下一站我地要去既目的地松山文創園區先啦~地址:台北市信義區光復南路133號...松山文創園區網址......佢有幾個入口的...至於點樣去最方便自己咁就上佢個網址介紹看看啦~




佢有好多個倉庫組成~而且不定期有唔同既展覽~~~但係依定要醫左肚先~~~但係我地睇指示牌...下?!?!?得輕食既cafe咋???我地接受唔到~~~~




好彩....行過少少~~~就見到有好大棟既誠品生活~~~而且望上去佢d窗度係望到有野食既~~個人都定d~~~呢度仲有間誠品既酒店呢!!誇張~




我地跑左落B1層睇睇先~係美食廣場咁既~~~本身一d都唔吸引...但係點知見到呢間"野餐吧Pinknic"....






d裝修好靚呀~~~公子們~~衝入去喇~~~~(我認我自己膚淺~~)




好彩早入霸到個靚位~~~可以影靚相~~邊個少女輕托香腮得咁可愛~~~~heheheheheheh~~~~~






呢間cafe實在太忙了..咁大地方得3..4個侍應...連埋煮野食都係佢地~有個自助區實在太好~自己黎唔使煩到佢地~欣賞~冷熱水餐具調味有齊~




好靚呀~~~~




餐牌只有簡單的3版~~~不過都幾多野食~~~而且中午時段係套餐多~




佢d套餐多數可加NT$100=25.8hkd黎叫一杯不含酒精飲品(或者有d餐包埋)...咁我用單點價來介紹~我叫左四季水果茶(熱,壺裝) NT$200=51.6hkd....單點價又真係幾貴喎!!!!但係以套餐換購價黎講我又覺得可以接受.....事實上呢個水果茶係令我超驚喜!!!一開始飲入口我無為意......超!級!的!燙!.......而且飲得出係真係"煲"出黎哥種水果茶既香.濃.甜......並唔係一般"泡"來的!!好欣賞!!!難怪飲品出得有d慢!




麥公子同毛寶叫的鳳梨蘋果汁(前)...蘋果奇異果汁(後)....各NT$170=43.9hkd.....超級的大杯..套餐換購價也是NT$100=25.8hkd每杯~




隨套餐附的每日手工湯品......這天是蕃茄湯~~飲得出唔係罐頭的~~~好好飲~~而且個麵包也超超超好吃~(我地每人都飲到一個湯~好幸福~)




奶油培根鯷魚義大利麵佐半熟蛋(套餐...附手工湯品+搭配任何不含酒精飲品加NT$100) NT$360=92.9hkd....半熟蛋情況不夠半熟....已接近全熟....而且我食唔到鯷魚呢~~是我的問題嗎~~~~不過味道都還不錯~




歐式肉盤佐甜筒蛋沙拉(套餐...附鮮蔬沙拉+手工湯品+搭配任何不含酒精飲品加NT$100) NT$380=98hkd......有甜筒蛋沙拉拍照很美~~~而且出乎我意料培根很好吃~不怕肥~薯條都好正~~~~沙律落黑醋好清新~




草地跑嫩煎牛排佐香蒜薯條(套餐...附鮮蔬沙拉+當季水果+手工湯品+搭配任何不含酒精飲品加NT$100) NT$620=160hkd....呢個唔算便宜啦~但係牛扒煎得生熟度剛好呢~果真的嫩牛扒!!!吸引~




辛勤農夫三明治(套餐...附薯條+時蔬+任何不含酒精飲品) NT$380=98hkd......er...係呀....我地"又"3個人叫4個餐~~~其實黎到呢度我都真係有d飽~~~但係呢...我又一個人食左半個包喎~~~~~原因係越咬越發覺好食~~好難搞~~~




wakakaka~~~最後三明治個套餐麥公子話佢可以包辦送既哥杯飲品喎~我地叫左粉紅岩鹽焦糖拿鐵(熱) NT$180=46.4hkd....咁包埋野飲個三明治餐先98都ok既~~重點是...麥公子飲左一啖後大力推介..但我同毛寶都曬手拎頭話唔飲...我仲話:我淨係飲凍咖啡喎.....點知麥公子再三推介下飲一啖....咦.....真係幾正喎~我估唔到係熱咖啡落d鹽落去飲個層次會咁得意....明明咁分明但又好融合...就係咁...我同毛寶右手交左手...左手交右手好多次之下先還番俾麥公子~




呢間野餐吧Pinknic真的不錯呢~有機會要來松山文創區要來試試呢~




食飽飽要出黎散下步~~點知行過見到某牆壁有我和毛寶都很愛的馬來貘壁畫~~~~~~~~~一邊係彩色~一邊很黑白~好靚呀~~~~~






梗係要同馬來貘來一個來貘調的合照!!!!但....說實在.....其實這個牆壁.....是文創區某個很臭的公廁門外的一幅壁畫(誤)







野~~~~
人地自己噚晚自我放蹤一晚唔寫blog~~~~~~
真係開心喇原來你咁想睇我個blog blog~
我呀.....噚晚又好乖咁11點轉去J2睇都敏俊喇~
仲同W小姐一路睇一路whatsapp...
一個係度:好心跳~...一個係度:我暈喇~
兩個少女睇到火辣辣~~~
睇完我關電視不停講:都敏俊都係好正呀~~
我媽:你依家先發癲呢d叫後知後覺
(我以前仲笑人睇星星鐘意都敏俊係好傻既事~)
我有諗過....其實佢又唔係真係算係好靚仔既...
但係佢既行徑係真係.......無少女唔心甜....
就睇佢咁多年都無買電話....就為左千頌伊一句就買左..
明明唔鐘意同人一齊食飯....就因為千頌伊話唔鐘意無人一齊食飯又同枱食左..
之後仲要係出面食完飯...千頌伊話要食烏冬..
都特登買多碗番黎仲要扮未食野同佢一齊食....
當個個指住千頌伊黎鬧時得佢一個企出黎撐佢...
有邊個唔冧呀~~~~
或者唔係想自己身邊哥個同都敏俊一樣帥氣...
亦唔係話樣樣都要就哂自己為自己改變...
而係想要都敏俊哥種為自己挺身而出~
或者我當初開始喜歡你...
就係因為你為了我有挺身而出過:]



2015/01/08的開心事:
野~~~人地除左布志綸..Ozil同埋都敏俊之外(我表明係都敏俊唔係金秀賢呀)..
哈哈~~~有一個創作歌手我近排都好鐘意呀~~
我今日係佢instagram上面留言..
佢竟然有覆我~~~~wakakakakaka~~~
(不過毛寶說:華..哥個呀唔係呀...咁我寧願你鐘意布志綸)
好~遲下寫完台灣要歌頌下新男神先~



報時:距離公子新加坡喪吃自由行之旅2015仲有---84日~

37 則留言:

  1. 我都好冧都敏俊^_^個幾份午餐你寫到好吸引,攪到我流晒口水^_^個碗大麵線,重細過個碟臭豆腐?

    回覆刪除
    回覆
    1. 係呀係呀~~佢真係人高又帥~
      我都覺得呢間幾好食~~~
      你咁講完我先留意到~~~~~~又真係幾細喎~

      刪除
  2. 邊個少女輕托香腮得咁可愛。。。好想拳頭你:P
    搞錯丫。。。。點解丫。。。我寧願你中意ozil囉!

    回覆刪除
    回覆
    1. 你唔抵得我~
      點解呀佢真係好有才華架~我當初鐘意OZIL哥時你都話你寧願我鐘意布志綸架~

      刪除
    2. er...um...即係好快又有另一個男神囉~~^3^

      刪除
    3. 點會呀...4個夠喇~我好滿足喇~

      刪除
  3. 哩間Pinknic環境好靚,D食物都好正,3人叫4個餐.....好擦得呀~~~
    去無旅遊書以外既地方仲開心

    回覆刪除
    回覆
    1. 係呀~~~~好靚而且野食又正~我地係咁架啦~公子呀嘛~
      無錯~

      刪除
  4. 我鍾意呢句:唔好以為你有個職級高過你既老婆就好巴閉!!
    培根點解?
    加埋個未開名歌手你有4件男神咯噃,東南西北中發白,湊多3件吖笨
    都min尊先嘅魅力係要睇過星星先會明

    回覆刪除
    回覆
    1. 佢真係以為自己好巴閉架個八公~
      培根係煙肉呀~英文BACON
      HEHE~~~~我今年好似幾多心...我之前3年淨係鐘意布志綸一個實在太傻~世界很大~
      咦...咁即係...你睇過??咁你覺得佢點呀~

      刪除
    2. 咁丟臉好去收皮啦.
      今日真係學到好多嘢!!
      你個理由真係一流,但通常xx先會用.
      睇過,戲麻麻近乎渣,但男女主角令人眼前一亮,我呀,而家髮形係齊蔭頭......

      刪除
    3. 佢就係唔知呀..係d新人面前咪扮野囉~
      台灣有好多譯名我都唔識架~都係問人咋~唔識咪問囉~唔會有人笑架~
      咩呀咩呀xx係咩呀~
      係呀千頌伊真係做得好好呀!!!一流!

      刪除
    4. 原來真係有人唔x知醜,佢自己好意思同人講?
      .......通常,我指多數,唔係話你,係啲人渣,扮天真扮傻,呃蝦條嘅狗公先講.
      男女主角都好,做得好當然千頌伊勝幾籌,企喺度已經夠殺做得到就係都教授.所以你都係唔夠千頌伊鬥架啦.

      刪除
  5. 呢間蚵仔麵線好似唔錯,下次過台灣一定去下。
    嘩~~~~妳似木邨托腮喎~~~哈哈哈

    回覆刪除
    回覆
    1. 正呀~我下次都會再去~
      我靚仔過佢~

      刪除
  6. 睇到你D 台灣相真係好想去呀!

    金秀賢真係唔靚仔! 但都敏俊真係超級級引呀!!!!!!!!
    睇到人心都跳埋~~ wakakakakaka

    回覆刪除
    回覆
    1. 我都好想再去食野~~不過未有平機票~

      係呀係呀!!!!!佢真係...好帥...令人好心跳...覺得自己好少女~

      刪除
  7. 台灣真喺好耐無去過,
    改變真喺好大,台灣小食真心好食,
    豬餿油事件破壞咗食嘅氣氛,
    西式嘢我見都好OK
    準時開門喺承諾,
    咁搞揾鬼幫襯,
    我最近才睇星星,見妳心思
    終於明白點解成人氣No,1劌

    回覆刪除
    回覆
    1. 野食真係好食呀~~~出現之後去食就唔怕啦~
      依家先最安全~~~~~
      係呀我真係好嬲呀哥日..仲要我係澳門打過去訂左位!!!
      哎呀..都敏俊真係令女仔好心跳~

      刪除
  8. 會毫無保留咁話係你做架====>同意,一人做事一人當!!!
    Pinknic果間野環境格調同D野食都幾唔錯喎!!
    都教授我諗一定要外星超人先有本事做得到,至少可以一手剎停架車XXD
    同埋佢個friend呷醋鬧佢話叫咗佢三十幾年買電話佢都唔聽,人地叫一句就即買,我覺得喱段戲幾好笑kakakakaka

    回覆刪除
    回覆
    1. 係呀佢睇住黎呀
      係呀我幾鐘意食~~~~
      但係佢真係好帥....可能就係因為平常男仔做唔到先會覺得佢好正~~令人好心跳~~~
      哥度我都笑左好耐呀~~~~好開心你都有睇~有話題~

      刪除
  9. 你呢篇野全部都好似"狠".."巧".."痴"喎!
    並實重點係都敏俊能做到其他地球人做唔到嘅野先咁吸引人!

    回覆刪除
    回覆
    1. 我地實在食好多野~~~~哈哈~~
      無錯!!!我就係想講..因為唔會有正常男仔就做...所以d女仔先會咁心跳!!!!

      刪除
  10. HAHAHA我都有睇都敏俊呀~~

    之前已經上網睇左一次架喇~~見J2播又睇啦~~

    不過我覺得配千頌伊個個配音配得麻麻地, 聽返原本韓文個個好好多呀~~

    回覆刪除
    回覆
    1. 佢真係好帥~我有個fd又係咁~~~上網睇完~依家j2又再睇~~~
      我難無開碟無上網睇~配音以我未聽過原聲ok接受到...
      死啦~~今晚又要夜訓喇~~

      刪除
  11. 小T,唔好嬲啦!出嚟做野梗會遇到這些衰人,做好本份就得。敏感好些味?好多台灣美食,正呀!

    回覆刪除
    回覆
    1. 唔嬲喇~睬佢都傻~激親自己架會~hehe~多謝你支持~
      好d喇~~
      我都好鐘意台灣食品~

      刪除
  12. ⊹☁*¨話咁快又星期四☀*¨☼早晨+黃昏好
    小t...好番好多咋...精神番D就要打理好身體啊
    *¨❤•。*❣ღ。。゚❀*。 ʚïɞ♥*ƸӜƷ•。✿¸.♦•*¨❉•.。♡º°¨

    回覆刪除
    回覆
    1. 好想又到今個星期四呀~~~快d快d~~

      刪除
  13. 這個社會一定有些人是不可理喻的,不過自己「嬲」,會對自己健康不好的,看他的收場吧!
    蚵仔麵線好足料好低!
    臭豆腐?咁重口味?哈哈哈
    歐式肉盤佐甜筒蛋沙拉和草地跑嫩煎牛排佐香蒜薯條都好似好正喎......

    回覆刪除
    回覆
    1. 我無嬲lu~怕激親自己~
      好味呀~~~
      早餐食臭豆腐都係第一次~
      係呀真正~

      刪除
  14. 嘩哈哈..... 果碗蚵仔好正咁喎, 跟旁邊那大嬏見到你的驚訝, 可以講係一絕呀.

    你公司果D麻煩人, 度度都有, 無法的, 我都遇過, 不過, 我最唔抵, 曾經係教會裡遇上不少這些人, 我無人工仲要俾奉獻佢地, 這些人以為佢地老公係牧師或長老, 最後佢地D老公無哂人幫佢地, 幾百人教會的需要, 要佢地D老公嘔哂出來, 當然就一定係無運行, 只是很多人好似我咁, 以後都唔會好似以前咁戇居了.

    魔法美少女呀, 你係用魔法變走左麥公子呀?

    韓劇呢, 會睇壞人咖, 以前港產片教人打男友, 現在香港變成什麼樣, 可能都令很多人心酸咖.

    回覆刪除
    回覆
    1. 哈哈~~可能我地真係太騎呢~

      唉~唔好再講哥d衰人...我地唔好激親自己會中佢地計~~~

      哈哈~~~我幾鐘意哥兩張相~

      就係因為正常男仔唔會做到...所以先會令女仔咁心跳呀呢套劇~

      刪除