2015年1月21日 星期三

西洋菜

哈哈~~噚晚呀~~我地無啦啦又成團呀~~~我地星期六咪去慶祝朗公子生日去食泰餐既~~~因為哥間泰餐實在太好食~~所以我地要再翻食~~~星期六我地6個人食左14個餸.....噚晚.....6個人.....17個餸(當中有海南雞飯..炒貴刁同埋椰子焗飯)...兩個白飯...1個甜品...9杯野飲................................真係好癲............................七公子萬歲~~~



這次要去試的是....舊同事老公開既餐廳.....叫西洋菜....地址:澳門南灣湖圍67號南灣半島地下G座.....地點比較不好找~以前佢淨係開一個小鋪...專做外賣沒有堂食的~依家有梗係去試下先~電話:2871 4150....6360 7490(可訂座)...哈哈~拍得好手震~裝修摩登舒適~




二樓行出去可以望到觀光塔呢~如果有露天雅座應該唔錯~~




第一次黎食哥時係8月頭某中午...試業中~(但我見12月佢fb放出黎既相...仍在試業中...澳門既餐廳好似會無限的試業...不過可能係攞牌既問題卦?)...只有幾版餐牌




菠蘿梳打 $32...我出街食飯好少叫梳打...因為覺得好唔抵~我偷飲人地哥杯..又幾好飲喎~而且有很多菠蘿肉~




牛奶紅茶(熱) $20.....叫的人話好飲~但我實在唔知好飲既定義係咩~~~




我叫既凍朱古力奶 $26.....好味~~香濃~~~不過都應該係沖出黎的~~~




歐塞爾洋蔥湯 $62......激好飲~~~平時係澳門既其他餐廳飲我會覺得好漏...因為以為落得多料就自以為好飲....但係呢個一d都唔怕呢~~~好好味呀!!!!不過個價就真係有d"喇脷"~




意大利雜菜湯 $42....好味~但普通~無驚喜~




加勒比海鮮湯 $78.....係幾多料...但好似飲緊d餸既汁咁..唔係好協調~而且激貴~不推介~




經典凱撒沙律 $58(可加$30選配蝦或帶子或煙三文魚)...咁我地揀左煙三文魚....都唔會唔好食既~但係加埋就成$88...好貴呢~而且煙三文魚不多呢~感覺有d姑寒~




卡邦拿燴天使麵 $88.....開頭以為白色哥舊係芝士...點知一整開~~~原來係流心蛋呢~~~~撈埋天使麵一齊食...好好味呀!!!






法式白酒忌廉煮藍青口配法式麵包(大) $138....好好味呢~~藍青口嫩嫩的~~汁都好好味~~點麵包一流~






特調燒烤醬烤豬仔肋骨(普通)(需製作半小時) $148.....一攞上枱...香噴噴的~~燒得很好吃~而且佢個醬都好正~唔怕燒得太乾~4個人都食得津津有味~薯條也好吃~




法式焦糖燉蛋(忘了幾錢...好似$30左右~因當時不在餐牌內)....講真.....唔美觀....建議普普通通搵隻碟擺就算...因為d畫功好差~而個主角只能說一般啦~






剝皮小蕃茄浸蘋果醋汁 $48......這個好好味好有新意~完全解漏~小蕃茄吸收了蘋果醋超酸may may的~~~一咬爆肉汁飛出~~食完.....我覺得可以重新食過飯~~哈哈~驚喜~




好喇~我地去過一次中午飯...短期內...再同另一批朋友食晚飯....




Sangria $98/壺.....呢間係我第二間飲過既難飲Sangria....真係...好怪....d味..........又稀.....睇隻色就知唔對路.........

夜晚凍朱古力有優惠..我上次黎中午飲係$26...晚上飲係$18...但係激難飲.....洗碗水咁淡.....我好憎d野飲變平但整到洗碗水咁既質素攞出黎俾人飲...我寧願佢收番原價俾番正常野我飲...



歐塞爾洋蔥湯 $62....唔知點解....變番我口中所講既"以為落得多料就自以為好飲"哥種.....d芝士好多...漏到飛起...等我仲周圍同人講呢度個洋蔥湯好飲..好失望




香檳凍蝦伴牛油果沙律 $138......個水準同佢以前係巷仔做外賣時係一樣.....意思係....係巷仔...賣哥個價錢...我會覺得幾抵食....但去到開左餐廳....賣得貴左..但係d蝦仲係雪到無咩味既雪蝦....就...........個價貴左一倍有多喎.....雖然係幾多隻...但不算太好吃




薄切煙三文魚伴水瓜柳及蒔蘿配香草欖油 $118...這個不錯吃呢~




傳統烤法式春雞配新薯 $188...有點淡..無咩味...很鞋.........呢晚我地有再叫之前大叫好好味既特調燒烤醬烤豬仔肋骨...但係我唔知呢晚發生咩事........又係烤到無咩汁同埋鞋到無朋友...我已經係特登打去預先訂...應該有好多時間整啦..結果又相反

呢間餐廳真係又愛又恨......其實我好少可一餐飯叫3個主菜我都會讚好的...其他的小瑕疵我可以當睇唔到的~而且還在試業中..........但下一個禮拜去食個情況又可以去到咁差...反差實在太太太太大...大到以為係唔同餐廳唔同廚師整....水準有d唔穩定....而且都唔係走平價路線呀...如果第一次係咁我可能已經唔會再去試~~第二次同我一齊去試既朋友依家次次一提起都說怕怕...唔通要約番第一次去既朋友一齊再食先得?!!?!?!?!你地話去唔去再食好呢?





我依家呢....
將我whatsapp張相同埋whatsapp個背景.......
換左做都敏俊呀~~~~
(凱公子鼓勵我換架~~一直都想換但係覺得依家先鐘意佢有d老土嘛~~)
跟住我換左之後同W小姐傾計時..
佢話:好怕醜呀~~~我好似同緊都教授傾緊計咁呀~~~
但我重申呀~~~我個電話wallpaper同埋lock screen..
都重係Ozil bb黎架~~~~~~~~~~~~~
今朝起身我媽碌whatsapp時...
媽媽:使唔使呀...頭像都換埋(鄙視狀)
我:呀hehe~呀哈哈~(尷尬)
同埋麥公子噚日講得岩...
麥公子:你依家最鐘意係都教授嘛..第二先係金秀賢嘛
真係太了解我了.............



報時:距離公子新加坡喪吃自由行之旅2015仲有---71日~
報時:距離冰島格陵蘭自由行之旅2015仲有---248日~

22 則留言:

  1. 第2次可怕經歷,加埋價錢,唔駛再搏啦啩?
    w小姐好頂癮,同你一x樣.

    回覆刪除
    回覆
    1. 我都有咁諗...不過我都有諗過再俾機會的~~不過無人想再同我去試了~
      哈哈~~佢同我一樣傻的~

      刪除
  2. wahahaha.......17個餸呀..........哈哈哈.......(我嚇傻了)
    唔...................我諗我會俾多次機會間餐廳,食多一次再決定
    你塊面點呀,好番未呀,我有個朋友塊面又係成日敏感,之後佢用咗Melvita 隻金盞花油,佢話幾好喎,你考慮下試唔試啦

    回覆刪除
    回覆
    1. 唔好呀~~唔好傻呀~~~~你仲要黎探我架~~~~~~~~~~~~
      即係要食3次呀~不過無朋友再想同我試了~~~
      無呀....成日好番又衰好番又衰~melvita係咩牌子黎架~~~唔知澳門有無~~
      我決定聽日去睇中醫~

      刪除
  3. 妳哋都食幾多嘢喎,可惜好似唔好食~~~

    回覆刪除
    回覆
    1. 呢間唔好食je~
      不過泰國菜好食~

      刪除
  4. 食啲咁野,不如留返啲彈葯俾其他食店啦。

    回覆刪除
    回覆
    1. 我都有咁諗呀..不過又諗會唔會佢一時失手..

      刪除
  5. T公子, 我想間餐廳個廚係半途出師, 唔係專業咁訓練出來, 而且仲係好有 PASSION咁來整菜, 但係一到佢精神唔好時, 就會失手.

    我都換左我WHATSAPP幅相先, 變成都公子咁款, 就會可以..... 嘿.... 嘿.... 嘿.... (奸笑中的成年人)

    回覆刪除
    回覆
    1. 咁我又真係無問話佢有無學過~不過時好時唔好食既話我點知佢幾時先係好食去幫襯呀哈哈~~

      哈哈~~換左都教授個頭像一定令少女有無限想像~~哈哈~

      刪除
  6. 6個人17個餸.......好好好誇張呀!!!!!!!!

    你呢間舖頭都係唔好再食喇...除非.........係附近又諗唔到食乜先好再試呀!!!

    回覆刪除
    回覆
    1. 唔好驚~唔好怕~我地係咁架~
      咁附近有台式野食同埋禾花亭又真係唔使食佢既

      刪除
  7. 香港餐廳攞牌都好耐的。
    卡邦拿燴天使麵加流心蛋和剝皮小蕃茄浸蘋果醋汁,吸引!
    特調燒烤醬烤豬仔肋骨,正~~~~

    回覆刪除
    回覆
    1. 攞牌都有成半年有多了~
      係咪睇到個名d口水都出緊呢~~酸酸的~
      但一次好食一次唔好食~

      刪除
    2. 可能廚師不是同一人!

      刪除
    3. 唯有係咁諗..因為真係差太遠...

      刪除
  8. 6個人17個餸?!好堅呀~~

    回覆刪除
  9. 水準咁飄忽真係有理由相信佢果晚個top chief係放咗假hahahaha

    回覆刪除
    回覆
    1. 我寧願真相係咁..因為真係差太遠

      刪除