2015年1月1日 星期四

台北聖誕節自由行之旅2014-12-22第一天Part 1(晴天)

先跟大家說聲Happy New Year~~~我地噚日放半日呀~所以公子約左去SKY21食左個西式收爐飯~7個人叫8個餐仲有7個小食~瘋!!然後有5位公子一齊去看"撒嬌女人最好命"..有黃曉明..周迅同隋棠主演~但我超愛看Hold住姐的演出~套戲極好笑喎~~連笑點極高既毛寶都話好笑~夜晚就簡單的食左三元肉丸粥做晚飯....之後去機場接媽媽番歸~謝謝毛寶接送~~~今日元旦日呢~中午食左個海南雞飯....之後就去左毛寶家砌lego~~~~就係咁過左一日~



今次去台北係留左58小時~名符其實既快閃團~~~但係去左3日都唔夠咁都影左600張相~~~我真的瘋瘋的~之前完全無諗過聖誕要去旅行.....但無啦啦我地又係度諗...有成6日聖誕假喎...唔去旅行下年無6日喇好唔抵之下....不停咁諗..去香港一日啦...或者去廣州啦....之類...點知俾我地無啦啦買到(搶到?)台灣虎航既特價票~~(正確黎講係佢地兩個搶到~)....係台灣虎航為左慶祝2014年12月17日首航來回澳門至台北/高雄而推出的~~~~~$512來回票...以上價錢係已包稅...燃油附加費及行李錢(我地3人買左一件寄艙行李~)..真心平通街...仲係聖誕時節~倍添開心~




2014-12-22

Day 1---Part 1(澳門 Macao->台灣,台北 Taiwan,Taipei)
哈哈~眾所周知既$512機票旅行團要出發了~~~~哥日毛寶超好人的~~~~車埋我同麥公子出發~~~~謝謝~~~~舒舒服服咁唔使受的士大哥既氣去到機場~大約10點半前我地就到了~好喇~介紹下今次既團友先~有我啦~毛寶啦~麥公子啦~我仲為我地呢個旅行組合改左個好韓式偶像既名:我地係"C.T.M."!!!!!!!!(我諗澳門的朋友先明..CTM係澳門間最大既電話公司~)....唉呀~企錯位添~我應該係中間先係C.T.M.~
今次去台灣既匯率係NT$3.876=1hkd....謝謝麥公子幫我換埋錢~~~~我今次只係換左NT$11,628=3,000hkd去台灣...其實我覺得係一定唔夠~~但係唔理喇~~~刷卡好方便嘛~




記得喎~如果攞澳門特區護照出發(澳門或香港出生)..請先上台灣入出國事務組網頁做個網上簽證先...填左簡單資料列印出黎後簽名就ok...佢入出境都要睇..要好好保存!!....你當然都可以落地簽..但同你分享一個案例:有個朋友早我地幾日出發..點知無搞網上入台證...地勤唔俾佢登機.........但其實係個地勤自己唔識囉........哥日佢地上唔到機要另外再買機票過台灣...好慘!!!!!!!!!!!!....所以做定先比較好~如果係持特區護照出發係中國或其他地方出生就自己打去澳門既台北經濟文化辦事處睇下有咩資料要交去辦個入台證喇~...電話:2830 6289....地址:澳門新口岸宋玉生廣場411-417號皇朝廣場大廈5樓J-O座




我同呢對夫妻最有緣!!(但新年總是撞不到逗唔到利是).....男生我地叫佢關同學~~差唔多所有公子都岩叫...因為佢係我同朗公子同毛寶既大學同學....有另外3位公子就同佢係碩士同學!!!!超有緣架佢同公子~有緣到.....我地買埋同一班機來回澳門至台北.....有緣到....日數都一樣~連我地間酒店距離50米都無....咁有緣係出發前影張相先啦~~~~~~




今次我有新玩伴陪我去玩呀~~~毛寶送我的生日禮物~~~~HTC的RE迷你攝錄影機~~~~~影得超級廣角~自拍無難度喇~~~澳門賣緊$1,6xx....我地拜托前排去台灣的朋友幫我地買$1,300咋~~平$300都平好多~~~台灣叫呢隻色做...戀人白...wow~好雷呀個名~小巧方便~






短短3日...我都有用心的寫行程~~哈哈~




機場禁區2樓個Lounge翻新左呀~~~靚左好多~~~托我阿媽既鴻福~我先可以免費入到去~~~




wow~食物不錯吃~麥公子說咖啡都好好飲~~~~~我掛住食野...連隨行的炳門都唔記得攞出黎亮一亮相(連唯一的跟護照拍照都無埋~)




超乎我意料~超準時的登機....我依家先知澳門有咁多個閘口XD.......我地係搭台灣虎航IT302號12:30班機...由澳門直飛台灣的台北~~~~~~~




華~好靚呀d雲~好開心呢日出發時係好天~因為之前哥幾日係落雨的~不過呢日冬至超大風!!






到喇~~~~(仲要早左到添~~~本身14:15到...早左10分鐘左右).......我有成年幾未黎過喇~~(2013年2月尾黎過~)....咦~雖然個天朦朦地~但有太陽喎~唔錯唔錯~~~我黎咁多次台北都未試過咁好天~~入境過程順利~





飛的出去~費事搭巴士咁浪費時間~需知我地得58小時嘛~~~由機場搭到去西門町我地入住既旅店係NT$1036=267.3hkd....除番開每人都係89.1hkd je~~~算啦~~俾啦~~快好多同舒服好多...直接去到門口嘛~~~而且唔使40分鐘已經出到去~到酒店時4點都未夠~




我地上Booking.com訂既酒店~叫高絲旅時尚旅館(Go Sleep)--西寧館.....地址:台北市萬華區西寧南路36號9F-1....網址.....3人房兩晚NT$6,560=1,692.5hkd...即係每人每晚282.1hkd...都幾平下架喇~~不過我地開頭以為佢係我地"認為"既哥間just sleep...點知原來佢係go sleep...使唔使改到咁似??....而且入口超難找...的士司機車我地去到我地所講哥個地址...原來唔係哥度入的.....要去另一面....對住誠品武昌店.....個入口樣衰到呀....而且唔係成棟自己既..又夾住其他酒樓...戲院....不過我覺得咁樣好危險!!!(想到要走火警時).....好彩入到去間房都幾大下~~~~但係床不好睡~




哈哈~一放低行李~麥公子即衝去7-11買佢最愛既飲冰室茶集~~~~台灣同日本的一樣有睇到眼花的飲品陣~(但我今次竟然一次都無買黎飲~).......之後兩日麥公子想買幾盒回澳...但係...西門町完全缺貨!!!!!!




天呀!!!!!!台灣7-11集點送的叮噹陶瓷碗好靚呀!!!!!!!!!個盒蓋粒野仲要係叮噹個噹噹!!!!好可愛!!!!但可惜...我集不夠點....嗚嗚....我超喜歡的~




即刻跑去阿宗麵線醫醫肚先~~~地址:台北市萬華區峨眉街8-1號......沒有官網...請看介紹西門町的網址




我地買左一個大的3份吃~NT$65=16.8hkd......好耐無食過~~~麥公子推介加辣和醋更好食~






我真係第一次見到咁好天既台北日落~~~~感恩~~好喇~食左少少野sip左牙縫我地就搭捷運喇~




先為我的悠遊卡增值~不難~跟住一..二..三步驟就可以了~呢3日我入左NT$100=25.8hkd入去咋~




要特別留意的是!!!!松山新店線已開通!!!!!!!!(深綠色哥條)....多左一條新線喇~~~~~(地鐵圖攝於捷運站內)




我地依家呢~就搭捷運板南線去忠孝新生站~~呀~~好似第一次去呢個站呢~我地要做咩呢~







今日塊面仲係極敏感....

嗚嗚~



2015年1月1日的第一篇blog~

準時為大家送上~



2015/01/01的開心事:
晚上係食左刺身餐~
媽媽從北海道帶回來的帆立貝..牡丹蝦..鮑魚~~~
好正呀全部都~~~~
食完再飲番個熱辣辣既粟米湯...
wow~全身暖番哂~

48 則留言:

  1. 好友*・゚開心萬事得.❉•新年快樂❉
    ┏┓┏┓。・゚゚・。。゚♡¸„ø¤º°¨❤
    ┃┗┛ APPY•*¨⌒2Ѽ15╮¸.•*¨❀
    ┃┏┓┃ ∴✿¸.•*¨`*•ƸӜƷ¸.•*¨ʚïɞ
    ┗┛┗┛ *゚*°•。。•:。⊹*。.•:。♧♣♧
    新一年開始*.齊齊♥*¨•。.一切順利啦°•❣ღ
    \(◕ヮ◕)/一世快樂*.•享受一切美好♦。*
    ♬*♪Ϡ₡*•♫*Ϡ₡*♫•Ϡ₡*♩♪•.Ϡ₡*•♬.♩•*Ϡ₡•*♫*

    回覆刪除
    回覆
    1. 新既一年希望大家都有個新的開始~~~好運快來~

      刪除
  2. HTC的RE迷你攝錄影機,個外形好趣怪,好似單眼望遠鏡^_^短短58小時之旅,你都有寫行程好認真呀,祝你今年繼續去旅行、旅行、又去旅行,新年快樂﹗

    回覆刪除
    回覆
    1. 哈哈~~係呀~都幾得意~而且好輕巧呢~~~
      無錯~我是一個對旅行很認真的人~~~~
      我都好想呀~我都祝你新年快樂呢~

      刪除
  3. 新玩具好得意呀 但依篇有冇用佢影相架?
    分唔清tim hahaha
    Happy New Year Baby^_^

    回覆刪除
    回覆
    1. 呢一篇係...無既~~你睇下我今日出哥篇啦~有一張係~
      因為無所以係分唔到~~
      happy new year baby~~

      刪除
  4. 算妳冇偷懶啦~~~
    咁慘塊面仲係紅腫,係咪風㸊呀,去睇醫生啦,take care

    回覆刪除
    回覆
    1. 梗係~我乖架嘛~~
      依家無野喇~~~多謝大家~

      刪除
  5. 講真我泥咗台北咁耐都未試過阿宗麵線XD

    回覆刪除
    回覆
    1. 呢d遊客野你點會食呀~你食地道野嘛~

      刪除
  6. 新年快樂~ 睇到你1月1號出Blog仲以為眼花添~

    回覆刪除
    回覆
    1. 野~~~~~好衰架~~~笑人地懶既XD~~~~~
      我都祝你HAPPY NEW YEAR~~

      刪除
  7. 如果大家有共識,由機場出市區,其實都抵搭既。我由西門町家樂福去台北車站,都要NTH90啦。

    回覆刪除
    回覆
    1. 係呀~~~我覺得舒服好多添~唔使D野搬黎搬去~

      刪除
  8. 我發現到妳去台北食既野同我要食既都差唔多一樣....咪引人好喎....

    回覆刪除
    回覆
    1. 你去完番黎喇??定就黎出發呀?
      哈哈~我自己有時睇番都流口水~

      刪除
  9. 新年快樂呀小t!碗米線好足料呀!

    回覆刪除
    回覆
    1. 好好味呢~~
      我都祝你HAPPY NEW YEAR~~

      刪除
  10. 機票同住都好抵喎~~~@@
    戀人白好型~~~會唔會擺段片上來?^^
    饒河夜市1800-2400@@戰鬥力好強橫!!!

    回覆刪除
    回覆
    1. 係呀~~係咁抵所以先去的~~~
      WAKAKKAA~~無影片呀~~相就有既~
      我寫但開幾耐咋~~無話食足6個鐘~~

      刪除
  11. 新年快樂~~ 小T~~~
    我好想睇你新機影出黎既相/VIDEO呀

    回覆刪除
    回覆
    1. 我都祝你HAPPY NEW YEAR~~
      今日出哥篇有呀~~~

      刪除
  12. 新年進步.
    我就由聖誕25號病到伊家呢,岩岩食哂啲藥咋!
    不過又有得睇你嘅遊記,當堂開心番!

    回覆刪除
    回覆
    1. 我都祝你HAPPY NEW YEAR~~
      咁慘???無事架喇!!!!我祝福你新一年會身體好健康~!!
      真既~好衰架~

      刪除
  13. 迷你攝錄影機好得意喎!效果好唔好呢?

    回覆刪除
  14. 其實高絲旅時尚旅館都好有潛在危險架喎!
    搭捷運去玩都好方便!
    仲係極敏感?要小心身體呀!
    從北海道帶回來的帆立貝、牡丹蝦、鮑魚,我都會話正,哈哈哈

    回覆刪除
    回覆
    1. 係呀我都驚驚地架~
      不過我地好多時都懶~做左伸手黨~~哈哈~~~
      無事喇依家~~~多謝你~
      好好味呀~~

      刪除
  15. 3日行程剩係見到啲食嘢嘅地方囉

    回覆刪除
  16. 7個人叫8個餐仲有7個小食..........................七位果然係勁有食力嘅美魔女,堅
    巧開心呀,咁快有台灣遊記睇,抵錫^^
    咁下次記住睇清楚係just sleep 捷絲旅喇,呢間好好多,感覺無咁危險
    仲未好轉,有無睇醫生呀,戒口呀,剌激嘢唔好食住呀,用返d尊for敏感嘅skin care喇

    回覆刪除
    回覆
    1. WAKAKKAA..你唔好驚左我地唔同我地做朋友喎~~~~
      梗係~我好勤力架~~
      我知哥間真係好好多~~~成棟都係佢地自己嘛~~~~
      依家無事喇~~好多謝你地呀~~~

      刪除
  17. 小t 真係乖 咁快就寫台灣遊記 :) 睇你嘅遊記真係一件好開心嘅事 ^^
    個叮噹碗真係好好好得意呀!!! 可惜係要咁多點先換得 如果出面有得賣就好 lu......

    回覆刪除
    回覆
    1. 野~~~~真係既真係既~~~~~梗係我乖嘛~~~一整好即刻出喇~~~
      其實我見到夜市真係有得買架..但係無我鐘意哥個款呀...嗚嗚

      刪除
  18. 小t, 你面上過敏, 可以試下戒食生冷和辛辣食物, 如壽司, 海產等等, 看看等2-3星期, 看看有無用?

    回覆刪除
  19. Hello
    我想請問你d行李帶 係邊度買架?
    有冇密碼架?
    我搵左好多地方都搵唔到
    唔該晒!!🙏🙏🙏

    回覆刪除
    回覆
    1. 行李帶??我無買架~都係之前跟團d旅行社送架~無密碼的~
      你可以試下去daiso睇下~我見過有呀~

      刪除