2014年11月24日 星期一

奧波爾圖(O Porto)

見我呢個時間出blog都唔慌好野....噚晚個頭真係痛到好鬼難頂...又嘔.....頂唔順去左睇醫生...唔知點解我依家d頭痛咁鬼襟痛....痛咁多日都唔好.....星期五:好難我先捱到放工時刻...生理痛+頭極痛...食左藥都無效...多謝Chlo子幫我按膊頭令我減輕痛楚!(也謝謝i子星期五幫我買了肥仔記~~~)->夜晚係凱公子生日會呢~公子呢年既生日會完成哂喇~下年又重新黎過~.....星期六:本身諗住去食文哥..點知澳門哥間無左...轉左去食南屏~今次舊蛋治極厚!!!->休息~休息左成個下午~....我呢個禮拜要溫習番飢餓遊戲1..同2集~~所以我決定留番下個星期先去睇~...->食左美麗街哥間鬼丸~..->行藝墟....星期日:起身又頭痛...唔知搞咩->去左食上個星期覺得好食既樂廚Enjoy Deli..但唔知點解驚豔度大減->睇左別相信任何人(Before I Go to Sleep)->訓晏覺...毛寶話我訓左差唔多成兩個鐘..但係訓醒好呆出哂汗+仲係頭痛->夜晚食左麥當勞同埋去左買褲



今日要講既餐廳叫奧波爾圖(O Porto)....聽個名已經覺得佢係食葡餐~~哈哈~~~地址:澳門劏狗橫巷17號地下......電話:2859 4643(星期三休息)....唔單止街名有d騎呢喎....連搵起上黎都有d難搵~以前有公子住開哥頭都搵左好一陣子先搵到~點解要黎呢間餐廳食既呢?我完全唔記得點解...淨係記得公子們約得好急...但亦好快成團~~~建議打電話訂位~因為鋪仔細細~座位不多~好似幾家庭式咁~







餐牌得兩邊~簡簡單單~不過有d野要訂先有得食~打電話訂位時不妨問問~有咩要訂先有得食~




食葡餐梗係要飲葡國汽水~(歪理~)~上次試哥隻係菠蘿味~我覺得太甜~今次試橙味~感覺好好多~~~~忘了幾錢~




薯蓉青菜湯 $15.......麵包真係一流~熱辣辣咁~加埋牛油真係一絕~(基本上麵包夠脆夠熱我都收貨~).....青菜湯係葡餐名物~不過呢度就稀左少少~平時飲哥d就杰d~不過就呢個價錢就真係無野好講了~




燒紅腸 $45......葡腸亦係葡餐名物~好鬼惹味~仲以為佢會係我地面前點火添~~~我就覺得燒得乾左少少~




豬耳沙律 $45.....正正正!!!爽爽的豬耳~葡式沙律梗係唔少得洋蔥啦~好開胃的前菜呢~~而且好便宜唷~




燒雞(一隻) $130......成隻先$130~幾抵~我覺得佢燒得唔錯的!!外皮脆裏面嫩嫩有肉汁~(其他公子話麻麻~可能因為我食的叫雞脾~~~~~~)




跟燒雞的薯條......離哂大譜!!!!好耐無食過咁好味既薯條!!!!!!熱辣辣新鮮炸出黎架!!!!!而且唔油~每位公子都食到唔停得口~




燒牛肋骨 $105......好味~不怕太老同鞋~通常我去食葡餐人地問我食咩..我都會話:燒牛肋骨丫唔該~




燒魷魚 $100.....呢個都好好味呢~~~~~~~超有彈性~~味道也佳~~~如果唔係怕塞心肝~我一定食多幾舊~




鴨飯 $105.....呢個我覺得一般~因為我覺得淡味左d~




海鮮麵包糠 $105....呢個真係第一次見~將麵包糠浸到軟林林~連汁連海鮮一齊吃~公子大推~而且都好多料~




烚椰菜 $55...係菜類方面淨係得一個選擇~可能佢加左d鹽入去烚~所食既時候已經有味~唔怕寡~




炒馬介休絲 $105....好多謝朗公子叫呢個餸~我是超愛的~(你到底有幾多樣係必點和超愛呢請問~).....最正係佢炒得唔怕油!!!!乾身的..超好吃!!!!




就係咁....7公子...7個人...叫左8個餸....同埋野飲和湯...我地真係.....好鬼有食力架jack~~~~~~




每個餸份量都好勁!!!!!就係咁樣食食食...咁多個餸...咁多罐野飲同湯.....每人才$130!!!!!!抵到炸開!!!!!!!!!!!!!!!!!!!!!




呢日呀!!!!我地仲學人玩"姐時曲"有主題呀~~~~~~(應該唔難睇到出係咩主題~~哈哈~~~)....就係講明每個出席者都要著米老屎架~你班人真係癲.....繼公子制服外套出現銀河自助餐.....又一新作.....不過有一樣野可能大家睇唔到既...就係...........貞公子話佢無米老屎衫呀...所以...個公仔係佢自己畫完再痴上去架~~~~~多謝你既合作去配合主題~~~~~~~~~~~~~~~~~~~~~~真係好好笑~~笑到我標眼水~




呢班人真係傻架~明明出餐廳門口時大叫:好飽呀!!!!....呢班人唔係番屋企喎......係行過去100米都無既對面街.....食!糖!水!!!!仲要叫炸魚蛋食...真係服了你們~(講到自己無份咁~擺明想置身事外~)




但願呢班人永遠長青~cheers~







哥套別相信任何人(Before I Go to Sleep)......
齋睇戲名我一定唔會睇.........
因為睇中文名覺得唔會係大片名...
睇英文名我覺得係鬼片...
但原來係Nicole Kidman做架喎..
同埋貞再三保證唔係鬼片係懸疑片既情況下我先會去睇~
不過一路頭痛一路睇既情況下(我仲貼住退熱貼黎睇)
就係越黎越頭痛....
因為佢係講Nicole Kidman有失憶症..
每一日起身都唔記得佢之前發生過既事..
每一日都要人同佢講番之前既野...
其實個故事既大意係幾好既...
不過呢....我就係覺得...有少少悶...節奏好似好慢咁..
我都係覺得Gone Girl好睇d~



2014/11/24的開心事:
查實無咩開心野...今天病假
要好好的休息

55 則留言:

  1. 有試過看中醫
    常看到妳有頭痛情况妳要保重身體
    海鮮麵包糠名字很有趣也對這道菜充滿好奇
    還有妳們食量真的好勁好勁 ^_^

    回覆刪除
    回覆
    1. 之前有試過呀..不過我覺得麻麻~
      謝謝你慰問呢~~我會乖架喇~
      哈哈公子們都係第一次試呢~幾得意~
      無錯~

      刪除
  2. 大家快樂星期一*・゚☀*早晨+午安+黃昏好喇喂¸*☁•
    ◇♫*¨齊齊*¨♡♬¤笑呵呵⊹♪♩♦ღ身體自然健康D啊⊹*❣。

    回覆刪除
  3. 小t 又唔舒服呢...有睇醫生呀...要多休息啊
    生理痛+頭極痛...食左藥都無效...咁飲薑酒呢

    回覆刪除
    回覆
    1. 有睇呀~休息左好番好多喇~~~好多謝你呀~~~~
      薑酒!!?!?自己整架?

      刪除
  4. 炒馬介休絲 +薯條....咁好味既....薯條....仲熱辣辣...炸出黎架...正呀

    回覆刪除
  5. 燒紅腸、豬耳沙律、燒牛肋骨、燒魷魚、海鮮麵包糠、炒馬介休絲,正呀~~~~~~~
    您好好休息,小心身體。

    回覆刪除
  6. 千奇咪俾你地啲男朋友候選人睇你地幾咁有食力,上晒岸果啲就唔怕。果隻老番米老鼠,抵俾佢過關既,時間緊逼嘛,下一個曲度左未?睇怕都係聖誕啦掛。你地啲哭袋又要出籠啦。

    回覆刪除
    回覆
    1. 我地又真係幾大食既...我都唔否認~~~~
      哈哈~~~~又真係幾有誠意既~
      下一個姐時曲應該係哭袋喇~你無估錯呀~

      刪除
  7. 我幾年前來澳門去過奧波爾圖,位置在氹仔,食物好味呀,炒馬介休絲 好吸引,睇落好似炸薯條,比你哋笑C我啦,自己畫完再痴上去﹗

    回覆刪除
    回覆
    1. 哥間係波爾圖~唔係奧波爾圖~唔係同一間黎架~~~
      哈哈佢好有誠意架~~

      刪除
  8. Before i go to sleep 我買左小說黎睇 買左成幾年都仲未開始睇 haha
    我依個星期六日冇咩節目 hea左兩日
    你又頭痛:( 點解會咁的

    回覆刪除
    回覆
    1. wakakakak~~就係前幾年書展哥d呀????
      hea下好呀~休息下嘛~
      可能因為撞埋生理期...特別的痛~

      刪除
  9. 條街名好暴力......我去google地圖都搵唔到"澳門劏狗橫巷17號地下",好神秘喎......
    見你哋7公子搞"姐時曲"覺得好溫暖又帶點甜,祝友誼永固.
    最靚係畫嗰件衫喎,可能人嘅關係啦......
    齣戲個中文名又真係幾趕客嘅.......

    回覆刪除
    回覆
    1. 漏咗講,最尾幅畫......好鬼藝術好普普,出自邊位名家手筆?

      刪除
    2. 哈哈~~有無尋幽探秘feel~
      我地d姐時曲好癲架~之後應該都仲有~
      係喇係喇佢最靚喇~
      係囉...個中文戲名真係吸引唔到我去睇~

      刪除
    3. 只係用左d整相既app整咋

      刪除
  10. 工作唔開心既時候,睇你個blog總係可以分散下(你成頭痛,無事呀ma)

    回覆刪除
    回覆
    1. 呀~即係睇我個blog可以減壓呀?好野~
      可能因為撞埋生理期...特別的痛~

      刪除
    2. 咁你得閒就多多黎俾我氹下你歡笑~

      刪除
  11. 嘩嘩~~點解澳門有葡餐咁平架????
    太正啦!!唔知有冇加價呢??
    係呢你地好搞笑呀!!!個個都着埋同一件衫XD
    唔講真係唔知歌隻MICKEY係痴落去架LO V3V

    回覆刪除
    回覆
    1. 係呀我都好驚呀~叫左咁多野食仲碟碟大碟先每人百鬆蚊~
      咁我就唔知喇~食左一次咋~你番黎試下~
      waakakakak我地傻架~
      係咪畫得好靚呢~

      刪除
  12. 妳真係要好好休息下,但係最好去醫院做下腦部掃瞄check下呀,快d揾出原因啦,take care~~~

    回覆刪除
    回覆
    1. 都有人叫我去check下呀...我就黎覆診順便問下先~

      刪除
    2. 可能因為撞埋生理期...特別的痛~

      刪除
  13. 真係好鬼鍾意你哋聚會時有"姐時曲"呀 有意思 有意思 貞公子真係好抵讚 夠哂投入 就係咁先好玩嘛~~~
    小t 又頭痛...... 休息咗有無好啲呀

    回覆刪除
    回覆
    1. 我地真係傻架~~~應該之後都有姐時曲~~我都覺得好好笑~~~
      可能因為撞埋生理期...特別的痛~

      刪除
  14. 嘩..... 你地公子們都好有食福....

    你頭痛咁厲害, 係咪MIGRAINE 偏頭痛?

    回覆刪除
    回覆
    1. 係呀~位位大食~正~
      可能因為撞埋生理期...特別的痛~係呀我有偏頭痛呀

      刪除
    2. 小t, 找到一些關於減輕 偏頭痛的資訊, http://article.yeeyan.org/compare/405246, 只是你以後唔可以再胃食了.

      刪除
    3. 我陣間上去睇睇先!!!謝謝你呀~

      刪除
  15. 你係咪對得computer太多又或是成日做低頭族呀,小心身体呀
    嘩,劏狗橫巷...............咁驚嚇!!!!!!!!!!!!!!!!!
    呢間小店唔錯喎,價錢合理^^
    Hahaha,一班米奇美女好搞鬼呀,讚呀:)

    回覆刪除
    回覆
    1. 我唔係成日玩電話架咋~可能因為撞埋生理期...特別的痛~
      哈哈個名好雷呀~
      價錢係澳門黎講可以係平~~~~~~~~~
      我地之前都試過有類似既姐時曲....仲一路行一路俾人話:華~好搞笑~

      刪除
  16. 頭痛真係好難頂,我都好怕
    每人才$130!!!!!!抵到炸開!!!!!!!!!!!!!!!!!!!!!====>又真係好鬼抵,唔怪得咁難搵都要去
    dress code====>好得!!!^^

    回覆刪除
    回覆
    1. 店主可能係波圖fans?!!

      刪除
    2. 係呀...真係好辛苦!!!!
      係澳門可以話係激平~~~~~
      我地傻架嘛~

      刪除
  17. 小T, 希望你快啲好番啦~~~~~
    小心身子呀!!

    回覆刪除
    回覆
    1. 多謝你呀alika~~~我會乖乖休息多d架喇~~~

      刪除
  18. 回覆
    1. 可能因為撞埋生理期...特別的痛~知道~

      刪除
  19. 海鮮麵包糠,好似幾特別 :P
    '姐時曲'好正,最正係自家製米奇
    唔. 其實你係咪偏頭痛呀?
    祝你地永遠長青、永遠健康呀~~

    回覆刪除
    回覆
    1. 係呀~我地哥次都係第一次食咋~~好正~
      哈哈佢好有誠意~~~
      我係呀...成日頭痛...唔知點好
      多謝你~

      刪除
  20. 好好保重~~
    劏狗橫巷個名好恐怖
    炒馬介休絲我喺里斯本食過,好香口
    妳地幾個friend 好有M club feel

    回覆刪除
    回覆
    1. 知道~謝謝~
      哈哈個名不知幾雷~
      唔知同澳門有無唔同呢~我都想係里斯本試下呢~
      哈哈~我地傻過m club~

      刪除
  21. 好大碟薯條呀 *0*

    玩埋"姐時曲", 邊夠你地玩呀 XD

    回覆刪除
    回覆
    1. 好好味架薯條~
      我地傻架嘛~~~wakakakakaa~

      刪除
  22. 鴨飯好似好味喎. 去搵搵食譜先.

    回覆刪除
    回覆
    1. wow~你好勁呀想自己整~~~~~成功左記得放上blog呀~~~~

      刪除
  23. 你好, 我係南華早報的澳門雜誌編輯Rebecca, 我們下一期雜誌想介紹這間奧波奧圖餐廳, 想看看你可否幫手, 我的email係rebecca.wong@scmp.com, 可以既話請同我聯絡, 謝謝你!!

    回覆刪除