好開心~今日雖工作唔算個個case都順利~但都解決到~都好好呀~做人唔好貪心啦~~~今日整天都很飽飽~早上夾麵包吃~中午約左chlo子i子去新葡京飯聚~好開心~...夜晚媽媽煎韓式餃子~~仲有泡菜和米酒同吃~~一流~
2014-09-30
Day 4---Part 4(日本,沖繩 Japan,Okinawa)
行完陶瓷鋪就到了晚飯時間~我地揀左旅遊書有介紹的肴菜~食沖繩料理的(因佢影既相片太吸引了~~~~).....地址:沖繩縣那霸市久茂地3-26-3....電話:098-866-9672...營業時間:17:30-23:30....由於係國際通既後幾條內街度...雖然有d九曲十三彎咁先行到~但係毛寶又係很有自信的就咁帶我地行過去~~~(google map的威力)
又係有和式同西式餐桌~不過一個人都無~梗係任揀啦~我地食左咁耐計埋我地先得3檯客~(完全無遊客...小姐..你咪係遊客囉:P)
瀨野......首次遇上全日文餐牌~~~~~~證明真係無遊客黎~~~~但係真係好難估喎~~~~~好彩~~~我真係好醒目呀~無帶書但係我有影定d野食既圖片~~~指住俾佢睇~其他哥d就根據我地對日文既了解~~亂叫啦~~我地仲有試過試寫中文佢睇~~好彩佢識睇漢字~
我媽叫了泡盛....叫左一合(量度單位)....唔記得咩牌子~600円=45.6hkd.....華~一合都幾多下喎~我以為係好似深夜食堂咁添~(用個木盒)....飲落好辣呀~~~~
我和毛寶每人叫左一杯杏露酒...450円=34.2hkd~好抵呀咁大杯~~仲要咁滿~~
日本碗碟靚靚~
呢碟前菜~送的~我未見過送既前菜可以有咁多野食同埋咁大碟~~~仲要幾好味~~~
呢個係睇餐牌亂叫的山芋千切唔知咩...350円=26.6hkd...山芋我上網睇即係山藥喎.....係咪即係我地食既淮山?????????應該呢個係生的!!因為爽爽黏黏的.....好好味呀~~~(唔知點解我覺得呢碟野好藝術呢~).....同埋呢碟都幾大下~好抵~
玉子....500円=38hkd....暖暖的~唔係凍冰冰~而且係唔甜的~好好味~
因為我地太想食海葡萄.....但又唔知點叫.....於是寫漢字~~~成功叫到~唔知幾錢~好好味~點d酸酸地既汁~~出位~~
鐵火卷....350=26.6hkd...真係好平~~又好味~
又到漢字時間...黎到沖繩...又點可以唔寫苦瓜呢?!?!?於是又係寫俾佢睇~咦~佢地興同豆腐..蛋..同埋午餐肉一齊炒的....苦瓜我不能暗住心口講唔苦...因為真係苦的...我平時係完全唔食苦瓜的...但係...又幾食喎~~~
毛寶的飛佛茶漬飯...500円=38hkd....好味~
呢個係指住旅遊書個圖叫的~原因係好有氣勢!!!鹽烤香魚...800円=60.8hkd.....好好味呢~~~魚仔好有魚味~~而且燒得剛好~兩位魚后食得乾乾淨淨~
呢個又係指住旅遊書個圖叫的~炸雙帶鱗鰭烏尾鮗飯團....800円=60.8hkd...又係因為有氣勢而叫的!!!而且好好味~~而且很抵~~而且很飽肚~~(有成7~8粒飯團~瘋的~)
由於苦瓜很好吃..我地同佢講...唔要午餐肉..唔要蛋唔要豆腐...淨係要個炒苦瓜.....佢好似好明咁....但係出到黎...同頭先係一模一樣的~~~~哈哈~~不過我地話唔要既份量少d囉~~唔知係咪一定要咁炒??我想食蒜蓉炒的就好了~
雜炊....即係粥~我媽話好想試...咁就試埋啦~(其實已經飽到上心口!!)....但係我地真係....將所有既野食哂!!
我地真係好痴線的~連埋前菜...食左成11樣野落肚...但我記得好似都係200hkd左右一個人!!抵!!!!!!!!!!!當然你可以無咁辛苦..係國際通求其搵間沖繩料理食既..都有好多...不過價錢一定唔係呢個價囉..好無味亦都唔知~呢間人客少....服務有禮而且野食超好食~大推~我下次去沖繩一定再食~
最後一晚喇~之後又去左行手信鋪....可以買d之前見到又未買既手信喇~~~驚見呢個扮係好多地方都有得賣既即食豬頭磁石.....好恐佈呀...邊有人想買架~
我的收獲~~~個豬頭係豬頭味脆片~(其實係醬油味~)...做手信攞番公司幾過癮~~左邊個鹽味曲奇餅好正!!中間既雷神朱古力必買~~又抵又正~~呢包攞番公司做手信好ok~不過呢隻包裝係細條d既~一盒盒哥隻30円=2.3一條哥隻大條d的~~~(一盒盒哥隻係Naha Main Place有售)....下面哥d就係我之前話好好味的午餐肉~~~hot & spicy好正~...右邊既手巾仔好民族風呀~~~好靚~~~左下哥個係日本腐乳~~因為之前我係某日本餐廳佢推介我地食既前菜就係日本腐乳配魚籽...賣成$220.....超唔抵.....所以我特登要係日本買番黎試下!!!
哈哈~~星星沙~~我地無去到有星星沙既沙灘~~所以咪要買囉~~~~係咪估唔到我咁老土呀???我買左俾自己同另外兩個人咋~~~~
係水族館買既紀念品~~~公仔同小方巾同埋膠杯膠湯匙都係買俾小公子的~其他先係我~(又買奶油刀~到底我有幾多麵包要查~~~)
下一篇就係沖繩篇大結局了~不捨~
2014/11/18的開心事:
我阿媽岩岩入黎話:我要俾個讚你呀!大讚!
因為我今日幫佢搞掂左個麻煩人麻煩事~
哈哈哈哈哈~
公子們在熱烈的討論聖誕聯歡去邊~~
好好笑~~
•*¨瞓覺覺豬先喇*゚♦甜夢安睡 ・゚★☾。゚晚安☁•*¨✬
回覆刪除我今日都好攰呀~~~我今晚要早d訓先得~
刪除有個沙灘★真係有星星沙既★ 小t ✬為什麼唔去呢
回覆刪除因為我唔知係邊個沙灘先有~~
刪除嘩...前菜送既...都有咁多野食同埋咁大碟...正呀
回覆刪除鹽烤香魚~炸雙帶鱗鰭烏尾鮗飯團...唔該晒...神婆要一份呢
係呀個前菜好正呀~
刪除睇黎神婆鐘意食魚呢~
食得苦瓜多,人都醒目得多。
回覆刪除偷懶....偷懶....偷懶....又偷懶
刪除係咁既咩~~~
刪除哈哈~~要執下相先有新blog出嘛~
刪除其實, 所有日本人係識睇漢字, 只是文法可能跟我們中國人不一樣. 所以, 單詞佢地一定會明, 但一句漢字句字, 佢地就不一定會明白. 有時, 你可以用幾個字著幾個漢字名詞+簡單英文. 例如問路, 可以寫 "XXX 方向 ?" 餐飲, 可以寫"苦瓜妙, NO SPAM, NO EGG, NO TOFU" 咁樣, 佢地就會明白了. 無錯, 山藥係淮山, 但係這種淮山, 跟木薯似D, 口味唔近似淮山.
回覆刪除我都有d係寫俾佢睇呀....
刪除已經有寫苦瓜...然後指實物話唔要...但最後出黎都係有........
又唔似木薯喎.....不過好味就係啦~
日本食物真喺啱口味,
回覆刪除我like茶漬飯,
曰本人識漢字
雖然都喺靠估,
但溝通方便好多
係呀~~~~我好喜歡日本餐呢~~
刪除毛寶都好like茶漬呢
好彩佢地識睇漢字咋~~
點解吞拿魚卷會平過沙律卷咁多架?
回覆刪除可能佢實在太多吞拿魚喇~~~
刪除咁快就大結局嗱!
回覆刪除係呀~去5日~係咁上下~~~~~
刪除碟前菜、玉子我都想試囉!
回覆刪除好多手信,大豐收。哈哈哈~~~~~
前菜真係唔錯~
刪除都唔算多喇~我去沖繩算買得少~
米酒,係咪白色果隻呀,我都鍾意飲架
回覆刪除嘩,呢間野平到無朋友喎,咁地點係咪好難揾呢,有旅遊書推介都無乜客????仲有你好醒喎,影定d食物相
個豬頭磁石真係好真喎,驚驚..................
係呀係呀!!!我幾鐘意飲~~~白色有點甜甜的~
刪除國際通後幾條街囉~~~如果我有認真睇又唔算難既~~~因為我係跟人行所以覺得好難~
野~~~讚人既~
係呀..係咪好恐怖呢~~~
聖誕聯歡之哭袋又要出現了 hahaa
回覆刪除鹽味曲奇同雷神都好好味呀:)
星星砂 hehe 我屋企有個你的專屬手信corner了 yeah
係呀~~就快來臨喇~~~
刪除hehe~將好味的~留給你~
真架~好開心呀~~~~
即食豬頭磁石?係咩嚟??食得架?個款好恐怖
回覆刪除即係豬頭係一種食品....然後模仿佢做磁石咋~~~唔食得架~~
刪除係咪好真呀~
望耐啲會發惡夢......你日日照鏡見慣就唔怕啫
刪除你望下自己張profile pic先啦...照鏡...
刪除睇見我都想再去沖繩~ ^^ 不過去o左澎湖先~ 哈哈
回覆刪除台灣都有好多好地方去呢~~~~~正正~~~~
刪除Hi,小T、沖繩䒴菜我去冲繩旅行都有去過!是導遊介紹架!我地十幾個團友包咗成間餐廳架!食物o.k.價錢又晤貴!遵遊仲介紹d好食菜比我地團友架!豬頭味脆片好正喎!我去時未見有得賣囉!午餐肉好好味,我都有買!聖誕節又玩哭袋嗎?!bye!!!
回覆刪除咁岩線你都有去呀..哥間真係幾好味
刪除豬頭磁石,個樣真系好恐怖.苦瓜,我平時,都唔食,但我阿媽鍾意,佢會間中買,但煮左之後,得佢一個人食,
回覆刪除係囉~都唔知有無人買~~
刪除哈哈~咁佢一次過咪要食好多~
豬頭脆片像真度都好高喎@@
回覆刪除哈哈~不過個味唔似~
刪除個前菜好似主食咁大份!呵呵~
回覆刪除超大個~估佢唔到~正
刪除