2014年11月17日 星期一

沖繩陽光海灘海鮮自駕遊之旅2014-09-30第四天Part 3(晴天)

我今日超爆勁眼訓~~~~~想知點解睇下我星期日做咩~~~~星期五:同公子們去左權昌打邊爐~諗住血吃..點知已經無第一次咁好食~..->星期六:試左間新既泰式cafe叫樂廚...本身係為左佢個冬蔭功湯米而去既~點知反而最好吃係甜品!!驚喜!!->睇單身男女2...其實有d夾硬搵野黎做..而且我都估唔到咁既結局~(不過睇開又想再睇)->舅父生日去食飯~....星期日:謝謝Diana送左賽車飛俾我地~但估唔到毛寶興致咁高~由第一場...睇到第三場...第一場賽既時間係...........9點.................................->味藏午飯...依家周六日無lunch set..失望->番佢屋企小休...我真係訓著左...好眼訓->睇最後一場賽事....呢日真係曬到飛起!!!!!!!!->晚上係屋企食大閘蟹...謝謝毛寶!!



2014-09-30

Day 4---Part 3(日本,沖繩 Japan,Okinawa)
好喇~離開水族館之後我地去尋吃的~有無少少尋幽探秘feel??有d似哥時去左澳洲咁~~~哈哈~~事實上呢間野既位置又係幾神秘既~係公路去到某個位見到佢個餐廳牌跟住行~一路上山~~左轉右轉先到~




呢個時候超曬~~~毛寶司機去左泊車~~我被派去先攞位~~(免費泊車)




今日中午要吃的是Aguu豬專門店:大家....地址:沖繩縣名護市中山90....電話:098-053-0280....營業時間:11:00-17:00....18:00-22:00.......網址..




記得去到唔好淨好坐係到等呀~~~要係門口留個大名先呀!!!




坐埋一邊等~我地12點左右黎到都等左成15-20分鐘位..真係好多人食呢~






唉~~~最衰慢過我前面哥個人登記啦~~~俾佢坐左呢個有景睇既座位~~~而且呢個都係假榻榻米可以伸隻腳落去~~我地就要坐真榻榻米~~~好痺呀~~~~~~~~~仲有唔知點解呢間野係超多的烏蠅!!!!好煩人~~~




點餐無難度~因為呢度有多國語言既餐牌~我黎之前幾日係酒店有介紹呢間餐廳d火鍋呀~烤肉呀點正點正~(因為之前係和風亭食個百幾蚊既已經咁好味~呢間號稱係Agu豬既專門店咪不得了?!)一心要黎試.....望望下餐牌....最後好失望.....發現原來中午得Set餐食(平時會好開心...呢日真係勁失望).....要烤肉火鍋哥d係夜晚先有....我後尾上網睇佢d夜晚既餐...發現望相都覺得好正~~你地睇睇....我流口水..




咁都無計喇~唯有照叫啦~毛寶叫左沖繩香橡果汁(超酸的)...我叫了鳳梨果汁....一般般啦都係罐頭果汁味~...各450円=34.2hkd....其實share黎飲都得~好甜又好鬼大杯...媽媽叫左杯泡盛飲~(我忘了幾錢)




我叫的阿咕豬肉麵套餐...1,620円=123.1hkd......套餐都有好多野食....不過我最想叫既唔係呢個~~因為我為左有多d野影所以唔同大家叫重覆的餐~d豬肉雖然係Agu豬..但係咁整法係無法認同佢係好食...好鞋~個麵已經夠大~仲要有個什錦飯~~~飽到呢~~~最開心佢有中間哥個前菜"水雲"呢~真係好好味~~~~~~我叫呢個餐係非常後悔的~~下次應該叫自己最想叫的來吃~




毛寶叫的美味御膳....1,300円=98.8hkd....佢寫住:深受女性歡迎的低熱量健康料理...毛寶睇完後即話:岩我!......呢個都幾好味...清清淡淡....不過同Agu豬無咩太大關係呢~(只係得正中間哥舊東坡肉做法的紅燒肉~好細舊...我地每人試左少少~係食少少既情況下我覺得係幾好味的~不過如果食太多係我會漏到飛起~)




我其實最想叫既係媽媽呢個阿咕豬薑汁燒肉蓋飯....1,620円=123.1hkd.....因為我想:吃不到晚上的烤肉...吃這個也近似吧?!?!?!?........結果係這個超好吃的~~~~~~烤肉加飯一齊食好幸福呢~~~~~~下次誰要中午來呀??!?!梗係要晚上來吃一頓美味的Agu豬火鍋烤肉囉~~




飯後每人來一個"大家"泡芙....300円=22.8hkd.....因為係飯前叫定的...所以佢一攞黎時覺得:死啦..好飽呀...實食唔哂........點知一咬....頂~~~好好味呀~~~~最後大家一齊食哂~(但我死蠢呀....皮皮去之前提我....我係酒店亦有睇介紹...我同自己講一定一定記得去試佢個焦糖燉蛋....最後...我完完全全的忘了~~~我真係好嬲我自己咁無記性~~~~~如果想食記得一坐低叫定..因為大賣野好快無)




食飽飽又再出發~~~呢個裝置我地經過好多次~~我次次都俾佢呃~~~見唔見到中間個箭咀隔離有黃色藍色咁既牌呀??佢係一個人型紙牌~~隻手仲要識郁....提示你有工程進行中~~叫你唔好行埋黎~~~我每一次係遠處經過時我都以為有個真人企係度!!!仿真度激高~~~~~




下午既行程就係去:海中路喇~...呢條路係去伊計島必經的....Mapcode:499575297






中間有凹位可以停車影相~但我覺得唔算特別~因為好多橋都係海中起架啦~~青馬大橋都係架~澳門過氹仔d橋都係架~只係我地d水無人地咁靚je~陪住我地既靚車~~






跟住望過少少....有個位幾靚~行過去影左幾幅相~~堅曬!!!!!!








係呢度望番過海中路~~背光ing~其實真係只係海中有條橋連接其他小島~不過橋上面有個休息站有野食賣有間Cafe~如果得閒可以係Cafe飲杯野~因為向海的~幾靚~




又揸車番左去那霸攞酒店~跟第一..二晚既酒店都一樣係JAL~放低行李休息一陣又出發~0我~日落了~好美~




我地食飯前去一間第一晚毛寶想去但無去(旅遊書介紹的)->由陶藝及木工..紅型等不同領域的工藝家所共同創立既藝廊...叫tituti OKINAWAN CRAFT....地址:沖繩縣那霸市牧志1-2-6....電話:098-862-8184...營業時間:11:00-19:00....我地6點半擦到入去~~~




入到去感覺好舒服呢~而且店員超級的有禮~大加分~




毛寶係呢度買左好幾樣野呢~~~~呢度d陶瓷真係堅靚~毛寶黎沖繩既目標達成!(買陶瓷和玻璃)...連不是目標內的佢都達成左好多呢~~~hehe~(所以佢好喜歡沖繩~~)









2014/11/17的開心事:
雖然係好眼訓...但其實我噚晚都訓左成8個半鐘
番晏真係好爽~



今日放工哥時我同i子說:我好想食薑蔥鐵板生蠔呀~~
i子說:唓~你咩都想食架啦~
野~~~~~~~~~~好了解人既~~~~~~~



今晚係屋企食....
明明有餸食架....
但我又走去攞包媽媽去旅行買既韓國撈飯紫菜一齊食~
真係好好味!!!!!我可以唔使餸淨係俾碗白飯我都ok~

38 則留言:

  1. 11111111111111
    我都愛水雲^^
    沖繩陶瓷真係好靚,但我好忍得手
    毛寶一定好愛沖繩

    回覆刪除
    回覆
    1. 第一好叻~
      係呀!!!好好味呀!!!!!!!!
      你今次咁叻既~~我都忍唔到呀~~(我咁怕攞重都忍唔住買左少少~)
      係呀~超喜愛~

      刪除
  2. 我最近都好鍾意拎紫菜包飯食~~~哈哈~~~
    點解我地咁似既~~~
    沖繩D海水真係好靚呀~~~

    回覆刪除
    回覆
    1. 係呀~~~我地真係夾喇~~~~
      我覺得真係好好味喎~~~~~
      係呀~~好想再去~

      刪除
  3. 好友♦☆・゚瞓先喇喂•*¨☁★・゚齊齊晚晚甜夢安睡喇喂⊹☾・゚

    回覆刪除
  4. "泡芙"泡芙"我都好鍾意食............既

    回覆刪除
  5. 那裡有點像夏威夷 或 洛衫磯,

    回覆刪除
    回覆
    1. 可能因為以前有好多美軍係哥度?

      刪除
  6. hihi
    識揸車真好,可以去到好多地方,羨慕ing
    血吃,好正嘅形容詞,我依家都喺東京血吃中

    回覆刪除
    回覆
    1. 我都覺得識揸車真係好~可惜既係我就係唔識揸車~~~~~~~~~~~~~~~~
      你就好啦~~~我好羨慕呀~~~~~

      刪除
  7. 上咗間餐廳嘅網頁睇呀 夜晚啲餐又真係好吸引咁呀 又好多一碟碟 好似好多嘢食咁
    今次食唔到唔緊要啦 反正毛寶又鍾意沖繩 你哋下次再去玩時先食啦~~~

    回覆刪除
    回覆
    1. 係呀~~~~我真係好想試夜晚d set呀~
      我都想呀~不過睇緊出年機票..有d貴~

      刪除
  8. Hi小丅,今曰仄吓寫blog比妳先!好啦!寫倒啦!沖繩水族館真係好正架!賽車飛貴嗎!在香港連酒店套餐要成$3xxx,好貴!,bye!!!

    回覆刪除
    回覆
    1. 我都唔知貴唔貴呀因為係朋友俾飛我睇架

      刪除
  9. 三個餐俾我一定選阿咕豬薑汁燒肉蓋飯!!

    回覆刪除
    回覆
    1. 其實我都想揀哥個..因為我成日想影多野寫blog嘛...所以咪一有人同我叫相同既野咁我咪自動波叫第樣囉~

      刪除
    2. 咁你有無覺得睇多左野先~咁如果你下次去你咪知唔好揀我哥個餐囉~

      刪除
  10. 唉我走左幾日都不知幾掛住你啲卜,不過原來你又做懶豬呀!

    回覆刪除
  11. 阿咕豬薑汁燒肉蓋飯,我都會揀呢個,正
    沖繩d海水真係好靚呀,你今次d相好靚,我覺得仲靚過澳洲果d,唔知係咪藍天白雲嘅關係呢
    咁其實你鍾唔鍾意睇賽車架,我自問我係完全無運動細胞,而且我在電視睇都覺得嘈,但如果有机會都想在現實感受下氣氛,不過一定唔可能由頭睇到尾,我實在頂唔順太嘈,一定頭痛

    回覆刪除
    回覆
    1. 其實我都想揀哥個..因為我成日想影多野寫blog嘛...所以咪一有人同我叫相同既野咁我咪自動波叫第樣囉~
      其實我上次去澳洲差唔多全部相都係相機影架...今次反而全部用手提影喎!!!!!!!!!!!唔通iPhone真係咁叻仔?
      我呀..都ok既...係現場睇又真係幾有氣氛~同埋今年佢地對賽車既音量有管制..其實靜左好多~

      刪除
  12. Aguu豬專門店過feel好正!
    嘩,嘩,嘩,個位公子側身坐得好有型~~~~~~
    我都認同,阿咕豬薑汁燒肉蓋飯看來好好味。

    回覆刪除
    回覆
    1. 都ok呀幾有特色~不過中午d餐麻麻吸引~
      wakakaka~真既~
      係啦~我都覺得哥個最正~

      刪除
  13. 回覆
    1. 係呀~因為一早換定~點知換好就趺~

      刪除
  14. d陶瓷真係靚,唔怪得忍唔住手買
    餐餐都真係好豐富~~~撐大咗個胃XXD

    回覆刪除
    回覆
    1. 係呀~我都買左少少~
      hehe~我個胃唔撐都大~

      刪除