2014年11月11日 星期二

沖繩陽光海灘海鮮自駕遊之旅2014-09-29第三天Part 3(陰天及後轉晴)

今日怎麼了~~~~~~~好多野做...而且好似每個都未訓醒咁....每講一句都:下?????............點解成日都唔留心聽人講野呢????噚晚咪食午餐肉既~~好正呀....因為我地煎左係沖繩買番黎既減鹽hot and spicy口味~而佢隻辣味係源Tabasco~~~好好味呀~~~~一啖午餐肉~一口Tabasco味~~~正~~~我好想下次去沖繩買多d午餐肉番黎~



2014-09-29
Day 3---Part 3(日本,沖繩 Japan,Okinawa)
hehe~毛寶的生日飯安排左黎呢度呢~琉球之牛~~~地址:沖繩縣國頭郡恩納村前兼久909-2...電話:098-965-2233...營業時間:17:00-23:30....網址..呢間烤肉大家都很推薦~~食過都介紹我去食~~不過留意....這是超長龍店~~~如果可以既話就打去訂定位先喇.....我地有試過叫第一晚酒店幫我地打去...但係就因為未開無人聽...所以我地決定早d過去~~呢間烤肉店係我地酒店附近~行過去都係5分鐘~所以決定唔出車喇~(聽講好似有停車場)......我地差唔多7點去到....要等一陣...後我地兩張檯既遊客去攞位時佢已經話:no table~....恐怖....好彩~~我地等左10分鐘就有位喇~~~~~~




要脫鞋入去食的~不過有獨立的儲存櫃俾你放鞋~放心~




好彩係坐假榻榻米咋~~~(咩叫假榻榻米~~就係腳哥度有窿可以俾你穿入去坐~~~就好似坐櫈一樣假扮坐榻榻米~~~~)




好喜歡佢既小小豉油樽~~~初初睇餐牌...呆了...全日文...唔知點叫....後尾佢見我地面有難色:english?!.....我:chinese~~~~~~~好彩有中文餐牌睇睇~~~~無難度~~~~




我地每人叫左一杯泡盛cocktail飲飲呢~右邊係毛寶叫的香檬~好味~中間哥杯係我叫的碧蘭...佢係咁介紹既:水果口味相當順口......er...咁既色我又好難去諗起生果喎...同埋真係一d生果味都飲唔到~~~左邊係媽媽叫的苦瓜...估唔到係最好飲的!!!!!味道覺得好清爽!!.......各500円(稅拔)=38hkd




佢有單點同套餐的~咁我地就叫左其中的一個套餐試試~特選菲力牛肉(夏多布里昂)套餐....6,800円(稅拔)=516.8hkd....都有幾多野食下~~1.韓式小菜...都幾大碟下~~~~3個人都夠食~~~而且每一樣都非常可口!!!尤其係一頭一尾哥兩樣~~~




2.本日沙拉.....超級的新鮮味道~




3.和4.飯和湯




5.炭火燒特選菲力牛肉(夏多布里昂 150g).....超級的好吃!!!!呢個厚度烤完放入口超幸福~~~油花味道很正~~~~




6.甜點.....咁佢唔係一次過上哂既~只係我將個套餐完整d一次過俾哂大家睇咋~~~雖然係普通的雲呢拿味雪糕....但係一食就諗番圯以前細個食過既藍色盒明治雪糕!!!超級的好吃!!




除左套餐之外~我地仲散叫左其他野~上等牛舌...1,480円(稅拔)=112.5hkd.....好味~




海鮮拼盤 980円(稅拔)=74.5hkd...都很新鮮呢~~~蝦是超級的好吃!!




等特選縣產和牛里脊肉...2,800円(稅拔)=212.8hkd....好好味!!!!!!!!!唔識形容~~~~睇下佢d油花就知好食~~呢個必食~~




牛橫隔膜...1,480円(稅拔)=112.5hkd....佢餐牌寫明係稀少部份~有可能缺貨~但我地都食到~~口感幾得意~~而且牛味很重~~




呢個係必食之二!!!!!!特選厚切縣產和牛沙朗(100g)...4,600円(稅拔)=349.6hkd.....雖然真係有d貴喇呢個...但係....一攞出黎真係好覺得好厚切~~~好似成大塊午餐肉咁擺係度!!!!味道唔使講!!!!!大嬴呀!!!!!!!!




今餐真係一級一級棒呀!!!!!!!極推介!!!!!!望住自己個blog都有d流口水~~~~~~








食到最後~~又嫌食得肉多~~唔夠蔬菜落肚~~又走番轉頭叫個海葡萄與海藻沙拉...680円(稅拔)=51.7hkd......海葡萄真係真係好好味!!!!!個沙律幾大個~~抵叫~~好好味~~食完咁多肉清一清個口~~唔錯~~




之後甜品黎哥時呀~~~我幾叻呀~~有係澳門帶蠟燭過黎呀~~~賀呢個小朋友牛一~~~~~我係咪好叻呀~~(不過我當初無估過佢係雪糕~~)




生日快樂樂~身體健康康~小朋友許的願要靈呀~




呢餐真係正到呢.......大約食左21,945円=1,667.9hkd...每人556hkd....雖然真的不算平宜...但係真係叫左好多野食...仲要吃到超好吃的!!!極推介!!!最正既係..有老闆行左出去賣單!!話要慶祝毛寶牛一~~~~多謝媽媽~~~~~~~~~~~~~~




行番酒店時經過便利店...第一次見呢個味!!!芝士pizza!!!唔係唔買下嘛~~~超級好味~~已經去左我個肚亦已排番出黎~~(臭臭~)







噚晚10點半做既超齡打工假期幾好睇喎~
大家有無睇呀?????
Dodo姐真係對自己超有自信~~
而且我覺得佢都好勁~咁快就可以背熟哂佢個館d資料~
做埋Tour Guide喎!!
勁!!!!!
王苑之都好好笑~~~
今晚再睇~



2014/11/11的開心事:
今日係光棍節喎~~
查實今日都無咩特別開心既事~
最開心係下午覺訓得好穩囉~沉睡狀~

32 則留言:

  1. 日本食野勝在夠新鮮,加上依家円平仲抵D
    明治雪糕依家仲有冇?
    Do姐幾好睇,幾搞笑,今日在CR2都有講返佢自己的拍攝感受!
    咁好嘅有得瞓晏覺,羨慕!!!!

    回覆刪除
    回覆
    1. 係呀~~d円平左真係食得開心好多~~~
      我都唔知呀~我淨係知我細個好鐘意食~~~
      不過好似話一早知架喎~哥d團友係tbb安排的~

      刪除
  2. 嘩。。。。歌d肉見到都流口水呀(>_<)
    插支蠟燭係個雪糕到好得意XD
    如果台灣都有咁好既野食就好了╮(╯_╰)╭

    回覆刪除
    回覆
    1. 真係好正~~~~~融在口中的肉~
      哈哈~~我好驚融架個雪糕~
      台灣間胡同都好好味呀~

      刪除
  3. 我買完鎹菜回家呢•*・゚還準備好今晚吃的材料呢
    9:00又出門吃飯呢.•*¨*小t.甜夢安睡先喇喂。•*¨☁
    快樂時間過得好快♥*¨*❤齊齊明天╠ ╣ a Ρpy星期三⊹*

    回覆刪除
  4. BLOG我望住...特選厚切縣產和牛沙朗...等特選縣產和牛里脊肉...真係流口水呢

    回覆刪除
  5. 毛寶的生日難忘呢,我見到個餐,現在立刻肚餓。
    哈哈哈

    回覆刪除
  6. 午餐肉真係巧食,影張相嚟睇下咩牌子等我叫日本朋友買呀
    呢餐好正喎,見到咁靚和牛我到口水流,價錢又唔貴,抵食

    回覆刪除
    回覆
    1. 好似係spam呀唔知香港有無得買呢?
      係呀真係好正好正~

      刪除
  7. 流口水啦。。。。

    btw, 你都有睇 ? do姐同王苑之真係好好笑 ,哈哈哈

    回覆刪除
    回覆
    1. 係呀真係好正好正~
      有睇呀~~~好好笑~

      刪除
  8. 去旅行緊係要盡情的食、食、食,這樣才算是旅行,睇到我留晒口水啦﹗

    回覆刪除
  9. Gd morning, 你好衰嫁,晨早睇完你啲咁正嘅嘢食,我好肚餓呀~~
    我上次去沖繩無你咁叻叻搵到一間咁正嘅餐廳,不過下年應該會再去(如果細佬無改結婚地點),到時就試下哩間

    回覆刪除
    回覆
    1. 哈哈~~我自己依家睇完都好肚餓~~~
      我都係朋友仔推介先去~~~
      華~~細佬結婚喇~~~恭喜~~~

      刪除
  10. 呢餐睇相都好正~~~唔知我幾時有機會去沖繩, 我一定要去呢間食~~
    幫我同毛寶講聲生日快樂(哈哈,遲左成個幾月), 祝佢日日都咁開心啦!

    我都好欣賞DODO姐, 不過原來都有少少做假既...
    原來帶團個班遊客係TBB一早聯絡係個邊working holiday既人黎既,
    我覺得呢PART要扣少少分, 如果係真係遊客就perfect啲!!

    回覆刪除
    回覆
    1. 係呀真係好正好正~
      多謝你呀~~~~

      下~~原來咁架~
      都好呀~佢真係有背到資料先~都ok架喇~

      刪除
  11. 食咁多嘢真喺唔貴,
    咁好質素,咁價錢香港都食唔到,
    我like好厚個塊 X……牛,
    Do姐喺佢電台節目爆咗,
    所有行程訪問、導遊亦喺事先安排哂,
    而且稿件一早寫好,
    佢地亦無住韓屋,只喺為拍攝需要!

    回覆刪除
    回覆
    1. 係呀真係好正好正~
      咁又真既..澳門都食唔到~~~
      下~~原來咁架~
      都好呀~佢真係有背到資料先~都ok架喇~

      刪除
  12. 呢餐掂呀!!我真係好鍾意食牛架

    回覆刪除
    回覆
    1. 係呀真係好正好正~我都好鐘意牛~

      刪除
  13. 補祝毛寶生日快樂.
    呢餐真係見到都口水流.

    回覆刪除