2014年11月7日 星期五

沖繩陽光海灘海鮮自駕遊之旅2014-09-29第三天Part 1(陰天及後轉晴)

有時d野你又好估我唔到既~你又以為我星期五唔出blog咩~我又食飽飯無野做走上黎寫下~~~~~放左工同毛寶諗住去打邊爐....點知無位......行行下去左雅廉訪其中一間日本野度食...又係把鬼~之後仲行左去食偉記生果杯~食飽番到屋企才8點3~



2014-09-29
Day 3---Part 1(日本,沖繩 Japan,Okinawa)
check out左就出發喇~哎呀呀~今日出發時d雲都幾密下喎~




早餐都未食就check out出發~第一站係殘波岬公園...地址:沖繩縣中頭郡讀谷村字宇座....mapcode:1005685378.....網址....由國際通揸車去既話大約要一個鐘~入去個公園就唔使錢既~不過如果要上燈塔就要200円=15.2hkd....不過我地哥日去到好似圍哂圍欄維修緊咁~




我覺得呢張我我攞位攞得幾有氣勢!!哈哈~有個石像指住殘波岬燈塔~~原呢個燈塔係日本燈塔50選之一黎架~~




而且佢有一個長2公里高30米既斷崖~~試下去佢個官網看看~~我見有一張相係d浪超高既相~~好靚~不過相信當時係打風中~




自拍神器出動~~我地係咪好失敗呀~~~連神器條棍都影埋~呢日有個小朋友生日呀~~~生日快樂呀毛寶豬~~~~






噚日同我阿媽鬥長腿失敗...唔著波褲著番短褲算喇~~知醜~~~毛寶呀你真好~~又幫我影到又瘦又長又白~~~






呢架賣野食既車超大~~~不過今次無幫襯~~~




咁參觀完殘波岬諗住去搵一間賣玻璃既鋪頭..點知入左電話但去錯左人地日本既勞工局~~哈哈~~所以放棄搵哥間玻璃~直接去食飯算喇~~~今日壽星揀既中午飯係浜之家...係食海鮮熟食的~地址:沖繩縣國頭郡恩納村字仲泊2097....電話:098-965-0870....網址....有得免費泊車~




有普通座位有榻榻米座位~(梗係唔坐榻榻米啦~)...呢度有中英日餐牌~唔使驚唔識睇~




毛寶黎呢度就係想試呢個河豚汁套餐....1,700円=129.2hkd....旅遊書寫話味道清甜且帶藥材味....呢個應該係吸引湯王黎呢度既目的~其實個河豚湯係ok好飲的...但敗筆係佢加左綠色哥執唔知係咩既菜?定植物?....飲起上黎...好似有泥味!!!!!!!!




我叫既海膽焗烤貽貝套餐..1,200円=91.2hkd(我開頭以為係扇貝..點知係青口..超失望~)....望落好大堆頭~~好多小碟..不得不讚係中間哥碟黑黑的水雲...又係沖繩特產!!又係海藻類!!....超級的好吃!!!!通常做法係醋漬~非常開胃~~我超喜歡吃~~但係青口係非常的不好吃...因為成隻碟都係油!!!同埋哥隻青口我係澳門最憎食哥種...大大隻...而且肉很鞋~~~~所以真係麻麻地~




媽媽叫的海膽焗烤龍蝦套餐(半身)...2,850円=216.6hkd....又唔算平喎~不過佢係3個餐之中最好吃的~~龍蝦肉爽爽的~~~同海膽醬好夾呀~~




我地仲叫左呢個燒螺share黎食呢~~~1,050円=79.8hkd...有4隻~~~都幾抵~~~而且佢有d汁一齊燒~燒得幾好食~~




而且一拎上枱時係著住火咁黎架~~好有氣勢~~




食飽飽就去萬座毛~地址:沖繩縣國頭郡恩納村恩納...電話:098-966-1280....網址...這是來沖繩的必遊景點呢~~~就好似黎澳門一定要去大三巴咁~戀戰沖繩都去過呢度拍攝架~




有少少咁多晴天~感恩~因為聽我同事講話上次5月黎哥時話係落哂大雨~完全落唔到車影相的~~~






原來係萬座毛對面望過去係AIA酒店呢~我有睇到但傻傻的沒有拍照~幾靚的~~我真傻仔~(以海灘酒店黎講AIA酒店挺貴的~)







今日雨下一整天呀...
男神布志綸今日結婚~
我同凱公子說:男神結婚了~
凱回我:分手總要在雨天
我....................................笑了~~~~~~~~~~~



2014/11/07的開心事:
我今日吸左好多童子氣呀~~~~
貞既最好朋友阿ding係澳洲番左黎~~
仲帶埋佢個可愛bb~~~我有幸啜左佢一啖~~好可愛~~
仲有成日係fb見到我同事個女..
點知今日佢就帶左佢真人番黎公司~~
超可愛~~~~~
當我在一旁大叫kawaii的時候..
chlo在我身後說了一句:咁鐘意自己生番個囉~
我啋~~~~~~~~~~~~~~
仲有呀~~貞送左樣野俾我好鐘意呀~~
我覺得好有心思呢~多謝貞~

28 則留言:

  1. 嗯~~對~最愛錫的朋友~~:)~~但要吸leighton的童子氣好攰...佢真係好"瘦"呢~!!XD

    回覆刪除
    回覆
    1. bb味真係好香~~~~成日係fb見到佢~~呢日見到佢真人~~真係好可愛~~~~

      刪除
  2. ☁・゚好去睡覺覺豬喇喂・゚★。
    ҈ 《開》 ҈ 《心》 ҈ 《星》 ҈ 《期》 ҈ 《六》 ҈
    ╔══╗╔══╗░╔╗╔╗
    ╠══║╠══║░║║║║╔╗*¨`*•❤
    ║══╝╚══║░║║║║╚╝¸.•*¨*ღ`*•♡
    ║░═╦╦═░║░║║║╚═══╔╗ ╔╗*¨
    ║░═╬╬═░║░╚╝╚═════╝ ╚╝
    ❉♪ ೋ♫⊹.•°•♩♬。♪✿ ೋ♫.❀•°♦•♩♬。

    回覆刪除
  3. 有得揀真係唔坐榻榻米^^
    祝小朋友生日快樂呀)))))

    回覆刪除
    回覆
    1. 真架囉~~超腳痺~~~
      哈哈~佢過得好開心啦~~

      刪除
  4. 用自拍神棍真好,不用求人影相,來多多合照都無問題﹗

    回覆刪除
    回覆
    1. 係呀~~我都得得係~~角度又可以攞到岩岩好~~~慢慢影都唔怕煩到人~

      刪除
  5. 你嘅男神結婚了,幾時輪到你.

    回覆刪除
    回覆
    1. 哈哈~~~我都唔知呀~~可能一世都無得結呢~~~

      刪除
  6. 小t小t, 過o黎打個招呼先 ^^ 唔好失望啦, 妳都係女神啦

    回覆刪除
    回覆
    1. 係就好喇~~~~~~~~~~最弊我唔係.....哈哈~~~

      刪除
  7. 毛寶生日有您和她慶祝,好開心啦!
    海膽焗烤龍蝦套餐!我都嘩您媽媽的套餐最靚。

    回覆刪除
    回覆
    1. 有我同佢慶祝唔準唔開心~~~~哈哈~~~
      係呀~佢哥個真係好正~~

      刪除
  8. 真係估妳唔都喎~~算妳勤力啦~~~乘
    男神結婚了~~新娘不是妳.......嗚嗚嗚

    回覆刪除
    回覆
    1. hehe~~但你又有上黎睇喎~你都好乖~~
      唔好再講喇~~~我好傷心呀~~~~wakakakak~

      刪除
  9. 乜影埋支神棍咁失敗呀......
    咁嘅所謂男神棄不足惜唔駛恨,幸好你還有奧斯爾.

    回覆刪除
    回覆
    1. 哈哈~好難就呀嘛~
      係呀~~無左ozil呢關我真係撐唔到落去~~~~~~哈哈~~

      刪除
    2. 其實我自己打哥時都有少少打冷震~我都有良知架~

      刪除
  10. 呢排自拍神棍好HIT.都想買支黎用下.

    回覆刪除
  11. 冇咗阿靚女係你身邊, 就顯得你條腿好夠正啦!

    回覆刪除
    回覆
    1. 哈哈~~~咁呀~我少d放我同佢d相先得喇~

      刪除
  12. 我都有買神棍, 而且買左枝不同型態的

    回覆刪除