2014年11月26日 星期三

柏仔13歲生日會2014

救命呀~~~今日番工最大既衝擊就係!!!!!!!!!!!派左mark假張紙喇~~~~~~~~~~~好驚呀~~~~~~~~~出年既旅行食粥食飯都係睇呢鋪喇!!!!!!!!!!!(今日成副精神都係哂張紙度~~~)......大家可否集氣支持我順利抽中呀~~~~~~~求求你呀老天爺爺~~~~~保佑我呀~~~~



每年的5月都係狗仔柏既生日月!!!!!!!係咪等左我地同你開生日會好耐呢~~~~一年一次的生日會~你有無期待住呀~




狗仔今年係13歲生日喇~又大個仔一歲喇~~狗仔13歲=人類的91歲...是嗎???耐耐無見~又肥了一圈~




生日會第一個節目....梗係毛寶幫佢R屁屁啦~~~佢最鐘意咁樣"翁"住人~然後幫佢R屁屁~佢會狂擺尾腳撐撐表示舒服~




13歲仔生日蛋糕!!好醒目!!(好彩一開盒時有拍個照先咋.....)




因為想幫佢同蛋糕影番張靚相~~點知佢超心急的!!未放好蛋糕已經咬左啖~~~~~~~心急柏~~~~~*3*




睇下佢幾心急先啦~




然後氹佢呀~~同佢講:乖啦~影張相請你食蛋糕啦~佢就有乖乖的影~~




好野~大解放~我見到柏仔既潛台詞:點解咁細舊~~~




食飽飽仲貪心咁係舊蛋糕下面行黎行去~睇下有無人可憐佢再俾佢食~~~~~~




講真~~我真係好鐘意影你後面~跟我屁屁一樣大~




其實柏近呢一年老左好多呀....眼仔都開始有白內障......;[




我次次都好鐘意係門縫偷看柏柏~





上到黎又點會見唔到呢隻豬仔呀~我地掛住同柏仔慶祝生日~無人理佢~




你幾時先玩到健身單車呀~~~~~




小朋友...單車唔係咁玩架;目......揸住把手瘋狂的左扭右扭~




小公子著哥d膠拖著到隻腳超臭~毛寶聞完後大叫:好臭.....佢仲笑得超開心~~~傻的~




笑笑笑~點解你可以笑到咁~~~~~~~~





本身佢唔想沖涼....一路沖仲一路大叫:姐姐!....想我地救佢...又喊哂咁.....但沖完涼又生猛番...d小朋友真係神奇!同埋你d鋪屎真係好盞鬼~






生日會尾聲...我地跟柏柏說聲再見.....杯既媽媽講:多謝姐姐同柏仔慶祝生日呀...出年都唔知有無機會呀...................其實我聽到呢度好想喊.....因為13歲已經係高齡狗仔....而且佢呢一年身體真係差左好多.....今年做左個手術之後就一路差落去...眼仔有白內障..腳仔有骨刺.....之前兩個月仲試過吐血....醫生當時已經同杯仔佢地講有可能隨時....................................我聽到真係好難過...喊左出黎......上兩個禮拜上過去探柏仔...一上到去佢知道我地上左黎好想起身同我地打招呼(以前係會直撲出黎琴住我地)...但係佢應該隻腳好痛...起唔到身....一路震住個身一路嗚嗚嗚....聽到都心痛.......到我地走哥時佢行行下跌低左....杯扶番佢起身....點知佢原來想行去門口...送我同毛寶出門口...............................我真係好感動呀柏仔!.......杯說雖然佢好唔舒服....但係佢仲係好享受同家人一齊既時光...每次佢同小公子番去佢都會努力的站起來圍住大家.....我在想:狗狗都這麼努力的活著....點解我地仲為左少少野喊生喊死...不好好的生活????柏仔...你是我和毛寶最愛的狗狗...沒有之一...我只希望你好好的...不再有痛楚!....我很樂意每年5月為你準備好蛋糕~禮物~....開心的為你慶祝生日!愛你柏~







我依家都有玩哥個Soda Crush呀~
仲要一路食gummy bear一路玩~~
覺得咁樣玩先係最高境界~~(過唔過到關反而係其次~)
熊仔糖真係好好味呀~~~~



2014/11/26的開心事:
絕對係派左假紙~~~~~~~
但係...我依家個心又喜我個心又慌~
大家快d幫我祈下禱啦~

26 則留言:

  1. 晚上9:00 我出門和神公去吃午餐囉...886

    回覆刪除
  2. 你諗家下年柏佬個生日蛋糕寫乜啦,一定可以大家齊齊整整慶祝,祝柏佬身體健康,快快樂樂^^
    你啲假,心想事成啦.

    回覆刪除
    回覆
    1. 希望啦~~~我只係希望佢身體健康~~~繼續圍住我地玩~
      我都想喇~~~~下個禮拜抽喇~~~~~~~~~~~好緊張喇~~~

      刪除
  3. 生老病死必經的過程,盡量珍惜現在相處的時刻。
    Soda Crush妳又有玩,睇幾關呀,我就29關呀
    妳覆診記得問下呀

    回覆刪除
    回覆
    1. 我都知道~不過我想佢無痛苦多d
      我有呀...車~~我玩到18之嘛~至在食下熊仔糖~
      知道~

      刪除
  4. 腳仔有骨刺....睇到我都想哭,多d同佢玩啦~~

    回覆刪除
  5. 希望你如願......

    噢...... 如果係我呢, 我寧願抽中六合彩了, 一中左, 我就唔洗同人爭假了.

    回覆刪除
    回覆
    1. 多謝!!!!!好緊張呀~~~
      哈哈~~咁呢樣難中好多嘛~我都係唔好咁貪心喇~~

      刪除
    2. 哈哈...又係,口唔好咁貪心, 我實在好貪心咖

      刪除
  6. 柏仔好幸福 好多人鍚好多人愛
    睇到人眼濕濕 T^T
    祝baby mark到好假期 yeah

    回覆刪除
    回覆
    1. 係呀....佢都感受到我地對佢好既~(雖然我成日笑佢~)
      唉.....我真係好愛呢隻狗仔!!
      真既?!有你既祝福我會醒醒定定~~~下個禮拜就知架喇~

      刪除
  7. 祝你抽到好假期!!!!!!!!!!!!!
    祝柏仔老當益壯,好衰架你,上半part人地睇得好開心架,見到老柏行得走得又食得,睇埋下半part之後,搞到人地眼濕濕.................

    回覆刪除
    回覆
    1. 真既?!有你既祝福我會醒醒定定~~~下個禮拜就知架喇~驚驚~~
      我自己都寫到兩行眼淚.......嗚嗚........

      刪除
  8. Hi小T,终於可以回覆到妳喇!柏仔年紀大喇,真係好好真惜佢!妳要check吓身體喇!祝妳抽到心水大假呀!bye!!!

    回覆刪除
  9. 我都好愛狗狗呀,自從我隻狼狗死左之後我無再養狗喇,因為仲好掛住佢,一諗番佢離開我嘅情景個心仲係好痛好痛.
    伊家同貓貓去獸醫度啲姑娘仲記得我隻狗同我,都已經過左十幾年,個姑娘話我當時喊得好慘,佢同另外一位姑娘都跟忍唔住喊埋一份.

    回覆刪除
    回覆
    1. 我都好明白你.....雖然我無養狗仔...但係我地識左柏仔好耐....以前一放工就帶佢去行山........依家我見到佢咁我都好難過...
      其實知道佢會早過我地去....但係明知道又點...到真既哥一刻都係好難受
      你真係好愛哥隻狗狗呢...希望佢係天堂會開開心心咁生活!!

      刪除
  10. 好的 fei 也為妳祝禱假期成功批核

    回覆刪除
  11. 呢期D後生又食返熊仔糖,我成日覺得佢地冇乜食過咩好味既糖先會鍾意食呢D。

    回覆刪除
    回覆
    1. 哈哈~都唔係呀我鐘意佢既煙硬口感~一食唔停得口~

      刪除
  12. 13歲?唔似囉!柏同咬左啖的蛋糕影的那張相,超「萌」喎,哈哈哈~~~~~~
    希望柏唔會太痛苦呢!
    小公子要和柏鬥「萌」哎?
    超級公子喎,一定順利的。

    回覆刪除
    回覆
    1. 梗係啦~我成日影到佢好後生架~~
      係呀.....希望佢身體健康啦!!!
      多謝~好驚呀下個禮拜抽喇!!

      刪除