2014年8月1日 星期五

日本東京自由行之旅2014-06-24第三天Part 1(陰天微雨)

華~~今日中午做到我傻左......條頸超痛......中午番屋企....媽媽本身話買千層腸粉我食...點知.....又執左......我鐘意食既鋪頭都執哂.....嗚嗚...........夜晚放工去左食威尼斯人北方館~好味又抵~~~主要係毛寶話想去食拔絲香蕉~~食完行街街...連我都有收獲~



2014-06-24
Day 3---Part 1(日本,東京 Japan,Tokyo)
一早起身出發~今日安排左去outlet~係JR既山手線東京駅...轉搭JR京葉線快速.....東京駅大得很...由山手線行去京葉線行到癲左.........(呢日我傻仔左...睇錯站...搞到比原來時間遲一個鐘先去到~)




我係便利店買左早餐~我都好驚係車上面食會比人話我係厚多士......所以一直都唔敢食(個肚已經咕咕響).....跟住見到好幾個日本人係車上面食....而我又無見到有禁止飲食既標誌....所以就開動了~~~呢日既早餐~~~個野菜生活又幾好飲喎~好果汁~酸酸地的~明太子飯團很出色~~




大約30分鐘就會到海濱幕張站~(到左迪士尼個舞濱站再到佢...如果有時間可以去番轉迪士尼買下野都得~)




係南口一出左手邊就會見到架喇~~我地今次去既outlet係Mitsui Outlet Park幕張...地址係千葉縣的千葉市美濱區....中間有兩隻日文字我唔識打呀~~~想睇詳細地址同埋有咩店鋪就証佢個網址自己睇睇啦~




一早知呢個outlet唔係大哥隻架喇~不過見交通唔算遠...交通費平...同埋其實d牌子都岩我地買~所以就揀佢啦~(有d要個半鐘以上車程加車費貴...有d就搭完JR再轉巴士..好煩~)





佢個outlet分4 parts...其中兩part就好似上圖咁係室外少少~另外兩個就好似商場入面咁既~




我問毛寶:怕唔怕太細??下次使唔使搵個大d既你去??..毛寶說:唔使~係個咁細既outlet我都買左好多野~~最緊要岩買~~~~~~~...哈哈~~~我地呢日買到成3點幾先走...仲要未食中午飯喎!!!!!!!!!!!!!!!!!!!!!!好恐怖...我記得呢日就黎餓到虛脫~

睇下睇下d人行得幾快~~~唔理我行到未自己衝入去先啦~



哈哈~~搭車番到池袋~番酒店放低d野~我頂唔順喇~我要食野喇~見我地酒店附近有一間旅遊書推介既老店拉麵~去吃吃看~~~~~叫大勝軒~地址:東京都豊島區南池袋2-27-16...網址...係不定休架~最好去前上網看看~呢個時候有少少大雨~




一入門口....要先買飛~睇下自己想食咩~(其實一粒字都唔識睇~好彩佢牆上有相片~跟住對番d字禁咋~~~~可能我地搞太耐~~店員都出黎睇下有無野要幫我地~~)




買左飛就隨便坐啦~~將食飛交俾店員~就會煮俾你架喇~




旅遊書話呢間係東京百大拉麵第五位架~(應該非官方~)...食沾麵好出名的~~~咁我地都唔執輸試下呢個野菜沾麵先~~1,000円=76.6hkd......因為呢晚要食大餐..毛寶提議一個麵兩份~佢實在太叻喇!!!!!!!!!!!!!!!!!!!!!!因為個麵超!級!大!!!!!野菜仲以為會好齋...點知好fresh好好味!!!!以沾麵既食法黎食好好味!!!不過食食下覺得個湯太鹹(認真的...我覺得自己食完成塊面腫哂...仲不停問毛寶我似唔似肥田喜事入面既胡諾言;])




餃子...350円=26.8hkd.....很值得吃!!!!煎得很香裏面有肉汁~~而且很平宜嘛~~~~~~~




有人突然唔見左張SUICA卡呀!!!要買飛搭去新宿....(池袋去新宿既車費區間係160円=12.3hkd)...之前有折返酒店搵左好耐都搵唔到..個小朋友好唔開心的...因為哥張係絕版SUICA卡....我話:唔會無啦啦唔見左既....你唔搵佢哥時就會再出現...(之後無搵佢架...夜晚點知真係最後係酒店枱底自己行番出黎..你越強求...佢就越唔會出現~)




我地黎新宿係為食飯同埋黎呢間樓高9層...9層都係賣戶外活動用品專門店!!!叫L-Breath新宿店...地址:東京都新宿區新宿4-1-11....本來係一出新南口對面就係...但佢個新南口有工程(好似整左好耐喇喎...上次黎已經整緊!!)....要轉番出大街先見到~又唔算難搵~因為佢都幾搶眼~網址..




細分哂每一層有咩賣~~~重點係:有得退稅呢!!!!仲要收9點!!




華~~~好吸引呀~~~個帳篷超大~~~望落仲好舒服咁~~~仲要有哂燒烤架......如果有咁齊全...又唔使既拎既營地..我一定陪你去~~~~




仲有好多其他露營用既煮食用品~~~好多~睇到眼都花~




其實重點黎係為左搵爬山用品...雪褲之類的....因為為我地下年既旅行做好準備~~~~超多選擇呢~~~~




我仲係度買左對好多人都讚靚既懶係專業爬山鞋~又係為左出件旅行用~~(我算大破慳"郎"喇~~係呢度算係使得最多的!!)...係日本買爬山鞋d店員都好細心的~







2014/08/01的開心事:
經過今日之後~~
我覺得自己都好young~~~~



報時:距離沖繩陽光海灘海鮮自駕遊之旅2014仲有---56日~

36 則留言:

  1. 我吃飽回家呢.。❉早D瞓.。清晨6:00出發
    星期一見•*好友*。゚☁*゚晚安 laa*☾。゚

    回覆刪除
  2. 都唔知点解d outlet 係都要開到咁遠...............買完一袋二袋再搭車走真係好辛苦,如果有shuttle bus返酒店就好喇
    其實你係咪對味精敏感,食到面腫...........
    嘩,成揀都係賣戶外活動用品,香港有就好囉!!

    回覆刪除
    回覆
    1. 哈哈~開遠d有大d既地方嘛~咁呢間都唔算太遠既~都iok~
      我都唔知呀....不過上次係冰島飲左碗咸湯我個咀即腫~~~
      都幾好行架~~~下次黎都會再去~

      刪除
  3. 我好怕食野菜, 野菇, 野味, 野餐, 食完之後, 都有少少唔聚才.

    我喜歡KARRIMOR 的背囊, 正....

    回覆刪除
    回覆
    1. 點解既???咁唔好加個野未咪得囉...菜..菇...咁無野喇卦~~
      我今次去無咩睇背包~~因為我個仲未爛~

      刪除
    2. 我家裡還有3-4個未開出來用, 不過, 無一個係KARRIMOR....

      通常餐廳加個野字, 係想提醒食客, 這些東西味道異常, 帶點苦味或靭一些

      刪除
  4. outlet 真係唔駛大,啱買既,就夠架啦。

    回覆刪除
  5. 原來日本車箱可以食野?可能架架唔一樣
    咁快PLAN好下年去邊呀,真係開心

    回覆刪除
    回覆
    1. 可能哥架唔係市區哥d卦~我都唔知~我都好驚架~~幾驚變厚多士~
      plan緊咋...又未有假~

      刪除
  6. 其實好得意,日本人反而唔會喺地鐵講電話,但可以食嘢,同香港啱啱相反。我都覺得日本嘅outlet好好行,唔需要太大,最緊要賣嘅嘢啱睇就得。哈哈,睇到啲露營用品,令我好懷念中學時,成日去wild camp嘅日子。

    回覆刪除
    回覆
    1. 哈哈~各處鄉村各處例啦可能~
      都係架~~因為有平野買~撞岩減價仲開心~
      我其實從未試過露營~

      刪除
  7. 去露營玩吓啦,點都要去試吓

    回覆刪除
    回覆
    1. 澳門無營地提供喎...黑沙哥個好多垃圾~無人會想去~

      刪除
  8. 下次試吓跟你地嘅行程玩吓先!

    回覆刪除
  9. 唔被人在車上面食嘢,其實是不人道,關鍵我覺得是安全和衛生。
    個outlet 好美國 feel。
    毛寶大頭蝦D囉,唔似平日超醒的形象喎,哈哈哈
    澳門好多嘢都好,但系好似無地方玩露營。

    回覆刪除
    回覆
    1. 咁又好難既..如果輕食還可以....不過都係驚整污糟je~
      日本d outlet大多走歐洲風~去哥度會好似去左外國咁~
      哈哈~~~~毛寶蝦~
      絕對無...唯一一個係黑沙..但超多垃圾

      刪除
  10. 好開心~~~已經PLAN定下年去邊~~~ :)
    其實我都好想去下露營~但都係怕麻煩 haha

    回覆刪除
    回覆
    1. plan左但唔知有無假~~難搞~
      我都好怕麻煩架~因為我係懶人一個~

      刪除
  11. 總知日本一定有嘢啱大家買架,

    回覆刪除
    回覆
    1. 係呀~邊個黎都會買到岩自己既野~

      刪除
  12. 越睇越想去日本呀~~~~可惜今年無機會啦

    回覆刪除
  13. 爬山鞋有冇折呀?貴唔貴呢?

    回覆刪除
    回覆
    1. 呢對無折..不過可以退稅~呢對好似15xxhkd

      刪除
  14. 日本火車係可以食野架, 放心食喇....
    我都覺得outlet唔洗大, 最緊要啲野啱買, 入間個間都唔錯架, 如妳住池袋直車到入間就轉3個字巴士就到....
    咁快plan下年....勁呀...但唔見妳倒數既, 唔通中間仲有好多, 所以先唔數住

    回覆刪除
    回覆
    1. 哈哈~~好彩咋~我驚我做厚多士呀~
      呢個都ok既~d戶外用品店都幾抵~~就係驚唔識轉巴士呀~~所以先放棄入間哥個~~~~~~~
      唔係呀~plan下咋~咩都未訂又未mark假~

      刪除
    2. 入間個巴士, 一到入間電車站, 就有指示outlet個出口, 落埋樓梯左前方就見到....
      我都好想去東京行吓

      刪除
  15. 好想睇你戰利品呀~~~最好有埋價錢啦~~~

    每次睇你個blog..都搞到我好想好想去東京走一轉, 真係引死人喇!

    回覆刪除
    回覆
    1. 梗係有啦~~我好細心架~
      其實....我依家都好想再去一次東京~~~
      不過要慳錢~~~

      刪除
  16. 哈,原來毛寶先係買嘢精,又睇唔出喎。
    係囉,沾麵通常都過咸既,最怕嗰啲魚介湯底,我覺得好腥呀。
    下年去邊先,好八卦,wakaka~~

    回覆刪除
    回覆
    1. 係我先咁唔正常難睇入眼je~我真係有d唔正常~
      真係輸了...成個胡諾言咁~~~waakaak~呢個好味架其實~~
      諗緊咋~咩都未搞~未落實!

      刪除
  17. Hi小T,如果妳想知沖繩有咩好食同有咩好去㗎地方?就要入呢個(香港電台)App搵旅遊樂園呢個節目聽吓佢介紹沖繩有咩嘢喇!我想問日本買爬山鞋貴晤貴?因為香港每年秋季買爬山鞋都有7㗎!仲有沖繩outlet每星期六同日,下午14:00至16:00去like同addidas專門店都有半價買波呀!原來毛寶巧鍾意買嘢喎!bye!!!

    回覆刪除