2014年8月18日 星期一

日本東京自由行之旅2014-06-25第四天Part 5(雨天)

好忙呀好忙呀~呢幾日都好忙呀~~如果唔係今日都唔會咁夜先出blog~~(其實係瞎忙~)....星期五:之前哥晚訓...一路訓一路發燒..真係陰公豬..吸兩張被又覺凍狂打冷震...成身俾針吉..咁岩線哥晚貼左膏布..凍到我痴孖筋...臨天光又狂出汗->番工發呆..個肚極痛->放工同左媽媽去食飯...跟住去入貨(日用品咋~)...我終於換到萬寧個保溫杯!!!正!!!大大個換購價$159咋!!!仲要係Thermos!!....星期六:自己煮意粉..幾慳呀~...->夜晚食裕家麵->Mr. On the Road演唱會~~~~~有關Mr.~~我要講詳細d~~..->去左星際飲野~~買到成3點幾先屋企...好耐未試過~番到屋企個靈魂都離一離~好無用~.......星期日:食園林牛肉粉絲~終於食到~..->金麗華high tea->小泉居食飯(成個星期日都係度食野~)



2014-06-25

Day 4---Part 5(日本,東京 Japan,Tokyo)
見到有間鋪頭專係賣鹽既~入去八下~






真係有好多種類~~仲可以任意試吃~~~不過齋試鹽試唔出真味~~可否給我一小塊牛扒嘛~~~~(@..@)



諗起媽媽去唔知日本邊度又係買左一大堆鹽番屋企~無出手~



唔知香港有無得賣呢個呢!?!?毛寶話好想玩~~不過一攞上手~極重~






本身諗住番池袋先食晚飯架~~~不過見呢度實在有太多餐廳選擇~~~所以留係度食埋先走啦~~~~~揀左呢間係仙台好出名食牛舌的利久~在6樓~我地去食既時候係6點鬆d咋...已經有人排緊隊喇~~恐怖~~好彩有得坐住等~~~店內坐位係迫迫的那種~食完走哥隻~等左5分鐘左右就有位喇~我地被安排坐係bar吧前~所以無影店內情況~(人太多呢~)..






不用擔心呀~有中文餐牌架~




網上寫blog的人都會推介食呢個實惠利久套餐~說是最抵的方法食到牛舌~1,620円=124.1hkd




我地無叫呢個餐呀~叫左另一個~叫一個餐分享吃~再叫別的試試看~(其實係毛寶中午哥餐仲未"落格"~~佢係陪我食架~~因為我已大叫好肚餓呀~~~~~)....火灸風牛脷...864円(稅込)=66.2hkd...d配菜好新鮮而個汁又好突出~不過其實我係食唔到牛脷既味~




牛脷手握壽司...1,080円(稅込)=82.7hkd....每件上面都有一種唔同既配料(右二除外)....有個辣辣地...有個似係麵豉....不過其實塊牛脷生的~配以上既野都係多餘~就咁食先食到牛味~




我地豪氣d叫左最貴的那個"極品"牛舌定食("極品"烤牛舌,麥飯,牛尾湯)....2,052円=157.2hkd....比起剛才的餐加多30hkd換來"極品"二字....我覺得好值得~~~~wakakakaka~~~你睇d牛舌~~~~幾靚~~~~~~~~~烤得粉紅粉紅的~~~




將牛舌放入口....wow~~~~~~~~~好好味呀~~~~我未食過咁好食的烤牛舌呢!!!!!入口多汁嫩嫩的~又有適當的油花噴出來~~估唔到配麥飯同吃很一流!!!!但牛尾湯我唔係幾欣賞~因為感覺似味精湯(連飲湯怪都唔飲哂佢就知咩事~)....雖然佢其實野食我覺得不怎麼樣...但我覺得為呢碟"極品"烤牛舌再來一次~~~~~~(搞到我好想去仙台吃盡各樣牛舌~~~)




食飽飽就搭Metro番池袋喇~路線跟來的時候一樣~(當然方向不同~)....哈哈~~~呢d就係我係晴空塔這天的收穫喇~~~~(零食不是~)




隆重介紹~~我係姆明既專賣店就係敗左呢幾隻餐具喇~~每隻540円(稅込)=41.4hkd~~~其實我係睇中左奶油刀架咋(左一)...我對奶油刀既抵抗力超低!!!!!!我認為攞佢黎早餐搽麵包係最好既選擇!!!!但毛寶遊說:買埋另外兩樣做一套啦.....我就中左蠱咁買左喇~我真係好!鐘!意!奶油刀!!!!唔好阻我!!




買俾人既手信~(係喎~望番又幾得意喎~我做咩又唔買個俾自己呀~)




我每次去日本都會買既香水~~~超愛佢既氣味~~~最鐘意粉紅色哥支~~~~LOFT有售~~~前兩年黎因匯率高要成120hkd一支~依家只需91.9hkd~~好抵~~~




呢隻牌子既餅仔香港零食物語都有售~不過賣開係臭臭芝士哥d味(我超勁鐘意食臭度最高哥隻~~)....今次見到有蝦同蟹味即刻買番黎試試~~~依家淨係試左蟹味~~~好好味呀~~~超香口~~~雖然有0拍口可以封口..但呢d野去到我手/口...根本唔需要保鮮~~~~~~




仲有呀~~~~其實我好鐘意係Lowrys Farm買衫入住衫既環保袋架~~~~~~(香港都有Lowrys Farm喎~~)




er........最後一晚喇..........要開始執野喇............都唔算好多je~~~~可~~~~~








哎呀~~~~~

以~~~~~~
人地星期六去睇Mr.呀~~~~
個位雖然唔係地下哥d....
但都同個台好近呀~~~~~~
都見到布志綸個樣呀~~~~
見到佢肥左唔少~~~哈哈~~
但佢唱第一首歌"昨天"時....
唱左句"曾挽著要好的情人  那聲線還在耳邊"...
我d感覺番哂黎~~~~d舊歌真係好正~~首首都識~
一唱快歌我就即刻跳起~~
坐我隔離一個唔識既男仔仲嫌我嘈~~
禁住佢隻耳仔~~sorry呀~~~
對住自己鐘意既band我係控制唔到架~
最開心係...我後面成排都無人坐~~(睇黎票房...)
我可以任企唔驚阻住人~~正~~而且我哥區都超多人企起身~
今次佢地仲係唱左首新作既廣東歌..."一句"
完全係Mr.既風格...好好聽呀~~~~~
(重點係首次演出就係澳門!!!倍感尊重~)
雖然我冷落左佢地個幾月....
好啦~我宣佈~~我又鐘意番布志綸喇~~
因為佢地d歌真係好好聽呀~~~
不過有好多歌都無唱....反然唱左成4首人地既歌..
我寧願佢唱哂自己d歌....我最愛哥首"未來在宇宙盡頭"無唱..
次愛哥首"天下"又無唱...........我有少少失望架...
不過最反高潮係...encore位唱既係...
"零時起哄"..............快歌喎大佬!!
成個人high哂然後同我講byebye...我接受唔到呀!!!
我都係鐘意encore位係"最重要"或者係"想太多"
er....但係我都係好鐘意Ozil呀~~
有兩個男神都唔係好過份je~~~可~~~~~


2014/08/18的開心事:

哈哈~~今晚去800伴攞左好多sample~~
可以去旅行時用~~
(我諗唔同牌子唔同功用既夾埋有成20幾包~~)



報時:距離沖繩陽光海灘海鮮自駕遊之旅2014仲有---39日~

46 則留言:

  1. d牛舌好正呀,我最鍾意食牛架,牛精一名^^
    嘩,你真係試晒咁多款鹽...........
    請問果包係咪泥沙,好黏咁喎
    把牛油刀真係幾得喎^^

    回覆刪除
    回覆
    1. 我都好鐘意食牛架~~尤其牛扒~~
      無呀~我試左兩隻咋~
      係呀...係仿沙黎架~~~好黏但又好似沙咁既質地..但又唔會散開...室內玩最岩~
      係呀~~我好喜歡奶油刀~

      刪除
  2. 呢呢呢...快快樂樂好快星期二laa*☁。゚晚安甜夢*⊹。゚

    回覆刪除
  3. 真係陰公豬...一路訓一路發燒

    回覆刪除
  4. 要開始執野喇...後生女...都唔算好多je

    回覆刪除
  5. 唔食咁多嘢邊會似妳吖~~~最緊要食得開心

    回覆刪除
    回覆
    1. 哈哈~我成日都食得開心架~

      刪除
    2. 唔係偷懶呀~同左屋企人出去食飯~

      刪除
  6. 我都有兩個男神 星期六新男神去左香港 但我好懶冇出去同人迫 訓醒去拍拖拖 放棄左見新男神機會 我仲有兩個星期就見到舊男神 hahaha

    回覆刪除
    回覆
    1. 哈哈~~咁即係你都唔係好鐘意新男神喎~~~~~~~你偏心呀~~~
      咁即係我都唔係好偷心je~

      刪除
  7. 你現在無事嘛, 發燒又頭痛又發冷, 你要多休息調養好身子

    回覆刪除
    回覆
    1. 無事喇~哥晚發完燒就無事喇~可能我要長高咋~

      刪除
    2. 長高? 你已經好高了, 有無5'6"?

      刪除
  8. 牛舌,我真係過唔自己嗰關,仲要生食............好驚。
    又係嗰句啦,保重身體呀。

    回覆刪除
    回覆
    1. 下?!真架?平時葡餐哥d紅酒燴牛舌都唔食架??
      我無事喇~可能我要長高咋~

      刪除
    2. 唔關整法,係食材問題,總之牛舌就no way。

      刪除
  9. 三十蚊換嚟極品兩字......哈哈,以前唔敢食牛舌,而家夠,但好大塊好厚係唔好食,你碟極品中哂又大又厚但睇落堅似極品,想試呀)))))))
    好鍾意牛油刀,用嚟搽牛油麵包硬係覺得好味啲.

    回覆刪除
    回覆
    1. 真係好好味架~~~我都唔鐘意食極厚哥d.....但係呢個同埋烤肉哥d我又鐘意食喎~
      無錯!!!!!允其係呢個形型!!!特別靚!!!圓圓的頭~

      刪除
  10. 你病到咁去睇醫生嘛~~~仲走去返工@@

    啲牛舌好吸引呀, 我都好想食~~

    個日本遊記咁快要完喇......我好唔捨得呀><

    回覆刪除
    回覆
    1. 可能我要長高咋~無事~
      係呀!!!真係好好味呀!!唔怕鞋!!好正!!
      仲出多一篇就完lu~

      刪除
  11. 又病,你真係財多喇.
    姆明餐具好特色,好彩你有買齊哂咋,如果唔係我就睇唔到喇!

    回覆刪除
    回覆
    1. 錯了~我發燒係因為我要長高了~
      係呀~~真係好靚呀~~我好鐘意~

      刪除
  12. 「番到屋企個靈魂都離一離~」好嚇人囉~~~~~~
    毛寶夠老友。
    不過生牛脷,我食唔落,您們好勇。烤牛舌就好吸引。
    大岀血喎!大豐收喎!哈哈哈

    回覆刪除
    回覆
    1. 哈哈~~形容詞je~~唔使驚~
      真架??原來大家唔係好接受~
      哈哈~~~今次其實唔算多~

      刪除
  13. 你鍾意奶油刀,我就鐘意匙羹!個環保袋好靚呀!

    回覆刪除
    回覆
    1. 哈哈~~各有各喜歡既餐具~(不過你哥個實用d~)

      刪除
  14. Hi小T,妳好番未呀!有病仲返工,多d休息嘛!身體要緊!東京都有塩屋喎!同冲繩一様咁多種類!d牛舌好正喎!嘩試晒d盬好勁呀!奶油刀好正!快d好番喇!take care!!!

    回覆刪除
  15. 姆明餐具可以用一世就買啦~~
    個蟹味零食等我住仕佢先

    回覆刪除
    回覆
    1. 都可以架~~~~用一世~~~做古董~~
      真係好好味架~~如果香港有我會再買~

      刪除
  16. 姆明餐具巧靚靚呀(心心眼)
    仙台牛舌一定要試,之前途經仙台買咗個發熱牛舌便當,正

    回覆刪除
    回覆
    1. 係呀~~~~你話係咪唔買唔得喇~
      真架?!?!?搞到我好想去仙台~

      刪除
  17. 去到唔買返多少零食, 都對唔住自己啦.

    回覆刪除