2014年8月7日 星期四

日本東京自由行之旅2014-06-25第四天Part 1(雨天)

我番來喇~~~有無掛我呀~~~~~呢幾日話實在我都係病懨懨咁......喉嚨痛又無心機....個頭連痛4日都唔止痛....但止痛藥倒是吃了不少~特強必理痛都唔係萬試萬靈......終於噚日忍唔住去睇醫生.....食左急診開哥隻止痛藥又ok喎(還好仲有一隻藥可以打低我既頭痛..)...再係咁不停有痛症出黎真係人都癲~好彩今日番工唔算太過壓迫感~(其實我自己放慢左d)....不過個膊頭仍然很痛;].......期望周末的來臨~可以玩番夠本~



2014-06-25

Day 4---Part 1(日本,東京 Japan,Tokyo)
hehe~我地呢日去既係晴空塔(Sky Tree)呢~~~~我好期待架~~因為我係第一次去呢個東京既新地標~~~~之前我諗住放半日時間係度架咋....後尾越睇越多新鮮野~~~~忍唔住要留係呢度成日~~~~~地址:東京都墨田區押上1-1-2.....網址.....我地係池袋搭Metro丸之內線(向新宿方向行)去到大手町駅...轉半藏門線(急行久喜行)去到押上駅~上一條長長的電梯~就會黎到呢度~亦係我想去既第一新鮮位~請搭呢個專用電梯上31樓!!!




好快咁上到31樓喇~本身我諗住早d黎到上埋塔架~不過我地去日本哥幾日都係天陰陰同落雨....所以都係唔上喇~




第一樣新鮮事要做既係:去31樓的天空Lounge Top Of Tree享受一個豐富的午餐~~~~~~~~~上網睇超多的人排隊...仲話佢11:00開門...佢地10:30黎排隊都排緊第17之類....嚇到我又係10:30黎排隊~~~不過我地上到黎....咦....一個人都無喎~~~~唔知係我地好彩~~定因為哥日係閒日呢~~~~網址...可以上網睇定餐牌~~~





我地就係要黎呢度享用一個咁雷既set喇~~~~(旅遊書都沒有介紹的~)




一行入去就見到晴空塔呢~~~~~~~~好興奮呀~~

佢連個頂都係玻璃黎架~~~如果好天既話佢會開埋頂個窗簾~~~整個晴空塔就在你面前~~好正架~~~



佢既座位係採取戲院一級級上既形式咁坐~所以你坐邊行~都會睇到晴空塔的~~~~~




我地係第一批第一位既顧客(根本我地入座既時候就無其他人等緊~~~哈哈)....梗係坐靠窗位啦~~~~~好正呀~~~(不過梳化有d低~不太好坐~但可向著晴空塔~)






你兩仔爺使唔使咁浪漫呀~~一路飲啡一路望景~




上網睇大家通常係食呢個TOP set既~2,500円(稅拔)=191.5hkd一位(兩位或以上先可以叫).....有沙律...麵包...8款前菜(唔係一般的前菜..勁有氣勢的~~)...魚或肉料理任選一個....甜品...咖啡或茶~而且餐牌每個月都會轉一次的~下次再黎唔怕會悶~~(除非你一個月黎兩次~)....其實咁多野食我覺得幾抵的~




但係咁遠黎到~~我地就豪d~叫TREE呢個set啦~~~3,700円=283.4hkd一位(兩位或以上先可以叫)...同上面TOP個餐既分別係~兩個主菜都有得食唔使揀~(係每人有兩個!!)...其他同TOP一樣~即係俾多唔使100hkd...食多個主菜咁解~




好緊張呀~~~~叫左野食喇~~(值得一讚既係:佢呢度請左個鬼妹做侍應..堅係鬼妹..唔係mix.....所以溝通完全無問題~)....其實揀中午黎食係因為.....通常得一個原因~~因為同一個set~~夜晚食TOP哥個已經要4,500円(稅拔)=344.7hkd!!!!




先黎沙律杯~ok~簡單的清新好吃~




麵包~上網睇已經話d包麻麻...果真...真係唔係幾好食..可以話難食...又乾又無味~(日本d麵包通常好正架嘛!!)




野~~~~黎喇~~~~Amuse Tower 8品拼盆~~~~~好勁呀!!!!好有氣勢呀~~~我係為左佢而黎架~~~~~~~我呢日隆重其事!!!著左係日本買既新衫呀~~~~塊面肥到好似胡諾言~~~





我和小晴空塔的合照~~~~~kawaii~~~~~~




Simpsons也來合照一張~~~喂~Homer~~我未食架~~咪攞黎玩好喎~~~~~~





真係坐係度看著晴空塔~吃著晴空塔~好有趣呀~~~~下篇再詳細介紹野食呀~~~







2014/08/07的開心事:

就係噚晚我終於訓到個好覺喇~~~
之前幾晚都係頭痛到訓唔到既~
希望今晚持續啦~~~



報時:距離沖繩陽光海灘海鮮自駕遊之旅2014仲有---50日~

42 則留言:

  1. 晴空塔可以玩到成日,有乜嘢玩㗎?嘩,amuse前菜都咁有氣勢,main course一定不得了,快啲出下一篇啦。如果比我哋揀,都會好似你哋咁豪,食3,700円𠴱個,仲要有兩個主菜.....er,你哋都幾........。其實夜晚都唔算貴丫,比多800円,幾十蚊港紙咋,你試吓去Robuchon,食晏同晚飯爭幾倍價錢㗎。
    唉,早你就應該去睇醫生啦,咁咪唔駛痛咁耐,食咗藥好番啲,訓到覺咪好囉,乖喇。

    回覆刪除
    回覆
    1. 哈哈~~~食下~行下~玩下~幾得意架~~~睇下下下一篇...我覺得幾得意~
      我覺得真係幾好味喎佢d野~咩呀~大食呀~都幾架~唔係點會變胡諾言呀~~
      唔係呀..4500円哥個原價係2500円一個主菜哥個呀~
      咁又係得咁比~~~話哂人地高級餐廳~
      係呀...最緊要訓到囉....訓唔到即係無休息..只會一直咁痛..

      刪除
  2. 你地真係冇帶錯佢地兩仔爺黎呀,襯晒個場景。個SET真係好鬼抵,係香港既話,要搵個咁既場地,食個High Tea都要兩倍價錢啦。

    回覆刪除
    回覆
    1. 哈哈~佢地兩個太出位~
      係呀!!仲要好好味添!!

      刪除
  3. 小T, 我諗你係肩膀內肌發炎, 才引發頭痛, 你試下每天花20分鐘做些運動, 試下有沒有幫助, 止痛藥食得多, 會傷肝和胰臟, 這些會影響到你面部開始水腫起來.

    回覆刪除
    回覆
    1. 係架?咁都會頭痛架?我以為我又係偏頭痛添!!
      我都知依得多唔好既...我依家有做下拉筋運動~

      刪除
    2. 好啦, 你多做運動, 肌肉就會無咁痛

      刪除
    3. 會啦~我依家日日時不時拉下磧部既筋~好似好d~

      刪除
  4. 真係好架勢堂喎,個塔好鬼靚~
    有無限時食幾耐?

    回覆刪除
    回覆
    1. 係呀~~~好靚又好食~
      無架~應該~因為我都坐左超耐~~~11點開~我坐到成點幾~~

      刪除
  5. 妳塊面真係肥到果包咁喎~~~哈哈哈
    病仲成日諗住去玩~~~服咗妳啦、不過妳玩可以暫時忘記痛楚、咁盡情玩啦

    回覆刪除
    回覆
    1. 係呀..可能之前食完d好咸既野~味精影響~
      要啦~唔玩個人仲梅呀~

      刪除
  6. 我都係...喉嚨痛...吃左好幾天藥呢
    不過我一早己去睇醫生...冇病懨懨咁啊

    回覆刪除
  7. 享用一個咁雷既set 喇...一定好滋味呢
    你和小晴空塔的合照...D皮膚...好左了

    回覆刪除
    回覆
    1. 係呀~~仲好好味添~
      係咩~有好到呀~

      刪除
  8. ✫*°•☁my █▄❤vE 好姊妹Good night Zzz┈
    ☾.╭═══════╮
    ╭╯ΘΘ時刻笑笑║¸.•*¨。.¤甜夢安睡。.+•❤
    ╰═⊙══⊙══⊙╯
    ┈•°♬♦•・゚。┈・゚♩•*┈•♪¤┈♦・゚★♫¤┈

    回覆刪除
  9. 睇個樣都覺得個set好有氣勢
    兩父子果張相超正 XD

    回覆刪除
    回覆
    1. 無錯!!仲要好好味~
      哈哈佢地兩個好出位~

      刪除
  10. 好靚好靚呀 個景又靚 個小晴空塔都好靚呢 好鍾意
    日本真係好正 好想去買唐老鴨 hahaa

    回覆刪除
    回覆
    1. 係呀~~真係一個影相靚位~~
      如果你去到~我驚你破產呀買到~~

      刪除
  11. 掛呀,掛呀,你痛就唔好忍咁多日啦,早啲睇醫生吖嘛。
    "看著晴空塔~吃著晴空塔",你地好威水呀,我上次去食咗杯綠茶雪糕咋。

    回覆刪除
    回覆
    1. 我驚醫生以為我白撞呀嘛~
      哈哈~~因為我覺得哥度好多野行呀~~所以忍唔住留成日~

      刪除
  12. 好掛住呀....妳唔寫即刻少左好多野睇....wahahaaa

    回覆刪除
  13. Hi小T、大家都好掛念妳㗎!原來妳仲未好番喎!記得睇醫生呀!妳點解唔攞sick-leave,可以多d時間休息囉!sky Tree個景一流!Top set ,,TREE set 二位7400Yen o.k.喎!有咁靚㙮景!多d体息喇!bye!!!

    回覆刪除
  14. 掛住定啦,無頭痛就好喇,快啲睇好埋個膊頭,唔好俾佢痛落去.

    回覆刪除
    回覆
    1. 個膊頭都唔知去邊度睇好添..唯有自己做下拉筋運動睇下有無好d先囉~

      刪除
  15. 您病癒就好了,但長期用止痛藥,藥效祇會一路減低的。養好身體才是長遠之計。
    去31樓的天空Lounge Top Of Tree吃午餐,正~~~~~~

    回覆刪除
    回覆
    1. 我知呀嗚嗚...我會試下做下拉筋運動的~
      係呀~~又靚景~~d野又好食~~

      刪除
  16. 你終於返嚟啦,掛死人喇,好返d未呀,做返d小運動舒緩吓你膊頭d肌肉啦,唔做唔會鬆弛架,痛都要做架!!!!!!!!
    好view又好feel,三佰蚊一人都抵啦,賣相都响返度,Simpsons d相勁cute ^^
    我都話你影相時影大側面好d,無咁包包面
    都係果句,take care 呀

    回覆刪除
    回覆
    1. 好番d喇~雖然膊頭仍然痛~不過好過哥日好多喇~我依家做下拉筋運動咁囉~
      係呀~~~超好食添仲要~~我好鐘意~~佢兩個好出位~~
      哈哈~~無計~~之前哥日食完好咸既野~~依家番黎無咁包喇~
      謝謝你~

      刪除
  17. 小晴空塔整得好Q好靚!每人食兩個主菜!好飽囉!

    回覆刪除
  18. 又係嗰句,個拼盤嗌嚟影相都抵。
    我都係經常食必理痛幸福樂信,食到而家三粒三粒咁食都冇咩效,要去藥房散買幾毫子粒先有啲啲效.....你保重啦
    瞓到覺真係值得開心嘅事

    回覆刪除
    回覆
    1. 無錯~我都係咁諗~食完覺得好食簡直覺得自己賺左添~
      你又係頭痛呀??你唔去睇下醫生??3粒?!??!?!!?!?!?!?
      我都覺得係...痛..但又訓唔到..唔知想點

      刪除
    2. 我頭暈發燒傷風為主,食兩粒冇用,多一倍四粒好似太誇張,咪三粒囉,不過冇乜用。

      刪除
    3. 下..你成日傷風架????做下運動行下囉~飲多d水...我地一齊唔好食咁多西藥喇...傷呀

      刪除
  19. 我 26號去天空樹, 嗰日好好天 http://huinerissa.blogspot.hk/2014/07/17.html

    回覆刪除
    回覆
    1. 睇完你個blog..我先醒起我無影夜晚的sky tree呢!!!!

      刪除