2014年4月10日 星期四

Set Lunch@譽路八

今日早上真係勁多麻煩野....搞到我勁攰囉.....好似朝早已經做左成日既野咁....衰在番屋企午睡時又唔夠沉睡狀....不過好在下午d籌又生生性性番~正~幾開心呀~~原來明天已是星期五了~~~yeah~~~聽晚約左另外六位公子去wet呀~~~好開心呀~~~又有得喪笑喇~~~



我又忍唔住要介紹午市套餐喇~~~~上次講完很好食的SKY21之後.....又食到一間我認為價錢更合理~~也好好吃的午市套餐地點~就係之前已經介紹過的譽路八了~如想睇番之前既食評文章請按:譽路八日本料理毛寶生日會2013@譽路八.......之前食過都係夜晚去~~好好味d野食~不過價錢都唔係平哥種~~~但係原來佢d午市套餐好正的~~~~那天其中六位公子就親身去試一試~~~



朗公子之選:

松花堂定食 $106....(刺身,吉列豬扒,什果沙律,金菇牛肉卷,麵豉湯,白飯,茶碗蒸蛋)......完全係重量級的!!!!茶碗蒸的蛋很滑!!




麥公子之選:

譽路八魚生定食 $95.....(茶碗蒸蛋,沙律,水果,麵豉湯,白飯)....魚生大大片的~~~好札實~~~都唔算貴~



貞公子之選:

譽路八壽司定食 $86....(沙律,茶碗蒸蛋,烏冬,水果)....看起來就很不錯~不過貞說不夠飽~~~



三公子之選:

滑蛋牛肉豆腐鍋定食 $73....(茶碗蒸蛋,什果沙律,麵豉湯,白飯).....呢個堅正~~~豆腐超滑~~配埋牛肉同汁撈飯係極之一流~毛寶每次去都點這個~



t及凱公子之選:

壽司達人便堂定食 $106....(刺身,日本飯團,沙律,青瓜酢物,漬物,麵豉湯).....我差唔多次次去都叫呢個~因為多野食~我好鐘意食佢d漬物~~好正~~仲有呀~~飯團裏面有梅...有一次試過係明太子的~~好好吃~~我有飯團情意結的~~~食兩個飯團都夠哂飽飽~~仲有厚厚的刺身呢~~大滿足~




另外一次去我試過叫牛肉鍋燒飯定食 $70....(什菜沙律,茶碗蒸,水果,麵豉湯,白飯)...這個也超好吃的~





中間哥位男生係關同學呀~~~我地真係好有緣架~我同毛寶成日出街都會見到佢同佢老婆架~(但偏偏新年就撞唔到~).....關同學係我同毛寶同朗公子的大學同學...佢依家就係貞公子麥公子凱公子的碩士同學~~真係好有緣呢~係七公子入面佢已經識左六個~多得關同學成日試新野我先知呢度有午市套餐呢~~~多謝食神關同學~~呢日難得又真係撞到~六公子要同關同學黎個合照先~(笑笑)~希望關同學多d推介我地去食好野啦~







2014/04/10的開心事:
今日神秘團友俾人踢爆左佢同我地一齊去旅行~
好野~~~~我執相搞少樣野喇~~
唔使用笑哈哈遮住~~
慳番樣功夫~~
(查實我之前的神秘團友都不是同一人~~好變態~~原來同我旅行係咁唔見得光~~)



報時:距離吉隆坡慶生自由行之旅2014仲有---7日~
報時:距離日本東京自由行之旅2014仲有---72日~

48 則留言:

  1. 好似幾唔錯,俾我一定試三公子之選先,唔要沙律可唔可以換第2啲?
    真係好有緣喎,咁都分別識到六位公子,唔容易......公子們真係臥虎藏龍,大學都唔夠仲要係碩士,真的很利害,才貌雙全!!

    回覆刪除
    回覆
    1. 你有推屎呀~~~哥個真係堅正呀~~d汁撈飯超好味~~~咁我又唔知喎~~咁你唔食咪得囉~
      係啦~~我地同關同學真係好有緣架~~~
      係呀...除左有碩士生~仲有一位就黎係雙學士~~~癲架~~

      刪除
    2. 點估到成班癲癲得得鍾意擺就是你舖屎嘅會碩士雙學士咁堅吖?但問問,點解仲讀上去呢?

      刪除
  2. 哈哈哈,好慘喎!同您旅行唔見得光~~~~~~~

    回覆刪除
  3. 睇落好好食WWWWWWWW
    特別係茶碗蒸,好想食~~~
    緣份呢D野就好難講既...
    我有時出街都會撞到同學老師
    偏偏新年就只係撞到同學撞唔到老師...
    冇利是收:(

    回覆刪除
    回覆
    1. 係呀~我覺得佢哥度d餐真係唔錯的~~可以試下喎~
      哈哈~~係啦~~我又係~~新年就撞唔到平時成日撞既人~

      刪除
  4. 嘩,譽路八並非省油燈,高檔日本料理,中午套餐只係$70 - $100,簡直係超抵,唔可以用貴嚟形容。你試下嚟中環美心can.teen是但叫個午市套餐,動輒譽路八嘅價錢,但食物水準打番5折。咦,點解你同毛寶唔一齊讀埋個碩士呀,咪淨係將d錢用嚟食嘢同去旅行啦。

    回覆刪除
    回覆
    1. 哈哈~~~我以為大家會覺得好貴添~~其實我幾鐘意去佢度食午市套餐架~~因為我都覺得抵又好味喎~~~
      華...乜中環美心咁貴架~~
      哈哈~~唔關錢銀事~~係我無心又無力~~

      刪除
  5. 妳食果個壽司達人便堂定食 $106~~~又唔貴又正.......六月尾過嚟一定去食

    回覆刪除
    回覆
    1. 真係好味呀~~~又多野食~~~我最愛呢個的~~你記得下次黎要試下喎~

      刪除
  6. 好勁呀~~~七公子已經識到六公子 hahaha
    我一直以為神秘團友係同一個人添 xddd

    回覆刪除
    回覆
    1. 係啦~~緣份既野又真係好難講的~~~~
      唔係架~~係咪好搞野呀~

      刪除
  7. 噢~ 原來有咁多個神秘團友架~~

    回覆刪除
  8. MY █▄❤vE 好姊妹•´*☁`甜夢安睡・゚☼呵呵呵...謝謝你窩心
    哈哈哈...其實到了你...有自己的家...自然用盡心機煮野好有水準

    回覆刪除
    回覆
    1. 其實我都覺得係~~因為依家成日依賴媽媽~

      刪除
  9. 我都喜歡...壽司達人便堂定食

    回覆刪除
  10. 好有幸成為七公子嘅一份子!!多謝各位!!!
    “茶碗貞“賣飛佛!!好愛好愛!!

    回覆刪除
    回覆
    1. 哈哈~~七公子真係位位都帥帥的~~
      佢又整得幾滑既~

      刪除
  11. 呢位關同學應該知你地七公子好多秘密

    回覆刪除
  12. 這星期無風無浪過得真快.

    回覆刪除
    回覆
    1. 都係呀~希望呢個禮拜都過得咁快啦~

      刪除
  13. 我會選刺身(走蝦)果款,茶碗蒸度度都好味既,我有時都會單點呢樣。其實你地成日係香港呢邊飛,第日香港既神秘團友都可以join你地喎。

    回覆刪除
    回覆
    1. 其實都得架~唔知會唔會有香港既神秘團友想join呢~

      刪除
  14. 嘩嘩嘩~~~ 太開心啦~ 我竟然可以係呢度出現~ 哈哈~~ 好興奮呀~~~~

    哈哈~ 係呀~ 我同妳地七公子真係好有緣ga~ 七個之中都識到六個~ 仲要都係讀書識ge~ 所以呢~ 關同學呢個稱呼個個公子都啱用~ ^^ 幾時介紹埋第七位公子我識呀? 集齊一套ma~~~ ;p

    至於新年啦wo~~ 我都已經好頻密地係fb同ig散播我ge行蹤ga啦~ 都唔明點解一個都撞唔到ge~ 呢d係天註定~~~ 唯有寄望來年s啦~ wakakaka~~ 渣油呀小t~~~~

    講到食啦wo~ 我係食得多~ 但係唔及妳地食得精吖ma~~ 妳地知道ge秘密飲食地方多過我好多啦~得閒多d同我交換下情報呀~~~

    (p.s.特別鳴謝貞公子通風報信話我知我係小t個blog度登場~~~)

    回覆刪除
    回覆
    1. 關同學:
      哈哈!!有食神大駕光臨!!
      至威係你啦~有六帥氣公子同你合照~~wakaka
      至於新年件事。。下年s~~~我地實撞到你地嘅!到時記得派凸返比我地丫:D:D
      貞公錶

      刪除
    2. wakakaka~關同學~~我地真係有緣~我噚日係venetian撞到你娘子呀~
      無錯~~而且我叫唔慣你做patrick架~~~我只會叫你做關同學架咋~~
      好啦~我下年會再努力d架喇~
      傻既~~~點夠你呀~~~我其實成日睇到朋友食咩話好食我就去跟食架喇~~~wakakakak~~

      刪除
    3. 係呀貞講得岩~~有食神大駕光臨真係我既榮幸~~~~~

      刪除
  15. 神秘團友原來唔止一個,開估左就唔再神秘囉喎!

    回覆刪除
    回覆
    1. 哈哈~~~係啦~但係係俾人踢爆左先開估的~~~~

      刪除
  16. 噢,三公子之選引死我嘞,我係鍋物迷,尤其牛肉鍋呀,今次我敗陣了,又俾你引到~~
    btw,茶碗蒸、沙律啦,我都係超愛的,好想食~~

    回覆刪除
    回覆
    1. 係呀le~~哥個真係堅正~~d汁撈飯好味到不得了~~又有蛋同豆腐滑滑的~~牛肉又好味~~
      哈哈~~香港都有好多呢d啦~~~我下次都要試下香港d午市套餐先~

      刪除
  17. 見妳哩餐食物唔錯,
    價錢合理!
    我like,妳個set有飯糰,
    咁奇怪,旅行要泞秘密??

    回覆刪除
    回覆
    1. 係呀~~我真係覺得午市套餐好正~~
      我都好鐘意食飯團架~~
      係囉~~同我去旅行好差咩~~~

      刪除
  18. Hi小t,譽路八set lunch 好低喎!香港盛八同牛角d set Lunch就貴巧好喇!同妳旅行d神秘人點解唔見得光架!為何妳唔謮埋個碩士呀!妳咁聰明一定o.k囉!我想問譽路八在宋王生廣場是否在大馬路高美士街附近呀!因為我五月份會去食下!thanks! Bye!!!

    回覆刪除
    回覆
    1. 我未食過牛角哥d呀...下次試下先
      唔知點解要神秘呀

      刪除
  19. T公子, 你真係食評好推介, 我將來來澳門之前, 先要搵你推介下, 看看我兩天內, 可以食到幾少地方先. 哈哈哈

    回覆刪除
  20. 妳好似後生咗喎..........

    回覆刪除