2014年4月25日 星期五

澳洲探險自由行之旅2014-03-23第二天Part 2(晴天)

本來我放工哥刻真係嬲好嬲的...因為我覺得你好無責任感!!!乜都唔願上身哥個係你咋卦...成日將d野推落人地度..........不過放左工之後同毛寶呻左一陣就無野喇~夜晚去左食榮江上海野~好似佢又好食番~(水準成日不定~)....跟住就去左睇魔警....睇完....其實我有少少唔明的~~~~所以今晚未睇愛我請留言大結局~~呢套就開頭幾好睇既~~~後面我就覺得有d夾硬黎...但總括黎講就係...我好耐無追劇...呢套係我近排唯一有追的(對上一次應該係舊年既衝2)...同埋原來烈火雄心噚晚大結局左~~~我無睇到添~~唔知myTV有無呢??



2014-03-23
Day 2---Part 2(澳洲,悉尼 Australia,Sydney->塔斯曼尼亞 Tasmania)
好喇~泊低架車我地就途步行去目的地了~wow...我覺得有d熱呢~




行左兩至三分鐘就到~第一個目的地就係:旅客服務中心(Tasmania Visitor Information Centre)...地址:20 Davey Street Hobart City, Tas 7000, Australia....營業時間:08:30-17:30(周一至周五)...09:00-17:00(周六﹑日及公眾假期)...聖誕節休息.....電話:+61-3-6230-8233.....網址.....佢有好多野都可以幫你代訂的~包括酒店哥d..或者其他旅遊行程~



不過講明先~佢地做野真係好慢的~



我地黎呢度既其中一個目的就係呢樣~買個國定公園既pastport~呢個pass係以一個vehicle計~一車裏最多8人~最多8星期有效...AUD60=420hkd.....咁多日去國家公園每人才105hkd~你去多幾個都回哂本~仲包你係國家公園泊埋車~(但入到裏面既遊玩設施或參觀其他野要另計的~只係包你入去個國家公園~)......其實去到國家公園d售票處買都得~不過我地費事煩又要搵個售票處~一次過買就好了~

仲有呀!!!!自駕遊既人黎到呢度記得買番張詳細的公路地圖呀!!!!AUD6=42hkd....係一定要買番張看門口呀!!


買完國家公園passport同埋公路地圖之後~我地又行3分鐘路程番去頭先個碼頭度~睇地址就應該係叫做Victoria Dock喇~我地就係去呢間餐廳食喇~Mures Lower Deck....地址:Victoria Dock, Hobart, TAS 7000, Australia....電話:+61-3-6231-2121....營業時間:08:00-21:00....網址......旅遊書寫呢間係一間海鮮快餐店~快餐~仲要海鮮~~~咁要試試了~餐廳出面有個幾大下既露天停車場~駕車人士不用擔心~

Mures Lower Deck就係食海鮮快餐既~而上層既Mures Upper Deck就係食高級d既...我見都係AUD3X=2XXhkd一個主菜架~樓下哥層除左Lower Deck之外仲有一間壽司吧的~



因為間餐廳有好多玻璃窗~好多陽光射入黎~感覺好舒服~




睇睇有咩好食先~下~~~已經見到有蠔喇~~~我至愛~~




橙汁(大) AUD3.50=24.5hkd......薑啤 AUD4=28hkd.....呢兩樣都無咩話好無飲既~正常味~~橙汁係俾嘔到傻傻下既團友開開胃的~




Seafood Chowder...AUD9.90=69.3hkd.....唔~好難形容.....我又唔係幾飲得出海鮮味喎~覺得佢好杰...但係無咩味的~




Oyster-Natural(Doz)...AUD24.90=174.3hkd....一打才百多蚊~~~一隻先14.5hkd~~~~~~一食~~wow~好咸的海水味呢!!!真係好咸....唔知係咪因為係Pacific Oyster....勁咸~要倒左d海水佢加d檸汁會好味d~都尚算肥美的~由於4位團友中有3位喜愛生蠔(但3位中有其中一位不能多吃)....另外一位就對生蠔的熱愛度低得很而且也不能多吃~所以我地就講笑話我地有7折蠔食~




Mush Olives & Capsicum Pizza...AUD19.90=139.3hkd....實在唔算太好食...因為好似新鮮度唔夠~餅又不脆的~但咁大個pizza黎講係澳洲我又覺得幾抵喎~




仲有叫左Fish & Chips...揀左Catch Of the Day Crumb(Meal) AUD15.90=111.3hkd........一d都唔好食囉...仲賣百幾蚊.....魚個外皮唔脆的...可能炸左係度放左好耐....薯條完全地係林的.................仲要係門口寫話自己d Fish & Chips係全Tasmania最正的.......冰島和英國的炸得好食過佢多多聲~~(我唔係講佢d魚唔好味呀...係佢炸得唔好食咋~)




成餐食左AUD78.10=546.7hkd.....每人136.7hkd....雖然佢d熟野味道麻麻...但以正餐價錢黎講都可以話係幾抵架喇~




(自駕遊人士一定要睇睇)食飽野諗住去攞左民宿間房先....點知一出到去攞車.....就收到一個壞消息................間租車公司開始玩我地....有個好心人係我地個雨擋下度攝左張紙仔....話俾我地知我地有條後呔爆左!!!!!!!!無啦啦爆左呔.....頂....見到條呔真係啤哂咁.....於是我地諗住打俾租車公司等佢地跟進(佢俾左d資料我地)...因為同公司唔係好遠....本身諗住攞自己電話打(長途)...點知朗公子提出:不如我地去問餐廳借電話啦......(好叻仔).....行去餐廳時神秘團友提出:不如就咁請出面停車場d人幫我地打個電話啦...我地又唔知點講我地係邊....(呢個仲叻仔).....跟住有個好好心既女人幫我地打租車公司個電話...點知兩個都係無人聽的!!!!!哥日係星期日...但都唔構成無人聽電話!!你做得租車...無話星期日唔租車俾人架下....你唔係同我講你地偷懶下嘛??!?!?!!?哥時我地真係勁徬徨...又未到民宿.....於是個女人一路打電話我地就自己一路諗辦法....方案一:夾硬揸過去民宿...方案二:自己拉住個gip去民宿(車程3分鐘...行路20多30分鐘)...再請民宿既人幫我地再打電話...但我覺得自己拉過去好難頂!!...方案三:見有多條呔...自己換...但無人試過換架喎(問題係我地打開車尾箱...係無工具可以俾我地自己換囉)




個女人幫我地打左好多次租車公司都無人聽....但佢好好心...幫我地打去佢平時搵開既公司黎幫我地換呔.....我地叫佢幫我地問大約要俾幾多錢....間公司話佢黎左換左係唔會收我地錢...係會直接收租車公司錢...但租車公司收唔收我地錢..就要睇租車公司點喇........頂...我地買左最貴哥隻保險...但唔知包唔包叫外面既公司黎換呔囉........佢幫我地call左人之後....等左成個鐘先黎到....神秘團友話:都唔知收幾錢喇...因為外國有d服務係由出門口起計錢.........wow...呢次甘喇~~架車黎到....超pro...佢岩岩入停車場時我以為有架救護車黎左...點知......佢係一架"車"既救護車!!!!!!!裏面架生超齊!!!!!好多工具.....呢間公司叫RACT....網址.....我上網睇佢好似咩都有咁...Technical Advice又有...Drive Training又有....仲有最重要的Roadside Help......記低佢個電話做個萬一都好丫....電話:13 27 22.......睇佢整到line哂線咁...幾pro!!!多得個女人幫我地call左佢咋~真係好多謝佢!!!!!唔係我地都唔知我地往後既行程點好!!!(雖然哥一刻唔知使唔使收我地錢)....哥個男人個背影好英雄呀~仲要幾靚仔~佢幫我地睇過條呔...無利既野整到佢爆.....所以佢都唔知條呔無啦啦爆左......到底上一手還車既時候......Trifty你有無check清楚??就算真係唔關check哥個事...呢個係一個意外....咁點解我地打你地既求助熱線會無人聽既呢??知唔知人地人生路不熟會好徬徨架!!

但都唔係個個都咁好....有個男人主動走埋黎問我地咩事...知道左之後...我地問佢可唔以幫我地打個local既電話...佢話:唔可以.............咁你就唔好問人啦............又唔係想幫人..又要八人地咩事...............我地講過...經過呢件事...下次係澳門有其他旅客問我地野我地會盡力幫忙的!!!人在外地咩都唔知....真係好需要人幫的!!(除非你問野問得無禮貌啦)



好喇~架車搞掂終於黎到我地呢兩晚間民宿喇~我地全部房都係Booking.com度訂既....有d要俾左訂先...有d就全數係當地俾錢....由於碌卡可能有手續費收...所以都係俾現金穩陣~我地間民宿叫St Ives Motel Apartments...地址:67 St Georges Terrace, Battery Point, Hobart 7004, Australia.....電話:+61-3-6221-5555....兩晚房價AUD450=3150hkd....即係每人每晚房錢係393.8hkd(有免費wifi).....華...又幾抵喎!!!!咁大間喎!!!有廚房有飯廳有客廳!!!!!房有兩間....一間係雙人床...一間係兩張單人床(多數d床都係咁...應該係預一家人黎住)...有騎樓~










本來我地係諗住攞左民宿就上可以睇到荷伯特大部份市區景既威靈頓山(Mount Wellington)度睇日落的!!不過唔知點解個GPS會連咁出名既山都搵唔到.....同埋我地整車用左太多時間......個天又開始黑...唔敢係無GPS帶領既情況下摸黑上山(條馬路d燈...可以話係無...)....所以行到山腳....我們放棄了....只在小半山睇呢個景和日落....可惜!!




好囉~算數~轉去兜番轉超市先~澳洲其中一間當地超市Woolworths.....不得不讚係全澳洲雖然d野收好早.....唯獨係超市...真係收得幾夜下的!!!有d收22:00..有d直頭收00:00的!!!






為左之後既車程...我地買左d energy bar做back up...有咩事都有條野頂下肚(但我發現買哥3隻都超難食....食到成口野....係澳門買的比較好吃點...唔知係咪我唔識揀)...芝士圈係有blog友推介我吃的~唔知我有無買錯~不過我忠於我以前細個食既染到成個口都橙色哂既哥隻芝士圈好味d~~~薯片就很不錯吃呢~~




去到外國點呀~最鐘意買乳酪食架啦~咩味都想試~但係greek yogurt唔岩我~質感太杰了~~~~我喜歡稀稀的~~~我地連小朋友既乳酪都唔放過~~~香蕉乳酪尤其好味~




我地係超級市場仲買左好多蔬菜呀~~~~~第一晚係民宿煮左個蔬菜放題呀~~~~~塔斯曼尼亞出產的蔬菜都超好吃的!!!!!!我地全部買番黎係民宿就咁白灼~朗公子就係澳門帶左支wasabi過黎~我地係澳洲買左支萬字醬油......咁wasabi加豉油.....又點會唔好食~~~我地當哂全部蔬菜係刺身咁食~~正!!!西蘭花都唔知係咪變種野黎既~~條莖超長~~平時食哥d矮矮的嘛~強烈推介塔斯曼尼亞出既呢隻叫snow white既粟米~就咁烚左佢黎食....好正!!!又爽又甜~懷念中~

我地真係好健康呢~



仲買左士多啤梨嚐嚐~(可惜的是...我係澳門食左超多的塔斯曼尼亞車厘子...但我去旅行時一粒都見唔到....可能唔岩季節~).....但我覺得...好似美國既長柄士多啤梨好味d~~~




呢日買左3個小磁石~一個送左俾chlo~仲有買左呢三款明信片~大部份公子都係收右上角哥款~只有麥公子被我抽中了左上的Tasmania Devil~呢種動物...每天自駕遊都會見到...不過係係公路見到...因為d車行得好快....而佢又無睇車過馬路....(我地咁多日無架....係見到咋)








今晚同毛寶食飯時....
毛寶:你今晚會唔會出blog(心急狀)
我:(擰擰頭)我今晚同你去睇戲喎......
毛寶:做咩唔寫呀...睇完戲番去好早之嘛....你以前星期五都出架...你再唔寫快d你去日本哥時都出唔哂囉...
我:0我....好囉~
(hehe~原來有人咁緊張睇我的blog~仲要係同我一齊去旅行既人~)



2014/04/25的開心事:
今日真係幾嬲架...又俾佢屈
不過都要苦中一點甜!!!點都要諗番今日開心過既事!!
仲使講既!!!!今日星期五啦嘛!!!!
一放假就要忘記唔開心既野!!!
下個禮拜番工先算啦!!!!拜拜!!!



報時:距離日本東京自由行之旅2014仲有---58日~

40 則留言:

  1. 哈哈!果然係集郵女皇本色!係咁突發既情况下重有少許空間留意到換呔哥哥既俊朗容貌!佩服佩服呀

    回覆刪除
  2. 毛啦啦爆軚真係好驚喎~~又傍徨又唔知點算好!!我體會得到.......
    民宿好掂呀,有眼光^^

    回覆刪除
    回覆
    1. 係呀..仲要個租車公司無人聽哥下先恐怖!!
      叫做幾平同乾淨~~同埋都幾大~

      刪除
  3. 蠔都係我至愛呀~~~~可惜現在減肥中.........
    身處外地如果有事時、有人幫係好開心嘅事~~~

    回覆刪除
    回覆
    1. 減肥唔食得蠔架~~~可惜呀~~~
      無錯~~~所以下次如果有旅行搵我幫~只要佢有禮貌~希望我都可以盡量幫到佢~

      刪除
  4. Hi小t,我都想睇魔警喎好睇嗎?好少外國人唔幫手喎!好彩都有個好心女士㨍倒手、在外國遇有困難事如果冇人幫手都幾慘架!間民官超低喎又大間!又有免費wifi呀!原來妳地都可以食得咁健康喎!三張明信片好靚呀!幫我多謝毛寶呀!因為佢叫妳今晚出blog!令我今晚又可以眼睛去旅行喇!bye!!!

    回覆刪除
    回覆
    1. 都唔係架...有好多人都唔理我

      刪除
  5. 嘩, 好驚險呀, 好彩你地最後都搞惦條爆軚
    勁呀~~~

    魔警好似好恐怖....反而呢套唔係好敢睇呀

    回覆刪除
    回覆
    1. 哈哈~~今次係出路遇貴人~
      係呀...我睇緊哥時都覺得好恐怖~~好人性陰暗面~

      刪除
  6. 我都有睇魔警呀 baby唔明d咩我試下解答你^^
    個男人真係好八卦呀 又唔係幫人
    民宿靚靚 明信片都靚靚
    想快d睇你玩刺激野既日子 hehehe

    回覆刪除
    回覆
    1. 經過星期六日問人~我應該明喇~~~~~
      咪囉~~唔幫就咪問啦~~~阻我時間~~
      hehe~梗係~明信片我揀架喎~
      仲要講多幾日先到~~~

      刪除
  7. 真係出路遇貴人,雖然爆咗軚但總算好彩,果間租車公司哥頭租完車俾你哥頭就無晒人辨工,咁奇特......
    換軚等咁耐,咁唔舒服果位團友咪好惨,唔舒服仲要等咁耐,陰公囉
    間屋真係抵喎,又干淨企理,嘩,團友竟然帶wasabi去旅行.........
    我都要多謝毛宝,有佢我地今日先有得睇,不過你都好有心机打咗咁多字,絕對專業^^

    回覆刪除
    回覆
    1. 我都覺得我地哥次其實算係幾好彩架喇~~~不過間租車公司真係好衰~
      佢哥時應該好番d!!因為哥時佢無再話想嘔~
      哈哈~~~我地係咪好癲呀~~~~~好彩有帶咋~
      哈哈~~~我講左佢知你多謝佢呀~~~~~wakakakakak~

      刪除
  8. 間餐廳啲嘢食真係好唔掂喎,不過樣樣都大大份,ok啦,租車公司完全冇售後服務,好彩遇到有心人咋,不過好多澳洲人都好friendly同helpful嘅,我都遇過。民宿好大同乾淨企理,似乎係自由行嘅不錯選擇。

    回覆刪除
    回覆
    1. 係呀....勝在夠砰同大大份~就算啦~佢都講明係快餐~可原諒~
      哥間野完全唔掂!!!希望話俾人知唔好再揀佢!!!
      我覺得塔斯曼尼亞d人好d囉...大城市哥d無咁好人!!

      刪除
  9. 多謝毛寶開口催你,唔駛我出聲!

    回覆刪除
    回覆
    1. 哈哈~~所以我哥日無懶囉~~hehe~

      刪除
  10. 你人品好呀,同你去旅行嘅心急睇你寫blog,另一位同你去旅行嘅又會俾手信你.
    海鮮快餐賣相幾好,但得個樣咋?
    天色靚,街道靚,餐廳靚,民宿靚,我諗每篇都要講一次,好靚呀......個境.

    回覆刪除
    回覆
    1. 哈哈~~真既~~真既~~好少聽你讚我人品好~
      係呀...麻麻啦~不過勝在平同大大份~
      我無咩點出場你就唯有讚d景靚啦~~

      刪除
  11. 其實慢都唔錯丫~~不過跟旅行團就...X0X我之前去歐洲試過所以...
    呃...自由行幾好丫:P
    但係壞車真係好慘丫T口T俾我都唔知點算
    好似有個女仔肯幫你地~如果係我我諗我會感動到想喊=3=
    種有你快D出BLOG啦~~我都好鐘意睇你D BLOG架KEKE

    回覆刪除
    回覆
    1. 係呀~我超鐘意自由行~點plan都隨自己心意~
      唉...最衰係間租車公司~
      哈哈~~我地唔該左佢好多次!!!!
      多謝你呀~~~喜歡我的blog~~~~~*3*

      刪除
  12. 餐廳咁多陽光射入黎...真係好舒服呢

    回覆刪除
  13. 租車公司真係麻麻喇!如果你地晨早開車去左高速公路先至爆呔,咪仲弊!
    我去到外國都係鍾意食yogurt嘅!

    回覆刪除
    回覆
    1. 咁又係....如果係high way仲衰...唔知點好!!!
      係呀~~~我又係~~我地真係夾~~~

      刪除
  14. 天很藍,屋好四正,幾好喎~~
    但餐廳啲嘢食好麻麻,你地自己整既放題吸引得多。
    車公司好衰呀,好彩啲人好肯幫你地。
    仲有仲有,毛寶好cute呀,催你寫blog,哈哈!

    回覆刪除
    回覆
    1. 係呀~~間屋真係租得好~~~~毛寶叻~~~
      叫做夠大夠平囉d野食~
      無錯...我真係好多謝哥個人~~
      哈哈~~我估唔到佢開口問之餘仲要催我~~

      刪除
  15. 這些Fish & Chips 111.3hkd?我情願試英式的!
    爆呔好慘囉!
    您和毛寶一條心!哈哈哈

    回覆刪除
    回覆
    1. 咁英國d好味過佢好多~
      好彩有人幫咋~

      刪除
  16. Mytv 有烈火雄心呀
    你快D上去睇啦~唔係無左架喇

    回覆刪除
    回覆
    1. 我睇番喇~~~~睇左大結局~~~謝謝~~

      刪除
  17. 我上年去hobart都係住st. ives apartment,又平又好﹗推介~~
    mure我都有去食呀,我又覺得ok喎,勁like oysters,超平﹗都有試外面d 小檔~~

    回覆刪除
    回覆
    1. 係呀~地方又大~重點有wifi~地點都算方便~唔錯~
      我有一次係某公路旁既小檔食過~超正~正過呢間好多~仲要平d添~

      刪除
  18. 天色好好.生蠔又唔系好貴,.

    回覆刪除
  19. 最好食既fish n chips 同 oyster 係Mures 旁邊的船仔賣的。又平又好食,就係無得坐囉。。。
    你地之後有無食到好味家 ?

    回覆刪除
  20. 你吾講,我都吾知個棵是西蘭花,和平時食的有不同樣﹗

    回覆刪除