紐西蘭南島自駕遊之旅2024-05-02第十三天(晴天)

4月26日…噚晚買左機票~~~~中午食茶杯..然後行一圈松山先番屋企~夜晚叫外賣~…4月27日...星期一..但今日係一個少野做既星期一...噚晚訓得麻麻..所以今日都攰奶奶咁..中午個晏覺訓到我吹哂波波咁....4月28日...今日好似多野做過噚日~放工個頭赤赤痛~....4月29日...起身都係頭痛...去睇醫生~....4月30日...老夫人今日生日~我同毛寶請老夫人去雅吉慶生~祝老夫人生日快樂身體健康行得走得食得訓得乜都好既都得~.....5月1日...諗住去JW個lounge食佢個喇沙set..點知已經無左...又去奈和美~...探豬子~夜晚痴痴貢~....5月2日...中午去左氹仔街市熟食中心食越式法棍~都幾好味..但杯啡麻麻~又去踩單車~再去睇穿Prada的惡魔2(我其寶無睇1XXXD)..再去路環食雅憩~好味~...5月3日..中午食shake shack~再飲沙北~下午落爆勁大雨~夜晚叫台式滷味外賣XXXD….5月4日..放左咁多日假~番工喇~有野做但又唔算好多好多野做~....5月5日...下雨天~....5月6日...今日工作真係黎一個反高潮...仲俾人表揚XXXD..R哂頭~....5月7日...今日...攰~叫親個個都吃力不討好~....5月8日...happy friday~今日放工約左公子們去食權昌....因為上網見到話做埋今個月就執...又係少時小炒回憶...但老實講....唔好食既依家係XXXD...食個情懷XXXD....拜拜~.......5月9日...中午食IES...因為食完我要殺入Taste...大佬...買5支牙膏..88折之餘...仲要送兩條tempo廁紙!!一條tempo抽紙!!18包裝tempo紙巾!!一包洗衣珠!!6盒維他蘋果綠!!兩袋麻油味出前一丁!!!!!!!!!痴線架!!!開心到我見人就講XXXXD仲猛俾老夫人讚我叻XXXD...再去行威尼斯人又買到一袋二袋~夜晚食味藏~~



2024/05/02
Day 13(紐西蘭,基督城 New Zealand,Christchurch->奧克蘭 Auckland)
華~早晨~今日搭朝早機由基督城去奧克蘭喇~由於我地住機場酒店~所以check out後就咁行過隔離機場就ok~酒店房對住我地取/還車既停車場~

個domestic terminal都算大喎~




check左in之後就輕輕鬆鬆搵間cafe坐低食早餐...呢間D啡正喎~個卷都ok~






我地搭紐西蘭航空NZ580航班...10點由基督城飛去奧克蘭~依家寫blog睇番資料先知呢段機票原來係來回香港條機票一齊買~用multi destination買..咁張機票又真係唔算貴喎~我以為呢段我係分開買既添~






南島高空睇真係好靚~覺得自己會再去南島(但無當時冰島第一次去咁強烈XXXD)




大約1小時25分就到左奧克蘭喇~警戒mode ON!






又回到奧克蘭呢個domestic terminal~




係澳門諗左好耐點出市區....以為可以去kkday訂到車...點知唔興~所以上網搵下資料...可以搭巴士...或者係SuperShuttle訂車...巴士我就唔諗XXXD唔想拖住行李再搵站仲等車~所以我地訂左shared ride去市區~來回共NZD$83.2=391hkd(兩人)...即大約來回每人200hkd~攞左行李...一出4號門~已經見到架車~都約方便~因為我地上網已經打哂酒店名呀地址呀~唔使溝通XXXXD...由於係shared ride~要等埋其他人...不過等左一陣就開車~唔耐~車都舒服既~




大約30分鍾就出到市區~今晚我地住Voco Auckland City Centre...每晚1,418hkd...無包早餐~....之前send e mail俾酒店話早機唔知有無機會可以早D入住~check in時佢話有無興趣登記做會員...咁我登記左佢話有房準備好俾我地同埋upgrade左間房俾我地<3~~覺得房間都幾新幾靚~










佢俾左高層房俾我地!仲望到Sky Tower架!好開心~






餐廳都幾光猛幾靚~不過我地今次見住市區又唔趕景點~所以就唔揀酒店早餐喇~無緣試~




不過奧克蘭我地唔諗住留好耐~驚轉國際航班番香港有咩問題先早一日黎到奧克蘭XXXXD所以淨係住一晚周圍行下算~




周圍行之前...我地行到碼頭....






望番轉頭仲望到Sky Tower~




我地既目標係Oyster & Chop....偷偷地企係轉角位偷望....點解偷偷地望?....因為依家係兩點半...我地等緊3點happy hour時間XXXXXD




等到3點喇XXXXXXD....點解咁想happy hour去?因為會有特價生蠔XXXXXD....平好多架XXXXXXD




行到門口望下今日happy hour既特價生蠔....我有無眼花?!...係前幾日我去到哥個地方都食唔到既Bluff Oyter!!!!呢度特價有得食?!?!




餐廳哥邊好似正式D...happy hour佢安排左我地坐bistro哥邊~




happy hour餐牌~3點至5點~每隻係......NZD$2=9.4hkd(每隻...最少6隻)....即係happy hour一打係NZD$24=112.8hkd...而happy hour以外時間係半打NZD$35=164.5hkd(即每隻27.4hkd)...happy hour平到癲左.......(雖然係餐廳食正餐27.4hkd一隻都唔係貴XXXXD)






Happy hour wine係NZD$12=56.4hkd~我叫左白酒~....happy hour cocktail都係一樣價~忘了毛寶叫咩cocktail~

好啦~雖然依家係happy hour~但其實我地係餓爆XXXD...因為今朝食左個卷餅做早餐之後就乜都無食過XXXXD...所以都叫左D其他野食~




首先入口梗係超驚喜既today's oyster啦~~竟然係我地食唔到既Bluff oyster~~真係好抵好抵~~一打112.8hkd~~~真係真係好好味~~~~~痴左線咁平~係Bluff我諗係蠔場食先會咁平~係Bluff既餐廳食都應該無咁平~~~




唔大隻既~但人家係野生生蠔~蠔味好濃郁呀~~~~肚仔都脹脹既~






而且外殼都帶點綠綠的~




仲叫左Tahitian Ceviche...NZD$33=155.1hkd...大溪地版既Ceviche...雖然我未去過大溪地...但個人喜歡秘魯Ceviche多D~呢個椰奶好漿XXXD一D酸味都無~




Hand cut angus beef tartare....NZD$33=155.1hkd...都ok~不過如果配D多士仔或包會更好~




Fish & Chips...NZD$39=183.3hkd...點解?點解我地會叫既??呢樣完全唔會係我地平時會叫既野XXXXXD...炸魚ok既薯仔真係硬過石頭XXXXD....(條炸魚同我個鏡頭比yeah~XXXD)




由於其他野麻麻地好食...所以我地好沉迷咁叫Bluff oyster~~之後再叫多左兩打XXXXD總共食左3打~~每人食左18隻~~過足癮~~好滿足~彌補我地係Bluff既遺憾~




睇下我幾開心~yeah~建議happy hour淨係飲特價酒同食特價蠔XXXXD其仔咩都唔好掂XXXXXD




食左NZD$227.46=1,069.1hkd~每人500hkd度~好抵食~




食完就周圍行~行下D紀念品店~見到呢個.......笑左XXXXXD會有人買?




買完再買!買完再得到居紐港人猛推我地...加購!!




如果無安排奧克蘭要做咩...周圍行下觀光都幾悶XXXXD...我地都係得個行字~又無咩岩買~...但係發現...華!pop mart連紐西蘭都有插旗!好勁~




行行下行左去一區好似自成一角咁...好多間餐廳係度既...但望完一輪又無一間想食XXXD(主要係唔想食西餐XXXD)




最後唔知點行行左去呢度XXXXD見有日本拉麵食既餐廳...入去啦~其實我同毛寶都極度唔鍾意食拉麵XXXXD不過見凍凍地又想食下有湯既野(好憎豬骨湯XXXD)






坐低發現原來係食soba~唔係拉麵~仲要係湯既唔係撈既~




我叫左sukiyaki beef...NZD$23.5=110.5hkd...同試次基督城叫個拉麵差唔多價啦~另外可以加錢加topping...我加左肥芽菜同紫菜...各NZD$2=9.4hkd...溫泉蛋..NZD$3=14.1hkd....再叫左枝豆...NZD$7=32.9hkd.....但係...個撈soba好咸XXXXXXXD(有少少似撈公味)




諗番起今日餐下午茶都好正~好想再食bluff oyster~











2026/05/09的開心事：
絕對係買到5支舒適達XXXXXXXXXXXD



報時：距離北意Dolomites行山自駕遊之旅仲有---35日~
報時：距離2人福岡亂行之旅仲有---140日~
yeah~好耐無試過2人去日本喇~~好開心呀~~
我要吃好買好~
雖然都加左兩次燃油附加費...
好彩佢加第3次前就買左機票XXXXD