紐西蘭南島自駕遊之旅2024-05-03～2024-05-04第十四及十五天(晴天)

5月10日...中午食左Terra~行左Donki~夜晚叫左好多我老母好鍾意食晚小食外賣慶祝母親節~~.....5月11日...噚晚成兩點幾先訓得著~唔知搞咩...今日D人一浸浸咁黎~....5月12日...得個做字~猛煲無米粥~.....5月13日...今日雖然人少..但又好過噚日~開心~....5月14日...我以為今日會落好大雨...好彩又唔算好大~...5月15日...放工食左鼎泰豐~….5月16日..中午衝去睇鼻..又鼻炎~…再去食剛開番既comma..勁失望..以前餐牌好多野無哂包括我最鍾意哥個飯…又貴又細..探豬姐..豬姐好似嬲左我XXD…夜晚去日麗補吃母親節飯~….5月17日..中午去葡京人新開哥間cafe(其實地堡街都有間)..但葡京人哥間有泊車…但呢間感覺好唔抵…兩個人食成300仲要self serve..猛響機去攞野食…意粉都還好…個牛扒包都不知所謂….塊扒都無味..得幾粒pickle同黃芥末…88蚊XXD…笑左XXD…夜晚叫燉湯~...5月18日...今日好多野做~開心~(好變態XXXD)....5月19日...今朝俾雨聲嘈醒...感覺很有詩意XXXD...5月20日...唔講完全唔知520呢個節日...後知後覺XXXD....5月21日..快~D~到~星~期~五~啦~~~我想放3日假呀~~佛誕節補假~~....5月22日...yeah~~放假喇~~~等左好耐~~~放工同左另外4位公子去灃收打邊爐~~~~~~5月23日...中午同左毛寶爸媽去淳飲茶~我家老夫人去左江西旅行~然後去左EPIC飲啡...唔知佢新口岸哥間係咪用MOMOKAWA哥D啡呢...杯冰滴都幾好飲~去800伴血拼~~買左榴槤做下午茶~~然後去UA睇乘嚇...我對眼咪足全程...又用手幫自己打格仔XXXXXD....再去紅記食飯~~



2024/05/03
Day 14(紐西蘭,奧克蘭 New Zealand,Auckland)
早呢~由於無包早餐...我地梳洗好就攞埋行李check out~寄存住先陣間番黎攞~

雖然我地聽日機~但我地之前plan左唔好搭機先去機場~決定今晚住一晚機場酒店~聽日可以時間上好預D咁去機場~(因為酒店用腳行過隔離就係機場XXXXD)...因為都係訂左supershuttle係酒店車我地去機場~咁仲有中午至下午時間可以食下野同周圍行下~




其實一早訂左中午食噚日happy hour哥間Oyster & Chop...咁點解噚日又食今日又食?其實噚日本身無諗住食XXXD因為我地唔知可唔可以係happy hour時間趕到去食特價蠔...所以訂左今日中午食既~雖然噚日食到~不過訂左~就照食啦~(訂位可上官網訂~)...request左坐靠窗位~




坐低就後悔了....好曬呀XXXXD




其實坐入面都有日光啦XXXXD不過坐低又request左又廢事換黎換去XXXXD頂硬上XXXXD




噚日happy hour得蠔好食~其他野食都麻麻~今日試下佢個正餐餐牌先~~~




最後一餐正正式式係紐西蘭食既午餐~梗係揀D好野食~生蠔正價就唔食喇XXXXD因為特價NZD$24一打...正價要NZD$35半打XXXD...咁就諗住叫crayfish食啦~今日有幾種大細~侍應俾我地睇睇價錢同重量~佢就推介我地兩個人食NZD$123=578.1hkd..220g既半隻龍蝦尾~好~聽你話~




我記得我呢日提早生理期...個肚極痛(我懷疑噚日食太多生蠔XXXXD)...所以我好乖~我飲茶~...呢杯sparkling一定係毛寶既!!




我地叫左兩個前菜~




Escargot...NZD$36=169.2hkd....雖然無話蝸牛一定要香草焗既....但佢呢個整法就...唔係幾岩我地口味XXXXD所有味擺埋一齊完全唔夾XXXXXD




Pan Seared Hokkaido Scallops...NZD$39=183.3hkd...係咪外國人興煎到咁熟?熟到鞋口XXXXD兩個前菜都有啲驚嚇XXXD




New Zealand Crayfish Tail...NZD$123=578.1hkd..220g既半隻龍蝦尾...又幾大條喎XXXXXD




正面睇勁厚肉!!終於有一樣好食喇~~煎得岩岩好~配garlic butter幾香同埋唔怕搶味~




300gm..Hand Picked Sirloin...NZD$57=267.9hkd...aged左55日...老實講牛味真係好濃~~~但係覺得佢整到過熟~但係價錢算平






好彩兩個主菜算係咁啦~幾驚主菜都炒埋...但我意見都係如果食呢間都係衝特價生蠔開心D~XXXXXD...依家睇相諗諗下...點解我地無食羊既?XXXD




兩個人食左NZD$287.64=1,351.9hkd~都ok既~...俾錢侍應有同我地硬聊...但係友善度係真係南島D人由衷地發出黎令你感到舒服~




天氣好好~依家去搵間cafe坐下~如果仲有時間或者去sky tower望下~




行左去好似住宅區咁既地方...唔知係咪因為係辦公時間無人係條街行黎行去XXXXD...揀左呢間飲咖啡~望落都幾舒服~








叫左個Coconut & Vanilla pannacotta with berry compote...NZD$10=47hkd...都唔錯~甜品最高稱讚：唔太甜XXXXD




行去sky tower諗過上去望下...但係我地兩個圍住個sky tower行左一圈都唔知個入口係邊XXXXXXXD由於搵唔到所以放棄XXXD...用鼻哥窿同佢影張相算喇XXXD








周圍行啦~但都無咩好行~行入間細商場發現有間黑膠店...跑入去搵snoopy聖誕黑膠~但無~






華!今日行左成萬9幾步!好勁~




發生單搞笑野XXXD...咁我地行到無野好行...又約左17:05車...就行番酒店...攞番件行李...去下廁所~咁咪等訂好既supershuttle黎接我地囉~...等到到時間前10分鐘都無動靜...我地攞舊行李企係門口等....等等下....有個男人氣急敗壞咁跑過黎我地度...原來係supershuttle既司機XXXXD...佢話因為我地酒店門口好難停車...打電話俾我叫我去街口橫街等...但佢打唔到俾我XXXD唯有跑過黎搵我~但我電話一直無響~...上到車....一直好順利...駛到就入機場既高速公路...勁爆塞車...塞到完全停既狀態....本身無咩野...但我估同車既其他人都係即晚夜機...開始發出抱怨既聲.....本身30分鐘既路程...最後要1小時15先到~得我地兩個悠悠閒落車~因為我地只係去機場酒店check in~



今晚酒店Novetel Auckland Airport Hotel~1,494.17hkd~無包早餐~聽日一早機~要好早到機場~唯有早一晚係機場酒店住無咁辛苦~而且住得近機場所有野都可控~(對比住市區酒店)






安頓好就行去機場搵野食~




係food court揀黎揀去~又俾亞洲胃打敗XXXXD




我同毛寶個麵各NZD$20=94hkd...貴貴地...味道都係咁啦~諗到既味~仲斥巨資買埋壽司~食飽D聽日番屋企架喇!




2024/05/04
Day 15(紐西蘭,奧克蘭 New Zealand,Auckland->香港 Hong Kong->澳門 Macau)
一早起身整理好~收到Air New Zealand既短訊....話5月1日起...d液體呀..電子用品呀...都唔使係袋入面攞出黎過安檢喇~~即係同香港一樣~~太好喇~~~攞出黎真係好煩~~~




就算住到機場咁近..我地都係慣左3小時前到達XXXD好開心有得用Premium check in~~唔使出面排~~~~(呢度寫明PEY有得用咪幾清析~).....但我地兩個都係用唔到機self check in同bag drop....又係要去人手check in~不過都係等左一陣je~






check in完仲有專𨋢上去過海關....最出色係過海關都有得用express lane!!!!!快勁多!!!!呢張PEY真係值得買~~




好開心~~好快過完海關~~




揀左呢間慢慢坐低嘆個早餐先~~~




應該一睇就知邊份係我架啦XXXXD...Full English..NZD$29=136.3hkd.....真係好大份XXXD...點解我食到咁多野好恐怖~~~成份吞哂...幾好味~毛寶叫左Simple Eggs...NZD$18=84.6hkd....仲叫左兩杯熱Long black~NZD$6.5=30.6hkd(杯)....以機場價黎講算係咁~




我地搭AIR New Zealand既NZ81..係08:40由奧克蘭直飛番香港~走既時候大晴天呢~




兩隻唔同圖案既機擺埋一齊~好有型~




起飛前又睇下餐牌先~~










佢個安全影片都幾過癮~~




拜拜喇紐西蘭~~之前一直都無諗過黎既~各種原因啦~但依家黎完又覺得自我感覺良好XXXD覺得可以有下一次~






平飛之後即刻走一轉野飲~~好大膽呀~~我飲凍野呀~~呢程機我都係有D咳...大拿拿咳左兩個禮拜喇!就算真係中左都一早好番啦下嘛!(結果係咩?總結哥度講XXXD)...毛寶叫apple cider...俾serve我地哥邊既空姐問夠18歲未XXXXD當然知係講笑~








第一餐係午餐~同一個空姐問我地食咩~~佢仲要有禮貌到踎係度問我同毛寶想食咩~~~(定我地太矮咕碌佢聽唔到我地講野XXXD)....主菜選擇有豬雞魚....我同毛寶都揀左魚~麵包任揀~揀左sourdough~蒜蓉包~都好味~...前菜係意式軟芝士同一堆野~都OK~...主菜係烤紐西蘭鯛魚配煙燻青口和白豆~個魚質就一般啦可能過熟~但味道幾好既~同埋我第一次係飛機上面食到青口~~(雖然細細粒~但感覺新鮮~).....甜品係烤白朱古力味噌雪糕...ER....口味個名係幾特別既~但我淨係食到甜味XXD..好甜~特別推介~細細包哥包rice wafers!!!!!痴線咁好味!!!好食到想買!!!!!!!!






食完飯...訓下又醒下~佢張櫈都訓得好舒服~~醒左又上下網~然後開左套love again睇~幾好睇...睇睇下戲空姐推車仔出黎派蛋糕同三文治~但我無攞~睇完戲我去廁所....去完就諗住順便經過廚房攞d即食既野食(即係薯片XXXD)...食完食藥~....點知空姐經過見到我攞野食...問我係咪肚餓...我話唔係呀想食D野食藥~~然後佢話咁我整個三文治俾你食啦!!仲想唔想飲D熱野飲?........最後佢俾左個煙三文魚包仔加俾左杯洋甘菊茶我.....覺得好暖......去程機已經感到熱情親切.....呢程直頭有暖心感覺!!...暖在D野唔係我要求係空姐自己觀察到再去為我做多左野.....雖然有好多姐都好好...但係Air New Zealand既空中服務員簡直係世一~~~~令我感到以為自己買左商務~~~真心推Air New Zealand既PEY~.....商務D位太怪...如果唔係都想試下~




臨降落就Serve晚餐~選項係雞..魚...鹿(????).....未係機上食鹿肉呀!!!試下咯!!!不過肉真係少少鞋...不過味道係OK既~甜品係香梨生薑芝士蛋糕灑紅糖碎~又有哥包好味Rice wafers~






大約11小時25分...下午4點就到香港喇~~~竟然落雨~~~~~






為期15日既紐西蘭南島之旅就完結啦~~拜拜~~~~~~~




總結：
1.使費：10,350hkd(機票)+ 11,061.6hkd(13晚酒店)+2,245.6hkd(租車+租車保險)+434.3hkd(第一次租車取消手續費)+244.4hkd(NZETA簽證費)+188hkd(奧克藩機場來回交通)+1,300mop(澳門來回香港機場交通)+
7,783.8hkd(食買玩)+380mop(保險)=33,936.4hkd~...咁玩左10幾日又ok~起碼住同食我地都無就住就住既~

2.原來d人話一間國家航空公司係可以代表到一個國家係真架~~~air new zealand真係無得頂!!!雖然野食唔算好好食...但食材勁有驚喜XXXD...個位又訓得舒服!!最好係咩呀??全機有WIFI!!!!戲都多既!!但有得上網我都無乜點睇戲XXXD....仲有就係...全部空中服務員都好有禮貌服務好好!!可惜香港出發我諗得去澳紐最方便~

3.我去之前諗住澳洲同紐西蘭D人應該差唔多....但係...真心爭好遠........澳洲去完一次就...有好大既卻步......紐西蘭南島D人真心友善熱情又有幽默感~可能同佢地成個南島都好慢活有關XXXD好正~好鐘意南島人~~

4.如果有一日我再想去紐西蘭玩...應該係同佢舒服環境同人文因素有關~~同埋仲有.....佢D maruka喉糖XXXXD

~The End~

~多謝收看~

2026/05/23的開心事：
絕對係放3日假+飲飽食醉的一天~



報時：距離北意Dolomites行山自駕遊之旅仲有---21日~
報時：距離2人福岡亂行之旅仲有---126日~