紐西蘭南島自駕遊之旅2024-05-01第十二天(陰天)

4月12日...朝早去睇下中醫調理下~然後中午食chatterbox~夜晚叫李家外賣~...4月13日...星期一做到眼都花~...4月14日...老夫人今日整燒肉炒蕎~~....4月15日...今日黑黑地~....4月16日...今日中午係公司有大食會~又一個同事退休喇~呢個同事由我一入職就陪到依家~真係有D唔捨得~....4月17日...今晚放工去同事退休宴去左日麗食飯..啲同事飲到癲哂XXD…4月18日..中午食左奈和美~去買行山野…食煥記…4月19日..中午食good…去咖啡灣撞到八寶~再去grounding..夜晚去花淥淥為唯三大學同學慶生~…4月20日..星期一~但心情幾好~....4月21日...平凡的一天~今日又實測泰國買既痾屎糖..係得既XXXXD....4月22日...今日中午食左園林~~...4月23日...今日老夫人買左麥叔叔特價餐麥炸雞俾我吃~開心~....4月24日...放工同朗公子一齊去食爀樂~開心~....4月25日...噚日雖然係星期五...但係我同毛寶都勁早訓~~然後勁早醒~~中午去左食文哥~~再去巷弄飲啡~~杯啡都唔錯~~然後去左10幾年都無做過既踩!單!車!!!!!!!!!!!!!再去睇Micheal Jackson~~然後再去grounding~夜晚食鼎太豐~~再去Donki~~~今日節目好豐富~好似踩足12小時咁XXXD



2024/05/01
Day 12(紐西蘭 New Zealand,Lake Tekapo->基督城 Christchurch)
噚晚有開過頭頂天窗~但多雲到乜都無~今日起身一打開窗...厚雲~今日係房食早餐咪唔怕曬囉XXXXD(但我地今日去餐廳食XXXD)

其實個餐廳係非常之細既~食物種類都唔多~




不過除左頭先枱上面哥D...都有D即整既任點~~圖入面都係我一人份XXXXXXD.....然後有職員識講廣東話...好驚慌~~~本身食早餐唔耗時...但係勁岩咀形~~同佢猛傾~~佢話佢本身住澳洲~之後黎左紐西蘭~本身住奧克蘭~之後鍾意住南島~就一直留係南島~(我都覺得南島正~)...不過佢叫我去奧克蘭就小心D財物~




番房攞行李都不忘要影低呢張房入好靚既相...唔知係邊既呢~




check out..搬左行李上車臨走時...頭先好岩傾哥個香港人跑過黎~話想推介我地有D手信可以買番屋企~其中一樣係我地前日買既哥D Maruka蜂蜜糖~(佢都話蜜糖好重~依家次次番香港都買成箱番去做手信XXXD)...另一樣就係呢隻花生醬~佢話如果經開Geraldine...可以去佢間舖Barker's買...D Jam都好出色咁話~但如果唔經Geraldine可以番奧克蘭D超級市場睇下~有時都有~多謝你係微雨中向我地推介~走喇~拜拜~






經過兩小時40分就番到基督城啦~唔記得點解又黎番第一日黎過既超級市場XXXXD




好食到買左兩盒番澳門食XXXD(之後發現澳門有間賣紐西蘭產品店有售)




同埋買少少手信...買定D先...驚去到奧克蘭又睇唔岩XXXXD...我都唔知好無食XXXD我俾哂人或攞哂番公司






買完野去左今既酒店先~由於聽朝搭機去奧克蘭~唔想毛寶一早揸車~所以揀左機場酒店住一晚XXXXXD...住Novetel~1,148.88hkd一晚~每人574hkd~




Novetel賣點係近機場或車站...但呢間我就覺得清潔度就....






我地未還車既~因為機場哥頭都無野食無野行~咁就揸車去番市中心食野行下啦~都係行咋XXD都無咩行同買~係行左手信店加購蜂蜜糖~










原來有電車架~






今次仲早~諗住又去多次Riverside Market睇下有咩食~我地食完早餐就無食過野XXXXD餓~




今次早黎D食肆有開齊~但係行完一圈又無一樣野有興趣食XXXXD










最後行出market外搵餐廳~搵左好耐無乜岩心水...搵搵下我同毛寶講：搞唔掂喇...我餓到手震喇...求其搵間食啦XXXXD....坐低左發現...成間餐廳個環境好似D網紅餐廳咁好好影XXXXD








希望唔好得個樣D野食正正常常就好喇XXXXD




都唔記得自己叫左咩野飲XXXD




House Baked Focaccia Bread..NZD$17=79.9hkd....喂..又真係好味喎~定係因為我餓?XXXD




Crispy Fried Chicken...NZD$22=103.4hkd....喂!好味喎~




係度坐下休息下~食飽又行下~我地入黎食野時得我地一枱XXD




咁食飽緊係行下啦嘛...但老實講...基督城市區真係無咩好搞XXXD




行行下風又大..又凍...不如去食野啦~(又食XXXD)...行黎行去本身想試一間阿根廷餐廳...點知勁多人食~話要等位...所以我地走左~行去另一邊見到呢間靚裝餐廳...帶點北歐風...試試佢~一開始佢問我地有無訂位(但餐廳無人)...我地話無...佢話得呢張2人枱吧枱無位(唔係仲好咩XXXD)...入坐後就越黎越多人黎~~










望餐牌就好似樣樣都幾好食咁~




估計我同毛寶叫左mocktail(估計XXXD)...應該係叫左Nemi Rosa(左)..同Fete Du Citron(右)...各NZD$14=65.8hkd...我叫右邊哥杯...飲落似普通檸檬梳打XXXD無咩特別




其實我地岩岩先食完下午茶...所以唔無好餓...無叫好多野食...先來送既小點~似係個脆杯仔入面唧D三文魚醬咁囉~唔難食既但一般~




Potato Skins, Parmesan Custard...NZD$18=84.6hkd...開頭睇文字覺得好送酒~但食落...薯皮炸到勁硬勁熱氣...入面pat又漏...食左一舊半就無再食~(我地仲講笑話...薯仔用黎做左其他餸...薯皮唔好浪費...仲可以賣錢XXXD最慘我地兩個叫左XXXD)




Southland Lamb Roullade, Peppered Almonds, Lamb Jus....(500gm)NZD$55=258.5hkd...諗住食下羊先~點知...errrrr...其實淨食羊肉係ok既...但佢入面夾住D野一齊食完全唔夾.....我地挑開哂佢食XXXXXD....總結：唔岩我地食XXXXXXD...好彩無叫好多野XXXXXXD

食飽我地就去機場租車店還車~還車就行番機場酒店~方便~









2026/04/25的開心事：
本身以為今日會落雷雨~(天氣報告係咁話)
點知係一個大晴天~

報時：距離北意Dolomites行山自駕遊之旅仲有---49日~