小t: 法羅群島自駕丹麥嘆啡之旅2023-05-31第十二天(大晴天)

11月16日…中午叫外賣去豬子度食~好掛住佢呀~然後去左食ies…睇破地獄…唉..屋企全大廈整公渠…啲水湧上我樓上單位…然後整到我地廚房個頂濕哂….滴水中….11月17日…賽車落大雨…中午食MGM…去ikea買膠箱執左廚房廚櫃啲野出黎先..唯有放廳先…夜晚叫外賣.....11月18日...今日有師傅上黎整..廚房其中一個櫃拆左...雪櫃搬左出廳...唔知幾時先整完；[...11月19日...今日拆條渠..見到屋企亂糟糟..傷心...幾時完；[....今日又滴水...辛苦老夫人.....11月20日...今日落左成日雨....11月21日...無啦啦今日做到爆炸XXXXD.....11月22日...無啦啦今日又咁多野做既XXD..做到氣咳~放工食爀樂補充體力~~~…11月23日..中午食左上河內…終於冬天可以食澤賢記原味雞蛋仔~(冬天同夠乾燥先好食~)….探阿豬~夜晚食煥記…..11月24日…中午諗唔到食咩…食左瑞典咖啡室(即係IkeaXXD)..又幾平幾好食~…又探阿豬…夜晚約老夫人食Don Alfonso~…..11月25日...噚晚成點半先訓得著...今朝起身勁眼瞓.....11月26日...今日同D同事1126...一起登6喇~(好無聊XXD得我地明XXXD)....11月27日...0我~夜晚肚仔痛；[....11月28日...唔通臨近年尾?好似多多地野做~....11月29日..yeah~星期五...但下午勁多野做~放工去左食味藏~仲有秋刀魚食~...11月30日..中午good coffee?(我成日唔記得佢叫咩名XXXD)....然後去左探豬子~食外賣~做咩星期六夜晚咁慘食外賣?因為今晚要去睇陳蕾澳門演唱會~~好耐威尼斯人無開過演唱會!原來之前翻新緊...陳蕾係佢個綜藝館翻新後第一個演唱會~音響D聲係好左既~但噚日唱螢光成大半首個咪無聲~嘥哂陳蕾D力XXXXD....12月1日...中午食馬交..再去toff嘆啡...去Ikea...夜晚叫外賣~

2023/05/31
Day 12(丹麥,哥本哈根 Denmark,Copenhagen->Humlebæk->哥本哈根 Copenhagen)
好喇~今日再重新出發Louisiana Meseum~~

早左少少到~我地決定係火車站隔離間cafe飲左杯提神啡先~真係好舒服~

見到呢個方向牌...記得...同佢指你既方向行相反方向XXXXD

行行下有人無啦啦踎低影相~影乜?XXXD

0我~原來係拉姨帶埋姨甥女既立牌去旅行要攞出黎影影美照XXXD美艷如花的豬子~

行10分鐘左右到~

剛開門爆勁多人排隊XXXXD...一邊係已經網上買左飛~一邊係現場買飛~我地就無買飛既~不過都唔算等得好耐既~145kr.=168.2hkd/人



呢個係一個向海既博物館~舒服~

我地既策略係....人地唔做既野我地就做先!!人地一衝入園參觀先我地就衝去食野先~諗住避開人潮~佢地館內有餐廳~仲要向海~好犯規~好想坐室外...但原來一開場頭一個鐘餐廳得野飲同蛋糕~野食要12點先有~

唯有周圍行下影下先~佢除左展館之外~仲有好多室外既藝術裝置~

咁再行去遠少少睇左草間彌生個藝術裝置先啦~拿拿拿~門口寫明呀...每人限時1分鐘呀~但無人睇既~自動自覺~黎時發現一個人都無~

我同毛寶一齊入去...一打開...華!!!!其實空間唔大架~得一條小走道入去~成間房都係鏡面...連地下都係~空間唔大~但反射到萬千燈泡~好靚好靚~D泡仲會慢慢轉色~好夢幻~

好乖咁1分鐘行番出黎~發現出面一個人都無!!!太驚慌喇!!諗起上次香港哥個每個group得...20秒?？...仲排左一大輪XXXD起碼30分鐘(不過上次香港哥個係黑白波波球加鏡房).....呢度每人1分鐘仲要無人排??...既然無人排....我就叫毛寶幫我開門入去影條片啦~~請觀賞~因為現時睇住佢變色靚好多~

乖乖地影左一分鐘出番黎...咦~除左毛寶仲係一個人都無XXXXD唯有影多個2人版啦~~

影完出番黎係門外企左一陣睇左陣頭先影既片~先有人黎再參觀~~咁我地就去行另外既展覽啦~

衝去食野先喇喂~~開喇開喇~攞張餐牌自己去搵位坐啦~

本來咪話對海很美...我要坐出面既~喂~曬過屎狗...咪搞我XXXD走先~坐番室內望海算喇XXXXXD...查實都無乜野食~

我地叫左可樂~42kr.=48.7hkd...同埋茶~又叫左哥個好好飲既茶~36kr.=41.8hkd...我地仲攞左豬子一齊出黎陪我地食飯~個侍應弟弟見到豬子問我地：呢個有咩用架?....我：for funXXXXXXXXD.....

我地叫左個lunch for two...369kr.=428hkd...乜都有D...D芝士幾好味...反高潮係D包唔好吃XXXD...同埋包唔係好夠~唔夠包送D料...搞到少包多餡先食得哂~咁就咸左少少~

咁就食左447kr.=518.5hkd..每人260hkd...生活真係唔簡單XXXXD

食飽飽我地坐一陣休息就再參觀~呢個就係毛寶既重中之重!!其實係上網睇到呢個網紅位先會想黎參觀!!!

就係呢個展品再加上呢隻超高既大窗!!加上出面既池塘加大量植物..wow~(我見之後去既人同一個位換左另一個展品)....但我覺得呢個展品同呢個大窗好襯...

查實我覺得個展品好似外星人XXD...呢度個意境令我諗起海奧華哥本書D外星人...但我其實無睇過呢本書XXXXD我係聽毛寶講架咋XXXD

呢個位好難等到無人...但咁都俾我地等到XXXD

同一個展覽既其他展品...

睇睇下展覽又可以行出去睇下池塘睇下植物...又睇下小朋友玩超長滑梯~愜意~

又行去另一個展覽參觀~

另一個大型展品~不過我唔太識欣賞~

再睇埋另一個展覽就諗住走啦~

指定動作!去完博物館梗係睇佢附設既紀念品店啦~我仲以為毛寶一定會買小花樽.....點知......

呢張係日本既櫈...澳門都有得買~~澳門賣得平過呢度~(可能真係運費)

點知.....點知呢個人係買張被XXXXXXXXD一碌咁拎XXXD

差唔多走喇~喜歡這個海邊博物館~舒服~

臨走又見佢踎低唔知影咩....

原來又係影個姨甥女~~豬子~~

走既時候門口無哂人~補番無人既門口照~

毛寶係博物館既其他展館既相



好啦~走喇~我地留左係度參觀加食野大慨3個半鐘~乜你攞到張被攞到真永遠咁XXXXXD

我地又坐留火車番Norreport~有豬子陪我地搭車~

番到Norreport周圍行下啦~酒店附近有間賣非洲工藝品既舖頭~

行行下...諗緊...係喎~上網搵下呢度附近有無好好飲哥隻茶先!點知又真係有喎~毛寶好鐘諗哥隻丹麥茶叫A.C. Perchs Thehandel....間茶葉舖好靚呀~~入到去覺得好香~~

不過買散裝唔係幾啱我地~都係買茶包實際D~一盒10包55kr.=63.8hkd...送禮自用都好睇~...我地鐘意哥隻味係Organic sea breeze~我地送左盒俾老夫人同神秘團友~佢兩個都話好正~買左成8盒...都幾佔位~

然後行丹麥版屈臣氏XXXXD乜都有D

估唔到係度買左幾包爆谷番去做手信XXXD不過麻麻好食XXXXD甜到糖尿XXXXD29kr.=33.6hkd

我發現...勁難搵到個郵筒寄信...

吹我地唔脹...真係差唔多一日一杯~叫左另一杯飲~都係stress down最正~

華!哥本哈根都有this this this飯呀!!忽忽飯真係好出名!

今晚無乜心水食咩~前兩日係酒店行黎行去成日見到有個街市加美食中心既地方~諗住睇睇試試~都幾多野買既~

我地最後決定食...海鮮~話哂今晚最後一晚係哥本哈根~賀賀佢~

我地唔係好餓(好少我地會唔餓XXXXD)...叫左呢個有12隻唔同蠔+兩杯酒既set....425kr.=493hkd....

除左蠔之外仲叫左個八爪魚沙律...165.9kr.=192.4hkd...好貴喎喂XXXXXD蠔就有6款試~

睇呢張相先睇到我係北歐曬到幾黑XXXXXXD勝既~聽日走喇~

生活真係艱苦XXXD食唔飽都590.9kr.=685.4hkd

行到出面見到有大福...買個黎咬下~...wow...未食過咁難食既大福XXXXXD

最衰我地太晏~如果唔係我會揀食韓國野XXXD

番到酒店...執下野~順便做埋個快測先番澳門~話哂哥時都第一次再去番旅行~穩陣D費事有病番去傳染俾親愛的老夫人~(之後都無做過XXXXD)

係哥本哈根日日都行好多步~呢日萬五步已經算少XXXXD前幾日去新港行左兩萬步XXXXD

2024/12/1的開心事：
平時星期日我見唔到豬子既~
但今日我幫毛寶上去大比屋企攞D野...
見到隻小肥豬一面~
好~開心~

報時：距離休閒按摩曼谷之旅仲有---17日~