法羅群島自駕丹麥嘆啡之旅2023-06-01~2023-06-02第十三及第十四天(大晴天)

12月2日....以為變好凍~點知又熱番~.....12月3日...華~同同事慶祝今年達標~叫左隻豬番黎嘆嘆~好好味~....12月4日...同左Diana去食飯補祝我生日XXD多謝你~....12月5日..有D唔舒服~抖下~...12月6日...今日開七公哭福!都唔知去到第幾屆了XXXXD.....淨係知笑到喉痛......唔係喎...真係有D喉痛喎....病病地.......12月7日...中午去攞改左既褲..去食好耐無食既牛仔屋~去探珠子....去睇爸爸(係戲!!係戲名黎架!!!!)....再去食鼎泰豐....12月8日...中午去左食魚一..好耐無食過迴轉壽司..我覺得都OK~(合併埋價錢同地點黎講)...探臭豬子...去左百老匯間泰國野試試(好難食)...又貴.....一次都唔應該出現....去左800伴行左陣~....12月9日....中午食左MGM甜點...去左銀河幫人買IPhone..夜晚痴痴貢....12月10日....我俾人傳染左感冒....已經唔舒服左幾日...今日去左睇醫生....12月11日...把聲變變地....12月12日...今日番工環境幾好~有野做得黎又唔係好多野做~…今晚食到好飽~~老夫人去左旅行~我去左毛寶家痴餐XXD…12月13日..放工去左食爀樂~….12月14日…一早去左ikea買夠5件野抽肉丸..毛寶好叻一野抽中Sasa~中午食左醉江南午餐set…探豬子~夜晚食煥記仲有龍蝦吃~..12月15日…中午食左good cafe…探豬子~…痴痴貢~



2023/06/01-2023/06/02
Day 13 ＆ 14(丹麥,哥本哈根 Denmark,Copenhagen->芬蘭,赫爾辛基 Findland,Helsinki->香港 Hong Kong->澳門 Macau)
早呢~今日走喇~我地check out左...就去搵早餐食先~

華~呢度求其去間cafe食個求其早餐都好貴XXXXD...淨係一個牛角都57hkdXXXXXD...兩包兩咖啡既早餐過200hkd...雖然呢度旅遊好舒服......但老左黎北歐旅遊真係高消費活動~




我想講去一個城市旅行係可以睇到哥個城市潮流興養咩狗狗XXXXD之前去法國...見到好多人養柴犬!同埋八哥~...前幾日我地猛行公園哥時就見到好多人養長毛臘腸狗~....但呢日見到有人養柴犬我又好興奮XXXXXD




又搵野行XXXXD...行一陣就番酒店攞行李出機場喇~






又係搭地鐵走~方便~輕鬆~我諗我對呢個城市印象咁好...其中一個原因係佢機場來回市區太方便XXXXD...同埋又唔怕車箱太逼~




15分鐘左右就到機場~~




搭完地鐵落車就係國際航班既Terminal 2~方便~舒服~




self check in先~然後就self bag drop~




臨過海關前見到...咦...果然係lego大國XXXXD好搞笑~




過左安檢又來到購物陣XXXXD我又好認真咁有望喎~我明明平時會直行直過XXXXD




拿!D朱古力配色咁靚!唔買點得!(唔係因為好食XXXD)






梯明明諗住買一兩片(因為都貴XXXD成49DKK=56.84hkd一塊)...點知見佢套裝有個袋仔入住...D配色咁靚...忍唔住入左一袋XXXXD






我係好容易俾好靚既茶罐俾人吸走既人...但我今次忍左手XXXXXD...但其實我想要XXXD




唉呀XXXXD哥本哈根機場好多野睇呀XXXXD回程見到有波特lego公仔XXXXD好想要呀好可愛呀XXXD但我無錢錢呀XXXD






毛寶~帶我走呀~呢度好多波特~好頭暈呀~XXXXD




好!之前講左要試呢間somebody feed Phil個阿Phil都有試過既Gasoline Grill...之前諗住市區見到試~但轉機經過見到機場有就諗反正我地係哥本哈根呢個機場無lounge入到...不如機場食完再上機~附上價錢參考一下~






座位都舒服~唔怕逼逼夾夾~又光~




哥時見Phil係市區哥間食食得好滋味...所以好期待~叫左個original burger combo...DKK165=191.4hkd....應該貴過市區啦~成200hkd一個餐......................................




200hkd好食既話唔緊要...但唔好味呀嘛XXXD.....水流流肉又鞋......搵唔到好食既點係邊......




薯條仲離譜...薯條真係好難整得難食...但佢真係難食...睇下個底仲有一塘油~攞命~下次唔鬼信Phil...XXXD




襯上機前仲有時間飲多杯先~~唔知幾時再有得飲stress down~




機場禁區都有呢隻茶買~不過算啦~如果禁區先買又入唔到行李~




阿姨想飲熱水...呢度又無得好似香港機場咁有得自助水機入熱水...唯有係Starbucks D野飲自助機買個茶...攞個茶包唔浸入杯...然後將D熱水入番落自己個暖杯XXXXD真係好阿姨XXXXXD我都唔記得杯茶幾錢~係gate...等多左一個鐘先上機...delay....應該係之前班機遲左黎....




好啦~走喇~我地搭Finn Air既AY956...係17:00由哥本哈根飛到芬蘭赫爾辛基轉機番香港~拜拜喇!!我一定會再番黎丹麥玩架!










大約個半鐘機都有杯野飲~都ok~...好鐘意佢D餐紙~靚~華!Finnair有100年歷史?wow!




19:30我地就到芬蘭啦~










又番到呢個會令人悶到發慌既機場




7點幾8點D舖就收哂咁滯...算喇...過埋佢個海關入去國際轉機哥邊先食野啦~






過左海關我一心諗住...要去上次去冰島轉機番香港哥間流流地既日本餐食番個烏冬~~~諗到都開心~食左咁多日西餐..點知....餐廳都8點唔夠拉哂閘???天呀!!我想食個熱麵jeeeee!都咁難...望下後面個美食廣場...烏燈黑火...搞乜...咁搭凌晨既轉機客食乜???




唯有行去登機閘口附近睇下仲有D咩...行過見到呢個聖誕老人屋~~好搞笑~影下笑下~










望去後面...喂!!仲有間便利店未收呀!!!!衝呀!!!!呢度食左€24＝206.4hkd....咁都兩舊XXXXXXD...叫做有野落肚囉~不過係便利店形式得齋企住食~....係我地買完之後....佢就收檔XXXXXXXD...好彩...差少少連便利店都無得食...連lounge都收7點....我都唔知你叫凌晨轉機客食乜XXXXD...機上又唔夠野食....




夜晚11點都終於見到日落喇~好啦~我地搭Finnair AY99...係00:35由赫爾辛基飛番香港喇~




網上check in Finnair會系統默認你坐邊個位...你想轉任何位...都要俾錢....就算你只係轉普通位...那怕轉個最差既位...都係要俾錢!...佢排法係3-3-3....去程我地坐中間哥行...咁係最好~我去廁所又唔使讓人~但佢回程編左我地坐側面好彩唔係窗同中間..係中間同通道~但都有壓力XXXXD....點知一上機....我地個客艙...得我地同後面情侶都係3個位兩個人坐!!!咁都好D~又開心番~




咁岩跨月份再坐正常有D新戲睇啦~磨拳擦掌睇下有咩睇先~我碌黎碌去...碌黎碌去...成個娛樂系統....得......7套戲....真架?XXXD...仲要唔係套套想睇...對John Wick有興趣...但我無睇過前面哥D呀....得John Wick 4我唔知點好XXXXXD...點算...成13小時機XXXD...係咪會又餓又悶XXXXD




碌碌下...空白一片...我知喇!係咪重設系統呀!唔係得7套戲既~.....點知過左一陣重新開....都係得7套XXXXXXXXXD




然後無啦啦開始派野飲~我仲諗咁好死走一轉野飲小食先?~所以我叫左tonic飲飲~(又唔見佢放低小食)




飲緊野哥時轉個頭就派餐!!下!我以為走兩轉野飲所以第一杯叫左Tonic water第二杯先諗住叫酒添!!以~~~~~




雞肉飯?仲要係我最憎既幾穀米?...其實真係唔夠飽架；[...D冷氣又凍....查實你唔想浪費個餐唔整咁大個原意係好既...因為真係有人會食唔哂....但係個餐其實以10幾個鐘既機程中間無任何小食黎講....係真係唔夠飽...你唔提供中間小食都ok有D人真係唔食...咁但係大佬...如果個客餓都提供少少野食都唔過份丫成10幾個鐘喎.....仲要人俾錢先有野食有野飲(水除外)...我覺得呢啲唔係環保...係你姑寒咋...........張機票都唔係特別平..依家連航程都無優勢....






成程機得7套戲淨係睇左Magic Mike last dance...所以其餘時間都係訓~同碌下個地圖....睇下依家打仗兜路行飛遠左幾多?




到臨降落前既一餐...由於係fb有follow一個page專係講飛機餐...之前已經有人post過呢個一pat野既豆腐豆飯XXXXD..勁醜樣...不過講真...其實唔難食.....但真係一粒肉都無XXXXD姑鬼寒...無咩事我都唔想再坐Finnair






同一日大約17:45就到左香港...到地發現...以前好興既機場船(係出發前已經知...當時係一星期得兩班...亦睇過唔岩時間)...諗住搏下仲有無機場巴士番澳門...係真係無XXXXD...勁早就收哂...18:00已經無車番....成個counter好吉XXXD......所以...唯有要入境香港再自行去港珠澳轉金巴番澳門.....




入左境之後...我同毛寶講：我好餓呀~不如我地食埋野先慢慢走咯~....就係咁...我地揀左XX拉麵小籠包食...咁多日無食中式野本身仲好開心...但係...勁爆難食....真係好難食XXXD...叫左幾樣野食...最好食係青瓜XXXXXD
然後我好懦弱...唔想搭巴士去港珠澳..我走去搭的士...然後去港珠澳又一定要搭藍色的士...然後的一上車...司機同佢fd講WhatsApp就俾說話我聽：第4單港珠澳喇!.......我都知搵食艱難..通常我搭的士我一定會俾貼士...我呢次都有俾...但如果係好既的士司機...我會俾再多D...XXXXXXD...我想問...我去港珠澳一定要搭藍色的士...而藍色又特別少...關我咩事XXXXXD....其實都唔算太特別短.......我覺得港澳既的士司機都好難服侍....



總結：
1.使費：11,120.2hkd(香港來回丹麥及丹麥來回法羅機票+改機票附加費)+9270.8hkd(11晚酒店)+4,393.5hkd(租車+保險+隧道費)+780hkd(Boat trip)+14,321hkd(食買玩使費+來回港澳交通)+370hkd(旅遊保)=40,255.5hkd每人~都ok既~成14日北歐既旅行~
2.作為疫情後第一個旅行....開心又深刻~哥種開心~好難用言語表達~
3.法羅群島真係好正~又唔算好多人又唔算太無人~好舒服~當地人對遊客都好友善~希望之後多人去哥時唔會變質(其實好難)
4.法羅行山其實真係舒服既...雖然我成日呻攰...但enjoy~同埋今次有兩支行山杖真係幫輕左好多~
5.對上一次去丹麥留下壞印象...但今次又完全觀應大反轉~超級nice~今次哥本哈根正到2024計劃旅行時想去多次XXXXXD(但無直航又好卻步)...我會再去丹麥玩~雖然好貴~
6.Finnair真係搭左好多次...但今次我真係怕怕..又凍又餓XXXXD
7.hey!法羅既wind dry lamb真係超級正~我會為左wind dry lamb而去多次法羅XXXXXXD同埋我要再去食羊架~

~The End~

~多謝收看~

2024/12/15的開心事：
平時星期日見唔到豬子~今日見到~

預祝大家聖誕節快樂~

過節開開心心~



報時：距離休閒按摩曼谷之旅仲有---3日~
好開心~好快可以去按摩~