2023/05/30
Day 11(丹麥,哥本哈根 Denmark,Copenhagen->Humlebæk->哥本哈根 Copenhagen->Emdrup->哥本哈根 Copenhagen)
睇個路線以為我地今日行程好豐富?睇落去就知咩事XXXXXD....早呀~今日又是一個大晴天~
行番去酒店右邊個站...望下D牌...又喎似要搭去哥個站名喎~
點知原來係酒店左邊哥個站...到底點分?名又一樣喎...唔緊要啦~買飛先~
我地要搭去Humlebæk~個方向係Helsingor...但我地買錯飛...因為Helsingor係尾站...Humlebæk應該唔使咁貴~又亂黎添~176kr=204.2hkd兩人~正常應該係148kr.=171.7hkd兩人~
買飛哥度已經有電視望下有邊班車最近到同去邊個月台~去到月台再confirm下啦~我地就係搭RE2216呢班~仲有3分鐘就到~
都算準時既~不過過左都唔緊張既~10幾分鐘有第二班~不過可以要再睇月台~係兩層火車呀~
坐上層~呢隻車都算乾淨~(同巴黎哥D比XXXXD)
其實我都唔係好識搭車...不過可以上呢個網站rejseplanen.dk...查到點搭車~
去到Humlebæk大約30分鐘~都幾快~我懷疑成架車既人都係去呢個博物館XXXXD...咁我地一落車~就見到我地要去既Louisiana Museum既方向牌~咁我都打算跟住個牌行...點知呢個時候有個婆婆行埋我地身邊....猛咁指手劃腳想同我地講D野...婆婆應該唔係好識英文...係當地人....係身體言語協助之下...佢原來想話我地知...同呢個牌相反方向咁行...係會近過跟方向牌行...wow~多謝你~
咁行相反方向原來係內街民居~都幾好行~
然後沿路行會出番大路...再繼續向前行~過對面馬路~
然後就會黎到架喇~路程15分鐘內~我地黎到哥時...未開館~我地諗住排隊買飛~咁一路排一路上網望下佢網站睇下入場券要幾錢....我地想黎呢度除左某個展覽某個位我地好想親眼睇到~仲有發現竟然有草間彌生展~....點知企係度上網一望...下!草間彌生館今日休息?!....再睇...休館淨係休今日...聽日中午就訂左餐廳食飯....即查睇下餐廳改唔改到今日中午!...改到!提議毛寶將今日同聽日既行程調一調~然後我地兩個都唔介意浪費多次來回車飛~而且車程唔算遠~好~聽日再黎~
好喇~走喇拜拜XXXXXD我地買飛出番市區~~去食中午飯喇~兩個人去旅行既好處~就係話調就調~(其實天團都試過XXXD)
好~又係半個鐘番到去~
然後!!我坐緊車番去時睇番個訂位e mail..我咪好鐘意要求窗口位既....頭先心急得滯改時間手快快打左個要求...你自己睇XXXXXXXD....我手快得滯打左may i have a window?XXXXXXXD....我同毛寶講：死喇間餐廳一定覺得我痴線XXXXXD
好啦番到Norreport就行去食中午飯既餐廳~我揀左之前都攞過米芝蓮既Vækst...可直接上網book...唔難book~
搵左好耐個門口係邊XXXXD...然後面懵懵問坐係門口chill緊飲緊白酒既兩位食客請問知唔知個入口係邊XXXXD....原來係後面~原來餐廳連住間酒店~然後我有同侍應自首....話自己打錯字XXXXD...request左要window XXXXD
除左因為佢攞左米芝蓮之外...我上網睇到係俾佢咁靚既餐廳吸左去XXXXD超級靚超級少女~
超級好既採光~~仲有個好靚既玻璃屋~~上網睇話係溫室會種D餐廳會用到既材料~好靚~
好啦~睇下餐牌先~睇下有咩好吃~
查實都係食set既...佢都有單點既~不過都係set入面既野單點價~選擇一樣...所以正常都係叫set...佢個set係3 course...375kr.=435hkd....佢有素食set既~(但價錢一樣~)...
然後我係真係想試下wine pairing既...但每人一set完全會成個人訓低...虛弱地問佢我可唔可以只叫一set?其實意思係想問佢可摸耳唔人頭一set....另外一人叫其他野飲(因為有D要全枱叫相同既野)...點知佢應該誤會我意思以為我想share：sure~.....然後每隻酒都自動波俾兩隻杯我分裝XXXXXD....人真好~當時一set 3款wine pairing係250kr.=290hkd
先上麵包~~超好食的麵包和牛油~
Amuse Bouche~又係waffle?不過好食~同埋細細地幾好~唔好一舊塞飽我~
starter係Salted Cod...剛好玻璃上的陽光打落葉上~造成彩虹~覺得北歐野個starter都興做魚生輕醃(好土炮既講法XXXD)..唔會唔好吃~
上主菜前又有個我都唔記得佢係咩既清清個口再上主菜~連好無味都無記憶點XXXD
佢個set本身個main係食魚~但可以加錢轉牛~佢見我地叫左一牛一魚...佢仲好人到哥一set wine pairing俾半杯紅油半杯白酒我地試~人挺好的~
魚既dish係fired hake~個魚幾唔錯...仲勁大舊~
另一個main我地加左85kr.=98.6hkd轉左grilled striploin~牛好食過尋既哥舊個汁都好食D無尋晚咁漏~仲有薯蓉~幾唔錯~
開心~好似曬到黑黑地XXXD
最後上甜品既酒~好彩兩份飲XXXXD...我已經飲到覺得自己好眼訓XXXXXD
Yoghurt Sorbert~好味唔漏~
最後係送既Petite four...我地另外每人叫左杯咖啡~估唔到Petite four粒朱古力勁好食(我不喜食朱古力)
今日中午食左1,248kr.=1,447.7hkd...每人723.8hkd....今日中午同噚晚哥餐...兩間都有攞過米芝蓮..兩間都輕鬆格局...兩間價錢差唔多...服務都好~....連set既內容物都差唔多...兩間相比...我會揀今日呢間Vækst~我覺得岩我口味D~
唔知毛寶又鍾意邊間多D~
喂!食飽飽飲左酒又眼訓~勁想放棄調左既下午行程番酒店訓XXXXD...但我地最後戰勝睡魔~行去搭火車去下一個景點~車費48kr.=55.7hkd2人~
搭火車由Norrport去到Emdrup St.~
又搭到另一款火車~
大約12分鐘左右就到左~喂~烈陽呀喂~
然後大約由火車站行過去又行左....大約15分鐘度~...期間又經過人地民居後欄XXXXD
咁樣行下~影下~覺得舒服~好鐘意on99既自己~
來到了~我地想參觀呢個管風琴教堂(Grundtvigs Kirke)...網上睇D網美影得好靚~
開放時間~好彩趕得切黎~我地到達係3點~佢4點關門~
勁好影~可能因為佢樓底超勁高~所以覺得好靚~
睇下個女仔幾咁靚~
影完一輪我地又搭火車番Norreport~買番杯心愛既Joe Joe先~好爽~
商店街今日D舖開番哂~行下先~
第一間衝既梗係HAY啦~~~位於Østergade行人途步商店街上既HAY旗艦店~
有傢具showroom又有家品賣~心心眼~
我超鍾意佢超光猛~
中間仲有條通花樓梯...勁靚~
點解咁想行HAY...因為疫情期間無野做又無得去玩...養成好鍾意行Gorilla...睇同買北歐家品雜貨~咁可以去到原產地唔使俾多D錢...咁梗係諗住買買買係咁買啦!!...望完D野一輪...喂...原來Gorilla唔係賣貴好多咋喎XXXXD仲唔使自己攞XXXXD
呢個人本身已經攞住個貓貓鐘係身~又睇緊啲匙羹...大手買入咁款...點知最後佢放番低哂XXXXXXXXD不過呢啲匙羹好驚攞到番去會爛~
第二樣想買既野係枕袋~但係...好難搞~因為佢地好興正方形既枕頭XXXXXD正方形喎~我搞唔掂XXXD
我覺得意思意思都要買少少野既~我最後買左環保袋~拼布款~好靚~不過都唔平~我買左一大一小..攞到番澳門我問老夫人：你想要大家細?....點知我老母答：我兩個都想要喎.....我：下?.....就你咁我俾山賊打劫左XXXXD
係呢間我唯一買過又屬於我自己既野就係呢個HAY牌紅白藍XXXXD
同埋...影左張相(?)
再周圍行下啦~行過H&M Home...又行過一間時裝店附設既cafe~都幾靚~
之前係大阪有行過呢間flying tiger~終於黎到原產地~~..毛寶竟然有野買XXXXD..全部都係買俾菓子軒XXXXD
行過酒店附近超級市場~入去望望
完全無野入到手XXXD...呢個err...errr...errrr...好似冰島手信哥D poo poo之古力XXXXD
由於連續兩日食左大餐...同埋食左好多日西餐...真係好想食亞洲野...於是毛寶上網搵左越南pho食呀!!激動!!...叫Pho Hanoi...呢間應該係哥本哈根都幾有名氣...而且都幾多人食!!我地無訂位...但我地早~所以岩岩好仲有2個位俾我地~
叫左每人一杯Lemonade...每杯45kr.=52.2hkd...甜到糖尿.....太魯莽...應該叫兩人一杯....
華華華~食左咁多日西餐~見到都開心~我是亞洲胃無誤~
我叫左Pho Hanoi Special...130kr.=150.8hkd...一飲啖湯...唔~我覺得上次巴黎哥碗正D~粉質都......但係!真係太耐無食亞洲野之下...呢碗係上品!
毛寶就叫左Pho Hanoi~125kr.=145hkd
標配一定要叫春卷~60kr.=69.6hkd...我好少會覺得炸野唔好食...呢個係真係唔好食XXXXXXD
今餐食左405kr.=469.8hkd...每人235hkd...都ok啦~
行番酒店途中又見另一間超級市場....又入去睇下...呢間大D..但都係無野岩買~
又行過呢個公園散步番酒店~
2024/11/15日的開心事：
同公子聚左個餐~
報時：距離休閒按摩曼谷之旅仲有---33日~
我第一次去飛前一個月先買機票XXXXD
機票唔平~但係酒店補番~
因為hotels.com rewards有兩晚送...
本身諗住3日2夜...點個住多晚俾一晚酒店錢
3日3夜仲平過3日兩夜...
好啦...我唯有辛苦D放工就飛啦XXXD
沒有留言:
張貼留言