法羅群島自駕丹麥嘆啡之旅2023-05-28第九天(陰天及後晴天)

9月8日....中午食左Fika~下午做家務~夜晚外賣泰餐….9月9日…一~個~悠~閒~的~周~一~.....9月10日...又到教師節~D小朋友又放假~~....9月11日...今日又反高潮超級靜~收航空公司send e mail黎話去沙特班機delay 1小時多.......9月12日...今日又收到航空公司e mail...沙特回程航班...又delay一個鐘...搞乜?......家陣我日日最期待係每日睇新聞睇到海洋公園兩隻熊貓bb既近況~真係好可愛XXXXD.....9月13日...呢日我放假去陪老夫人做正經野~但之後頭暈暈番屋企訓左成個下午…夜晚同七公子去灃收同毛寶慶生~…9月14日..中午食左名馳牛肉麵..勁口渴..去攞集運..再去揾豬子…夜晚痴痴貢去煥記~….9月15日…中午食Terra...去左800買鞋~番屋企耍廢訓左個好靚既美容覺XXXXD...夜晚又叫中一間唔太好食既外賣....9月16日...平常的工作日~....9月17日...中秋節~~估唔到今日先遲收工~同左老夫人食當奧豐素做節~....9月18日...中秋翌日放假~中午去左mgm食蝦米~再去左路環飲咖啡~再去同豬子玩~再去食風味居~.....9月19日...以為放左日假會好多野做...又無喎!...好彩前幾個月勤力咋~...9月20日...放工去左食味藏~....9月21日..今日好多野做~決定提早出Blog~~中午約左唯3大學同學仔為毛寶慶生~又揀左雅吉~...然後今晚係心愛的豬子4歲生日會~好~開~心~



2023/05/28
Day 9(法羅群島,托爾斯港 Faroe Islands,Tórshavn->丹麥,哥本哈根 Denmark,Copenhagen)
早晨~我地晨咁早起身~食少少自備早餐~飲杯咖啡~(雖然包早餐但真係太早餐廳都未開~)...先岩岩日出~

睇下早到XXXXD走既時候先岩岩日出~




用好天氣送我地走嗎?有D唔捨得添~開車時先清晨5點2XXXD








大約50分鐘就到左~到左就去番指定停車場還車先~今次旅程行左3675KM~






泊好車我地就行番去機場哥邊~行過呢條通道時見到呢部機...話online check in左可以係度print行李張野...咪試下囉~點知bit完個QR code...佢話已print out...但無出過野...我靜左~






諗住行番入去正正經經搵呢D機再print張tag...毛寶順利搞掂...我就因為頭先係出面機搞round左D資料...所以呢部都話已出tag....




諗住搵人手幫我搞...未開XXXXXXXD...調去後面望..連security check都拉左閘未開XXXXXD我明明記得我搭哥班唔係第一班機喎XXXD我地有無早到咁呀XXXXD






竟然紀念品店早過航空公司個counter開~望下先~拿...佢地普遍D磁石就係咁hea咁醜XXXXXXXD終於影到俾大家睇~真係無咩買XXXD






等左一陣counter開~攞番我張tag~再去self drop off~




寄完行李security check都開喇~好啦~~拜拜法羅~我地一定會再番黎食wind dry lamb架~(呀不是).....你地唔好走住呀~~~我地拜拜法羅咋~~未完架~仲係哥本哈根留幾日~




又返回原點....第二日到哥時落機都係經過呢度~




咁距離上飛機仲有時間~咁我地就坐低食D野先啦~不過咁早佢無乜選擇~...每個牛角包20DKK=23.2hkd...咖啡忘了幾錢~






好啦~我地都係搭番Atlantic Airways...RC450航班...係08:20由法羅群島飛番丹麥哥本哈根(Danmark, Copenhagen)






拜拜!真架~我地會再番黎!






好準時~11:23就到哥本哈根~華~勁好天呀~哥本哈根快法羅群島1小時~






落機係禁區就見到完全self-serve既7仔~想試~係咪嘟左信用卡先開閘入?




好囉唔使過海關就去攞行李啦~係行李輸送帶見到一大堆人....突然覺得自己呢幾日係人煙稀少既法羅...真係好舒服XXXD




由於係法羅一蚊現金都無換過~我地本身既諗法係點都要換少少傍身既....到依家....直行直過XXXXXD決定一蚊都唔換XXXXD




好啦~出左禁區睇Metro指示行去搭地鐵出市區~




我地係自助機就咁買飛...我地無買到D乜乜pass...因為我懶我無研究XXXXXD....呢部機唔難用...係分zone幾多劃分去俾錢~係呢D機買我地咁多張卡得中銀Visa時尚卡以paywave形式先俾到錢....errr...去北歐記得咩卡都帶下....我地依家個站去酒店個站係zone4去zone3....每人30DKK=34.8hkd






如果真係唔識用...另一邊一大排機有個職員係度幫你~




好啦~買完飛去搭車~指示都清晰同堆都方便~






好~機場出市區唔使諗搭咩線~就M2線~機場係總站(紅線)~我地酒店係Nørreport站(綠線)~之前上網睇...D人就話住Nørreport或者Kongens Nytorv都方便~不過我貪Nørreport有火車站~好似再方便D所以揀呢個站搵酒店~搭9個站就會去到我地酒店個站~




我記得月台兩邊一樣車一樣方向...係前後開出分別~(唔知有無記錯~)






我覺得哥本哈根機場出市區優秀既地方係...一D都唔難XXXD搭地鐵就得~而且....快呀!!機場出到市區好似我地咁搭9個站先15分鐘~好好天呀~




15分鐘~到了~~






佢地鐵路線圖唔難既~就得咁多~(但仲有火車)




我唔愛D女仔行得多!(D女仔係我XXXXD)...一出地鐵站就望到酒店係對面XXXXXD...好難發現酒店門口~門口勁細~好彩一早上網望左...唔係D好華麗既酒店~但真係同地鐵站超級近~我喜呀~無紅綠燈既站距離係...1分鐘?XXXXD門口在兩植物中間~....reception不在地下層~酒店叫Scandic Norreport...




由於我地都幾早到下..中午12點幾就到左酒店...我地問有無得早D有房~因為佢話有D早~所以想早D有房咁要俾250DKK=358hkd...我同毛寶都覺得：俾啦~仲著住法羅D行山裝~都想放低行李...整理下自己先舒舒服服再出發~然後reception同我地單單眼：俾高少少樓層你地~.....行入房發現.....佢俾左無障礙房俾我地XXXXD...拿拿拿我無訂架佢俾我咋XXXD....我本身book哥間真係勁勁勁細....轉身都有困難哥種....點知我地俾多358hkd早左check in呢幾日都住到間大D~真係好大...衣櫃係另一邊~仲有一條窗台梳化位~4晚費用6,880.14hkd...每晚1,720hkd...每人每晚860hkd~房內無水煲~用咖啡機出熱水~






房外景觀~無咩睇~望過對面啡色頂係火車站~另外一邊又有另一個唔同既火車站....我到依家都唔知點分XXXD名就一樣但去既地方又同但我又搭岩車XXXXXD




好喇~有人打扮到靚靚香香就出發喇~酒店行出黎附近都有野食~最黎見到佢....我揀你~~~(依家仲係一蚊現金都無XXXD)...記唔記得~我地就係之前係機場轉機飲到一杯好好飲好好飲果汁既Joe & the Juice....周街都有佢~不過佢入面D位好污糟~買完出外面D露天位食~






好成功~買果汁都係可以用信用卡架~我放心喇XXXD...換左去街衫衫~~一杯果汁兩份~一個包包兩份食~唔食咁多住~好快又去食野~天氣好好~坐出面食都好舒服~(但坐坐下又覺得凍XXXXD食完野我地又番去加衫XXXXXD)




叫左杯Prince of green...61kr=70hkd....我都係覺得stress down好飲D~....仲叫左個JOEs Clubs...67kr=77.7hkd....都好味喎~不過我發現佢加價加得好犀利...果汁舊年賣緊61kr...今年賣73kr...






番去酒店加番件衫~暖哂~再周圍行行~諗住望下有無靚靚手信...同埋想買番之前黎哥時有D好靚既屋仔磁石...諗住擴大版圖~點知....喂..點解D手信咁醜既XXXXXD






我地今晚訂左海鮮餐廳食飯~但同酒店有D距離~.....但我地決定慢慢行去~反正今日無安排做D咩~(其實係懶睇點搭車~)




順路經過公園~橫掂都行~行公園都好舒服~今日星期日~都有好多人黎公園攤係草地放空或者同朋友傾計~公園勁大~








好天氣~又唔熱~我就好樂意行既~我當散步~






行左大約半個鐘度~我地就行到黎今晚食飯既地方~呢個區域前身係屠場...依家改建左有好多唔同既餐廳~




我地今晚既晚餐就係訂左呢間有米芝蓮推薦既海鮮餐廳Kødbyens Fiskebar.....我同毛寶係疫情哥時好鐘意一個Netflix播出既旅遊節目...叫Somebody feed Phil~佢都有黎過呢度食~所以...好多情感加埋...試試佢~我試官網有得訂位~方便~見唔見到仲係好曬?因為我訂左5點半食飯XXXXD




訂左窗邊位~(又窗邊?!未曬夠?XXD)....餐廳走工業風~感覺輕鬆~




睇睇有咩食先~






叫野飲先~我叫左杯德國既白酒100kr=116hkd...毛寶叫左Copenhagen Orange...115kr=133.4hkd....其實係橙味既gin tonic~清爽~




野飲黎左~麵包跟住上~之前上網睇...D網友都話佢地個包好味....佢地個酸種麵包真的不錯呢~~加埋個海苔牛油~wow~




梗要叫叫生蠔賀賀佢~(賀D咩?XXXXD)...佢都有幾種法國蠔既~但之前咪話丹麥D蠔太多破壞海洋生態叫人去幫手食既...咁梗係要試試佢啦~~叫左半打來自Limjorden, Denmark既Gigas #2-3....210kr=243.6hkd.....雖然大細係#2-3...但我無諗過細成咁...係奀瘦呀!...咁都成40hkd一隻???40hkd喎!!右上右下哥兩隻開左出黎唔可以serve俾客啦下話XXXXXD直頭未成蠔形咁款XXXD




就算味有幾好咁細都嚐唔出有幾好XXXD...呢個價呢種質素呢種大細....我不如...係澳門食法國蠔XXXXXXXXXXD..我己經無話去法國食法國蠔架喇XXXXXD






Squid-North Sea...215kr=249.4hkd....係澳門睇餐牌時就驚叫：一定要試~~~~魷魚麵呀~毛寶最愛~....但.......覺得一般...因為澳門之前有間餐廳都有整...但配搭上我覺得澳門間餐廳好食過呢個XXXXD...但理論上呢度新鮮D應該好食D架嘛~




Razor Clams-Holland....155kr=179.8hkd...還好~(法羅哥時食到哥隻好食啲XXXXD)




Blue Mussels-Limfjorden...165kr=191.4hkd....終於有D平少少同埋好味既野~呢個青口新鮮既食得出....簡單咁整就已經好好食~但你過驚艷又無....因為我最近係澳門某海鮮飯店自帶新鮮藍青口去俾佢整白酒煮藍青口....好食過呢個XXXXD哥間中式海鮮飯店先叫驚艷XXXXXD佢整得好食過全澳全部西餐or法國餐廳XXXD




咁就食左1,000kr=1,160hkd....你話全餐都海鮮又唔算好貴...但又唔係話好好味...睇佢D蠔就覺得唔值XXXXD...就算再去丹麥..我應該唔會再去~




頭先入去食時無乜人~一出黎就爆多人係室外位chill chill過周末~如果真係想試就記得網上訂位喇~




食飽飽又行番去酒店~經過間門面好靚既酒店門口~




行過雪糕店~~~~點會唔食甜品~~~衝~~






兩球46kr=53.4hkd....我地仲要每人叫左兩球...發左達呀XXXXXXD...我唔記得自己揀咩味XXXXD因為佢D牌寫丹麥文XXXXD






又行過停低睇既係Aesop~因為去澳門哥間時D姐姐話間間Aesop都會唔同裝修風格~參觀一下~外面望咋~因為過左營業時間喇~






7點幾8點...仲係咁曬~夏天去北歐真係好多日光時間用~




想俾大家睇下我噚日朝早因為摵膏布而扯甩既腳底皮....都幾大忽下~又唔敢俾正面大家睇XXXXXD...側面都睇到D皮竅出黎；[...痛到貼左膠布行路都痛；[...然後因為行路塊膠布成日移位...要成日換...但自己又無帶膠布XXXD...猛用毛寶帶黎哥D....但都差唔多用哂喇!!









2024/09/21的開心事：
一早起身搵哂d去佐賀既mapcode喇~~
同埋今日要開兩個生日會~~~



報時：距離毛寶生日台北慶生之旅2024仲有---6日~
報時：距離與三老小孩佐賀自駕遊之旅2024仲有---27日~
報時：距離沙特阿拉伯打卡之旅2024仲有---41日~
仲有一個禮拜左右去台灣了~
緊張~可以試到想試兩年既餐廳喇~
下次出blog應該隔多1個禮拜~
就番日本出發加沙特~~
訂左機票先發現...
原來佐賀同沙特個旅行只係相差一個禮拜XXXXXD
執篋都有排執XXXXD