法羅群島自駕丹麥嘆啡之旅2023-05-26第七天(晴天變陰天及後轉大雨)

8月11日...中午食左馬交~然後買左兩條褲~攞埋去改~改哥時又飲多杯咖啡XXXXD...番屋企無耍廢...訂今年最後一個旅行既野...因為之前睇左好多資料...都無乜好多資訊...所以之前一直無講XXXXD...咁訂左來回機票之後..依家訂左3程內陸同埋其中兩間酒店~雖然到依家都對呢個旅程好矇查查咁~XXXD...唔緊要..報左時先~~夜晚叫外賣(又叫中難食的).....8月12日...今個星期一明顯人流少左~比起上兩個禮拜~....8月13日...今日可以話無野做XXXXD....8月14日...無啦啦今日中午落爆勁大雨...好彩岩岩好番到公司~....8月15日....朝早番左工之後又落好大好大雨!!!夜晚媽媽整左咖喱牛脷~…..8月16日…華華華星期五喇~毛寶問我想食咩~我話想食肉~去左六本上牛~但..........我覺得以前好食D.........................8月17日....毛寶番工...中午約左朗公子食關東煮~然後去睇異形~夜晚痴痴貢~之後諗住訂埋沙特D酒店~點知睇極唔啱心水~....8月18日...中午買野食去見豬子~夜晚叫外賣…8月19日…今日番工雖然好多野做~但係空氣清新神清氣爽~....8月20日...過左星期一...又開始少生意....睇黎9月都係凍過水XXXXD...8月21日...又~一~個~空~氣~清~新~既~工~作~日~....8月22日...今日得半日清新；[...下午臭架~....8月23日...yeah~yeah~yeah~星期五喇~放工去食味藏~好耐無食~好好味~今日好乖出BLOG~聽日好忙要去香港睇演唱會~~~~~



2023/05/26
Day 7(法羅群島,托爾斯港 Faroe Islands,Tórshavn->東島 Eysturoy->Tjørnuvík->Saksun->托爾斯港 Tórshavn)
早呀~~華~好似好好天喎~~~噚晚訓得好好呢~

好~開~心~今朝終於有早餐食~我地見酒店靚靚~加左每人200hkd嘆番個靚早餐先~攞野食位大就唔算大~




雖然唔算好大但係都幾岩食~












仲有即整奄列~好味~好似食左兩轉~有窗邊位坐~舒服~




開頭以為係D乜~原來係茶包~過癮~




check out時係酒店紀念品店求其買兩張postcard先~因為到目前為止...有無人發現?係真係無買過野架XXXXXD外國D景點咪好興係景點隔離有紀念品店殺殺你荷包既?...呢度係真係無架XXXXD連人都好難有XXXXD...見呢度有...買住先~點知見到...D郵票勁靚!!




仲有聖誕節郵票~




我係酒店門口等毛寶揸架車過黎上行李時...竟然見到法羅的士~~個車牌真係會寫TAXI XX~~專門的的士車牌~




好啦~出發~雖然噚晚酒店好正~但今晚哥間我都期待左好耐~~咦~頭先唔係好好天既咩??






揸左唔係好耐就黎到今日第一日景點~有無見到?XXXXD...我地其實依家係個景點對面XXXXD




就係Fossá Waterfall~呢條係法羅最高既瀑布~遠望水量好似唔係好勁~




我地係對面望過去時~就望到下近湖邊有間屋....華~住係全法羅最高瀑布對面~咁招積~我地去左另一個景點先再過對面參觀你呀下~




再揸左一陣...係呢個位停一陣....除左呢個點望出去望落下面個鎮幾靚之外....仲企係度諗左陣條路要點行XXXXXD因為諗緊行唔行得XXXXD因為佢有個牌話某某某情況唔行得...我地停係度諗緊家陣係咪哥個情況時....見到當地人fit一聲飛過XXXXXD




好啦~跟上~沿路上去到某個點?唔知點形容...都係睇mapsme行....見有景點停車位就係呢個點望下陣間都會睇既景點~就係遠遠哥兩條海蝕柱Risin和Kellingin......拿拿拿...又有神話...我上網睇架咋下...相傳阿冰島巨人Risin..見到法羅群島好想佔有佢...叫埋佢老婆Kellingin一齊去拖走法羅...點知?法羅穩如泰山...天光了...佢兩個就石化係度......唔知點解海蝕柱既神話必定係想黎攞D野走唔切然後天光然後石化企左係度......冰島黑沙灘又有類似既神話故事~...呢個位睇其實有D遠~








好~再出發~好似開始有少少落雨~






好喇~~揸到黎呢個Fossá Waterfall~終於來到瀑布底下~






去下一站時係山上路又見Risin和Kellingin~唔同角度望下~




好喇~就快到達下一個景點喇~唔得唔讚~我用緊CTM個一年全球15GB漫遊~黎到呢個位都收得超清XXXXXD






來到了Tjørnuvík~~我開頭以為係mapsme見到information字樣以為係有人資訊哥種...點知係呢個牌XXXXXXXD




呢個又係一個峽灣小鎮...真係勁細~有個沙灘...我地行左落去睇下~又見到Risin和Kellingin~超洶湧的海~個天好黑~




自從行完噚日Kalsoy個山之後..我就問毛寶：無山行架喇可?....毛寶答：無架喇........喂...點知原來要睇呢個馬蹄型峽谷...係要行山既XXXXD....然後我話：又話無山行既!....毛寶：行啦~好靚架~...........好彩我無扭計跟住行咋....因為呢個係我係法羅其中一個好鐘意好鐘意既景點~同埋有行山杖行其實唔算難~




又無乜話行到邊個位最好~因為越行越斜...你都有可能行唔到~行到你行唔到時....望番轉頭...華!!!!好靚呀!!!!唔算行好耐唔算好難~好值得黎~~望住呢個景~覺得好舒服~




去完Tjørnuvík之後我地就去另一個景點~途中又有羊羊過馬路~




落雨濕濕下到了~就無被喻為明信片咁靚既Saksun~






不過呢個時候都幾大雨下~已經成身濕哂~無乜心機慢慢影~










太大雨喇~走喇~~走既時候又要讓....欸?....除左羊之外仲要讓埋鴨過馬路?!?!...好搞笑XXXXXXXD勁我行我素XXXXD




有無人發現....我地呢日...係無食過中午飯XXXXD....果然早餐係好緊要~我地決定依家去食左野~先至去酒店check in~




今晚晚餐又係期待好耐~因為我地今晚訂左食日本餐呀喂~~第七日~已經好想食亞洲野~~~~今晚食Etika~...佢有3間分店...首都有兩間...我地揀左去Áarvegur Tórshavn...地址：Áarvegur 3
100 Tórshavn....點解揀呢間呀?因為我鐘意呢間個外觀XXXXXD.....可上佢官網訂位~






我地今日勁早食夜晚飯XXXXD...5點3左右咋~早D食啦~今日無食中午飯~~早左黎又有位~iPad餐牌~




呢間飲水每人要俾20kr.=23.2hkd...不過佢有講係for enviromental purposes~我叫左杯凍既sake~115kr.=133.4hkd




叫左個刺身拼盆Sashimi indulgence....335kr.=388.6hkd...黎到嚇親我....4舊水多到咁XXXXXD....其實最想食langoustine...不過我想講....呢碟野全部都無乜味XXXXD




枝豆...35kr.=40.6hkd...正常野~




我都唔係好記得呢個係乜...好似炸蝦卷既物體?...99kr.=114.8hkd...麻麻~




Chicken dumplings with chili sesame oil...90kr.=104.4hkd...errrr....以為佢煎...望落似水煮...一D都唔日式XXXXXD...有少少...難食XXXXXD




依家搵成個餐牌都無呢樣...我都唔知係乜XXXXD...D生既蔬菜dip個日式醬食囉~




我地係咪成日無食野餓到癲左XXXXD仲叫左個個串燒set!!!...有成8串+一飯一湯XXXXD...299kr.=346.8hkd




而且唔係日式size~係外國size~有魚雞牛羊...口味...都係外國口味XXXXD




一定係餓瘋...痴左線XXXXXD...一枱都係~不過有機會再去法羅...我應該...唔會...再食XXXXXD




食飽飽就揸車去搵今晚間酒店~一路揸上山~越上越大霧~




雖然好大霧~但都唔難搵~今晚我地住Hotel Foroyar~






木製既感應鎖匙~




又係經Hotels.com訂~一晚1,741hkd...每人870.5hkd~我地又加左297hkd(2人)早餐~睇相時幾鍾意....但入到房又無咁鍾意XXXXXD...可能覺得佢間房唔夠光~我就鍾意噚晚間Hilton Garden Inn多D~










毛寶影既相~




























2024/08/23的開心事：
食~左~好~耐~無~食~既~味~藏~燒~飯~團~
真係燒得好好好好好好好好~



報時：距離毛寶生日台北慶生之旅2024仲有---35日~
報時：距離與三老小孩佐賀自駕遊之旅2024仲有---56日~
報時：距離沙特阿拉伯打卡之旅2024仲有---70日~
喂~令我搵極都搵唔到資料就係佢XXXXD
沙特阿拉伯~
自從今年2月睇完潮什麼講去沙特阿拉伯之後...
一直都念念不忘~因為D景真係好靚~
第一助攻......為左要就出年個旅行....
我同毛寶放棄左今年放12月...改左個假...
本身諗住12月都係去日本既...但改左個假..
同3個老小孩去哥個佐賀又太近...
太近會無左興奮感.....咁....改去邊度好?
(其實我有同毛寶講改左假可以唔去地方都得架~
俾毛寶話我：有得去旅行哥時唔把握去既話好蝕架!)
突然諗起沙特阿拉伯~但都係諗下je~
第二助攻.....唔記得幾月....
澳門特區護照宣布去沙特阿拉伯有得落地簽.....下~
第三助攻.....好啦~八卦下D機票先~
搵黎搵去.....基本上都係要轉機先去到首都利雅得...
價錢睇落可以接受既...但係係我唔想坐既航空公司...
同埋我唔想去哥度轉機....
想搭既Qatar....貴絕......
(但毛寶都肯狠下心買機票同我去）
我地本身想10月去既....
11月先至同3個老小孩去佐賀.....
點知過左幾日後....俾我係澳門一個講機票既fb page...
俾到個資訊我...就係...
11月國泰會重新開航利雅得!!
重點1--係直航!!!
重點2--直航仲要平過轉機好多好多好多!
(個價靚到我懷疑人生..仲要儲到亞洲萬里通~)
咦~我11月有假喎~
毛寶話咁不如調10月同佢地去佐賀~
11月我地去沙特阿拉伯啦~
咁呀~行咯~
買左機票之後發現無乜資料搵到~
因為佢2019年先開放旅行...
跟住疫情...都唔算好多資訊睇到...
雖然好多KOL就話當地好歡迎D人黎旅行...
D當地人好友善~
但係我未出發我未感受到當地人有幾友善...
我就感受到當地對旅遊既配套一頭冒水XXXXXD
我同毛寶都R左好耐頭...
某個地區酒店又少又貴.....
不過我同毛寶講...唔緊要啦...唔使plan得咁有壓力
我去哥幾個我好想去既哥幾個點打下卡我就會自high~
好啦~就快出發XXXXD
一倒數就淨番兩個月多DD~