2023/05/25
Day 6(法羅群島 Faroe Islands,Gjógv->Klaksvík->Kalsoy->托爾斯港 Tórshavn)
早~晨~噚晚食無印飯~朝早又食XXXXD...因為我地訂左唔包早餐~好~仲要飲飲咖啡提神~因為我地呢日係勁早起身~呢日凌晨5點4已經食緊早餐XXXXXD
6點幾已在路上XXXXD第二張相我係影黎放上黎笑毛寶既...但我竟然唔記得想笑佢D咩XXXXXXXXD
大約45分鐘度我地就會黎到Klaksvík~
我地今日會去Kalsoy行山~咁我地會搭哥D連人帶車既渡輪過去~當時我地黎既時候係無得預先買飛~要先到先得~(依家都唔知係咪咁~無跟進~有興趣就睇睇佢官網~有埋時間表~D船唔算好密...留意下~朝早3班?然後就到下午....同埋有分夏天冬天時間表~)...所以我地呢日咁早起身黎到第二個城市就係為左要排隊上船~記得唔好排錯XXXXD...Line 1係有citizen card既私家車...2同3先係其他人同車....好彩有人排先...如果唔係又驚一輪XXXXD...8點船...我地7點3左右到左~
8點船佢大約15分鐘前開始叫定D車上船~
毛寶表示做第一二架感到好大壓力XXXXD....因為做頭兩架佢猛指示你點泊XXXD要泊到好貼好乎合佢要求XXXXD因為泊貼D俾後面D車上~同埋真係要早D後排隊...因為我數過細私家車泊12架左右...如果有大車可能上得更少~下一班有可能一小時後~
上定車就會有人黎收錢~我無記錯就一架車包一個人就 Kr.160=185.6hkd...另一個人要俾Kr.40=46.4hkd....本身覺得貴...點知回程又無收過錢~咁如果來回價黎講又唔算貴~
我就係坐係車入面心諗:做乜有個人係我隔離打橫訓咁囂張XXXXD點知件衫俾風吹到猛飄黎飄去XXXXD
大約20分鐘就到Kalsoy喇~~
雖然你都可以就咁個人過黎搭渡輪就會平D~但係過到黎無車又好唔方便XXXXD...排第一排一到碼頭即走~
呢度既隧道都係勁爆窄~
由碼頭去到我地行山起點車程都唔算耐(至於係幾耐...我忘了XXXD)
到左入口既停車場~係車入面補補體力先~我地噚日係超級市場買既...味道errrrrrrr......果腹類.....
入口有廁所~去埋廁所出發~
我地今日要去Kalsoy好出名既Kullar燈塔~但要行山先見到~出發時有一團人出發....落出少少雨
點知企係度影左幾張相成個團D人唔見哂XXXD人呢?點行架?(諗住跟人行XXXXD)....咁毛寶睇mapsme可以打直行上去...唯有....試試佢!(而且條路又有D人行既痕跡)....點知行落...喂!XXXXXD勁難上喎XXXXD要猛用行山杖撐自己上去XXXXD仲諗緊落山時點算XXXXD
直線咁行上黎之後...望番轉頭...華~好靚呀~hello~你地屋企風水好好~
好~抖左一陣再出發~行一大段上斜路後....
會到細窄平路....其實ok既...衰在可能落少少雨泥地濕左...行起上後有D核突XXXXD左避右避濕泥路~
見到光明大直路喇~~上埋呢段就到喇~~
燈塔是美的~由於山係凹落去...一直係低行去高點燈塔...上到黎最頂燈塔...另一邊就係海XXXXD...一上到黎爆勁大風XXXXD...我幫毛寶影影下相...我頂冷帽就俾大風吹甩左仲一路飛走XXXXD...好彩執得番~如果唔係個頭就醜屎人XXXXD
同燈塔對住既另一邊...就係占士邦個墳墓(欸?)....好似話最尾哥集有場景係法羅拍....我仲記睇哥集我好大聲話:乜占士邦會死既咩!
如果呢個係一個真既墳墓...咁每年拜拜祭既後代...都要好有毅力.....(成日諗埋無謂野).......呢度既風景其實幾靚~但呢個景配上呢個墓碑...總有點淒清感...
好啦~回程喇~呢張相我幾鐘意~
行番原路回程時我心諗:這一路我是怎樣走來的?.....不過呢日陰天....唔怕曬...又唔怕落出雨...只有幾滴雨粉....每人有兩支行山杖(必須)......其實都行得好舒服~
還在原地吃草的羊XXXD
好啦~完成~用左2小時10分來回包含影相...唔算好耐...但都猛上斜....有行山杖好好多....行番原地望番轉頭....原來唔使直線行咁激進XXXXD其實原來橫行都有條路XXXXXD...打直行就係我地去程行哥條XXXXD.....打橫哥條我地回程有行到XXXD
好~攞番車再去另一個Kalsoy出名既景點~行落去條路好斜XXXD
呢度竟然有間cafe...但我地竟然無入去八....因為怕後面有好多人黎會影得唔靚~所以急急腳睇景先(但後來又急急腳走去霸上船位XXXXD)
影落去已經見到主角好有氣勢咁企係度~
當初係ig睇到人地D相...就覺得好靚~海邊既美人魚像~但係要跳島又怕麻煩...但毛寶還是把我帶來了~(為毛寶鼓掌~)...好似都係D西方神話?...係一種有海豹外皮既美人魚叫Selkie
好喇~本身想回程去下間cafe...點知我地又急急腳要走了~~因為想早D去碼頭霸位上船番Klaksvík~點幾就係碼頭等15:10既船...我地咁早已經排緊第4(毛寶表示開心唔係排第一同二XXXD)...明明我地哥時係行夏季時間表...點知佢skip左一班船要16:10先有船XXXD...玩野咩咁整個時間表來幹麼XXXXD...如果一開始諗住搭16:10....3點先黎排隊咪有可能上唔到?...(因為前面15:10哥D都未上...即係我地)...爆急尿呀大佬XXXD....附近又無廁所
明明我地哥時係行夏季時間表...點知佢skip左一班船要16:10先有船XXXD...玩野咩咁整個時間表來幹麼XXXXD...上網睇又無公佈XXXD...如果一開始諗住搭16:10....3點先黎排隊咪有可能上唔到?...(因為前面15:10哥D都未上...即係我地)...爆急尿呀大佬XXXD碼頭附近一個廁所都無
番到Klaksvík...再揸大約大半個鐘就番到首都托爾斯港(Tórshavn)....我地去左酒店chcek左in先~我地今晚住Hilton Garden Inn~期待已久~睇外型就覺得靚喇~
check in counter見到~係我仲未親眼好清楚見到既puffin呀XXXD
大堂已經覺得好靚~~
華~~一入房~~好靚呀~~好光猛呀~~~我好鐘意~一晚2,085hkd~每人1042.5hkd~~我地仲每人加左200hkd...要埋佢聽日早餐~~~期待~~終於有吃到飽早餐~
衞浴乾濕分離~多好~
出面既景~好似有D雨粉粉~
好啦~搞掂D野就衝去食晚飯啦~~去番市中心先~碼頭哥邊~
見早左去到酒店~即刻臨急臨忙上網訂呢間餐廳~~我地今晚去The Tarv Grill House....地址:undir Bryggjubakka 3-5, FO-100 Tórshavn, Faroe Islands.....我明明記得佢有兩間架...其中一間好似係Klaksvík架?...唔通我記錯?...呢晚早早的~6點3就到餐廳~唔好唔記得...我地今日既午餐係行山之前係車上面食左條energy bar咋XXXXD
wow~有少少信心~
佢開頭安排左一個入少少既位俾我地...暗到個人勁眼訓連餐牌都無心機睇XXXXXXD
野飲餐牌~野食餐牌無影XXXXXD但野食唔算好多好多選擇哥種~午餐同晚餐既餐牌有少少唔同~有興趣上佢網站睇睇~(我見佢餐牌好似同之前有少少唔同左)
最後見有窗邊位既人埋單(咁早食完飯?)....鼓起勇氣轉位~換左窗邊位成個氣場唔同哂~叫野食~包同牛油都好出色~
餓到痴左線...係外國餐廳講過幾多次呀?唔好貪心叫得多丫嘛!XXXD...叫左3個前菜~~一口氣上~一黎到已經聞到個蝦勁香~~~
Scallops with fresh tomato salsa...Kr.145=168.2hkd...呢個係3個入面最一般...正常口味但唔驚喜~
隆重推介...GRILLED FAROESE LANGOUSTINE WITH GARLIC & HERB BUTTER...Kr.165=191.4hkd...頭先一上枱已經超級超級香~~食落也超新鮮肉質~~而且我覺得都幾大隻價錢也不貴~極推~
真係真係好大隻~
頭先個langoustine強推...呢個我真係唔個用咩形容詞叫大家一定要試呢個FAROESE WIND-DRIED LAMB!!Kr.285=330.6hkd....當佢係前菜真係有D貴...但如果你係食羊既人咁一定要試!!真係好好味...一入口哥種香~~係好純粹既羊味....就好似食西班牙D黑毛豬火腿一樣咁純粹既味....我同毛寶食到hip哂眼~
好靚好靚...好值得我放多張相~真心不吃後悔既一樣野~同前幾日食既多士完全唔同~呢個係濃郁好多好多~
我同毛真仲每人叫左杯cocktail飲~叫左Trav Sling..Kr.135=156.6hkd....另一杯係Sloe Gin Sour...Kr.130=150.8hkd...貴但好飲~開懷吃~開懷喝~
未完XXXD仲有主菜~拿~主菜環節好克制~叫一個咋~叫左法羅既Lamb Rack...Kr.495=574.2hkd....仲加左Kr.35=40.6hkd配埋個Wild Mushroom Sauce~一絕...羊的生熟度剛好!!!汁同個羊好夾~~~(係喎我地去扒房無食牛XXXD因為見D牛都係來自北歐其他國家...又唔係幾想試~)...點知叫Lamb Rack實在是神來之筆~...(但我睇最新餐牌無左呢個lamb rack;[)...跟既side dish我地揀左chilli fries....超~級~好~味~超~級~出~色~...好熱氣但我地食哂XXXXXD....又無不吃後悔之mian and side dish來的~
甜品叫左Gateau Marcel...Kr.105=121.8hkd...諗唔明點解自己會叫朱古力蛋糕...但係以我唔鐘意食朱古力蛋糕既人黎講...幾好食XXXXD
仲叫左每人一杯茶黎送下個甜品食~嘆下~Kr.30=34.8hkd...茶壺好日式~好水滾茶靚~但我地叫西茶XXXD
呢餐食左Kr.1,555=1,803.8hkd....貴?都係既....但兩cocktail三前菜一主菜一汁一甜品兩茶....加上佢由頭帶到尾既好食....我其實覺得係好值得...食完呢餐諗起澳門D餐廳...相同價錢...得個笑字XXXXXD...依家要我係澳門食千八蚊真係拳頭咁大XXXXD
毛寶D靚相~
2024/08/10的開心事:
同親戚們食左餐好食既海鮮~
報時:距離毛寶生日台北慶生之旅仲有---48日~
報時:距離與三老小孩佐賀自駕遊之旅仲有---69日~
你壇旅行咁早準備又咁小心,好次係非一般旅行喎!
回覆刪除門口個景好靚!
港女新牌仔剛甩P就試過揸車上船啦~
就係講呢個羊!記住先~😝
要行咁多山,睇嚟我仲要等吓⋯⋯
我窮...所以覺得係非一般XXXXD
刪除你屋企門口靚D~
咁港女好叻叻喎!
真係真係好好味.......
好快就健步如飛啦~~~~~~~~~