法羅群島自駕丹麥嘆啡之旅2023-05-22第三天Part 2(又晴又陰)

5月12日....華華華~母親節請3個老小孩老上海飲茶…夜晚叫外賣冬蔭功米做母親節大餐XXD…5月13日…又是攰攰的一個工作天~咁攰都夜晚食飽飯拖地..我好乖…但咁乖又點?我又攰到頭痛;(…..5月14日..起身仍然係頭好痛....食止痛藥頂硬上~~~放左工去左買聯記食~~唯一開心係聽日放假抖下~~...5月15日..雖然今日放假但我都好早起身~陪人覆完診就去左嘆啡食brunch~再去睇我在這裡等你....我唔知佢係咪sell BL既呢?但睇到好老尷XXXD...夜晚叫外賣~....5月16日...唉~好煩呀~點解番個工都咁煩?….5月17日..又頭痛..放工同唯3大學同學慶生..食左間樣好靚但唔好食的泰餐…5月18日…中午接毛寶放工去食雀仔園…再去探蛆子..夜晚食金龍軒…5月19日….今日訓晏左~中午去食Fika~然後落勁大雨..夜晚叫李家外賣~…..5月20日..中午晏左放工...攰到我寧願唔食哂個中午飯都想訓一陣(但下午好肚餓)....5月21日..呢幾日都枕住落雨...落雨落到客都無~....5月22日...今日唔落雨...都無客XXD.....5月23日...無咩特別~特別在...聽日星期五喇~....5月24日...每天上班都攰桑桑…不過好開心放工同毛寶同朗公子去食庭園…再去睇城寨~好睇~…..5月25日…晨早就陪人去韓式電髮XXXD….電完有人好燥~燥住咁去食愛素食XXXXD...去同豬子玩~夜晚去食老上海~

出BLOG既今日...正值法羅大罷工....去旅行既要留意呢~因為見到香港既法羅人妻PAGE講...法羅食物主要靠入口....呢幾日超級市場好多野都賣哂....連汽油都就黎無....如果就出發既就注意下或者留意下法羅人妻既PAGE啦~



2023/05/22
Day 3---Part 2(法羅群島,瓦格島 Faroe Islands,Vágar->加薩達魯爾 Gásadalur->Bøur->Drangarnir)
食飽飽距離我地下午個boat tour仲有時間~去埋呢個叫Bøur既小鎮參觀下先~咦~伯伯~咁岩線既~你又黎參觀呀~

記得~周圍咁參觀但係記得唔好騷擾到住係度既居民呀~




係呢度望過去都見到我地因間既Bour tour要參觀既Drangarnir...本身係可以用行既方式..係佢對面個島睇Drangarnir呢個海蝕柱海上拱門~但係....來回要4小時....er...我無信心...因為行呢個應該都係要join tour跟導遊行(因為好似有私家地有閘既)...join tour如果要同鬼佬一齊行山....我應該跟唔上步伐....最後發現原來有boat tour~唔使自己行~一小時搞掂~舒服哂~






呢度D屋好靚~又向海~又向住Drangarnir~好想係度住下~感覺好舒服~不過我覺得個心要好靜先可以住法羅.....我個人仲係幾鐘意一落街乜都有XXXD但都想試下住~














悠悠閒咁行下~行埋落沙灘影下相~






我們與Drangarnir的合照~






好啦~走喇~約左boat tour係16:30出發~開始天陰陰的~早少少時候已經食定暈浪丸~




泊好車之後...我怎麼感覺怪怪的?點解我覺得好似有人啤住我?咩事咩事?望過隔離車.......頂XXXXXXXXXD






飛~機呀~




我地係Guide To Faroe Islands度訂呢個Boat Tour既~每人DKK650＝754hkd....咁我地報左到...佢就俾左件救生衣我地著~呢個時候...我仲未識屎XXXD




等齊人就上船啦~呢個tour有6個人參加~係坐橡皮艇...唔知點解我出發前一直係覺得我地係坐可以係甲板上行黎行去哥D船....我地上船時已有兩人揀左第一排坐~咁我地同另一個女仔坐第二排啦~呢個時候...我應該...要多謝坐第一既人......






出發~




一出左內海....好.....好驚呀!!!痴線架!!好快...勁高速!!!然後勁爆大浪!!!!隻橡皮艇勁拋!!又浪大....有好多好多下隻艇係拋到超高拋到凌空!!!凌空完又點呀...好大力撻番落海!!.....我仲要單手揸住碌自拍棍拍住相同片(有繩連住唔會跌落海)....另一隻手猛揸住前面櫈柄....我坐係邊位...我勁驚會拋左我落海....我真心驚到以為自己會死.....一D都唔享受......留意番上兩張相....坐第一行...前面係無櫈柄扶.......我坐我應該會瀨屎....大家可以睇下...到底有幾拋幾大浪.....

呢個boat tour會經過番今朝我地去睇既地標瀑布Múlafossur~影番張相~仲睇到隔離個海蝕洞~








船停左俾我地影相時好彩唔怕大浪~經過Drangarnir




再影影其他點~東影影西影影~又好天又陰天~








終於見到了~Drangarnir~聽講天氣好好好好時...船會駛近Drangarnir俾大定摸下佢~但...今日無~係靚既~可惜呢個時候....個太陽個位影相會背光~我就咁iPhone影咋XXXD








喂...終於都回程喇...我真係好驚呀毛寶.....但唔使行又睇到Drangarnir...又覺得好好...好矛盾....








今日行程完左~無安排晚餐~原來民宿揸3分鐘車就會有咸濕豬?!(超級市場)......我以為咸濕豬淨係冰島先有既添~好~搵下今晚有乜好食先~




開09-22?華~好勤力~




唔算太大~喜歡行超市~








最實際應該買個包咬下~~




揀呢個漢堡包型啦~~DKK24.9＝28.8hkd




本身想買支Tonic water試下~~最後唔記得買~




呢個夾麵包岩使喎~買埋佢先~DKK21.9＝25.4hkd..罐魚仲平過包XXXXD






見到有雪糕~買下先~估下我地揀左邊款~






今晚晚餐毛寶用平底鑊烘左個包~再鋪D料上去~好味~小蕃茄好甜好好味~法羅蛋都好正~再沖個無印湯~咁又一餐~~聽日我地本身買左船飛過島~去Mykines度行下山~野餐~睇Puffin~......點知....係我地出發之前...收到e-mail同我地講...依家入Mykines....要有個法羅導遊帶住你行先可以係Mykines周圍行...一係請個導遊...一係跟local tour~然後我同毛寶心諗：實在係太煩喇XXXXD唔想請個導遊又要嘰Lee咕嚕..又唔想join local tour D時間又唔好用....但又買左來回船飛....船飛又無得退款...點好?本身諗住帶D野食過島去到再請導遊...點知來了個好消息(?)....就係今朝佢send e-mail同我講...聽日天氣好差...所以全部船既航班都取消XXXXXD船飛錢直接退番落我信用卡~~咁我地聽日無野做~就調再之後一日既其中一個行程行左先啦~




我地最後揀左呢隻味........我覺得...好難食.....我以為呢隻味點都無死....




又影左1000張一樣既相XXXXXXXD




毛寶的靚靚~

2024/05/25的開心事：
有人猛HIGH我要我拍屁股呀XXXD
(在想甚麼?我講豬子呀XXXXD)



報時：距離七公子食揼買曼谷之旅仲有---13日~
報時：距離毛寶生日台北慶生之旅仲有---125日~
與公子之旅~仲有14日~