法羅群島自駕丹麥嘆啡之旅2023-05-22第三天Part 1(又晴又陰)

4月14日...中午去左南湖明月飲茶~夜晚叫燉湯~...去旅行前係乖D~.....4月15日..今日心情無啦啦好差XXXXD...有隻蚊入左屋我都痴q哂線咁XXXD....4月16日...今日朝早至中午都係心情差差的...放工好番D~由上星期二開始至到今日...我終於都差不多執好行李喇~~~差唔多咋~...好多野帶...又有好多野唔帶得XXXD....4月17日...今日心情超好的~...老夫人噚日開始去旅行~我要自己吃~噚晚食左大家樂...今日去左食沙律~好健康呀我~....4月18日...今日忙忙的...然後我又做錯野；[....我罰我自己食左個鐵板扒餐(誤)....4月19日...呢幾日都陸續發現紐西蘭旅行既新問題(呢個之後先分享)..好煩..我只想旅程平安順利；[..跟住公司又有新衝擊俾大家...又煩.....唉~保佑我地順順利利~.....4月20日-5月4日…紐西蘭爽爽中~…不過我好廢…病足兩星期…第一次去旅行身體狀況咁差~…5月5日..番黎即刻第二日就買外賣衝去探蜆豬子~~…夜晚回家吃同執野~…5月6日..仲係有少少唔舒服~去臭蜆度食完外賣就去睇醫生~~夜晚食媽媽飯~咁就完左個大假……5月7日..ooooo~大假後第一日番工~~好攞命~~加上係我放大假哥時公司又多左D煩野~真係番工番到一步一驚心XXXD.....5月8日...唉~番工巧攰呀~好~攰~呀~~~身體又攰心又攰~....5月9日...yeah~~今日心情好番好多~做野都醒神D~不過我噚晚訓得唔係幾好~希望今晚訓得好D啦~....5月10日....又係極度攰既一日~最後做到餓到手震~希望個客睇唔到XXXD..放工同左七公去食澧收~~.....5月11日..好彩噚晚訓得幾好~中午一起身彈去睇中醫調一調~去食GOOD...再去探心愛的豬子~夜晚痴痴貢~



2023/05/22
Day 3---Part 1(法羅群島,瓦格島 Faroe Islands,Vágar->加薩達魯爾 Gásadalur->Bøur->Drangarnir)
喂~早晨~今日好似幾好天喎~好開心呀因為噚晚到哥時大霧~

諗住打開天氣報告睇下幾多度~7度~以為成日天晴添點知又大風~





又食自己帶黎既糧食~今朝食無印湯飯~麵豉湯~同掛耳咖啡~隻衰手幾時行出黎架XXXXXD依家係咪無哂無印即沖飯買呀?我係澳門香港日本都搵唔到!唔好呀~




我地帶左勁多野食XXXXXD為左法羅準備左勁多野食~怕有時沿路無野食都可以有野咬下~驚好似冰島咁~




食飽飽就出發啦~happy~咁好天~




司機寶又出動~~~~




今次法羅群羅D車程唔算好長~但路程短短每轉一個彎望既景好似又唔同左~~由於呢個係我地疫後第一飛...見到D咁靚既路景真係好激動好感觸~






揸到呢度無啦啦見到...咦~我地下午坐船出海睇既哥個景已出現眼前~(尖尖哥舊石)




入第一條隧道~不過呢條應該係唔使收錢既~.....不過就算要收費既隧道大家都唔使停車架~因為你租車時租車公司已經收左一筆deposit...過隧道時個cam影到你車牌然後租車公司最後會一次過係你筆deposit度扣~乾手淨腳~(但係咁樣好易唔為意唔肉痛咁走黎走去XXXXD)....如果遇到D好窄既隧道唔夠雙程車行...而你哥邊有凹位就記得停凹位讓對頭車行先呀~






每轉一個彎~都係不同的大山大景~靚~








泊好車係停車場~就行過去景點~淨係呢段路我已經覺得好靚~~山景超靚~








法羅群羅第一個景點~~Múlafossur~




呢個景點係一個瀑布~由於一睇到呢個入海既瀑布就會諗起法羅群島~所以我同毛寶都係叫佢做地標瀑布~呢個瀑布幾好~有停車場~停車場行過黎又近~路不難行~




佢有兩個位睇呢個瀑布~有一位係直行落去~望番轉頭~




另一個位係行到中間有條橫路~行呢度就係高點直望佢~




我地揀行落去睇先~因為呢個位影過去係經典位~同埋可以無遮擋影過去~不過要小心D~我都好驚個電話飛左出去~~




wow~好靚呀~~




猛影一萬張自拍~我同毛寶D自拍一D都唔靚XXXXD但想意思意思放張正面XXXXXD兩個都好腫口腫面XXXXXXD






都係無樣好睇D~~好靚~~




影完下面又行上去影~上面個景就係咁啦~






其實Múlafossur就係位於法羅群島最西面既小鎮加薩達魯爾(Gásadalur)~行到村莊就等於行到盡頭...再過就係上山~睇完瀑布過黎睇下呢個小鎮有無野食先~




其實呢個鎮D屋仔都好靚架~~~(記得唔好影入人地屋企~)












呢家門外好多雞XXXXD




好想知賣咩架XXXXD




搵到呢間cafe叫Gásadalsgarður食中午飯~




又幾靚喎衰鬼~






不過得D簡單野食~




我地叫左個Smoked Salmon同Wind Dried Mutton...各DKK50＝58hkd....叫左杯咖啡...忘了幾錢~.....痴線!個Wind Dried Mutton勁好食!好似D黑毛豬火腿咁...但佢係羊~好原味道~.....煙三文魚就係正常發揮野~




因為實在太細件所以我地叫多一件試下~叫左Sausage of rolled mutton...DKK45＝52.2hkd~呢個一般~




食飽飽行番轉頭攞車...發現我帶左兩個仔出黎但完全無攞過佢兩個出黎影相XXXXXD即刻衝番去地標補影~~幾囂張呀毛寶話呢度應該陰天會靚D囉XXXXXXD偏偏今日晴天XXXXXD






毛寶靚相時間~

























2024/05/11的開心事：
見到豬子~同噚晚算訓得幾好~



報時：距離七公子食揼買曼谷之旅仲有---27日~
報時：距離毛寶生日台北慶生之旅仲有---139日~
得番兩個報時器添~
我要好好努力填番滿佢~