法羅群島自駕丹麥嘆啡之旅2023-05-23第四天Part 1(大霧有雨)

5月26日….中午食左上河內~發現有個新麵幾好食..去左威尼斯人買Uniqlo~…夜晚叫外賣~….5月27日..又~番~工~...又~好~攰~...我好想星期五食好多肉~~~...5月28日..唉…公司好煩呀…..5月29日…真心…好攰…公司啲人煩過啲客……5月30日…有時太無野做都會好攰.......5月31日....無乜生意...不過算啦~都星期五咯~俾自己休息下~~放左工同朗公子去食爀樂~~開心~....6月1日...好耐無食風雅廚~可惜周末已經無左午市套餐~....去探豬~夜晚痴痴貢~.....6月2日...中午買左外賣搵豬食~夜晚又係叫外賣....6月3日...痴左線咁大雨...大到我番工時下半身濕哂....然後紅雨...然後小孩們停課...然後...一停課就會停雨架喇~定律黎架~....6月4日...人好少的上班日...夜晚開始執gip~.....6月5日…無乜特別~XXD….6月6日…為我自己今日既營業額感到自豪XXXD….6月7日…放左工個人都勁攰~執埋少少行李就期待同公子去泰國~~不過呢晚都唔係好訓得著~~....6月8-10日...與公子們曼谷爽爽中....6月11日...去完旅行又拼搏上班去~噚晚凌晨兩點半機先番到澳門...攞我老命...今日仲要番早...訓兩個半鐘度就起身番工~老夫人去左玩~我要自己準備野食~...6月12日...放左工無飯食去左掃街XXXXD...首先食左大堂炸雞~攞個髀翼餐食下~食完發現唔夠飽~又去攞多個台式臭豆腐食下~食完覺得好熱氣就食個雪糕下下火~....6月13日...噚晚臨訓覺得少少頭痛...起身變真頭痛....呆呆下過左一日....6月14日...今日頭半日又對工作感到好攰XXD...放左工去食鼎泰豐~去買下野~又一日~



2023/05/23
Day 4---Part 1(法羅群島,瓦格島 Faroe Islands,Vágar->瑟沃格湖 Sørvágsvatn->托爾斯港 Tórshavn->瓦格島 Vágar)
早餐同噚晚一樣XXXXD不過早餐我地就無煎番個包囉~蕃茄仔真係好好味~有無見到豬子陪緊我地食早餐~

本身之前一早買左船飛~今日會去Mykines行下山~野下餐~睇下puffin~點知前一日話我地知天氣因素取消....好啦~咁我地將聽日某一個行程推後今日做左先啦~不過望下天氣真係麻麻~

出發~




咩事?睇番D相既時間成11點半先出發XXXXD悠閑到咁?




由民宿過黎唔係好遠...大約10分鐘度~




天氣確係一般般~大風~有D雨~唔怪得今日船出唔到海~D裝備出黎啦~~有哂準備~攞哂行山杖~






我地將聽日原本既行程...瑟沃格湖(Sørvágsvatn)調左黎今日行~




呢個又係重中之重既行程~~可以話黎法羅群島都一定會黎~呢個瑟沃格湖係法羅群島最大既湖~佢既特色係當你行到某個位時...你會覺得個湖係海上面~又有海上湖既稱號~(此為售票處圖片XXXD)




係好幾年前大比阿Sam黎哥時係唔需要收錢任行~...家陣....要DKK200＝232hkd一人....貴桑桑的.....如果順利~就會見到呢個海上湖咁樣既景~好靚~




然後售票姨姨指住地圖教我地點行~




好~開行~一開始段路...超級無敵多羊屎XXXXXD要好小心避開XXXXD




其實一路行...個天空湖就一直係你隔離XXXXD一直陪住你行~其實段路又唔算難行行既~係可能之前有落過雨...地多爛泥~要小心行~我記得呢段路有D大風...頸套之下既我不停標鼻水~唔想下下用手抺~因為手攞行山杖~唯有攝張紙巾入頸套~流鼻涕由佢就咁俾紙巾索XXXXD












沿路都會經過有羊咩咩食草~唔算好多但係會行一陣就見行一陣就見.....然後毛寶諗起...




之前大比同阿sam黎哥時...又係行呢個天空湖...又係見到有羊....但隻羊勁似人扮XXXXXXXD...佢放大黎影...隻羊勁似個膊頭好橫既人企係度對住佢講：OOOOOOO~.....XXXXXD






行左大約一小時(?)...就會見到呢個三段壁(個名自己作XXD)...代表你就黎成功架喇!....呢個三段壁都好靚~




影完三段壁...轉身就會見到有兩條路...呢度有張櫈...櫈既右邊(綠箭咀)...另一個景點.....而櫈既左邊(紅箭咀)....行上去就係天空湖~




向左衝呀!!!好彩有行山杖~D級好高又斜斜地~隻野又一支箭咁標左上去~




A~等等我呀~呢段行上去既路...都幾長XXXXD好攰~




行到上黎...望番轉頭...我個景呢~~~~






諗住好似馬丘比丘咁企多陣D霧會散咁D...點知...矇到咩都睇唔到....嗚嗚嗚嗚...個湖原本係呢個位




難道呢個重要景點只能留下我淒清的背影?；[






本身諗住行埋另一邊個景...點知天氣好似越黎越差...唯有回程啦.....唔怪得今日去Mykines既船都取消哂...嗚嗚嗚~拜拜羊羊~(懶可愛)

唔通我唔配睇呢個景；[...嗚嗚嗚嗚嗚






毛寶D羊咩咩相~

今日行天空湖大約行左2.5小時....行完就番左去民宿抖抖~唔記得介紹...噚日去坐船前為左去廁所而幫襯便利店而買既士多啤梨味有汽水...幾好飲~




未食中午飯...食少少野先~不過又唔好食咁飽喎~今晚食好野~凍冰冰飲杯熱湯真係好舒服~















2024/06/14的開心事：
辛苦左4日~又可以休息下~
同毛寶寶去食下野~



報時：距離毛寶生日台北慶生之旅仲有---106日~
去到呢個時候....竟然得番一個報時器
因為公司做野氣氛改變...
我放左工有時淨係想放空；[
適應左再努力下先~