法羅群島自駕丹麥嘆啡之旅2023-05-20~2023-05-21第一及二天(晴天及後有霧陰天)

3月31日…中午同3個老小孩去品奧軒飲茶~仲係咁好味~再去偷敦人睇哥哥展覽..再去探豬子…再去食灃收火鍋~….4月1日…中午去左食rethink…夜晚叫外賣~..4日復活節假咁就完…但唔緊要~因為番兩日又放清明~…4月2日..放左4日假..爆炸多野做..頂住!!番埋聽日!!….4月3日…起~身~又~頭~痛~呀喂~....放工約左朗公子去睇戲~去銀河食左pepper lunch~(耐無食又覺得okkXXXD)...睇左熱辣滾燙~喂~好熱血呀~...4月4日..清明節...起身都係有D頭痛~中午買左包去搵豬子食~夜晚叫外賣~~....4月5日...清明後既工作日都係好多野做~好彩已經星期五~放工去左食聯記~....4月6日..呢日好早就起左身..因為背背訓到好痛~(拿拿拿我唔係為可愛先講背背...我係唔識打哥隻字XXXD)....中午見早起去左好難泊車既海洋灣食(個名可能係我作既XXD)..D野食都幾大份~然後落大雨唯有去下星皓飲沙北算喇...上臭豬屋企~夜晚痴痴貢~....4月7日...呢日訓晏左~中午去左試八目間cafe~係咁啦~夜晚在家叫外賣~.....4月8日...多多地野做...個頭赤赤地...上上星期番4日...上星期番3日...今周番足5日...內心好難受~....4月9日...悶悶的一個工作日….4月10日….放左工出左去食飯~幫菓子軒慶生~…..4月11日..唔知做乜鬼個胃噚日開始有間歇性抽痛~…今日起身又痛左一下…之後又無野..食飽飯後痛左一下…就黎去旅行都係食下藥穩陣~….4月12日..放工食左鼎泰豐~之後去左睇美帝崩裂…..4月13日..朝早自己皮克敏社群日周圍行種花..勁熱…中午食左上河內…再去揾蛆蛆…話佢知我地下周去旅行…夜晚食煥記~….4月14日…



2023/05/20-2023/05/21
Day 1 & 2(澳門 Macau->香港 Hong Kong->芬蘭,赫爾辛基 Finland,Helsinki->丹麥,哥本哈根 Denmark,Copenhagen->法羅群島,瓦格島 Faroe Islands,Vágar)
華華華~我終於寫到疫後第一個旅行喇喇喇喇喇~灑花瓣~好喇~係2023年頭...已經肺炎又中完...關又開埋~於是就同毛寶諗...復出第一炮去邊度好?....係3年疫情中...同毛寶講左好多次...第一炮!點都去日本!.....點知個人社恐發作...我同毛寶講：復出第一炮...不如去D無乜人既地方咯XXXXXXD....所以最後揀左去法羅群島~回程就哥本哈根走走逛逛~不過呢個旅程開始有好多波折....我將呢件事瀨左落我同事度XXXXXD....因為....我同事第一次問我今年去邊...我答左之後哥晚............我就收到Finn Air E-Mail同我講...我赫爾辛基-哥本哈根段...最早班機取消!!轉左我下一班機又令到我再後一段哥本哈根-法羅群島段又趕不上!!....搞到我要俾錢改最後哥段機票.....由本身下午已到法羅可以嘆下...變成夜晚先去到....同埋中間兩段都要等好耐轉機.......此為第一波折......過左個幾禮拜之後....該名名叫之仔既同事再問我個旅行點呀...我話：我係唔會再答你關於呢個旅行既野!!!!!......就係哥晚....我收到Hotels.com既E-Mail....話我知頭一到三晚既酒店.....取消左XXXXXXXXD....然後幫我安排左另一間勁醜既酒店XXXXXD.....而且地點也衰...所以我同毛寶最後決定...取消左佢XXXXD...再另外再訂民宿~上網睇間酒店好似完全執左XXXXXXD無開放再訂......點解復出第一個旅行可以出現咁多問題~XXXD



理所當然要香港飛~但依家疫後過香港飛唔興搭機場船喇~基本上焗你經港珠澳~因為唔係日日有機場船...一日得一班...仲要係氹仔碼頭~我地哥日飛夜機~我地預左非常充足既時間去香港機場~因為開頭打算自己就咁搭港珠澳過到香港...過左關...再轉B4去機場~點知出發前發現有種玩法係有機場巴士由澳門關口...到左香港後自己推行李過關..過關後拖行李坐番澳門一齊黎哥架巴士佢再接埋你去機場禁區外落車...咁~都幾好喎~唔使我自己轉B4~我好激動呀!!!我同毛寶疫情3年邊度都無去過!!完全無出過關!!今日...呢3年黎!第一次過澳門關~~難怪我咁痴筋咁激動~

我想介紹下我個篋先~勁痴線XXXD帶左勁多野~~~多衫又多野食~~去程已經要加厚~望落厚到好似就黎爆炸咁XXXD




我有帶埋阿豬去旅行架~訂左電召接我地去港珠澳...個電召司機弟弟以為我同毛寶係兩姊妹XXXXD因為我地連篋都一樣XXXD同埋佢話佢噚晚係澳門機場接客前Black Pink就係佢面前經過XXXD(我地出發當日Black Pink係澳門開演唱會~)




雖然我地知道有哥隻機場巴士搭~但係我地又唔肯定可以趕到哥班巴士XXXXD因為港珠澳哥頭成日好塞車~所以無一早買定飛~毛寶話趕到就現場買飛~趕唔切就搭番普通港珠澳再轉B4~點知又趕到~咁去買飛啦~都要出示機票同護照先可以買~成人每人185mop~






過左澳門關落左扶手電梯向左行就係機場巴侯車點~去到俾飛佢bit佢再俾張貼紙你貼係身做識別~咁係侯車點坐到差唔多時間有人帶你上車~








到左香港港珠澳口岸~過左關~再搭同一車去機場禁區外~本身澳門出發上落車都有人搬行李...一到左香港即刻無人理XXXXXXD要自己抽落車XXXXD其實無乜所謂...只係個落差感好大XXXXD天呀!!!香港機場呀!!好耐無望過喇!!!好激動!!!其實本身都好少去香港機場既禁區外~因為疫情前飛都係機場船直入禁區XXXXXD呢條行落去check in counter既斜路~好懷念呀!!




好耐無影過香港機場~好感恩~好激動~好開心~停左無旅行去哥3年...我到底點撐過去?華~由對上一個遊記係2019年12月...到呢個遊記2023年5月...相隔3年幾....華...眼前的女生老左好多!歲月不饒人~同埋發現多左好多人用Lojel~~同好多人撞篋XXXXXD...我仲帶埋我對泰仔仔去旅行~BrightWin~~左Bright右Win~








由於預多左少少時間黎~所以chcek in counter仲未開~要航班前3小時先開~所以襯仲有時間...我叫毛寶睇住D行李~我行落下幾層~去會一會華御結XXXXXD點解?因為我地因間要搭Finn Air...佢個飛機餐係某fb page已經出哂名XXXXD~所以我地做少少準備XXXD








佢開counter前我地已經開始排隊~排第一~之後越排越多人...出發時個gip已經19.3KG...一chcek左in過埋關去食D野先~好耐無用過信用卡優惠喇~~~3年無用過~以前入lounge係任用...然後變一年10次...到依家.....一年得8次.......都好啦~衝~!.......之前都係去開1號閘口隔離個PP Lounge~仲係度~之前見話魚蛋粉lounge多人到要排隊排到轉圈...咁好運?!








對面位人兄...飲啡?食菜?...搞乜XXXXD




我就攞到成枱都係~果然係魚蛋粉lounge~我得香港pp lounge個魚蛋粉真係好唔錯(澳門哥間係垃圾)....同埋我好鐘意食佢地D假燒賣XXXXD配XO醬或者豉油都好味~~又茶又酒呢個人真係麻之煩~




食飽飽~行去閘口~當時飛夜機但其實唔係好夜~但好多舖頭已經關哂~行過呢度只係夜晚7點~




搵到閘口!梗係影張好耐無影既閘口照先啦~~~係...要去芬蘭轉機.....其實可以去其他地方轉...但可以轉既地方根據某D原因我又唔想去哥度轉機XXXXXD(今次芬蘭轉完我都唔想再去芬蘭轉XXXXD)






我兩個帥帥的兒子~特登幫佢地換冬裝~




鼻窿照重出江湖!!




我地係搭Finn Air既AY100係20:35由香港飛去芬蘭既赫爾辛基轉機~好~耐~無~踏~足~飛~機~




唔知係咪新機黎既呢?D櫈都幾新~唔算窄~但係.....網上check in佢會系統默認你坐邊個位...如果你想轉位...那怕係轉一個普通既位...都要俾錢.......車~.......仲有呀...我上網睇佢自稱話因為環保...所以係唔會提供枕頭......好衰唔衰...我之前個飛機枕太耐無用...漏氣....我唯有用張氈墊腰~....同埋...佢野飲都係食餐時有提供...仲要只提供一杯(酒精或無酒精)...再要要俾錢...野食都係......聽落同環保無關....聽落係餓同姑寒呀!XXXXXXD同埋睇fb page佢地個餐一般般...所以我先會去買定飯團~






久未搭機!必須合照~好彩佢排左我地坐中間行~超好~因為佢架機係3-3-3....係靠窗哥兩邊3-3要去廁所或人地去廁所都一定會好煩...坐中間就最好~大家去廁所都唔使煩XXXXD




買左支可愛甩皮水上機飲~




settle好之後認真望下個mon...下?!飛14個鐘?!14喎!!之前飛芬蘭明明10小時左右到喎?!....諗諗下應該係為左避開戰區所以兜路飛...但係...14小時...得兩餐...我感到虛弱...晚餐同早餐相隔成9個幾鐘....諗起好多航空公司都會餐與餐中間係放小食係廚房俾乘客自己餓就攞黎食...有D直頭再派多餐XXXXD唔會俾你餓親~...Finn Air係你要食就俾錢啦；[




螢幕都幾清同觸感都幾好~




都算係多戲睇架喇~因為我記得之前Finn Air個娛樂系統少野睇過中東航空公司好多~






派餐喇~~餓呀~~又是熟悉的藍莓汁~陣間整杯先~




我哥邊派餐哥個空少超級勁爆有禮貌有energy!!令人覺得好開心!!目測是40多歲的空少...但真係勁有活力!!讚一個~但係個餐真係好無活力XXXXXXD...仲要無得揀...個個一樣...好軍官....個蘿蔔沙律好難食....雞絲意粉唔難食...但係無味XXXXD...果腹可以...唔知點解我覺得個藍莓汁同記憶中既唔同左味...我覺得難飲左...都唔知係咪中左肺炎之後口味唔同左~




唉~真係唔夠飽呀~同毛寶每人食一個先~個蛋汁壽喜燒真係真係好好味~




咁坐飛機梗係要睇戲啦~第一套揀左毛寶推薦既The Whale~但係套戲有D黑...我訓著左幾次XXXXXD




飛太耐~要睇好多套戲~睇完The Whale....再黎Shotgun Wedding...Ticket to Paradise...Crazy Rich Asian(又睇XXXD)......好喇~捱到派早餐喇XXXXXD....個活力空少又黎喇~個個都講早晨...去到我前面位佢同個客講：叔叔早晨~你早餐想飲乜呀~.....好乖仔XXXXXD好欣賞佢對工作既活力~我真係唔得~....我記憶中Finn Air早餐好似都係咁....仍然係無選擇~薯餅好難食~真心唔夠飽....一定要食飯團...






食飽又黎極光showXXXXD...其實我中間都訓左一陣...一開始訓得唔好...因為我個頸枕漏氣(明明出發檢查左)...所以我唯有用佢個位唯一有提供既氈黎頂住條腰訓得舒服D...點知D冷氣又勁凍...訓訓下毛寶話借佢頸枕我訓....我再開埋張氈吸...先至夠暖同訓到...佢D凍氣仲要凍到不合比例...恐佈~唔怪得我勁餓....因為勁凍~....同埋要彈下Finn Air個廁所...真係好窄.....




迎來日出了~




大約05:00就到左芬蘭,赫爾辛基(Finland,Helsinki)~果然5月開始勁早日出~




清晨時間人較少~




行緊去Transfer時望落樓下Departure有間Moomin Coffee~之前未見過~新野~唔知有無機會試~




Transfer過左安檢又黎到轉機大堂~~係轉機大堂行左一圈....發現個lounge又唔係入面.....仲有成5個幾鐘...我同毛寶決定....入境一下芬蘭XXXXXXD(因為個lounge係禁區外...佢想沖涼)




行緊去入境....




我都經過過芬蘭轉機好幾次...但係咪疫情咁多年無黎...佢大左?無記憶有行過呢度~個螢幕播D景幾靚~




出左禁區去番Arrival哥邊行去PP Lounge~早到人地都未開XXXXD




等緊Lounge開既時候望下周圍...點解對呢邊完全一D印象都無既XXXXXD....同埋發現之前係禁區入面既Moomin Shop依家開左係禁區外~




毛寶勞師動眾要入境去lounge係因為佢想沖個涼...因為要等5小時先轉機....去到丹麥又要再等...再轉機.....點知....沖涼要再俾錢....毛寶話200hkd好貴唔俾XXXXXD最後無沖...唯有齋食野....呢個lounge應該係新開~








太早無人黎~用餐區呢邊直頭無開燈~




仲要無乜野食.....我依家睇番相先知有麵包XXXXXD








除左頭先影相既凍冰冰野食....仲可以Scan QR code叫熱野食~但選擇都係唔多...蛋都係一般般..好鞋....哥碗係“雞粥“...芬蘭有雞粥?!點都叫黎試試啦~點知勁咸...真係好咸...好難食XXXXD




晨早流流梗要飲杯啡醒醒佢~明明同一個咖啡機出...又大杯又細杯咁既XXXXD




我地食飽飽(其實唔算好飽但係無其他野食)...同埋用lounge個廁所刷下牙洗下面refresh一下~就又出境~(真係為左個無野食既lounge而入境又出境XXXXXD)






咁出番境諗住係禁區行下~因為之前佢有D賣野食呀紀念品呀哥D行下....點知依家乜都無!姆明紀念品店又淨係得禁區外先有...淨係得duty free同埋呢間Marimekko~




因為無野行..因為有D肚餓..(又餓?!)....好奇咩係飛機上都食唔飽XXXXXD...我地又搵間餐廳坐陣食下野~叫左個蝦仔包...一杯茶一杯啡...3樣加埋€23.5＝202.1hkd....當時歐羅兌港幣係8.6.....生活迫人呀..兩杯野飲同一個包都要兩舊水XXXXD....同埋我行埋去買包時....我發現...我發唔到shrimp音XXXXXXD佢聽極唔明...我係咪好有鄉音XXXXXXD.....我下次盡量唔叫蝦食XXXXXD或者叫毛寶去買XXXXD




買左野食賴屎唔走呀!坐到差唔多上機~影下兒子s同因間搭既finn air~




唉呀~我對仔好得意~我好鐘意特登買既Astro袋~靚靚~




去埋廁所再登機~等左5個幾鐘~終於再登機~芬蘭機場真係悶屎人~我地係搭Finn Air AY965係11:00由芬蘭,赫爾辛基轉機去丹麥,哥本哈根(Danmark,Copenhagen)...本身搭08:00架嘛..又監生cancel左人地班機~




又係網上揀位時其實通道位先係熱門位黎架嘛...咁佢又安排左我地坐中間同通道...我地想改中間同窗口(因為覺得個幾鐘可以唔去廁所同埋想望下窗影下相..無電視睇都悶既~)...點知又要俾錢..總之你唔要佢安排俾你既位....無論轉咩位...一律要俾錢....睇下俾多定少~我地窮..決定唔俾XXXXD....博下囉!可能無咁多人搭呢~~~~~~~等佢關門後....確定無人坐~~~~~~好開心~~~兩人霸3個位~~~~然後小孩可以看窗了~~~




好彩準時起飛~~~可以影下相幾好~~~呢程機好似有serve一杯野飲~








丹麥慢芬蘭一小時~飛左大約一小時四十就到~




11:40到了~但下一班去法羅群島既航班係......18:35.............仲有.....差唔多....7小時..................................好喇....今次係真係要入境喇~因為另一航班係分開買另一間航空公司~咁我地要入左境....攞行李...再Check in~




華!!!好似好多野行!!!!我因間check左in再出番境時要慢慢睇~~




好彩入境都唔令人緊張又快je~攞埋行李我地就諗住睇下有無得check in先~想甩走件行李先~~~出左禁區跟指示行去check in area






呀~我未講~我地一蚊都無換~諗住黎到當地再用歐羅或者美金再換...因為澳門無得換....不過就算換....我地都無諗住換咁多~~諗住碌卡為主~我承認我望完塊牌都唔識計個匯率XXXXXD.....開頭諗住去完check完in再換....然後又無左回事XXXXXD....再討論話去到法羅再去佢D銀行換少少錢傍身......最後成程都無換過.....直接全程碌哂卡....番到丹麥都係一蚊都無換過XXXXD....不過要留意既係：係北歐碌卡....真係好興要你入pin code~但係明明自己張卡真係無呢個pin code........澳門既話....中銀信用卡有個服務就係可以打去幫你set個pin code....我都推薦帶張中銀visa去.....因為其實唔算多地方收銀聯卡.....AE卡都算多地方收...但都唔係個個地方收...都係D大少少既餐廳...機場之類先收.....多數收VISA卡....但係去到丹麥搭地鐵要買飛同係法羅入油時....又唔係張張VISA都用到....我張BNU VISA都買唔到...得毛寶張中銀VISA先用到....建議帶多幾張唔同類別唔同銀行既信用卡~用同一日做匯率比較....AE卡係1.15(DKK1=1.15hkd)...工銀銀聯係1.178(DKK1=1.178hkd).....BNU visa係1.18(DKK1=1.18hkd)....其實個差別唔大~1000hkd先相差14hkd....所以無乜所謂~上網睇國際匯率其實碌卡都相差唔遠~仲可以儲積分~咁呢個遊記都會攞個匯率平均數1.16去講~






行左去check in area發現counter未開.....心諗....係喎..........check in counter....可能要起飛前3小時先開喎.......屎火喇....咁咪有排等先可以入番禁區行街同甩左件行李..........................行出去聞下新鮮丹麥空氣定定驚先....好好天~又唔算好凍喎~






搞唔掂...起飛前3小時...即係我有3個幾鐘要解決....決定搵間野坐低食下.......但其實選擇唔多.......揀左呢間記得之前係澳洲機場都食過既WOK~又食XXXD




叫左個Fried Noodles with Chicken, Crispy Vegetable & Egg...DKK139=161.2hkd....另外再叫個Yellow Curry & Coconut Milk with Chicken-Serve with rice....DKK139=161.2hkd......野飲叫左支有Citrus味既有汽水爽爽佢~DKK29=33.6hkd......味道都可以既~但係咪好好味咁就唔係既XXXD....我覺得澳洲哥時好味D~




之前哥次黎都有呢間7仔~仲係度~我小器..仲記住之前同個收銀妹妹既故事XXXD



我無知....有葉圖案哥個係咩味?




行左陣又食完野(禁區外真係無咩好做好攞命)...我地有坐埋一邊休息下....坐坐下....我同毛寶都聽到隔離個外籍男人揸住電話講左好幾次konnichiwa...我以為佢同佢日籍女朋友講緊facetime....但個對話點解猛咁konnichiwa既呢....望一望隔離....點知佢望住我講XXXXXXXXD.....我hello一句.....佢問我同毛寶係咪Japanese....我地話唔係...我地來自德成...呀唔係XXXD我來自澳門~...喂~~~~終於等到check in counter開喇~~可以甩手件行李喇~~~Self check in完再Self bag drop






Security check勁多人~不過我排得好開心~~因為~~~有個小可愛排我前面~~~~~好可愛~好幸福~可以一齊搭飛機去旅行~~




yeah yeah yeah~入到禁區可以行下喇~~有D野睇落幾岩~但唔依家買~~費事攞黎攞去~諗住回程先買~




丹麥係Lego大國黎架嘛~一定有Lego架!但係...個公仔好肉酸呀XXXXXD個身生肉瘤咁XXXXXD






然後經過一間果汁店...叫Joe & the Juice~爆勁多人...搞到我好想飲...但我社恐...猶豫一陣諗緊入唔入去....最後決定入...因為我頭先食完哥間WOK...好口渴~鼓起勇氣行入去....望左餐牌好耐...因為好多野揀....最後吸引到我既係Stress Down~入面有Apple...Ginger...Ice...Olive Oil...Strawberries.....我見有薑有士多啤梨...好衝擊...試試佢!一杯DKK61＝70.8hkd....貴~但一入口....好正呀!!好鐘意!!隻味撞得好好味!!薑味令我好醒神!!愛~......超爆勁好飲~我發現原來香港都有...但已經執左~




下!!我開頭諗住係市區搵呢間漢堡試架!!我同毛寶係疫情哥3年好鐘意睇Netflix入面既Somebody Feed Phil~佢有集係去丹麥...佢有試呢間漢堡好好味~我想試~既然呢度有...我決定回程時試~(因為哥本哈根機場我地張信用卡無lounge可入~)




係哥本哈根機場禁區時間易過好多~終於到左上機時間喇喇喇~我就黎可以平躺訓一覺好架喇~~~只怪自己無好好讀書搵份高薪工作...如果有錢咪可以買張商務機票平躺出發加可以食飽囉XXXXD...不過算啦...性格關係我不喜向上爬....簡單一個字做總結我係懶XXXXXD....好多無謂說話~上機喇~我地係搭另一間航空公司Atlantic Airways~航班編號RC459...係18:35由丹麥哥本哈根飛去法羅群島既維格爾(Faroe Island, Vágar)...法羅再慢丹麥一小時~




第一次搭呢間航空公司~




呢程無免費飲品食品提供~想飲想食就付費~其實呢段既機票都唔算平~航程大約兩個幾鐘~








係19:50就到達喇~天氣好到XXXXXXD







一落機~人腳行去terminal就ok~諗起復活島同格陵蘭哥次~XXXD




有人幫我影寫實照呀~~~一落機...凍到縮埋一舊XXXXXD...一袋二袋...傻婆咁XXXD




機場細細~我想講...呢個人個背囊...出發前發現入面D膠溶溶地~又甩甩地~但又買唔切新既...佢係入面用個大既超級市場膠袋隔開個袋XXXXXXXD...所以佢一開袋搵野就會好婆仔咁好大膠袋聲XXXD




行李輸送帶...就得咁多XXXXD...不過已經長過格陵蘭Illulisat哥條架喇XXXXXD...諗起Illulisat哥條短到要搶D行李落黎XXXXD仲要又短又快XXXXXD




係行李輸送帶獲得機場巴士資訊~都疏疏地XXXXD...Weekend更疏~




唔使過海關~攞左行李就出禁區~但係出黎又收唔到Wi-Fi...而我join個CTM漫遊plan又收唔到相應電訊商..有D慌~後尾發現搞錯電訊商.....明明一早收到~個漫遊plan舊年好抵...一年398mop有15GB...包全球用~法羅都用到~又唔使帶Wi-Fi蛋又唔使換卡~好方便~....但同一個plan....依家變左598mop...20GB.....點解咁著緊要收到訊號?因為攞車會用到~






一出機場向左行就見到Car Rental Centre~






一行到入去唔使入去有counter個位已經可以攞車~係自動門同自動門中間有我地租車公司既key box~係點攞車匙?佢出發前會話你知架車泊左去邊個停車場.....當你行到個key box時...開左租車公司個e mail....按住key box著燈哥度幾秒....再按e mail入面個button~




然後神奇事就出現喇~magic~你架車既key box就會打開~成程一個職員都見唔到XXXXXD...其實所有登記資料已經係租完車入面個e mail度自己做哂~




對我地黎講...真正既考驗...係搵到架車XXXXXD...佢講明係第幾號停車場.....但個重點我地就係搵唔到哥個停車場XXXD問人都唔知XXXXXD搵左好耐先搵到XXXXD好凍呀喂~~~




我地係Rentalcars.com度揀左Artic Rental Cars租車~我地本身租左6日車5,966hkd加保險680.8hkd...第一日到法羅本身無租車既...因為酒店就係機場旁邊拉行李3分鐘都行到...諗住抖一日第二日訓醒先行番過機場攞車~....但點知間酒店無啦啦好似執左咁要租過第二度就唯有迫住要一落機攞車...本身諗住有免費取消諗住取消左佢直接係Artic Rental Cars個網直接租...點知最平都係經Rentalcars.com租最平....所以唯有經e mail聯絡租車公司話我地加多一日租車同保險(俾多680hkd加68.8hkd保險)....同埋咁多日租車佢會收多大約DKK4000＝4,640hkd既deposit...係for你如果過隧道既話係不停車收費...咁隧道費就會直接係deposit度扣...扣淨再退回你信用卡度~我地7日既隧道費大約用左DKK1,000＝1,160hkd....其實佢每次過既隧道費都唔平架...所以如果你可以掌握得好D個行程減少過隧道其實係會平D~但我地比較隨心~食餐飯都來回隧道就費用多少少啦~總數7日租車加保險就係7,395.6hkd.....係貴既~尤其去既時候係法羅旅遊旺季~5,6,7,8月...建議提早租車~搶手~hihi~呢幾日靠哂你~因為我地問過去過法羅既阿Sam大比...話法羅都係靚路~所以我地無特別租四驅車(如果唔係會更貴~)




華~出發喇~都係用mapsme帶路~司機大哥好緊張~因為好耐無係外地揸過車~而且左軚~要熟習下~呢幾日辛苦哂你喇~好彩既係呢個時候既法羅群島已經開始日長夜短~攞到車出發哥刻已經晚上8點幾~








由於俾頭幾晚酒店彈左鐘...我地都R哂頭唔知點算好...因為附近都真係無酒店....最後我地係booking.com租左民宿~叫Brand New...地址：70 Leitisvegur, Miðvágur...鎖匙放key box~出發前send e mail俾key box密碼俾我地~由機場黎到呢間民宿大約車程10分鐘~一個獨立屋咁~唔係大廈哥種~有個閣樓~應該可以住到4人~不過我地個價係兩人房租~我見佢呢個獨立屋旁邊都有幾間相同裝修既既獨立屋~相信成列都係民宿~不過我覺得係法羅住酒店抵過住民宿....因為住民宿要俾額外清潔費...3晚房價係3,331.4hkd...外加1,178hkd稅+清潔費(睇番條款差不多成千蚊都係清潔費...不論你住一晚...定十晚...清潔費也一樣)....雖然佢收左清潔費....我地每晚都有紮好垃圾諗住等佢最後好收D...點知最後一晚send個mail黎叫我地自己dum垃圾...那...清潔費是?....我地係一隻碗都唔會留低俾人洗.....所以是換換床單的概念.....同埋要我自己清哂D垃圾都ok既..但佢民宿周圍超難搵垃圾桶...辛苦毛寶了.....所以我建議係...有得揀酒店..都唔好揀民宿了~(但係間屋其實係住得舒服既因為幾大下~)....呢度住3晚每人每晚(連清潔費)要751.6hkd~貴~但附近真係無酒店~








好憎呢D廁所~沖涼會沖到周圍濕哂~有洗衣機(不過大眼仔入面條膠邊好污糟~)




閣樓~屋頂有大窗~夏天一定要戴眼罩訓~




正門打開係個大空地~架車可以隨便停係正門後面空地~






第一晚既晚餐~因為附近真係無餐廳~超級市場哥個時間都關了~好彩一早準備左第一晚無野食~帶左個big cup黎咬下~仲有個麵豉湯飲下~









2024/04/13的開心事：
去旅行前食左煥記同見到豬子~
同埋出左法羅Blog~
但出左個頭然後下周就出發番黎先再出到XXXXD



報時：距離紐西蘭南島自駕遊之旅仲有---6日~
報時：距離七公子食揼買曼谷之旅仲有---55日~
報時：距離毛寶生日台北慶生之旅仲有---167日~
希望一切順順利利~~集氣保佑~