宜蘭聖誕親子遊之旅2019-12-21第二天Part 2(晴天)

happy new year呀各位~~~~~12月10日到12月18日在日本爽爽中~~….12月19日…噚晚香港落機後8點幾就番到屋企~好優秀~今日中午同左老夫人去食Gordon Remsy…再去買米去銀行搞埋手續…再去見10日無見既蜆豬子~夜晚痴痴貢去老上海~…..12月20日…回歸日…中午食左Fika…然後猛攞日本買既衫去改~….去探臭蜆~…夜晚吃老夫人的好味飯~~…..12月21日…中午去左風雅廚爽爽..食左成餐飯由始至終得我地一枱客…其實換左丹麥廚我又覺得幾好吃喎~~….希望佢唔好執…好鍾意佢一換餐牌就衝去吃….探臭蜆~…夜晚公子哭福晚宴~~~…12月22日..冬至快樂~~今日勁凍得6度…中午食左個上河內熱pho~…買左杯俾人西面既啡..決定以後唔幫襯你~….上去揾臭蜆~…夜晚無諗住出去吃但廢事兩個阿媽咁凍煮飯去左食鼎泰豐~暖暖冬至~…..12月23日…下午去左騷擾臭蜆~夜晚同姑媽做冬食風味居~~夜晚開始執行李….12月24日…完全忘記中午食乜…下午一定有上去同臭蜆玩XXD…夜晚平安夜叫左燉湯外賣同老夫人食~…12月25-29日台北爽爽中…12月30日…中午食文哥…下午又摸蜆…一有時間就摸蜆~…夜晚食左炸雞外賣~~…..12月31日…一年的最後一天..中午先去Terra嘆下啡~然後去Donki掃一輪月下貨XXD…再去同蜆蜆玩~~….夜晚食泰臣燒烤外賣~...夜晚同毛寶寶一齊倒數再加睇斷網假期~...2024年1月1日...祝大家happy new year~中午買外賣上蜆蜆度吃~然後夜晚叫韓餐外賣~25日大假咁就完左喇....第一次咁放...由舊年12月8日...放到今年1月1...我唔確定自己識番工XXXXD...1月2日..25日大假後番工又還好喎~今日都算係咁~...但係日本一踏入2024年就7級地震同飛機半空著火...天佑日本呀.....1月3日...噚晚勁眼訓...睇睇下晚吹都訓著左XXXD....今日番工都還好~.....1月4日...我問毛寶我呢日發生咩特別既事...佢話：你日日都過好平淡....我：可以平淡都係一種福氣~~~~~~~......1月5日...YEAH~星期五喇~~放工食聯記放題~~~聯記強茶好好味~再去行威尼斯人~~~



2019/12/21
Day 2---Part 2(台北,宜蘭 Taipei,Yilan)
食飽飽就出發去景點宜蘭磚窯~呢個近現代煉瓦工場係1925年已經無再用~依家變成拍網美照既地方~

呢張係菓子軒用我手提幫大家影既第一張相XXXXD都影得幾好架~




下一個行程~丟丟噹森林~位於宜蘭火車站正前方~有個幾米繪本的飛天火車裝置~








適合一家大小來拍個照~




有人搶左菓子軒個黑超戴!!喂!!好肉酸呀XXXD...隻眼好集中呀XXXXD...吹你唔脹又岩戴喎!




哥日仲有市集~可能係周末~毛寶大姊買左九層糕吃~




有自動販售機賣postcard~




轉去幾米公園~幸福轉運站繼續影~以上幾個景點都係適合親子遊~或者幾米忠粉~普通成人未必適合~(即係我XXD)










影到入夜~又影番著左燈既宜蘭車站~同埋對面既丟丟噹森林~






入黑就走啦~去我地今晚既晚餐地點~




今晚我地晚餐地點係羅東夜市~正~喜歡夜市~




由於我地扶老攜幼~好難一檔檔慢慢食~我地酒店咪有好大個open area食野既~每人買d番去坐低慢慢吃!




呢兩個人一入去就買生果先XXD我都好愛台灣生果~








我勁想買呢檔...之前上網睇應該好出名...我好鐘意食台式臭豆腐~~但勁多人排...同埋我唔好意思買完攞上車臭親人架車~




呢三間都有買~








呢間又係人氣店~但我忍唔住~有排到~我要食!!話哂宜蘭盛產三星蔥!!






一個三星蔥多餅NT$35=9hkd...由於岩岩炸起~我真係忍唔住即吃~係好熱辣辣既~但...原來有時好味既野唔係多就一定好~我想食番饒河夜市入面都有三星蔥既胡椒餅~






一路行去集合點一路食三星蔥多餅...食食下見到?!...喂!咁甜既?...我問毛寶：佢地平時會咁拖架?....毛寶：好像從來沒見過XXXD.....平時見佢地怕怕醜醜咁...原來愛得咁大膽~果然就算係偶像...去到外地都係會放下戒心~(什麼鬼XXXD?!)




開餐喇~咁食幾好~又唔使企係度食又唔使迫~老人家小孩都舒服D~不過唯一唔好係野食凍哂~台灣夜市D燒魷魚真係好好食~上次台中逢甲夜市都好好吃~




呢個開頭覺得幾得意...因為呢間用D宜蘭在地食材整飯團~我揀左櫻桃鴨~不過覺得飯團唔夠味~






燒雞肉串好吃~




食飽就各自番房浸溫泉啦~我一直都好鐘意呢張相~覺得菓子軒著呢套睡衣好可愛XXXXD哥時又面圓圓肚腩大大咁~家陣一讀書就瘦哂~









2024/01/05的開心事：
就~是~星~期~五~~~~~~~~~~~
係咪好乖呢今日出BLOG~
因為本小姐聽晚要去看演唱會~~~~~~



報時:距離紐西蘭南島自駕遊之旅仲有---105日~
係喎~今年個假我已經定左~
差毛寶~