宜蘭聖誕親子遊之旅2019-12-22第三天Part 1(晴天及後轉陰天)

1月6日....中午食左鮨玥~~~去同臭蜆玩~夜晚去睇Bruno Mars演唱會~~多謝毛寶請我睇~~~~不過MGM個場係露天..平地…我地坐得後~~好難睇到火星人~~~~諗住睇完先食晚飯..但諗唔到食乜…最後番屋企食杯麵....1月7日....中午買野食上臭蜆度食…夜晚叫李家外賣~~….1月8日…開工日~~雖然今日星期一~~但幾輕鬆~….1月9日…無乜特別的工作日~幸福~….1月10日…呆呆的我發現原來水行俠2已經上左!!!我想睇!!但上左好耐…可能會夾唔啱時間睇..一有旅行去..我就無留意有咩戲上~~係咪要機上睇喇咁?XXXD…..1月11日..最近左右膊都好痛...搞乜~....1月12日...yeah~~放工去左爀樂同朗公子慶生~~….1月13日…一早貢左出去行!!因為今日係我好鍾意玩既遊戲既社群日~~猛咁行~~中午買左和陽上蜆豬度吃~之後朗公子請我同毛寶去睇金手指~好睇好睇~..之後12春~…1月14日…中午去左蜆豬度食dino burger~…夜晚叫外賣~~……1月15日…好好好好多野做呀今日~~我有好強烈感覺想食肉XXXD頂住呀今日先周一~~……1月16日…今日又遇到奧客~我~好開心~XXXXD......1月17日...今日七公一齊上公司堂!!!一齊去飲茶!!!勁開心~開心到我以為聽日係星期五XXXD……1月18日...今日番工好好~耳根清靜~周五要來了~....1月19日....今日有朋自遠方來呀~~~~銀佬番左來約左見面~佢應該係我少數會真係約出黎見既網友XXXXD...由yahoo年代已經識~我都唔知有無識左10幾廿年XXXXXD...同左佢去食葡睇教堂~好開心~夜晚痴痴貢~





2019/12/22
Day 3---Part 1(台北,宜蘭 Taipei,Yilan)
喂~早呀喂~由於噚日食過酒店D早餐真係好難食...我同毛寶講：我唔想再食酒店早餐~~不如出去食啦~~....就係咁~我地兩個衝左出去吃~~華~今日好好天喎~

由於好想先來杯咖啡~附近又無cafe~所以揀左去starbukcks~隻聖誕杯個柄好可愛~








我勁有興趣買~~~甜甜香香的爆谷~沙北出爆谷~係coffee caramel~誰不想吃~仲有另一包係sour cream and onion~勁吸引~可惜......爆勁大包...我無買行李...得細gip...入唔到...






今日叫左呢D早餐兩人share~叫左個起司哈姆夾心貝果...NT$70＝18.4hkd....諗左好耐哈姆是什麼鬼.....係HAM呀頂XXXXD




呢個覺得得意所以叫...甜心菠蘿可頌...NT$70＝18.4hkd...牛角包上面係菠蘿包個脆皮...幾得意...但唔岩我口味XXXD




同埋梗係要食沙北布甸啦~~~




揀左有台灣特色既芋泥布甸~NT$75＝19.7hkd...食個布甸貴過食個包XXXD...生活好難XXXD....我唔食芋頭(但又鐘意中秋節姑媽烚既芋仔)...芋頭味我又可以~(但我又唔食芋泥蛋糕喎XXXXD麻之煩XXXXD)...我都幾鐘意芋頭味雪糕XXXD...呢個都好好味~想食多次~








食飽飽就番去酒店會合大家出發~今日真係好好天~




今日風平浪靜~水中有倒影好靚~






我超喜大山大水~




就快到目的地...咦?天氣咩事咩事!




司機大哥放企我地就沿路行入去~






我地今日既第一個景點係明池森林遊樂區~地址：宜蘭縣大同鄉英士村明池山莊1號






買入場劵先~假日成人票NT$120＝31.6hkd....








係呢度可以盡情地享受森林浴~












呢度仲有一個高山人工湖泊~






睇電話發現...咩事?做乜張相少咁兩個天團成員?做乜佢攝我鏡同我有合照?!XXXXXD




什麼黎呢度享受森林浴...假的XXXD係IG見到呢度木樓梯加森林拍到帥氣的照片~來拍拍~










得我幫你影既帥照；[...無你幫我影的；[...我問佢攞相有人話好懶唔想整之前D相我喎XXXXD








好啦~走喇~去食中午飯~




個小子無啦啦係宜蘭好鐘意紮辮仔~勁可愛~




中午我地食呢間山舍餐廳~地址：台灣宜蘭縣大同鄉鹿場路10號




有單點有合菜~呢間主打食茶類有關料理~我估我地叫左合菜~(即係食圍菜~)....因為一到就推哂D野食出黎XXXD...幾錢?忘了XXXXXD...但係份量好足..應該唔貴...樣貌勁普通....但老實講樣樣味道都唔錯~....第六張相個蘿蔔漬勁好味~























呢個炸溪蝦勁好味~





甜品係生果同茶jelly~




雖然茶jelly唔係homemade~但...好想食多個XXXXD






有人幫我同毛寶影~可愛~









越黎越覺得...同人類交流好攰
寧願同隻貓做做朋友好過~
我同毛寶講...我想加入anti social social clubXXXXD



2024/01/20的開心事：
梗係有朋自遠方回來~

(又對交朋友有番少少信心XXXXD)



報時:距離紐西蘭南島自駕遊之旅仲有---90日~
華!喂!
原來仲有3個月我就出發喇!!