宜蘭聖誕親子遊之旅2019-12-21第二天Part 1(晴天)

11月26日....中午食左好耐無食既tree cafe~幾抵食~..然後周圍行種花~夜晚叫外賣~....11月27日...呆下呆下咁過左一個好忙既工作日~都好既~忙咪時間快啲過囉~可以快啲到去旅行哥日XXXD....11月28日...放工去左慶祝凱公子生日~......11月29日...唔知係咪轉天氣呢...D手腳有D痕XXXD....11月30日...最近好鐘意睇新聞女王同通靈之王~(毛寶話我又話細膽又睇通靈之王XXXD)....12月1日...放工去左食IES..因為諗唔到食咩~再買糖水上臭蜆度吃~....12月2日..中午食左FIKA(最近由TOFF轉會食FIKA)...上臭蜆度玩~夜晚痴痴貢~...12月3日...中午食左MGM蝦麵~夜晚叫外賣~....12月4日...喂!今日又有清新空氣工作環境~~好開心~番多3日工咋!就~~~.....12月5日...上網睇日本天氣預報....今周好好天...下周出發....落雨...........12月6日....今日竟然多野做過星期一!!放左工食飽飯執行李..執到好攰XXXD番埋聽日咋!!加油~~…..12月7日…喂!!!今日係我2023年最後一個工作日喇!!!!好興奮呀!!!第一次由12月頭!!…放假放到下一年!!!!所以今日多野做我都心情舒暢~放工去食鼎泰豐..然後毛寶幫我剪定頭毛去旅行~….12月8日…大假第一日~真心興奮~揀左唔即飛~休息下先~(係咪我老左XXXD)....中午買野食去臭蜆屋企~猛同佢講：唉呀~我地會有成10日唔見架~唔好太掛住我地呀~(猛博同情~)....夜晚番屋企食同執行李~聽日過香港喇~緊張~



2019/12/21
Day 1---Part 1(台北,宜蘭 Taipei,Yilan)
早呢~呢間酒店直接包早餐~大器~

但係食兩下我就細細聲同毛寶講：errrr..好難食呀全部野都...我聽日開始要出街食早餐XXXXXXD




我地今日都有包車出去玩呢~我地今日換左第架車坐~




今日第一個景點：蘭陽博物館~






其實我覺得蘭陽博物館個外觀好靚XXXD




有時覺得細細個小朋友幾開心~諗野簡單D~同拉姨亂咁跳都可以好開心~XXXD




好啦~行入去啦~






買飛先~買左8張全票~NT$100=26.3hkd






我其實對博物館無咩特殊癖好~我去其他地方都好少去博物館XXD




博物館都幾多野睇既~講有關宜蘭既風俗啦~地質啦~有咩生物啦~之類之類~
















不過都啱小朋友去睇下既~呢個小朋友就仲未啱睇呢D博物館~不過都可以黎玩下~睇下新野~




呢度仲可以睇到對面海既龜山島~






好~食中午飯~今日中午哥餐期待左好耐~








餐廳環境又大又靚~~淨係行入餐廳都好似行過成個花園咁~




午餐就係掌上明珠會館~地址：宜蘭縣壯圍鄉大福路二段102號




其實餐廳入面都好大~同埋佢勁多人食...我呢兩張相係我地食完野D人散哂先影~我地入去哥時係坐滿哂人~






唔知係咪我地人多呢~有間房俾我地~








佢地係食套餐既~omakase咁~佢都有分唔同價位既~我地當時有NT$1,500=394.7hkd....同NT$3,000=789.5hkd....(依家已經唔同哂價錢架喇~加左價~最平都要NT$1,900...去之前自己上網睇下~或者去佢FB問下~我記得我都係佢Fb訂位~）...我地有7個人食NT$3,000~1個人食NT$1,000~菓子軒好似無收費~個set就分呢幾part~我同毛寶都係食NT$3,000~




望緊餐牌哥陣有人推車仔入黎~話呢D係我地今日既食材~~仲郁緊架~~~




好喇~先上珍味~NT$1,500係鮟康魚肝~NT$3,000係南非翡翠鮑~配胡麻球入面有日本金時地瓜~










刺身NT$1,500係第一張相~第二張相係NT$3,000但唔食魚刺身既人而設~但哥幾舊柑係?？?XXXXD






NT$3,000又食生魚刺身既就係呢個~還好啦~










烤物...NT$1,500係比目魚(我無影到XXXD)...NT$3,000就係烤紅喉~好正~隔離哥D烤左既米都好正~




醋就大家都係有機金桔蘆薈醋~清番個口~




蒸物...NT$1,500係琵琶蝦~聽講唔錯~....NT$3,000就係波士頓龍蝦配台灣山菇~雖然我麻麻波士頓龍蝦...但呢隻係吃得出既新鮮~












好味~




特品兩個價位係兩款唔同既牛~但我唔記得邊個打邊個~






食事哥時有廚師推車入黎~即整牛蒡絲手卷~好味~






到左重點~土鍋~就係一開頭推入黎哥隻長腳蟹~~~好大隻~










因為新鮮...所以好吃~












甜品比較一般~




都ok好味既~因為佢D食材新鮮~不過配搭上就比較一般~




阿公請造冬呀~菓子軒識做呀~攬阿公~




食飽飽周圍行下~佢真係好大~環境好靚~










仲有美術館?!




菓子軒教姨丈咩叫度度雞XXXXXD















我去完日本之後幾日就去台灣~
感覺自己放大假會懶懶的XXXXD
所以講講2023回顧先~
再見可能就係2024年XXXXXXD
今年~開心多過唔開心~(咁樣就已經夠好!)
雖然開番關真係好多野做~又多左好多唔同客既咀臉睇~
但~有得去番旅行...真心乜都值了~
疫情後第一飛就可以去到法羅群島同丹麥~
世界級~
以前已經覺得去旅行好開心~
依家有得去旅行係覺得勁幸福~
當然幸福既來源...係同到毛寶~
同仲可以同到老夫人去旅行~
就算呢幾年經歷咩大事~
係身邊仍然係你地陪住我同我周圍去~
真心感恩~(寫到我眼濕濕XXXD)
預祝大家happy new year~
來年乜都好~事事順心無煩事~
身體健康幸福愉快~*3*



2023/12/08的開心事：
今日臭蜆揀我拍佢蘿友好多次XXXXD
(想再多次...蜆豬子係隻貓XXXXXD)



報時:距離東京富士山之旅仲有---1日~
報時:距離與3小妖台北聖誕美食之旅仲有---16日~
報時:距離紐西蘭南島自駕遊之旅仲有---133日~

好興呀期待同準備左好耐既行程終於都出發!

雖然睇天氣預報可能事與願違~

但希望唔好太差~俾孩子們睇下富士山啦~

祝福孩子~

再上黎應該已經得番一個報時~

希望抽左假之後再增加~