生日會@蜀道

10月29日...中午買凱峰去揾蜆豬子陪我地食~夜晚叫外賣~….10月30日….仲以為今日星期一好多野做添~又還好喎~今個禮拜有一日公眾假期~開心~.....10月31日...下午眼訓到不得了~也撐過了~XXXXD我個生日月咁就完左~.....11月1日...我今日番工勁餓~但我堅持唔食餅餅~因為老夫人今晚請我食鮨玥做生日飯~好開心~...11月2日...yeahyeahyeah~今日放假~中午食左fika~個醬油烏冬又幾好味喎~...又去探蜆蜆~我地今日臨走時蜆蜆聽到仲急急腳咁跑去門口送我地走...毛寶形容蜆係趕住過關咁既樣跑過黎XXXXD蜆頭可愛慘了~~~夜晚同老夫人叫外賣~佢就黎去好多好多日既旅行喇~唔知佢緊張無~......11月3日..今日番工下午眼瞓到要再飲咖啡先支持到XXD…放工買埋喜茶去蜆子度飲大堂炸雞XXD….11月4日...中午諗住去食潮興隆...點知哥間執左..求其行下Barbie...再去附近Cafe食...然後搵蜆玩~連見3日~好開心~夜晚痴痴貢~....11月5日...中午接老夫人一起去MGM甜點吃中午飯~..然後陪佢搭港珠澳過香港~因為有人開始12日既日本旅行喇喇喇~~陪佢係機場酒店check左in…行一陣食埋晚飯…我同毛寶就自己番澳門~~….11月6日…老夫人去左旅行~我朝早同中午都係食麵包XXXXXD...夜晚放工本身去食臭豆腐...點知無開!...行左去買小上海鍋貼~再食埋鹽酥雞~我仲買左大聲公涼茶化熱氣~.....11月7日....放工去左食comma~食左個牛粒飯...醬油煎蛋...藜麥秋葵~然後唔憤氣再行去睇下臭豆腐冇無開~點知有開~唯有食啦~XXXD.....11月8日...放工毛寶臭我去食飯~我地去左食聯記~又食埋雪糕~....11月9日...今日我自己放工衝左去食大家樂~食飽心滿意足不小心手溜買左出年大旅行機票(欸?)...11月10日.....星期五放工有毛寶臭我去吃鼎泰豐~…飯後去左飲杯野~….11月11日….中午衝出去影證件相..係...又10年...又要換身份證...我嫌新一代身份證太醜..趕緊揾個靚日換~但影完揀相時驚覺....個姐姐撥到我D蔭劇醜;[[[[[[[[....然後趕住衝去買屈人治今日雙11有88折~~再會合毛寶買和陽上蜆蜆度食~夜晚痴痴貢去食丹桂軒~

(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



蜀道呢間餐廳...由無星食到有星XXXXD我都唔知點解我地食完又食食完又食~我啦...毛寶啦...老夫人啦~都分別係2022年至2023呢兩年都分別係呢度食生日飯XXXXD查實都幾好味既~咁就講下佢XXXXD呢間餐廳位於美獅美高梅~

我都幾鐘意佢地餐廳裝修~好似置身係一幅大型山水畫咁~悄悄現身的兒子~










佢無星前次次去都有D高級中餐都有既歡迎茶~有星後去反而時有時無...搞什麼?XXXD




叫D茶會有杯揀~靚~(上次迫毛寶揀紅色XXXD)




我好似次次都係叫杭菊XXXD諗住食辣野清熱~通常叫杭菊再另外叫一杯巴蜀風情解辣~(呢杯我竟然無單獨影!好好飲我次次都叫~因間合照有)






Amuse Bouche係澳洲帶子刺身...上面係椒椒麻麻既醬做配搭...咁配幾得意~




我將好多次去食既野一次過寫哂XXXD...蓉城葵花口水雞 $228.5....味道ok既~但係人唔多我唔會諗起佢XXXD




碧螺春秋 $280.....呢個好味~酸酸辣辣螺夠爽~量都多~3人以上必點前菜~如果兩人食就會丸多~




老成都燈影魚片 $160...整到透到燈~招牌前菜~脆脆辣辣~好開胃~我幾鐘意~毛寶應該麻麻~佢墊底仲有D炸脆左既蓮藕片~惹味~




饞嘴粒粒香 $140....勁香口~我又係鐘意~不過呢個人多先好叫~如果唔係人少食黎食去都呢隻味XXXD...無記錯係用伊比利亞豬~




川味油滷鮮鮑 $380....好味開胃入味~唯一缺點係貴XXXXD




椒麻翡翠白舞茸 $180....辣辣麻麻爽爽~幾好~




紅油蒜泥深海蚌 $380....紅油蒜泥好味...蚌新鮮...但係...我覺兩樣野唔夾XXXXD...




湯哥方面試過兩款..力推芙蓉官燕雞豆花 $190/位....呢個湯係張雞肉打成蓉...加入蛋清之類煮成圖中既形態...係咪好似豆腐花呢~但又同豆腐花又無關係~係食雞不見雞...食肉不見肉既狀態~好正~濃雞味~呢個好味....但其實我鐘意川江月個雞豆花多D~(但已結業~)




另一個又係名菜開水白菜 $90/位....呢個我覺得一般~




鍋貼豆腐 $110....雞豆花D fd...口感幾得意~我同毛寶都好愛~




三義園牛肉煎餅 $90/3件....外皮好酥..但成個食好油膩~我不愛~




荔枝巷鐘水餃 $60...細細隻又皮薄~調味又好~~




生拆蟹肉青團 $160...呢個係舊年秋冬季限定...今年我以為再有!點知無....超級勁爆好食!!...軟軟糯糯既外皮...包住蟹黃蟹肉...勁鮮味~好可惜今年無....如果佢有我會為左呢個小點再特登去食一餐XXXD




每次都叫既回味無窮珍寶蟹 $960....用川味整...估唔到既咁好食~




荷葉鮮香牛肋骨 $420/6件...食過一次...無記憶XXXXD...我估一般...如果唔係我點會唔再叫XXD




山珍炒澳洲和牛粒 $480....想食唔辣既餸之選~可口~




宮爆蝦球 $280....我鐘意~惹味爽口~




水煮雪花牛肉 $260....估唔到呢個牛肉咁薄片油脂又幾夠喎~




熗炒澳洲菠菜苗 $230....呢個又辣又咸~食過一次無再叫~




松茸乾煸四季豆 $130...無記憶XXXD




乾鍋有機花菜 $110....下次叫菜類既野我會叫呢個~因為我鐘意食椰菜花~




雞絲涼麵 $80/位....以為好漏...但係涼麵食落麻麻的~幾清爽~




擔擔麵 $80....呢個水準不穩...第一次食咸到入唔到口...另一次去再叫又唔錯喎~




文廟街蛋烘糕 $60/3件...我麻麻地四川式甜品~最岩我口味得冰粉~同埋叫過一次呢個~似冷糕~




2022年我生日~同唯三大學同學~餐廳有送壽桃~






2023年老夫人生日~我地手上就係我地力推既巴蜀風情~(無酒精).....同辣辣川菜同飲好解辣~佢D cocktail我全不愛XXXXD












2023年毛寶生日其餘六公為佢慶生~餐廳送壽桃我地再訂兩隻功夫熊貓($50兩件)為佢慶生~




好有氣勢!盤野就黎大過個人~隻熊貓係帶D辣辣地既包~








大家好似成年未見過七公子XXXXD俾個今年9月既近照大家看看XXXXXD就是你~




Petite four都充滿椒麻味~喜歡~
呢間蜀道我同毛寶都食過最少5次...由佢無星變有星....老實講...我幾欣賞佢地訂位熱線...同埋餐廳回電話既接線態度..依家太多講普通話既外勞朋友....不過我訂位既底線係...你要同我講普通話...我識普通話都只會用廣東話回你....有D酒店會問番我可唔可以用普通話問問題...我會答唔可以XXXXD我容許你搵個識廣東話既人答...有乜理由要個客就你用普通話對答?大佬...你黎澳門打工要個客就你?你去英國打工會唔會叫個英國人就你講普通話呀?如果我去內地打工都唔會叫個客講廣東話就我啦...其實係澳門地方個客講廣東話你同番客講普通話已經係勁無禮貌架喇~....蜀道打黎搵我confirm時一開口講普通話...但一聽到我講廣東話佢就會自動轉channel盡力用番廣東話同我溝通...聽得出佢廣東話唔係母語...但係我好欣賞~值得表揚~但......抱怨要來了...一直覺得佢地野好食服務好...直到攞左星之後我反而覺得服務下降..........包括上菜次序同速度...試過剛剛上左一堆前菜...食都未食...個蟹就上埋...咁我食前菜定食蟹先?食前菜先蟹又凍哂...食蟹先我要前菜黎做乜?.....毛寶生日哥次仲見到侍應妹妹藐我地XXXXD....同埋佢D侍應唔係好快速察覺到我地需要(幾次都係)....米芝蓮喎~我寧願你無星喇~








2023/11/11的開心事：
睇先睇一篇台灣報導...
話鐘意用XD符號係老人才用!
用XD一定係30 40歲的人才用...
我已進入老人行列....哈哈XD
(那有什麼好開心XD?!)



報時:距離東京富士山之旅仲有---28日~
報時:距離與3小妖台北聖誕美食之旅仲有---43日~
報時:距離紐西蘭南島自駕遊之旅仲有---160日~

點解會去呀???

er...其實好耐之前已經諗過去…

睇完啲旅行書覺得好悶同埋啲野好貴就放低左...

依家睇人地啲blog好好多~

我地揀左淡季...

我地要睇秋景!!!

(我係唔會話俾人知其實係因為紐西蘭航空做緊雙十一優惠淡季出發張機票平好多所以我先去紐西蘭)

其實佢淡季出發經濟客位出發真係好平..

先63xxhkd(無AM儲)...旺季要1萬..

但我見佢豪華經濟位10xxxhkd(有AM儲)...旺季要2xxxxhkd...

所以我決定狠下心...俾多3000hkd 嘆住出發算喇XXXD~~~

最多我今個月食穀種XXD(老人又用XD喇)

同一條機票國泰賣緊Y係10xxxhkd...PEY係25xxxhkd~

多謝~