飛行體驗法國布列塔尼自駕遊之旅2019-12-04～05第十一,十二天Part 4(晴天)

10月8日...一起身估你唔到地由噚日掛8號風球預測係低至中等變中等再變今朝既高XXXXXD...咁就快快去食個IES~去Taste買豬手等老夫人今晚淨煲白飯就開飯~飲個啡見到4點半掛8號就奔回家~岩岩睇仲話凌晨有可能掛更高風球...真係變幻莫測~.....10月9日....7點醒左話8號風球維持至10點...心感不妙...肯定要番下午~再訓~10點起身~見到已變3號~又到我最憎既番半日~一開始勁多人~~~.....10月10日...喂!又係咁多野做既!攰到癲~....10月11日...喂!好辛苦呀!做到眼都mee埋變一條線~快D去旅行啦~~....10月12日...今日終於少番啲野做~舒爽~….10月13日…本身唔知…無啦啦一早有人提我黑色星期五;(…好彩啲客怪得黎唔串XXD放工食左白日…再去同臭蜆玩~…..10月14日…中午嘆左巴黎人牛扒餐~再去喪買野....今日使左好多錢千...今日臭蜆家有整無得見蜆蜆~再去嘆茶~夜晚痴痴貢~.....10月15日...中午買左茶茶仔上臭蜆家吃~迫蜆蜆俾我錫左好多啖~啜啜聲~開心~...夜晚叫外賣~...10月16日...一早知今日會係唔係一般既多野做~但憑我地驚人意志...準時收工~但係放工食飯拖埋地真係好攰...執唔到gip~....10月17日...今日好開心呀~我中午放工撞到毛寶~佢話護送我番屋企~XXXD.....10月18日....順利收工番屋企執gip~今日落過好大雨~擔心聽日去港珠澳時落大雨~....10月19-22日泰國爽爽中~.....10月23日...好彩去完旅行番黎有一日抖下~起身中午買左momo去臭蜆度吃~好掛住蜆蜆呀~深吸~夜晚在家吃~.....10月24日...又係預左多野做~但又可以接受喎~衰在又接左D乜都想R既人...正正經經好無?.....夜晚食飯開始痾5次...搞乜?....10月25日...總結..計埋凌晨同朝早我痾左7次....敏屎敏到X眼痛；[...臨訓又沾寒沾凍...訓到半夜又爆汗...諗起噚日食既野同老夫人一模一樣...除左個麵包...但個麵包又無咩特別...凌晨痾完我仲諗住睇下朝早好無D睇下可唔可以番到工(毛寶問我點解你覺得自己朝早可以番到工XXXD)....醒左個肚仲係痛同老闆請左病假就諗...去邊度睇醫生好...望下政府急症室個app...人數應該無三..四個鐘我都落唔到樓...個人勁虛之下...我揀左睇要私家醫院...打電話book左時間...再慢慢刷牙洗頭出去(其實係快唔到..特登約個幾鐘後到..)...拖行住個身去醫院...行左成10幾廿分鐘先到...平日行路有風既我應該8分鐘可到....今日諗番起行到勁似喪屍XXXD(之後補寫的日記)...去到醫院...由首次睇既做登記..等睇..睇完等攞藥...俾錢...用左15分鐘搞掂...但我唔會講我用左$448先搞得掂；[....開兩隻藥..兩日藥...開張病假紙..診金......真係...無錢唔好病係真架；[.....本身哥日約左下午兩點半去覆診對眼..打去問可摸耳早D去點知又得...超感恩俾我改早D睇等我唔使下午再出去...又拖住個身去覆埋診(等藥途中我訓著左XXD)....又拖住個身買麵包...番公司交假紙...再拖個身買寶礦力...我處理得好好XXXD...夾硬食左塊包...食藥...仆左上床訓...由中午一點...訓到7點...食左少少米粉(4份一個)..隔兩個鐘食塊包又飲左D寶礦力..點知到嘔...食飽野坐係度不停hip眼訓...勁攰...之後訓到度睇直頭訓著左XXXXXD....訓到半夜又痾左次屎.....10月26日...訓到6點起身...頭又痛肚又痛...痾痾下尿..又想嘔..嘔完...又想賴屎....不容易呀我；］....我研究呢次同時又痾又嘔又頭痛係咁岩連生理期一齊黎先會咁...所以我今次食止痛藥~~我穩陣攞住個保鮮袋入房..點知真係坐一陣又嘔XXXD好彩~都衝唔切去廁所...但嘔完今次好番好多XXD...中午起身食左半個粥...起碼成個下午無攰到訓晏覺~~好成功~但呢日毛寶同我一樣...痾左7次XXXD佢都去左睇醫生...我地呢兩日番工無其共同進食史....我上網睇食物中毒最展潛服可以有一周...我極度懷疑係泰國食既螄蚶出事XXXXD....10月27日...番工日~放工去左同公子開我同杯子之生日趴~不過凌晨我都有少少賴屎….10月28日…去800伴買生日6折鞋….去IES食…再去KIEHL’S買vip day野…買到成手都係~~夜晚唯三大學同學同我慶生~~



2019/12/04～05
Day 11,12---Part 1(法國,巴黎 France,Paris->香港 Hong Kong->澳門 Macau)
上回講到係Lounge hea到boarding都唔知~超音鼠咁跑到去登機閘口~~

有得影好影喇~都唔知幾時先可以再穿過呢度虛榮門!(個名好老土XXXXD)




好喇番香港喇~我地坐卡塔爾航空QR816班機係08:45由多哈飛番香港~~~亮點係!!呢隻係Boeing 777-300ER!!如果換商務...即係.....我地坐到Q-Suite!!!當年商務艙中既天花版~當時好似唔算多航線有Q-Suite.....但其中一個有既航點係香港!!我點會唔把握回程時坐坐佢!!!(依家佢其實好多航點都有Q-Suite坐...但就...無左香港航點....)...呢程7小時30分~




我今次揀左坐1E~~~




今次係我主動揀左坐中間同毛寶坐~點解?要攞威囉!XXXXXD




講下點樣攞威先XXXD....Q-Suite既賣點~梗係商務都有得關門有自己小空間啦~另一個賣點係：如果坐中間某D位....打開中間圍板....然後兩個變Flat bed會變成雙人床~~~~(不過可惜既係...我地呢班係早機無鋪床服務)....所以如果想坐雙人床要小心揀位...就坐位表都睇到喇....中間要EF位先會痴埋一齊變到做雙人床~DG位係分開~同埋要留意就係...AEFK位都係倒頭機XXXXD(倒頭車原理....不過係起飛同降落先會有感...其餘時間都無乜唔同...同埋就算起飛降落都會過好唔舒服~如果係AK窗口位就會位近窗....BJ位就張枱近窗)....當初上網換飛時想同毛寶一齊換1E同1F...點知佢淨係俾同一條機票既兩位乘客一齊咁樣mark呢兩個位(我同毛寶分開acc換飛...所以係兩條機票唔俾咁樣揀)....於是我上網搵香港卡塔爾航空既辦事處聯絡電話...諗住打過去問可摸耳幫我地揀呢兩個位~點個打左成日都無人聽!....隔左兩日我決定send e-mail去問...e-mail回覆都係叫我打去香港辦事處幫我搞...我再覆其實我有打~不過打左成日都無人聽問佢可摸耳透過e-mail幫我搞~然後佢就幫我搞掂左~~~~




就係咁~睇下我笑得幾甜XXXXXXD...空姐見我左影右影就知係鄉下仔~主動過黎幫我地影張相~但係我成晚無訓塊面勁浮腫XXXXD遮遮佢廢事嚇親大家XXXXD....我同毛寶中間塊板已經整左落黎~可以傾計喇~(呢度講唔講得真話架?係我send左e-mail去搞掂個位之後發現....原來我打錯左香港辦事處個電話XXXXD我好廢)




我同毛寶坐既1E 1F就係連位但坐倒頭機啦~而我地對面就係正常方向既位...但佢地係唔相連做唔到雙人床~同埋其實呢班多哈番香港既機坐唔滿...咁岩線我地對面就無人坐既~如果唔係次次起身去廁所對望都幾老尷~其實呢日唔多人坐...成個Q-suite得10個人坐~




但又有一樣好正架喎XXXXD如果你係4個識既人一齊mark E F D G位....佢連對望既屏風都可以開埋...好似打麻雀咁4個人一齊食飯XXXXXD想試~




但如果有下次...我會揀試靠窗單人位(倒頭機)~




拿拿拿!今次起飛前既welcome drink我話事呀XXXXD要叫另一個signature drink Lemon mint~~酸酸甜甜咁~不過我覺得甜度多左少少~無咁甜好D~




好啦~起飛前小朋友話一路飲住野一路介紹下個位先~




Qatar號稱呢個Q-Suite係First in business!自然搭前令我期待萬分~介紹下個位先~咁一坐低都感到個位好闊落~個電視勁大~可能就怕我話個位同電視太遠睇唔清XXXXXD...輕觸式螢幕反應好快~解析度亦高~左邊有張枱放哂過amenity kit..枕頭同被~(一睇就知係厚被)




個位勁大~~睇下~我地伸直腳都未掂到前面~(咁係因為你地矮)




邊個過我地矮呀!我地對腳勁長!XXXXXXXD




好~座位邊邊有儲物地方~我無記錯好似得呢個XXXXD入面仲有水...飛行安全指引同Headphone~




門隔離仲有盞靚燈~係起飛時門要打開~






枱既下面就係控制台(怪怪的?)...弧線形既設計...美人一個~仲有一系列既插頭~




你知啦~個電視咁遠~成日翁前個身去㩒電視好煩架嘛~梗係有個搖控架啦~靚~成個遊戲機咁~(我其實記得Emirates某機型econ都係咁XXXXD)...隔離有個悠然自得的小孩~








同大家介紹下佢除左amenity kit之外....如果係過夜航班...仲會派睡衣!係英國品牌The White Company~個色都幾正常色~幾好~個amenity kit內容物一樣~不過今次攞個袋唔同色咁解~其實我地早機航班本身係唔提供睡衣...然後有次我同個朋友傾計講起感到可惜XXXXD(睇下我幾咁窮酸)...然後我朋友話：其實佢無提供不如都試下問佢咯XXXXD(我唔講佢係邊個!XXXXD)....所以我上機就鼓起勇氣問靚靚空姐XXXD....然後佢報以美麗笑容：sure~......我成程機無著過XXXXD攞左番屋企(窮酸呀你~)








餐牌同酒單個款同之前一樣~不過多左張snack platter~航班一番香港即刻有中文睇~可惜是簡體~....空姐起飛前問左我地想幾時食野?(可以自訂時間~)....我揀左起飛後即食...因為我想食多餐XXXXD










望埋餐牌就播航班安全短片然後就起飛喇~~睇下張雙人床~(可惜我係朝早航班)




起飛至穩定高度後空姐就幫我地關好門~就好忙去準備喇~




呢個人係起飛前已經訓到斜哂XXXXD起身呀你!講幾多次!個人窮係商務你就唔好訓咁多!你就清醒下感受呢一切!)




醒呀!第二輪飲品黎喇~我又係揀So Jennie~配熱哄哄堅果~正~睇埋我上程機睇淨既crazy rich asian~(呢套又係一有就次次係機上都睇XXXD)




睇完淨低哥少少戲就開始上餐~前菜揀左生果清清個口先~再開番套fantastic beast and where to find them~好鬼仔呀我~早餐食生果先~






叫左杯生果沙冰....唔記得係乜XXXXD好似係香蕉~




一於做鬼仔到底~整多個粟米片先~仲要問我要咩奶~我要左skimmed milk~




本身我早餐主菜係鱸魚粥架!(又話做鬼仔到底既XXXXD)...毛寶食緊哥時空姐先話我知無哂~見你咁乖送左睡衣俾我同毛寶....我轉揀西餐(雞肉及煙火雞腸和鮮蔥艾門塔爾奶酪煎蛋卷)...好難食~西式早餐好伏XXXXD




飲番杯啡醒醒神~到底一餐又要飲幾多野?XXXD...又sparkling water....又香蕉沙冰....又奶....又咖啡XXXXD感覺會賴屎XXXD




食飽真係要去去廁所XXXXD感覺呢隻777-300個廁所大過頭先哥隻A380....我記得我去左勁多次廁所XXXXXD




我記得我係有訓一陣既~毛寶都係~咁我睇完fantastic beast and where to find them之後我開左Alita睇~睇緊哥時口痕...想問空姐妹妹有無snack platter咬咬...我諗住揀頭先餐牌其中一兩樣試下....點知佢話其實全部都幾好食~不如樣樣俾少少你試下~(咁我梗係好啦~我最八想睇哂全部野架喇~)....野飲叫左杯又係signature drink~pineapple magarita~同埋一杯洋甘菊~(飲夠未?)




老實講~都不錯吃~一定好過頭先早餐XXXXXD最好食係上面哥行中間隻蝦~同埋左上哥個almond with milk chocolate~勁好食~




小孩就揀左食我頭先程機既afternoon tea~唔鬼知佢飲咩~喂!咁優雅咁食下午茶學咩人睇娃鬼回魂呀頂!






哭哭~早左15分鐘到~夜晚9點就番到香港喇~....我咁懶~我梗係搭尊濠番澳門啦~XXXXD..3年前仲係536hkd~到左香港佢幫我地攞行李....帶我地去專車到港澳碼頭....然後幫我地搬行李落船~番到澳門帶專車車我地番去~我先會掂到舊行李~






係船上面我地超想食辛辣麵~(其實只係杯麵哥種但好想食~)...但職員話今日大浪~唔提供熱湯類~所以唯有食炒米炒同埋咸蛋肉碎粥...粥好稀但味道OK~...炒米粉加左辣醬係極緻~但為太多日無食中式野~所有野都好正~




番到澳門第二日即衝茶記XXXXD




喂!呢個Blog由2021年11月27日開始寫到依家XXXXXXD...好X長氣....好彩夠長氣.....夠我捱過呢個疫情XXXXD....當然期間有時好懶~有時成個月無寫~期間又試過中左肺炎要休養下~(總括黎講係懶既多XXXD)....好啦~anyway~呢個旅程終於都寫完喇~各位觀眾~拜!拜!(攝於Q-suite上)




總結：
1.使費：2,384hkd(機票稅項)+466.8hkd(購買不足里數)+6,686.4hkd(11晚酒店)+598.4hkd(巴黎來回雷恩TGV車飛)+3,068.7hkd(租車+保險)+310hkd(保險)+5,950hkd(買野+市區交通+食)=19,464.3hkd~喂~12日~抵喎~如果唔係我低能...最尾幾晚酒店記得用左個優惠佢...每人可以平多一兩千都得~
2.又係辛苦毛寶啦~揸左成程車~連個行程都係佢諗~我淨係負責搵機票同火車飛~
3.拿~我都好勁架~成程都坐商務喎~仲要係兩間航空公司既單程商務喎(單程一定貴過來回~)...當時真係有上網過我地搭既哥日幾多錢~(人窮自然想知XXXD)....國泰單程32,414hkd...卡塔爾單程22,499.4hkd.....我幫你慳左好多架毛寶~不過燒左12萬里數XXXXD當時仲要唔夠里數XXXXD要俾400幾hkd買~都抵啦~不過如果我叻D既話我應該可以用多3萬幾里變多3個旅行出黎...好啦有機會試下~

4.如果要講兩間航空公司...如果要我比較....國泰優勢係直航....雖然成日上網睇人講國泰空姐好西面...但我哥日空姐們就ok既~做足左自己本份...就算佢無人咁好...都係因為資源無人咁好XXD已經用有限資源做到最好算係咁~國泰硬件唔得XXXD張櫈勁唔舒服.....張櫈唔完全平訓到XXXXD令人覺得坐係度訓舒服過佢XXXD...所有野都好舊~

卡塔爾航空既A380有空中酒吧~第一次試~開心~座位設備都比較新~空姐做足本份之餘仲要記得你喜好..仲有貼心舉動...餐膳都唔錯~酒水足~諗唔到缺點XXXD

同樣既卡塔爾航空唔同既機型777-300ER...口號係First in business既Q suite~係我最想試既~座位真係無得頂呀~私隱一流~空姐仍然笑容甜美~(可能少客XXXD俾我都會笑得甜)...早餐難吃~snack platter一流~我就超鐘意喇~起碼佢設計唔係土豪金~3程機最鐘意Q suite~毛寶當時明明話鐘意A380....話鐘意佢夠開揚~Q suite好侷促喎...但依家又話鐘意Q suite多D~(麻之煩~)

5.第一次同毛寶兩個人歐洲自駕~好彩順順利利~
6.去布列塔尼都可以話係少女時既一個夢想要去既地方~純粹某次睇老夫人買哥D旅遊雜誌介紹~話呢個地方食蠔食完直接將手上蠔殼拋落海~~感覺豪邁~~同埋我真係好鐘意食法國蠔~~好彩毛寶都鐘意食咋~同埋好多謝你帶我去又實現我一個夢想~
7.全靠有呢個旅行...我同毛寶係呢3年疫情講完又講講完又講...講下食蠔又開心...講下坐商務又開心~咁先捱得過呢3年疫情...希望疫情一去不復返~
8.2021年11月...寫到2023年9月...終於寫完XXXXXXD

~The End~

~多謝收看~

2023/10/28的開心事：
蜆豬子陪我玩~



報時：距離東京富士山之旅仲有---42日~

報時:距離與3小妖台北聖誕美食之旅仲有---57日~