飛行體驗法國布列塔尼自駕遊之旅2019-12-04～05第十一,十二天Part 3(晴天)

9月17日…中午去左食MGM甜點食蝦麵~去one central睇個展覽..夜晚食左李家外賣~…..9月18日...多多地野食~星期一係咁架啦~安慰自己~...諗下下個禮拜~出發喎~....9月19日..訓到凌晨5點個頭勁爆痛；[[[[....偏偏今日D客要臭好耐(即係要傾好耐)...今晚早D訓先~....9月20日...噚晚話早D訓...點知訓左半個鐘就醒左...然後坐到3點先訓到；[[[[[......9月21日...yeah~放工去左同唯三之大學慶毛寶個生~食左醉江南~.....9月22日...今日本身晏又可以放早~開心~食左風味居既椒麻乳鴿賀賀佢~...9月23日...中午本身想食Browned(個名可能我自己作XXXD)...點知去到話開12點又無開...轉左食文哥~一樣開心~上去同臭蜆玩~夜晚去南湖明月做節~...9月24日...大名鼎鼎既臭蜆蜆生日~呢日4個大人團團轉幫佢慶生~~夜晚同老夫人食鮨玥做節~....9月25日…好忙..放左工好多家務做XXD…9月26日...無啦啦訓到5點個頭又爆痛....起身食早餐都唔開胃...拖住肥胖身驅番工...成個人都暈下暈下...好彩有必理痛咋；[[[[....食左先個人醒番D...如果唔係今日都唔個點過....好彩今日唔算忙..有機會發下呆...夜晚食飽飽開gip執喇!!!....9月27日...茅乜特別~不過頭都係有啲痛~…..9月28日…仲以為今日會少啲野做…點知又多喎…唔緊要!!!本小姐放假喇!!!yeah~~出發!!!!…..9月29日-10月2日…大阪爽爽中….10月3日..噚日5點幾已回到家~好開心可以係屋企食飯..洗哂衫執哂野~訓到今日成10點10先醒~好爽~買野上臭蜆家吃~掛佢呀~夜晚約左朗公子食鼎泰豐~行街~食糖水~開心~…10月4日…中午約左3小妖飲茶~..然後去探臭蜆~晚上在家叫外賣~….10月5日…預左放完咁多日公眾假期多野做...但點呀~本小姐放早呀~理鬼你~聽日又周五~....10月6日...多野做呀喂~放工去左食聯記雞腳撈米~食埋蛋茶~再買埋芒果糯米糍搵臭蜆陪吃~....10月7日..老豆就來生忌去拜佢~再去食風雅廚~再去搵臭蜆~再痴痴貢~



2019/12/04～05
Day 11,12---Part 1(法國,巴黎 France,Paris->香港 Hong Kong->澳門 Macau)
落機行去轉機~

開心Business可以同First一齊行特快通道~記得上幾次搭emirates係杜拜轉機要排好耐~今次好快幾鈖鐘就過左~




去到轉機大堂就見到呢度既轉機名物~笠燈罩之熊Bear~




跟住指示牌去到business class可入既Al Mourjan Lounge~






個Reception都有氣勢過人~






第一時間入到去唔係參觀!而係衝去登記沖涼先!!!因為上網睇話呢個lounge既沖涼房長期好full~所以如果轉機時間短既人記得要去沖左涼先~我記得個姨姨面口好差~問佢借風筒仲燶口燶面~備品我覺得國泰係香港個lounge哥D好D~但qatar呢個就好似大d~












又係我出黎先等毛寶~涼下冷氣先~沖完涼好鬼熱~




開始行下個lounge~勁大~lounge中間有個超大既水池裝飾~好夢幻~我地轉機有成8個鐘XXXXD可以慢慢行XXXD






決定去食少少野先~落左機沖完涼都過左兩個鐘~都餓喇XXXXD佢係真係有間餐廳咁...休息還休息...食野還食野~好似真係行緊入餐廳咁XXXD






睇下個人眼瞓到XXXXXD




可能依家係凌晨~餐牌得輕食~




整杯咖啡醒下神先XXXXD




叫左一個煙三文魚多~(叫法好土炮XXXXD)....另一個係芝士多~估唔到素食多士好食D~(可能關個包事~)






食左野又行下...佢仲有兒童遊樂室同有梳化同電視既休息室~不過休息室已經俾人霸哂黎訓覺~所以無影到~(如果係First Class既lounge係會有個人獨立休息室...仲有床訓)






然後再行番水池哥邊~見有水晶cat walk天橋又上去睇下有乜XXXD~




上面原來都係用餐區~仲有一個Bar~不過你都知啦~都凌晨啦~仲飲乜鬼酒丫~




呢層用餐區採取自助餐形式~睇岩咩食咩自己攞~








有人攞左個湯飲下~我無攞野食~純坐陪佢飲~




落番樓下搵位坐~有人話要搵位訓訓XXXXD




然後訓左一陣覺得唔好訓又換另一個區既櫈去訓XXXXXD好彩佢休息區域多~包到自己成舊垃圾咁訓XXXXD




我就無訓既~坐係度電話上網~(因為我妄想症會訓過時間唔記得上機XXXXD)....同埋我鐘意佢呢個lounge好好...無論你係邊個休息區...都唔超過20步就攞到野飲~好多自助飲品區~而且都幾多野揀~我飲左好多杯野飲~呢度23:00至01:00好多人....然後靜蠅蠅~....05:00開始又多人~






到左登機時間前15分鐘就叫醒呢個人~去登機閘口XXXXD因為我睇極lounge個電機都未見到自己班機係邊個gate~




點知一望航班顯示個gate原來遠遠地仲開始boarding中XXXXD少少快跑衝去登機XXXXXD早知早D叫醒佢XXXXXD









2023/10/07日的開心事：
順利完成今日要做既野~開心~



報時：距離小t生日泰仔仔之旅仲有---11日~
報時：距離東京富士山之旅仲有---63日~
報時:距離與3小妖台北聖誕美食之旅仲有---78日~
WOWWOWWOW~
仲有11日就出發去曼谷~
errrr...其實我有少少驚既最近睇太多新聞...
希望安安全全順順利利完成呢個旅程就好了...
好啦~番來再見~