飛行體驗法國布列塔尼自駕遊之旅2019-11-29第六天Part 2(晴天)

4月23日….起身諗住揾間漢堡包試…點知揾唔到..買左麥當勞去臭蜆度食…夜晚叫左間好難食既泰餐外賣….4月24日…今日巧多野做~~~放工食左個滷肉撈麵~巧難食~…4月25日…好乖好乖..放工自己一個去念湯舍飲湯~感覺健康~….4月26日…今日成個人飛走左...完全無心機做野.......4月27日...老夫人終於都去完玩番左黎喇~~~好開心~.....4月28日...夜晚同左朗公子去食潮州百樂~仲有去睇左許光漢套關於我和鬼成為家人的那件事~好睇~最開心係唔使錢睇~.....4月29日....中午食Toff...去買下旅行野~同臭蜆玩~夜晚痴痴貢同剪偷髮~然後又不小心…買了機票~.....4月30日....大拿拿我老母老夫人生日呀!!!生日快樂身體健康~中午去左試Art Regency個lounge~夜晚去食剛攞左米芝蓮一星既蜀道~.....5月1日...中午買野食揾臭蜆陪我地食~…夜晚一早訂左pizza hut外賣~又準時又無附加費~法定假期最佳選擇…5月2日..長周末後番工預左多野做~….5月3日…個膊頭好痛..痛到頭痛..用用按摩槍….5月4日…凌晨4點頭痛到醒左…食左藥6點先再訓得著….然後見到自己2014年有篇blog俾人檢舉話我違反惡意軟體和病毒….睇完之後r哂頭….睇哂成篇我心諗:唔係講緊呢樣呀下….真心無語……事但你啦下……..5月5日..放工食左鼎太豐~~然後又去食左FROYO~.....5月6日...中午食左上河內...但今次覺得佢牛肉唔好食!...然後梗係去探臭蜆啦~~夜晚痴痴貢~~



2019/11/29
Day 6---Part 2(法國,布列塔尼,卡那克 France,Bretagne,Carnac->瓦納 Vannes)
好~睇完巨石林就去下一站~出發前搵左間海鮮餐廳諗住去食...點知行到埋門口無啦啦休左息XXXXXD唯有....去蠔場食少少口立濕醫下肚XXXXXD...呢個蠔場叫Anse du po~

呢個範圍人都唔多個....行入去見到好多蠔呀!~~






我估賣緊同一款蠔...係大細唔同....睇睇下有人出黎問我地要咩~同埋發現要自己開~無得加錢開....都....試下啦...佢有開蠔刀買~(我點都要濕濕個口~)...自己開梗係揀大隻少少啦XXXD....








我地買左€6.5＝57.2hkd 哥種...呢個價錢係1KG....有6隻~買左入膠袋~我地就抽住膠袋行去海邊~




呢度6隻蠔57.2hkd...把蠔刀要€7＝61.6hkd...刀仲貴過蠔XXXD




第一次試開XXXXXD人生第一次開蠔呀我地兩個XXXXXD...第一次開...又開得幾靚喎~(但開左勁耐XXXXD)






呢隻係我人生第一隻開既蠔~~好鮮味呀~特別好食架~




但係無手套戴毛寶開蠔唔小心𠝹損隻手呀；[....同埋6隻蠔我地開左45分鐘XXXXXD






我開左勁耐先開到XXXXD










食完蠔又出發啦~好好天呀~~~






由於實在食3隻蠔係抵唔到一餐午餐...我地經過個大大地既休息站就衝去食野先~左揀右揀~揀番食Crepe~(又吃?




過左食飯時間~無乜人~不過餐廳都大既~今日天氣真好好~




黎多杯美式先~我已經開始眼眼地訓XXXXD...€1.7＝15hkd




Lanester....€7.9＝69.5hkd....搞乜XXXD...open sandwich咁款....依家睇番當時餐牌人地應該有寫到係咁XXD係我地自己唔識睇~你知啦~法國點餐都是一場賭博~我又唔曉法文法文又唔曉我~(以前住過一陣法國又無好好學好法文真不該....也不能怪我呀!我當時只是個Hi子!成場戲我自己一個做哂~謝幕~)




另一個叫左Concarneau...€7.9＝69.5hkd....




一吃....驚為天人的好吃!!外面的皮脆脆的....內裏有隻半熟蛋...芝士咸咸香香的...同埋....咦...咩黎架?






呢個crepe真心好食到...我唔曉法文...英文又唔叻...都膽粗粗店員(or老闆?)收碟時大讚好好好好好好好味...仲問佢一圈圈那個是什麼(對於食我係好有求知欲XXXD)....叔叔好好人即刻衝入廚房攞俾我睇XXXXD...果真係一圈圈的~勁有台灣D大腸包小腸feel~食落味道也像~好可惜佢俾我影埋我番到黎上網查都唔知係咩XXXD有無識法文或者知道呢樣野既人好心話俾我知係咩XXXXD求賜教~題外話：呢單野係小氣事件簿黎架XXXXD...寫到呢度我突然諗起最近好過一間新口岸區大約開左一年既cafe....叫左個bagel幾好食既~旁邊D薯片我同毛寶都覺得隻味好熟...但諗極都諗唔起咩味道....於是店員收碟時讚讚個bagel質感幾好~同埋想問下個薯片係咩味道既薯片.....然後個店員同一個好似貌似高級少少既人煞有介事咁答：我地特登訂番黎架.....我：係呀~好好味呀~想問下係咩口味既薯片呀~好似平時有食開既口味但諗極都諗唔起咩口味~.....再答：我地特登訂番黎架......我：?XXXXD......只係閒話XD唔使咁緊張既XXD我問個口味又唔係問你特登訂既薯片咩牌子~






個crepe好味到我必須筆記一下~睇黎佢佛系開XXXD中午開兩小時...夜晚又開兩小時XXXXXD....你明唔明白無事前搵定又食到一樣新野好食野又唔貴係幾咁興奮!!!








食飽飽滿滿足足咁行出黎~望過另一邊~咦~乜咁岩呀~又係呢間連鎖手信店~食飽又行下囉~




呢間爆勁大間!






布列塔尼其實好出名cider同焦糖酒...我地今次換左商務係行李既重量上面係有買重野既條件....但我偏偏就係懶攞!我就係唔買!XXXD....毛寶買左下圖藍色~買左兩支~唔知佢係咪頂我唔順~佢攞到番澳門之後送左一支俾我~勝利~(呀不是






好多野賣~種類多好多~藍色既麵?XXXXXD













2023/05/06的開心事：
用幫兩個仔仔做應援既技巧幫蜆豬整左夾仔~
今日收貨覺得超靚~~~~~~~~



報告下買左邊度機票先~
睇左星宇航空超耐…..因為新航空公司未試過~
話哂精品航空喎!!!
(其實係台虎要買行李同時間勁差,回程朝早6點機回澳..搞乜??XXXD…3點出機場嗎??)
由最高水位4000幾蚊(剛開關)
到企硬左幾個月3400…..
直到之前手痕揾到…2500??
啱價位喇喎!!!
本身想生日去…點知手多望下聖誕節….
欸!!!!!也是一樣價呢!!!!!
我怎麼不跑一轉去台北過一個美食耶誕~
所以就……..



報時：距離法羅群島自駕丹麥嘆啡之旅仲有---13日~
報時：距離毛寶生日大阪之旅仲有---146日~
報時：距離東京富士山之旅仲有---217日~
報時:距離與3小妖台北聖誕美食之旅仲有---232日~
係~帶埋3隻小妖去~行行吃吃逛逛~
喂!!!大佬!!!唔夠兩個禮拜!!!
就黎要去法羅喇!!!!