全新飛行體驗法國布列塔尼自駕遊之旅2019-11-25第二天Part 2(陰天有毛毛雨)

3月27日....起身就做家務~老夫人煮牛尾湯米…Fika完繼續做….夜晚叫小炒外賣~~……3月28日…諗住佢落雷雨…中午無番屋企食…點知又唔算大雨XXXXD…..3月29日...鼓氣勇氣中午回家吃再寄埋信~俾郵局職員西眼我XXXXD因為我俾太多野佢做~後生仔...其實有時太無野做好悶架XXXD我聽日再黎搵你XXXXXD......3月30日…好開心呀~~買左好多新玩具俾仔仔XXXD…..仲買左個場景俾佢地~~….3月31日…下午無啦啦好肚餓XXXXD…緊急塞左兩包jagabee入口~~~…..4月1日….今日突然好多野做~~不過算啦~~我攞左星期一假連放4日~~放左工去左兄弟煲食龍蝦刺身~然後去食潤和制糖…..4月2日….驗完核酸去左食風雅廚…..然後去買菓子軒生日禮物…夜晚痴痴貢……4月3日…朝早帶左3隻小妖去行下熊貓館….其實開左咁耐我都係第二次去…今日啲熊貓超俾面!!!!3隻都見樣..一隻睡昏….仲見埋King Julien~~~~睇完就去MGM食葡餐~~….下午去探臭蜆加晚餐~~…..4月4日…呢日請左假~呢兩年好少4月就放假…中午去左JW個重開番個lounge試~之後買左杯冰滴再去竹灣曬下太陽~之後去玩具反斗城買Rummikub~夜晚痴痴貢…同毛寶玩Rummikub玩到不亦樂乎XXXD….4月5日…清明節假期…但我慣左唔正日去拜老豆~因為人多…反而成日留係屋企休息~….中午老夫人煮麵…fika後又同毛寶玩電子版RummikubXXXD….夜晚叫外賣~…..4月6日…放左4日假好舒服~….放左工決定今日乜家務都唔做~我要玩玩具~….4月7日….一起身勁頭痛….呆左成日…..4月8日….噚晚訓好耐先訓著…訓到5點幾痛醒左去食粒藥再訓…番工呆呆下…好不容易放工食先期待左幾日既japas…但係…er……..4月9日…朝早好早起左身..玩我哥堆新買既玩具XXD…等毛寶放工一齊去左念湯舍~再去single origin~再去buy and ship~再去探臭蜆~夜晚叫鐵餅號外賣~……4月10日…中午去驗完核酸就去左食沙北…再去同臭蜆玩…夜晚去同菓子軒慶祝生日~….4月11日…番工日順利~感恩~…4月12日….今日食左毛寶請我食既芝士火腿Bagel~好好味~....4月13日...呢幾日都唔知做乜咁攰XXXXD唔通又係濕重~但好開心~番埋聽日就放4日復活節假!加油!.....4月14日....勁爆多野做!放左工去食千笹~然後行左氹仔Barbie~…..4月15日…yeah~今日開始一連放4日復活節假~一早去左拜老豆~然後去食喜公館~再陪毛寶睇植物..再買咖啡去竹灣嘆…然後去食左間難食泰菜…再行澳門barbieXXXD….4月16日…起身中午食single origin~然後去驗核酸…再去Venetian行下…夜晚痴痴貢加魔力橋之夜~~…..4月17日…中午同左3隻小妖去飲茶…之後去左探臭蜆~夜晚去左同唯三大學同學慶生~~~……4月18日…臨時決定做家務..中午食外賣…下午做家務…夜晚又係外賣~聽日要番工了~…..4月19日…放左4日假...今日第一日番工多野做就預左~但今日有星球大戰就意想不到~....4月20日...由於噚日星球大戰牽連無辜小孩…即係我…做左成日肥貓…攰到隻積咁…….4月21日…今日我用食物麻醉工作既攰…朝早食芝士蛋包…中午食茶茶子…晚餐係台式滷味~~舒服哂~~~…..4月22日…好開心!!過埋今日下周就唔使做呢個崗位~~夜晚去左間飲野既地方食野…好開心食完一輪…發現價錢貴過正正經經去餐廳食XXD….4月23日…中午食左茶杯…然後睇月球隕落….夜晚痴痴貢~~…..4月24日…中午食Terra~~去探臭蜆~夜晚回家叫外賣吃~~….4月25日...番工日~算順利~幾好~好耐無試過坐全日機~好開心~~~做完運動先食晚飯~......4月26日…收到份好靚既giveaway~~~4月27日...喂!!今日中午放工終於去左郵局寄哂全部野!!!去買左包台式鹽酥雞慶祝(其實唔關事我本身想食XXD……4月28日…下午食飽飯番工眼瞓到癲左…..同啲客對望時對眼離左魂咁XXXD….4月29日….好多野做既星期五~救命~放左工去食海灣~好味~…..4月30日…老夫人牛一…帶左佢去茶杯~…之後去左睇鄧不利多~…夜晚食左御花園~



2019/11/25
Day 2---Part 2(法國,布列塔尼,雷恩 France,Bretagne,Rennes->聖米歇爾山 Mont-Saint-Michel->康卡勒 Cancale->迪納爾 Dinard)
好~離開聖米歇爾山喇~出發去呢個法國布列塔尼第二個重頭戲~天陰陰~路濕濕~擔心自己因間個重頭戲~

行行下又好天~我喜~




大約揸左9分鐘...開始睇到海邊喇喇喇喇~





泊左係公共露天停車場~入左兩個鐘幾鐘~先€3＝26.4hkd...感覺被澳門平XXXXXD㩒左飛放番係車入面擋風玻璃位~好睇d機可以咇信用卡俾錢XXXXD我都唔知去邊度搵散銀XXXXD




好喇好喇~行一小段路行去目的地~見到海邊喇~來到了康卡勒(Cancale)這個城市~





行行下見到...下!!!點解我地既目的地Hotel Le Continental無開既??我地唔係黎住...我地係要去佢既L’ormeau餐廳食布列塔尼好出名既咸草羊呀!!點解既?行埋去望又無寫裝修定seasonal close之類...奇!3年後既我仲未知發生緊咩事XXXXD但如果係成間酒店無開會唔會係執左?




喂...大佬呀...我好驚呀!我仲未食中午架!



唯有再向前行去我地原先既下一站...就係康卡勒既生蠔市場~~~喂~好彩有開咋!黎到呢度無得食生蠔我會崩潰XXXD...康卡勒可以話係全布列塔尼什至全法國既生蠔之都....以前皇室食既生蠔都係康卡勒直送凡爾賽宮~我今日仲唔係做一日國王?!XXXXXD....講就講生蠔市場....但其實係6檔...我地哥日去好似得4檔有開XXXXD






我地率先揀左呢檔濕濕個口先~但揀佢既原因係一個謎XXXD






我地決定揀呢種試試先~好似拼盤咁...有3款...咁檔主就推薦我地試中價位哥種....€11.5=101.2hkd...有6隻Huîtres Creuses同6隻Huîtres plates....介紹中價位...看來靠譜~呢度仲可以碌卡XXXD



wow~wow~wow~




然後檔主輕輕跟我地說：生蠔食完就將蠔殼拋落海~淨係還隻碟同叉俾我就好了~




揀個靚位坐坐先~







我好耐無見毛寶主動影咁多相~XXXXD





搵好靚位坐低~喂~我唔客氣喇~好好味呀~~~





食完就點呀~檔主叫我地拋落海呀~~我想講...我地黎布列塔尼係因為想當年睇左本雜誌介紹...呢度一食完D生蠔...請唔好客氣....一野拋落海~~我就係覺得好有型~好想點都黎一次~終於實現了夢想~~~成個海岸線好似好多頭皮咁XXXXD





系統默認許可既垃圾蟲呀XXXXXD~~~






實在太好食!!再黎另一檔試試!!





呢間都幾多唔同選擇~順便俾大家參考下價錢...係用50隻同100隻黎做單位XXXXD....D價錢係唔包開蠔價...50隻€21=184.8hkd!!!每隻係3.7hkd......我到底睇左D咩?No.1既Huîtres Creuses...12隻係€6.4＝56.3hkd...4.6hkd一隻.........我靜左....No.1喎!!!No.2都要€6啦!!唔得喇!!要多啲12隻濕濕個口佢!!





黎到布列塔尼你又點可以唔食Belon??No.000....€3＝26.4hkd....我暈喇...係澳門...食No.0已經要70-80蚊....我要食我要食!!真係大個毛寶手掌~





佢同我地講開蠔費係另計~咁梗係叫佢開埋啦~我諗緊到底要幾錢時...開14隻蠔係.......€1.5＝13.2hkd........14隻蠔加埋開工...總共€13.9＝122.3hkd....平到好離譜XXXXXD佢開開下行開去左斜路位...以為佢搞緊乜...喂!!隻Belon大隻到要借力開XXXXXXD仲要戴鐵手套保護手...呢13.2hkd真係抵俾~





一路等佢開蠔...一路睇住D蠔BB俾車運走~會唔會去澳門找我?






開好喇~辛苦哂~D陽光灑落黎真係好靚~





選個優美既環境用餐<3




銅蠔真係真係真係我好鐘意食既蠔!!!好好味呀~特愛佢獨特既礦物味~




好~等本小姐表演如何亂拋垃圾而不失優雅~用銅蠔殼試試~










你呢老爺~






食Belon到Huîtres Creuses....我覺得呢隻好食過頭先哥檔~XXXXD




再黎~用Huîtres Creuses好似拋得好睇D~~XXXXD







我都黎多個take~好靚呀個女仔~~~







走喇...依家睇番呢張相...我後悔...無食多幾隻銅蠔....




行番停車場哥邊時發現D生蠔車係經頭先無開哥間酒店條路..原來都幾窄幾難過~





毛寶既靚相~



呢次食左26隻蠔...才223.5hkd...平時呢個價...係澳門應該係6隻價...仲要唔好味...呢個就係原產地食既優惠~呢次算係世界級~但你話呢次係咪我最驚艷既一次....我好難比...因為呢次我覺得同今次係唔同風味...我都記左好耐好難忘；[...幾時可以再去?








毛寶有一天說：個遊記係咪要爛尾?我投資左餐飯架喎!
我：無無無~係慢少少je~



2022/04/30的開心事：
老夫人生日~
祝你生日快樂身體健康~