全新飛行體驗法國布列塔尼自駕遊之旅2019-11-24第一天Part 2(有霧及後天晴)

上上星期日…好早自然醒…起身抹窗…洗洗衣機筒….中午媽媽煮意粉..fika完吸塵….睇Netflix…訓晏覺…夜晚在家吃~…..上上星期一…今日天氣梅梅濕濕熱熱~人都心情差D~....上上星期二....頭有D微痛~今日又收左一大包順豐XXXXD好開心~....上上星期三...頭繼續痛...去左睇醫生...俾左兩日假我休息...除左頭痛仲肚痛；[.....上上星期四....終於一覺訓到大天光~仲好唔知醜咁訓到11點XXXXXXD....起左身媽媽買野我食...成日下午都係屋企行黎行去咁玩~成個人終於都舒服好多喇~我要好好迎接新年~....上上星期五...番工不算吃力~放工痴痴貢去左南湖明月團年~~….上上星期六….驗完核酸..去左MGM cotai既沙北…再去做左一堆野~夜晚痴痴貢~~~….上星期日…喂!年廿八一早起身洗邋遢~中午在家吃…fika完繼續洗邋遢~~夜晚去左小查理同姑媽團年~~…上星期一…年廿九~番半日工~估唔到既多野做…放左工去日麗同公子飲收爐茶~…夜晚同左媽媽去新故里團年~….上星期二…大年初一~~…新年快樂身體健康!!…係屋企食少少野跟住拜老豆…然後同舅父們係觀光塔飲下午茶~夜晚去左食齋~…..上星期三…年初二…一早同左毛寶去MGM Cotai飲東帝汶咖啡XXXD….然後番佢屋企食開年飯~然後番舅父屋企賭王群英會XXXD…竟然無輸贏~~~~…..上星期四...年初三….好舒服咁訓到10點幾~起身去食鼎泰豐~我仲成杯熱茶倒落自己身~我好叻~食飽飽買埋咖啡去探臭蜆~好掛住隻豬豬~....夜晚番屋企食~因為...聽日已經要番工~...上星期五.....今晚真係初四咁既樣番工XXXD….又凍又眼瞓XXXXD….好多野做~放工去左愛素食~……..上星期六…驗完核酸去左某cafe…之前去過一次都知自己唔會再去…但附近真係無野食開又泊好車唯有再食佢….點知食左一肚氣…….有時點解寧願行入酒店都唔幫襯小店就係咁解….價錢一樣野又唔係做得特別好…做乜唔行入酒店?(我呻下…我其實都會幫襯XXXD)…..之後去左探臭蜆…再去左同唯三大學同學食粵匠私廚食飯~~……星期日…訓到11點勁舒服…中午食阿完麵線…fika完今日唔做家務喪追彊屍校園!!!…..夜晚出左去同舅父食海灣….星期一….極爆多野做….中午留咗係公司食..因為有少少落雨~…..星期二….今日呀…一起身我發現自己生眼挑針XXXD….好痛…唔通我睇得泰仔多？XXXD…..星期三….好多好多野做呀XXD….做到我頭痛….到底啲小朋友幾時番學呀XXXXD…..星期四…一起身就極頭痛;(….呆下呆下咁番左成日工…..星期五…眼挑針仲係咁大XXXD…頂XXXD…同事以為我搽左eye shadowXXXD….放左工去食星皓千笹~….星期六…中午去左食卡夫卡....然後去驗核酸~去銀河買Aesop~夜晚食灃收~



2019/11/24
Day 1---Part 2(香港 Hong Kong->法國,巴黎 France,Paris->布列塔尼,雷恩 Bretagne,Rennes)
等左一陣就落得機~好快~喂~商務喎~...一落左機...就係閘口塞住左一陣...因為有D海關要望左護照先(?).....齋望咋喎...望完繼續向前行~

都算快過左海關~但等行李等左一陣~明明Business唔係快啲出既咩?!(我懷疑我太早drop offXXXXXXXD).....出左禁區~望下邊度搭車先~我就最驚巴黎機場D指示架喇XXXXD




D Terminal睇到我眼花XXXXD...跟住Ground Transport箭咀行啦~




上次我地同麥公子凱公子一齊去但佢地有事後到...得我同毛寶兩人出市區我記得我地搵得好辛苦先搵到搭車點架喎XXXD今次咁易搵到既~唔通我地多左幾年歷練係唔同D既~扶手電梯落去就係~




好啦~我地其實一早上網買左車飛架喇~我地唔留巴黎住~會直接係機場去不列塔尼既首府雷恩(Bretagne,Rennes)....如果無咩特別...係D自助機度印番出黎就ok架喇~但係....我地06:08到巴黎....由於我當初太驚太驚各種原因我會趕不上08:49呢班車(我腦入面諗既場景包括：飛機delay...海關好多人排要排個幾鐘...行李問題...唔識搵搭車點....如果以上加埋會用好多時間)....所以唯有揀下一班...而我地班車係13:48XXXXXXD(去到都16:14）....但依家先07:00XXXXD....咪仲有7個鐘先可以搭車?!係機場無咁多野做喎XXXXD唯有鼓起勇氣行去問下有無得改早一班XXXXD你知啦我連地方名都唔識讀XXXXXD.....攞左飛排到埋去：Here is SNCF~not TGV~TGV is oppocite side~....行番出門口睇....係喎XXXXXD妖XXXXD




喂!做乜TGV咁多人既!




咁呢~張飛呢我地係經TGV既官網買既~本身就咁自助機印就OK~但我地想問下有無改早D唯有排隊啦~最後係改到既....但係由於我地買既first class已滿...就要由First class變做second class先有位(無得退差價)....由於唔想等多5個鐘唯有都照改啦~雖然我勁唔想坐second class(根據以往經驗)....張飛一堆法文...比較要留意係...5211係班車號.....17係我地坐既車卡....74係我地既坐位號碼......唔好上錯入錯(以上資料如果我無記錯既話XXXXD)......我地由搭13:48改早左搭08:49~到達時間係11:17~班車時間同位置價錢都會有唔同...我地原先點幾哥班既First Class係€29=255.2hkd(每人)....好似未講~當時匯率大約8.8....即€1=8.8hkd.....




好啦~改左飛就去搵月台啦~




落到月台層...望下電視仔睇下邊個月台上車先~但係睇好耐遲遲未出邊個月台...就係睇藍色螢幕...我地係去Rennes~仲有10分鐘出發都仲未出月台我勁緊張...係咪我低能唔識睇?點知原來係delayXXXXXD




好啦~最後睇到係5號月台~




5號月台要再落多一層~




到左岩既月台仲要留意螢幕資訊...因為要睇月台之外仲要留意有無上錯車卡XXXXXD...我地搭去Rennes係TGV5211....而同一個月台仲有TGV5214係去Nantes.....我去要上既TGV5211係11至18車卡~而我地企既呢個螢幕位就係15到16車卡~咁要行前少少先我地係17車卡~由Aeroport CDG2去到Rennes中間仲會經過Marne La Vallee-Chessy~Massy TGV~Le Mans~




車到了~我地搵番17車卡先~第一樣我唔想坐Second Class既情況出現左喇~就係我要拉住個篋上2樓呀呀呀呀~好重呀~




拉行李上到二樓...第二樣我唔想見到既情況又出現埋.....一遍亂象XXXXXD對坐位仲要真係有人坐....如果係日本我ok...




算~我望窗XXXXXD....仲係矇矇地~開車喇~




我地由戴高樂機場直接搭TGV去不列塔尼既雷恩~大約係兩個半小時~




D霧好似散咁D喇~






突然出太陽添~~係咪鐘意我地呢~





影影下出面既景發現隔離哥個人靜哂...望下佢做緊咩...畫畫?





我問佢畫緊咩...佢話朗公子問佢係商務艙訓得好無喎...毛寶：訓得勁差...張櫈無辦法平躺...有野頂住腰...較極都唔好訓..........其實張圖都畫得好到位XXXXXXD...然後我地兩個都不約而同表示：我覺得econ張櫈好訓DXXXXXXXD....窮人即係窮人XXXXD....(係呢....你...個胸有咁大咩?!?!XXXXXD...同埋個頭哥度係鼻定咩?定表示緊你戴住cap帽訓?XXXXXXXD)




正係度笑緊之際發現好臭XXXXXXXD救命呀XXXXXD




經過又亂又臭既兩個半小時....我地到喇~大約11:16左右到達~






堅估唔到佢呢個站幾乾淨無臭味!同埋一上到去之後喜見大堂係北歐風木地板~對呢個地方既好感由此而生~





然後我地又演習聽日攞車~又行番落下兩層望望~一落去就見到一列租車公司~望到埋我地租哥間~放心哂~




好啦~行出車站去酒店喇~車站外觀~




然後毛寶好有型咁帶我行去酒店~原來你除左係泰仔~越南仔之外~仲係法仔~好有型~





查實毛寶揀左間同車站勁近既酒店~3分鐘就行到~




就係呢度喇~Campanile Rennes Centre-Gare....地址：FR, 35000, Rennes, 28 Avenue Jean Janvier.....




我地本身下午4點先到架嘛...訂房都係話4點先有房....但我地依家搭早左一班車黎...企到reception面前先11:30XXXXXXXD.....膽粗粗行入去試下先~點知佢超好~叫我地坐陣~話有間房執緊~執好左就俾左房我地先~太好喇~搭左成晚機成個人都好臭XXXXXXD(雖然上機前我先沖過涼XXXXD)....毛寶已經戴冷帽~因為真係凍XXXD...我無戴唔係我唔凍....好明顯我嫌我自己個頭lup同臭XXXXD所以唔想整臭頂帽XXXXD




大堂就係餐廳~但我地好窮~訂房無要埋早餐~




電視講緊唔知邊度落暴雨水浸；[...會唔會係呢個地區?




yeah~等左半個鐘就有房喇~我地經hotels.com訂房~呢間房既房價係534hkd一晚~每人267hkd~幾好呀~又近車站平平地都幾唔錯~最開心係12點就有房攞~可以沖個舒服涼~出面天氣凍~沖個熱水涼真心正~





沖左白白望出窗外面~個景都唔錯喎~










2022/02/12的開心事：
同毛寶一齊食灃收~
(重點：佢請既XXXXXD)