全新飛行體驗法國布列塔尼自駕遊之旅2019-11-24第一天Part 1(有霧及後天晴)

上上星期日......驗完核酸去左南湖明月同唯三大學同學飲茶~跟住約左D BWs交收應援物~再出去gorilla行陣街~夜晚痴痴貢~.....上上星期一...補假~起身媽媽買野俾我地食~成個下午係度睇孤獨的美食家~夜晚叫外賣~.....上上星期二…番工~都幾多野做~新既一年~新既開始~加油啦~~......上上星期三...無咩特別丫~番工番得幾開心~肚餓又有同事請我食零食~XXXD...我喜歡小確幸~......上上星期四….中午留左係公司食~….夜晚食飽飯做運動…成個月無做XXXD放大假丫嘛~….上上星期五….中午超級超級多野做…放工排隊去愛素食…點知巧遇麥公子一家!!痴痴貢一齊坐然後叫超多野食….食飽飽去睇月老….柯震東做得得好好~……上上星期六…驗核酸後去左食巴黎人法餐~~呢日買左一大堆野!!!!因為我唔想新年先同人迫超級市場….夜晚痴痴貢….上星期日…中午老夫人煮麵~fika後做家務….夜晚食外賣壽司!!!!…..上星期一…好彩番晏可以訓多一個鐘~中午去郵局寄野又遇到瓶頸XXXD….寄左20分鐘先寄得10份…敗走~下午有同事無番我要頂佢位勁忙..數野數到眼都花XXXXD….夜晚食飽飽好乖咁做運動~…..上星期二….中午又衝去郵局…我決定衝去總局寄加攞野…勁快搞掂…遇到個快手又好禮貌既職員…讚~……上星期三…救命XXXD…我今日上午全部遇到Kai人~~~kai到係我暫時職業生涯之~我想xx轉運XXXD…..上星期四…..今日番工遇到奇事…竟然俾blog友認得XXXD…好多謝你有睇我個blog~~(雖然我最近有啲懶~~俾毛寶話我呃飯食XXD)…..上星期五…..又突然疫情急轉直下…約好的公子生日宴都取消了;(….今日好攰…下午企左3個半鐘~….終於都周末了~上星期六….毛寶要番工…我去左郵局~極多人攞~~中午食左八分目…攞buy and ship…探臭蜆….驗核酸…夜晚痴痴貢~~其實我想出blog…但唔知點解Google upload唔到相…..上星期日…食完媽媽煮既中午….fika嘆souri~~…然後換床單洗抽油煙機….夜晚在家吃~…..星期一….我今日成日keep住肚餓XXXD…乜都想食….星期二....今朝獎自己食牛角包~中午同事們叫李家個韓餐set又令我留低~好好味~......好開心呀~夜晚見到upload到相喇~~寫blog去~~毛寶已經講左好多次我呃佢飯食XXXXXXD我要快D出blog塞住佢把口XXXXD.....星期三....今日番工唔算多野做~幾好~放工無飯食~食左叉燒燒肉飯~好味~....星期四....中午無飯食留左係公司跟同事叫dino漢堡…好味~~……星期五….番工順利~夜晚去左食韓燒~......星期六....晨早起身....我講既晨早....係8點幾XXXXXD驗完核酸...去左MGM既lounge食中午飯~都幾抵~再去寄順豐~再去買植物~再去飲多次啡XXXXD咁早起身真係好眼訓XXXD.......但係我又好似又再Upload唔到相~希望下次出到blog~



2019/11/24
Day 1---Part 1(香港 Hong Kong->法國,巴黎 France,Paris->布列塔尼,雷恩 Bretagne,Rennes)
今次飛gate 47~呢程係搭國泰航空既CX261班機00:05直飛法國巴黎~飛行時間13小時5分~hi~我地出發喇~

好開心呀~第一次行商務專用通道上機~~好開心~(查實我都有真金白銀俾過一次商務艙架XXXXD哥次係復活島飛番聖地牙哥XXXXD因為商務比經濟艙便宜XXXXD同埋都係同一入口登機)...原諒我為小事如此興奮忘型自我膨脹啦~我只係一個鄉下仔~

入到去喇~我揀既位好宜人呀~(又認屎認屁)....呢個空間係咪好先!人少少咁!




我地個位~





招積仔~如果人矮其實空間係幾夠既~間接話埋你矮(我無




伸直腳都未掂到對面...人矮真好(呀不是




拿拿拿~鄉下仔先會咁興奮影~




我成左年後既人生終於有一次長途機係坐到商務~終於有兩格窗...實在感動~國泰商務無鋪床服務...我以為就乜都無...原來電視下面有個位放左套櫈笠枕頭同被~我也覺得ok了~





一上機就叫左杯Oriental Breeze~好似酸梅湯...如果無水漱口飲完個口氣味會好酸XXXXXXXXD如果要我揀我會揀多杯Cathay Delight~(可惜當月機上無)




睇睇個位既設備先~華~非常舊既配置XXXXXXD




我真係要同大家研討一下呢個座椅控制先!...有3part可以控制前後高低...你會點㩒D制去控制坐住哥度前後郁?




我就不停㩒紅色點既位.....死命㩒...無反應!我心諗...唔係咁慘下嘛....10幾個鐘喎...商務喎...





我搞左好耐好耐....突然一下將個制向後"推"...下!郁喇!.....妖...原來係"推"唔係"㩒".....然後我好嬲向後同毛寶講：個制都低能既...邊個會係推唔係㩒呀?!.....毛寶：唔係呀..一睇就知喇喎......我：............點解你成日都將我既低能推向極致?XXXXD.....佢仲有個制係全平躺...另有個係一㩒就係回復起飛降落狀態....




咁窗旁仲有個小儲物櫃既...打開有支水..耳筒同過夜包~耳筒戴到人好痛....




枱係旁邊開出黎~都幾夠大~




襯起飛前睇埋過夜包先~





過夜包既外表我覺得一般~不過顏色都算係咁~內容物我覺得都幾實用~有Jurlique用都幾好~





原來仲有拖鞋~好好~而且係厚拖~更好~




餐牌當時轉左咁大張...好似睇報紙咁...我唔係幾buyXXXXXD...我覺得睇野食時好麻煩XXXXD擺旁邊又阻地方XXXXD...寧願正正經經睇小餐牌算XXXD不過我都勁留心睇左兩轉有乜食有乜飲XXXD




與我一步之隔既頭等(因為我揀左商務第一行坐)....我差少少就坐到架喇....我開頭以為佢hold住D位唔俾我換...點知真係賣左架XXXXXD




好啦~起飛喇~坐定定啦~





飛定左就可以反個mon出黎揀戲睇~系統非常舊~戲也舊~無乜想睇既戲~解像度也很低~(踩夠未XXXXXD)




我真係未踩夠XXXXD....我當時喜滋滋的諗住搵supper既歌係飛機商務艙上聽....一定別有一番風味.......點知.....無.........當時既代言人既大碟都無好唔俾面XXXD




然後就有空姐攞iPad物體過黎問我晚餐想食乜....網上評價國泰空姐D態度好差....但呢日真心唔覺~正常服務~幾有禮貌~叫左野食之後....見到聽朝早餐係自己剔紙仔架!....寫住剔好就勾係張櫈前面有個小勾....我睇得非常詳細自己要食咩...剔好而且飛定左之後我就即刻掛係哥個勾度....勁驚自己忘記無早餐食XXXXXXXXXD....有一次我去廁所發現張紙無啦啦跌左落地....我超勁驚同類事再發生令空姐見唔到我張早餐紙令我無得食早餐....然後我之後訓覺時不停留意住有無再跌落地下直至望到空姐收走張早餐紙XXXXXXXXD中式同西式早餐之間...我一定揀中式~話哂之後要食好多日西式野XXXXD




等左一陣就有野食~果然係坐商務第一行~我開左ANNA黎陪我食....上映時想睇~但無睇~好彩無俾錢去睇~係飛機睇最啱~




晚餐主菜可揀欖菜蒸銀鱈魚(?)....雲吞麵....烤牛柳....漢堡包........咁晚配搭...點都一定揀牛柳XXXXXXXD....蒸魚咪好腥?!......叫左香檳飲~好幸福呀~可以係飛機飲香檳~香檳係Billecart-Salmon Brut, Champagne, France, NV




網上常言道：千萬不要在機上點牛柳....一定難吃.......真心好食喎XXXXXXXD仲要生熟度岩我~可能我垃圾口~連埋個包食哂~(差在未食埋隻碟~





甜品時間我揀左芝士和鮮果...放棄了Movenpick...我真是一個好女孩~(其實我驚咁夜食雪糕會係機上賴屎)....依家睇相就心諗...叫乜唔叫多杯dessert wine喎XXXXD





餐後揀左飲杯熱茶~揀左我最愛既洋甘菊~(薄荷茶我也很愛~)...點知收好甜品碟之後...就亮起安全帶燈號...空姐匆匆走過黎同我交代等燈關了會即時送上我點的茶~之後就經過一個好震既氣流....等到燈熄左...就即刻送上熱茶~辛苦了~仲有粒朱古力~其實咁樣食下睇下飲下影下....已經飛左3個鐘XXXXXXD所以點解係頭等商務哥D時間會過得咁快~





飲飽食醉我就去左轉廁所刷牙洗面~準備訓覺覺~廁所沒有特別大~跟經濟艙一樣小~好有親切感~




刷好牙出黎~望下廚房位已經放左好多零食喇~~~好興奮~




呢D我一定攞!!陣間~





朱古力我沒有想吃XXXD只是想拍照XXXXD




出到黎個小朋友已經自己鋪好床喇~~好乖~咁黑見唔見到小朋友在那?XXXXD




好啦~我都鋪好床喇~訓喇~好興奮呀~平躺呀~長途機呀~下刪272127212721興奮的形容詞~.....但訓落去....咦...唔平既......頂住既...我望下毛寶...望下隔離既鬼佬....都訓得好安詳....係咪訓著就無事?......訓左一陣頂唔順....將張櫈調番去半坐訓既狀態黎訓XXXXXD....睇黎我習慣做窮人XXXXD




窮人訓不了商務艙~起左身~去下廁所~訓前毛寶同我講...另一邊個廁所大D...好~又參觀下XXXXXD係大D既...應該係俾傷健人士方便D用...華~唔夠訓都咁靚既~我訓左4個鐘左右~




訓唔著...我唯有叫個雲吞麵食~~我要試下囂囂張張咁係飛機試食雲吞麵~~~仲有3兜菜心...好有心~辣醬好好味~但其實個麵食落有D過咸XXXXD....再來洋甘菊~




call左死侍出黎陪我食雲吞麵XXXXXD隻衰手我次次睇次次笑到抽搐XXXXD





再行去後面攞零食XXXXXXD左邊哥個好食~但食完個口好臭~(因為有蒜味~)....




睇到死侍2就食早餐了XXXXXXXD




我揀左中式早餐~係咸雞肉粥配蔥油餅...呢個配搭應該無輸.....我好少早餐揀乳酪...又係驚賴屎XXXXD...要左鮮果~飲品要左熱啡....同埋八卦之下叫既冷壓果汁(青檸菠蘿梨汁)...喂~幾好飲~......




重點!!雞肉粥正常~但蔥油餅極度難食!!成口粉咁!食左一啖無食～




死侍1係衰手...死侍2係衰腳XXXXXXXD





臨落機先開始研究上網服務XXXXD咁姑寒架XXXXD頭等先免費!




係法國時間06:07到達巴黎(Paris)喇~準時~睇黎好大霧喎~









喂!我相信我下篇blog已經係虎年~~~
搶先係度祝大家:
新年快樂身體健康~
閤家平安虎虎生威~
心想事成恭喜恭喜~



2022/01/22的開心事：
今日安排左好多野俾自己做~
但全部都做得哂~
好開心~