全新飛行體驗法國布列塔尼自駕遊之旅2019-11-23第零天Part 1(天晴)

上星期日...諗住今日唔做家務就訓晏少少起身...點知同平時要做家務既星期日一樣早起身XXXD廢物的我...中午老夫人煮左阿宗麵線...fika完就寫下blog...成個下午隨心所欲真好~夜晚在家吃~懶洋洋真的好舒服~.....上星期一....好多好多野做呀~不過頂得住~因為我番埋下個星期就會放一個月大假喇~~~雖然無旅行去...已經係第二年大假無旅行去喇...；[.....飯後做運動~....上星期二...今日有個婆婆係我counter好大聲叫我哥哥...然後我話我係姐姐...然後佢聽唔到我重覆左三次XXXXXXD好老尷.....上星期三....頂...突然起身頭痛...衝去睇醫生...休息兩天....上星期四...一早起身飲完啡我就開始做家務~做做下仲餓到手震...中午老夫人買左和陽小日俾我食...食完再做....然後做運動....上星期五...厚多野做呀~~放左工去食味藏~~....上星期六.....驗左核酸...中午食左喜公館...又行ikea...夜晚去左探臭蜆~~~.....星期日...一早俾賽車聲嘈醒...一年一次...我忍你~...咁咪起身搞下仔仔啲野XXXD....中午食意粉...fika完做家務...晚上老夫人煎蝦碌~~~......星期一...救命...今日多野做到我胃痛...啲野樣樣趕住出...攰到我...夜晚食飽飯做完運動先精神番啲....星期二...訓到6點左右胃痛痛醒~早上食左個雞扒包呵番個胃~(其實雞扒包咁油唔係增加胃部負責咩?XXXXD...你無理...總之我好番XXXXXD)....好彩今日工作無咁多~~...星期三....今日唔算多野做..但最㢢係死機..啲野搞到亂糟糟.....搞到我好眼花XXD....星期四...少少頭痛...唔緊要!!頂住!!!番埋聽日!!!我放一個月大假!!!!!......星期五...好喇好喇~番埋今日工!都好彩今日工作日都算係順利既~係有D頭痛囉~放工就去左新濠影匯食pizza~番屋企時...同事send左個WhatsApp俾我....跛同Win套2gether戲會係UA上呀!!!!!!我直頭痴左線流左滴眼淚呀!我以為無機架喇!!得左喇我地!!呢個係送俾我一個月大假既最好禮物~....星期六..好早起身陪毛寶整野...食左個bagel做早餐~又幾好食~中午食真點心後又再忙...忙到夜晚...去左探臭蜆...我懷疑自己太攰...頭極痛~痛到番屋企嘔左兩次....



登登登櫈~你又再次估我唔到~你又以為我出食記~我就出個旅行blog~有無人期待~有啦~最少有一個人有XXXD因為哥個人冤左我好耐~然後又話寫前寫後都要請我食慶功宴XXXXD咁飯都食左一餐~無理由唔寫既~可~



2019/11/23
Day 0---Part 1(澳門 Macau->香港 Hong Kong)
點解係Day 0？點解係第零天?有無人留意到呀?XXXXXD...好無聊呀我XXXXXD....話實在...我地其實係11月24日凌晨機既~咁要提前去機場架嘛~咁梗係要早一日就出發啦~所以咪第零天囉~如果仲有人記得既話...我地呢次既旅行兩年前有提到...我同毛寶D亞洲萬里通有一批即將要到期~所以我地就把心一橫~決定一次過用哂哥D里數佢XXXXD.....因為我地儲里數都由始至終都係想換頭等....所以唔會碎濕濕咁換...因為如果飛日韓台我係澳門飛仲舒服....普通去歐洲既經濟艙都係幾千蚊....要換..就要換最高階既!....其實當時里數只係夠換單程頭等....我地都打算換去程...回程就窮L咁買單程經濟艙XXXXXD....但......當我地決定左要換頭等時...當時淨係放一張頭等出黎(睇左幾個禮拜都係)....send埋e mail去問話可摸耳兩個一齊等頭等...CS話可以...留左我地資料等...但當時都好耐無回覆....眼見日子一日日咁過....我再上網望下問毛寶：你想唔想降grade坐商務?....但可以坐來回XXXXD....點知毛寶答：好呀!.....然後我又再研究下D航班.....最後...我地就換左來回商務航班促成今次既旅行喇~好~我地一路出發住再一路講XXXXD



哈哈哈~為左要完全體驗今次呢個來回商務艙之旅~我決定唔坐機場船~唔要直入禁區....我要由check in就感受商務艙快感~XXXXXD....所以我地採用港珠澳大橋路線去香港機場~出發前一個月仲路線實習係我生日時去左一次迪士尼XXXXD等我地今次拉住gip搭港珠澳無咁緊張~我地請阿Sam車我地去港珠澳既澳門口岸~班機係凌晨...但我地前一日既下午2點半已經出左門口XXXD~謝謝Sam~

講完少少前設~又講番換機票先~本身其實我地D里數係夠哂換國泰航空來回直航商務機票...但我又好屎忽...心諗：用哂我D里數淨係試到國泰商務?(評語仲要好參差)...好浪費架喎...咁不如試下另一程換另一個航空公司咯~但係呢...如果其中一程換另一間航空公司呢?里數會用多D...咁我地就唔夠喇~差少少...但唔夠唔怕既XXXXD你可以買里數XXXXXXXXD(不過好似你D里數要有8成或以上先可以用錢買餘下既里數)...我問毛寶：不如...我地加少少錢買里數.....另一程試另一間航空公司商務咯~....毛寶：好呀~......係你先頂得順我D屎忽野~



上網查左我地想要既航班時間有位~就直接可以係亞洲萬里通既網站度直接換就可以了~都幾方便~又唔使等覆~我無記錯當時換國泰來回商務係120,000里...如果要換一程係其他航空公司就135,000里....咁都要俾番燃油附加費...航空公司附加費...同埋我地要補2,000里(USD60＝466.8hkd)...加加埋埋我地就俾左2,850.8hkd+135,000里.....就算要補購里數...我都只係俾左2,850.8hkd就可以來回坐商務...世界真奇妙~....咁里數我又唔使特登做D咩既...都係平時碌卡儲番黎~不過澳門儲里數既渠道真心係少同埋儲得無香港咁抵...我都係申請D澳門有里數儲既信用卡(大豐..BNU..ICBC)..另外有張美國萬通卡咁儲...之前AE卡最抵...因為碌澳門幣當外幣..都有4蚊一里(澳門其他卡最平應該都8蚊一里)...但AE卡壞處就係澳門唔係好多地方都碌到...大部份酒店都得...八佰伴得...除此之外...無!




我地係去程坐國泰直航去法國巴黎~(講左咁耐機票...有無人唔知我地呢個旅程其實係法國?XXXXXXD).....回程揀另一間航空公司要轉機咁番香港...其實國泰直航係吸引既...但更吸引我係可以試埋另一間航空公司商務~就算要轉機...我回程都仲要毒到兩班機都揀唔同機種去試呢間航空公司既商務XXXXD(都要冒險架~因為航空公司有可能因唔同原因而換另一機型架嘛~膽駁膽架咋我XXXXD).....而我揀選去程就坐國泰直航既原因....因為國泰主場係香港嘛~Lounge都吸引D啦~而國泰外站好似係同其他航空公司share lounge~感覺好迫~而我揀既另一航空公司當時係巴黎岩岩開左自家lounge!新簇簇的!而中轉站佢自己主場又係好評如潮~咁...我咁屎忽梗係識分配~今次都可以話係出發同回程都係嘆住~



好喇...到揀位問題~我換機票之前就已經做左少少功課~我地搭既呢程航班機型係Boeing777-300ER(過左咁耐..好舊啦依家)...咁其實上網睇番航空公司佢都會有哂機型俾你睇到~如果你係坐頭等就要揀1A或2A...因為1D同2D左邊係隔版..係右邊出入~所以你揀A等如有自己空間~(好明顯我當時已經為換頭等做左功課)..5.5然後Business係11行開始...直到26行.....




當時一睇到座位表...天呀...15行打後個空間好密密麻麻...感覺好嘈~你睇~11同12行小小空間得8個位...勁吸引!毛寶叫我揀中間一齊坐~佢話佢驚自己鄉下仔乜都唔識想同我一齊坐喎~然後我無理佢...果斷mark 11K同12K~XXXXXXXXXD...反魚骨~點都揀向窗~大個喇~俾番D空間你~點解揀K唔揀A?平時係因為計方位影日出...今次凌晨機加時差加飛既方向問題...我揀右邊既原因係.....右邊有格廁所大D囉XXXXXXXD...仲有多個攞野食位XXXXXXXD




再睇economy...我平時的人生~




如果再想知清楚D位有乜好有乜唔好...可以上SeatGuru輸入航班睇下你班機D位~當時上網睇就好似有人講話呢隻機型既商務千祈唔好揀15A....原因係旁邊係Galley會好嘈...重點係無窗XXXXD





又講完揀位...睇睇我出發時行李XXXXXXD已經塞到滿哂XXXXD...但可以執行李出發我感到好幸福~




阿Sam放低我地係澳門口岸~我地搭車車去香港喇~為左影相..我將舊行李推左俾體型比我瘦小的人XXXXXD(梗係咁...唔係點做技安呀我~)




$65可以單程去香港真心抵~但去機場同迪士尼會比較方便~如果去港島區活動既話我都會照樣俾貴啲坐船XXXXD




大約坐40-45分鐘已經見到飛機~(但仲要轉車既~)




好~入境~




其實...入左境之後...已經有一個咁樣既counter....其中4間航空公司已經可以係度check in...放低行李...但我個人又屎忽呀...我：我要體驗係香港機場既國泰商務counter check in~....毛寶：妖~....佢都係妖左一聲就陪我拉gip行出去XXXXXXD




好啦~一出就有巴士站~我地搭B4~7.5hkd~(唔知依家幾錢)...睇路線圖...搭一個站就係機場~





我就記得好快到既~唔係成日有得係禁區外出現架我地~我地成日搭機場船直入禁區~




人家國泰主場嘛~成行都係economy counter~成行都係Business~然後成行都係First~好有氣勢!




第一次有藍圈圈貼紙!!好感動!!天呀!!希望不是唯一一次(哭哭)...我舊行李16.1kg...少可毛寶重過我16.8kg~





超快既check in手續~(不過我都有online check in左先既~慌死人地唔俾我搭)....就攞到boarding pass同lounge invitation~國泰有好幾個lounge係香港機場...有D齋係商務lounge...有D係商務同頭等都係同一個入口(但入到去係分開)....張lounge invitation無限你入邊個商務lounge~你喜歡入邊個國泰商務lounge都得~(甚至係其他航空既聯盟成員都可以入~).....




我以為有得行特快通道...點知國泰business無得頭等有...香港航空既business就有...算囉~好彩人唔多~



入左禁區入lounge前~我好想行下Disney store~點知一入就見到佢~~




由於老夫人好鐘意玩tsumtsum(到依家都仲玩緊XXXXXD)...我覺得呢隻泡泡龍勁似佢XXXXD個鼻哥窿同佢勁似XXXXXD忍唔住出發前已經要買野~

講住咁多先~打咁多字好L攰XXXXXD...好耐無寫過旅行野~我依然長氣~








2021/11/27的開心事：
放一個月大假!!!
2gether the movie in Macau!!!
好興奮呀我終於可以睇到watine既愛情大結局!!!